އިންޑިއާގެ ކެރެލާގައި ބޭއްވި ދީނީ ހަފުލާއެއްގައި އެއްޗެއް ގޮވައިފިއެވެ.

މި ހާދިސާގައި އަންހެނަކު މަރުވެފައިވާއިރު، 5 މީހުންނަށް އެކިވަރުގެ ޒަޚަމްތައް ވަނީ ލިބިފައެވެ. މިއަދު މި ހާދިސާ ހިނގިއިރު އެހަފުލާގައި 2500 އަށްވުރެ ގިނަ މީޙުން ތިބި ކަމަށް ރިޕޯޓްތައް ބުންޏެވެ. މިއީ 3 ދުވަހަކަށް ބަހާލައިގެން ނަޞާރާ ދީނުގެ މީހުންނަށް ބާއްވާ ދަރުސް ބައްދަލުވުންތަކެކެވެ. މި ހާދިސާ ހިނގަން މެދުވެރިވީ ސަބަބު އަދި ދެނެގަނެވިފައި ނުވާކަމަށް ރިޕޯޓްގައި ބުނެފައި ވެއެވެ.

ހާދިސާގައި އަނިޔާވި 5 މީހުންނަށް ހޮސްޕިޓަލުގައި ފަރުވާދެމުންދާއިރު، އޭގެ ތެރެއިން 2 މީހެއްގެ ޙާލު ސީރިއަސްކަމަށް ރިޕޯޓްތައް ބުނެއެވެ.