ޚާން ޔޫނުސްއަށް އިޒްރޭލުން ދިން ހަމަލާއެއްގައި ޕަލަސްތީން ޓީވީގެ ނޫސްވެރިޔާ މުޙައްމަދު އަބޫ ޚައްތާބް ޝަހީދު ވެއްޖެއެވެ.

ޚައްތާބާއެކީ އިއްޔެ 11 މީހުން ޚާން ޔޫނުސުން މަރުވިއިރު، އޭގެ ތެރޭގައި އޭނާގެ އާއިލާގެ ހުރިހާ މެންބަރުން ހިމެެނެއެވެ. ޚައްތާބްގެ މަރު ރިޕޯޓްކުރަމުން އޭނާއާއި އެއްކޮށް މަސައްކަތްކުރި ނޫސްވެރިޔާ ސަލްމާން އަލް ބަޝީރް ވަނީ ލައިވް ކެމެރާ ކުރިމަތީގައި އޭނާ ލައިގެންހުރި ޕްރެސް ޖެކެޓާއި ހެލްމެޓް އެއްލާލައި އެއީ އެއްވެސް ބޭނުމެއް ރައްކާތެރިކަމެއް ނެތް އެއްޗެއްކަން ހާމަކޮށްދީފައެވެ.

BREAKING| Mohammed Abu Hatab, a Palestine TV correspondent, was killed, along with members of his family, in an airstrike on his home in Khan Yunis, southern #Gaza. pic.twitter.com/gu2NusFjtA

— PALESTINE ONLINE 🇵🇸 (@OnlinePalEng) November 2, 2023

"މިވަރުން ފުދިއްޖެ. އަހަރެމެން މިއީ އަނިޔާ ލިބެމުންދާ ބައެއް. އެކަކަށްފަހު އަނެކަކު ޝަހީދުވަނީ. އަަހަރެމެން ޣައްޒާގައި ކެތްކުރަމުންދާ ޙާލަތަށް ނުވަތަ އަހަރެމެންނާއި ދެކޮޅަށް ހިންގާ ޖަރީމާއާއި ދޭތެރޭ އެކަކުވެސް އަޅައެއްނުލާ. އެއްވެސް މީހަކަށް ނުވަތަ އެއްޗަކަށް ނެތް ރައްކަލެއް. ނޫސްވެރިއެއް ކަން އަންގަން އަޅައިގެން ހުރި ޖެކެޓާއި ހެެލްމެޓް އެއީ ބޭކާރު ރަމްޒެއް. އަހަރެމެން މިއީ މަރު ގާތްވެފައި ތިބި މަރަށް އިންތިޒާރުކުރާ ބައެއް." ވަރަށް އަސަރާއިއެކު ރޮމުން ލައިވް ކެމެރާ ކުރިމަތީގައި ނޫސްވެރިޔާގެ އިހުސާސްތައް ބަންޑުން ކޮށްލިއެވެ.

Every journalist in the world needs to stand up and show their solidarity. If this was a white or Western journalist, this video would be all over our screens.@PalestineTV journalist Mohammad Abu Hattab was killed with his family in an Israeli airstrike.

His colleague… pic.twitter.com/qFHhoodxs9

— AHMED | أحمد (@ASE) November 2, 2023

ފަލަސްތީނުގެ ނޫސްވެރިންގެ ޔޫނިއަނުން ބުނީ އޮކްޓޯބަރު މަހުގެ ހަތް ވަނަ ދުވަހުން ފެށިގެން ޣައްޒާގައި ތިބި އެ ޔޫނިއަންގެ 27 މެމްބަރުން ޝަހީދުކޮށްލާފައިވާ ކަމަށެވެ.

އިޒްރޭލުން ދެމުންގެންދާ ހަމަލާތަކުގައި މިހާތަނަށް 35 އަށްވުރެ ގިނަ ނޫސްވެރިން ވަނީ ޝަހީދުވެފައެވެ.