އިޒްރޭލުން ޣައްޒާ ސިޓީގެ މެދުގައި އޮންނަ އަލްމަގްހަޒީ ރެފިއުޖީ ކޭމްޕަށް ހަމަލާދީ، 30އަށްވުރެ ގިނަ މީހުން ޝަހީދުކޮށްލައިފިއެވެ.

ހެލްތު މިނިސްޓްރީން ނެރުނު ބަޔާނެއްގައި ބުނެފައި ވަނީ ހޮނިހިރު ދުވަހު ވައިގެ މަގުން ދިން ހަމަލާގެ ޝިކާރައަކަށް ވެފައިވާ އަލްމަގްހަޒީ ކޭމްޕްގެ މީހުން ފަރުވާދޭން ގެންގޮސްފައިވަނީ ދެއިރުލްބާލާގެ އަލް އަގްސާ ޝަހީދު ހޮސްޕިޓަލަށް ކަމަށެވެ.

More than 30 people have been killed as Israel’s military has bombed al-Maghazi refugee camp in central Gaza, according to Palestinian officials https://t.co/kIj7A24Lb0 pic.twitter.com/xCng3py0T7

— Al Jazeera English (@AJEnglish) November 5, 2023

މިއީ ޖަބަލިއްޔާ އަދި ބުރެއިޖް ރެފިއުޖީ ކޭމްޕްތަކަށް ހަމަލާ ދިނުމަށްފަހު އިޒްރޭލުން ހަމަލާ ދިން ޣައްޒާގެ ތިންވަނަ ރެފިއުޖީ ކޭމްޕެވެ. ވައިގެ މަގުން ދިން އެ ހަމަލާތަކުގައި 300 އަށްވުރެ ގިނަ މީހުން ޝަހީދުވެފައި ވެއެވެ.

އިޒްރޭލުން ހަމާސް ނައްތާލުމުގެ ނަމުގައި ހަނގުރާމަ ފެށިފަހުން ޣައްޒާގައި ފަލަސްތީނުގެ 9،488 މީހުން މަރުވެފައިވާ ކަމަށް ފަލަސްތީންގެ ސިއްހަތާއި ބެހޭ ވުޒާރާއިން ބުނެއެވެ.

7 އޮކްޓޫބަރުން ފެށިގެން އިޒްރޭލުގެ އަނިޔާޥެރިކަން އިންތިހާއަށް ގޮސްފައިވާއިރު އެކަމަށް ހިތްވަރުދޭ އެމެރިކާގެ ރައީސް ޖޯ ބައިޑަން ވަނީ ޙާލުގައި ޖެހިފައިވާ މީހުންނަށް އެހީ ފޯރުކޮށްދިނުމަށް ހަނގުރާމަ މެދުކަނޑާލުމަށް އެދިފައެވެ. އެހެން ނަމަވެސް، ހަމާސްއިން ރަހީނުކުރި އިޒްރޭލުގެ 240 މީހުން މިނިވަން ނުކުރަނީސް ހަނގުރާމަ ނުހުއްޓާނެ ކަމަށް އެޤައުމުގެ ބޮޑުވަޒީރު ބެންޖަމިން ނަތަަންޔާހޫ ވަނީ ވިދާޅުވެފައެވެ.