އިންޓަނޭޝަނަލް ރެޑް ކްރޮސްއިން ފޮނުވި އެހީގެ ގާފިލާތަކަށް އަމާޒުކޮށް އިޒްރޭލުން ހަމަލާދީފި ކަމަށް ފަލަސްތީންގެ ރެޑް ކްރެސެންޓް (ޕީއާރްސީ) އިން ބުނެފިއެވެ.

ރެޑް ކްރޮސްއާއި ހަވާލާދީ އަލްޖަޒީރާއިން ރިޕޯޓްކޮށްފައިވާ ގޮތުގައި ބޭސްފަރުވާގެ ސާމާނުތައް އުފުލަމުންދިޔަ އެހީގެ 5 ގާފިލާގެ ތެރެއިން 2 އުޅަނދަކަށް އިޒްރޭލުން ވަނީ ހަމަލާދީފައެވެ. މި ހަމަލާގައި އޭގެ ތެރެއިން އެއް އުޅަނދު ދުއްވި މީހަކު ޒަޚަމްވި ކަމަށް އެ ޖަމިއްޔާއިން ބުނެފައި ވެއެވެ.

7 އޮކްޓޫބަރުން ފެށިގެން އިޒްރޭލުން ދެމުންގެންދާ ހަމަލާތަކުގައި މިހާތަނަށް ފަލަސްތީންގެ 10،328 މީޙުން ޝަހީދުވެފައި ވެއެވެ. އޭގެތެރޭގައި ގިނައީ ކުޑަކުދިންނެވެ.