ހާޓް އެޓޭކެއް ޖެހިގެން ޗައިނާގެ ކުރީގެ ޑެޕިއުޓީ ލީޑަރ ލީ ކެއިޖިއަންގް އަވަހާރަވެއްޖެއެވެ.

އިޤްތިޞާދީ މާހިރެއް ކަމުގައިވާ ކެއިޖިއަންގްއަށް ޗައިނާގެ ވެރިކަން ލިބިދާނެ ކަމަށް ގިނަ ބަޔަކު ޤަބޫލުކުރިއެވެ. ބަދަލުގައި ޗައިނާގެ ރައީސް ޝީ ޖިންޕިންގގެ ޑެޕިއުޓީއެއްގެ ގޮތުގައި މަސައްކަތްކުރަން ލިބިވަޑައިގެންނެވި ފުރުޞަތުގައި އޭނާގެ ސިޔާސަތުތައް ވަރަށް ބޮޑަށް އެކަހެރި ކުރި ކަމަށް ރިޕޯޓްތަކުގައި ފާހަގަކޮށްފައި ވެއެވެ.

ޕްރައިވެޓް ވިޔަފާރިތައް ފުޅާކުރުވައި ވަޒީފާ އިތުރުކޮށް ވިޔަފާރިވެރިންގެ ހާލަތު ރަނގަޅު ކުރުމަށް ކެއިޖިއަންގ ވައުދުވެ ވަޑައިގެފައިވާއިރު، ޗައިނާގެ ލީޑަޝިޕުން ދައުލަތުގެ ބާރުތައް އިތުރުކޮށް، ޓެކްނޮލޮޖީ އަދި އެހެނިހެން ސިނާއަތްތަކުގެ ކޮންޓްރޯލް ހަރުކަށިކުރިއެވެ.

1966 ވަނަ އަހަރުގައި ސިޔާސީ މައިދާނަށް ނުކުމެވަޑައިގެންނެވި ކެއިޖިއަންގ އަވަހާރަވީ ޚަބަރު އިވުމާއިއެކު ޗައިނާގެ މީސް މީޑިއާގައި ދައުރުވި އެ ޚަބަރަށް އެއް ގަޑިއިރު ތެރޭގައި އެއް ބިލިއަނަށްވުރެ ގިނަ ވިއުސް ލިބުނެވެ. އަދި މީހުން ކުރި ޕޯސްޓުތަކުގައި އޭނާގެ މަރުގެ ސަބަބުން ޗައިނާއަށް ވަރަށް ބޮޑު ގެއްލުމެއް ލިބިގެންދާނެކަމަށް ފާހަގަކޮށްފައި ވެއެވެ.

ޕްރެމިއާގެ މަޤާމުގައި ހުންނަވައިގެން ކެއިޖިއަންގް ވަނީ ކޮވިޑްގެ އާލަމީ ވަބާއިން ޗައިނާގެ އިޤްތިޞާދު ހީނަރުކަމުން ސަލާމަތްކުރުމުގައި ބޮޑު ދައުރެއް އަދާކުރަށްވާފައެވެ.

China's former deputy leader Li Keqiang has died after suffering a heart attack ⬇️ https://t.co/RctDrH5eW5

— Sky News (@SkyNews) October 27, 2023