ރޫސީވިލާތުގައި އަށް ހާސް މިސްކިތް ބިނާކުރުމުގެ މަޝްރޫޢެއް ހިންގަމުންދާ ކަމަށް އެގައުމުގެ ރައީސް ވްލާޑްމިއަރ ޕޫޓިން ވިދާޅުވެއްޖެއެވެ.

މުފްތީ ކައުންސިލާއިއެކު ބޭއްވި ބައްދަލުވުމެއްގައި ވާހަކަފުޅު ދައްކަވަމުން ޕޫޓިން ވިދާޅުވީ އެމަނިކުފާނުގެ ވެރިކަމުގައި ރޫސީވިލާތުގައި 8000 މިސްކިތް ޤާއިމުކުރުމުގެ މަސައްކަތް ކުރަމުންދާ ކަމަށް އަރަބި އިސްލާމީ ލީޑަރުން އަރިހުގައި ވިދާޅުވުމުން، އެބޭފުޅުންނަށް އެކަން ޤަބޫލުފުޅުކުރައްވަން ދަތިފުޅުވި ކަމަށެވެ. ޕޫޓިން ވިދާޅުވީ މިސްކިތް ބިނާކުރުމުގެ މަސައްކަތް ހުއްޓުމެއްނެތި ކުރިޔަށް ދާނެކަމަށެވެ.

Russian President Vladimir Putin said that 8 thousand mosques have been built in Russia and promised to continue their construction.

“When I talk to my friends and colleagues from Arab countries, they don’t even believe: how much? I say: thousands, 8 thousand. They don’t even… pic.twitter.com/b4vD1SBpau

— S p r i n t e r X (@SprinterX99880) November 3, 2023

"މިސްކިތް ގާއިމުކުރުމަކީ ޤައުމަށް މުހިންމުކަމެކޭ ބުނުމުން އެބޭފުޅުން (އަރަބި ލީޑަރުން) އެކަން ޤަބޫލުކުރައްވާ." ޕޫޓިން ވިދާޅުވިއެވެ.



ރޫސީވިލާތުގައި ދިރިއުޅޭ 146 މިލިއަން މީހުންގެ ތެރެއިން 20 މިލިއަން މީހުންނަކީ މުސްލިމުން ކަމަށް މުފްތީ ކައުންސިލުން މަޢުލޫމާތުދީފަވެއެވެ. އެހެންކަމުން، ރޫސީވިލާތުގައި އެތައްހާސް އިސްލާމީ މަދަރުސާތައް ޤާއިމުކޮށްފައިވާ ކަންވެސް އެކައުންސިލުން ފާހަގަކުރެއެވެ.