އިޒްރޭލުގެ ޖަލުތަކުގައި ނުހައްޤުން ހައްޔަރުކޮށްގެން ގެންގުޅޭ ފަލަސްތީނުގެ ކުޑަކުދިންނާ އަންހެނުންގެ ތެރެއިން ބައެއް މީހުން މިނިވަންކުރުމަށްފަހު އިތުރު މީހުން ހައްޔަރުކުރަމުންދާ ކަމަށް ރިޕޯޓްތައް ބުނެފިއެވެ.
އިޒްރޭލާއި ހަމާސްއާއި ދެމެދު ވަނީ ހަތަރު ދުވަހަށް ހަނގުރާމަ މެދުކަނޑާލައި އިޒްރޭލުން އަސީރުކޮށް އެޤައުމުގެ ޖަލުތަކުގައި ހައްޔަރުކޮށްފައި ތިބި ފަލަސްތީނުގެ މީހުން މިނިވަންކުރުމަށް އެއްބަސްވުމެއް ހަދާފައެވެ. މިއަދަކީ މި އެއްބަސްވުމަށް އަމަލުކުރާ ފަހު ދުވަހެވެ.
މި ހަތަރު ދުވަހު، އިޒްރޭލު ޖަލުތަކުން ވަކިވަރަކަށް މީހުން މިނިވަންކުރަމުންދާ ވަރަކަށް ހަމާސްއިން އިޒްރޭލުގެ ބިމުން ރަހީނުކުރި މީހުން މިނިވަންކުރުމަށް ވަނީ އެއްބަސްވެފައެވެ.
މިއެއްބަސްވުމުގެ ދަށުން ބައެއް މީހުން މިނިވަން ކުރުމަށްފަހު ފަލަސްތީނުގެ ހުޅަނގު އައްސޭރިން ރޭގެ ވަގުތެއްގައި މީހުން ހައްޔަރުކޮށްފައިވާ ކަމަށް ރިޕޯޓްތައް ބުނެއެވެ. އޭގެ ތެރޭގައި ގިނައީ މީގެ ކުރީގައި ޖަލަށް ލާފައިވާ މީހުންނެވެ. އަދި މީގެތެރޭގައި ގިނަ އަދަދެއްގެ ކުޑަކުދިންވެސް ހައްޔަރުކޮށްފައި ވެއެވެ.
ރޭ އެކަނިވެސް ފަލަސްތީނުގެ ހުޅަނގު އައްސޭރިން 60 އަށް ވުރެ ގިނަ މީހުން އިސްރާއީލުގެ ސިފައިން ވަނީ ހައްޔަރުކޮށްފައެވެ.
އޮކްޓޯބަރު މަހުގެ ހަތް ވަނަ ދުވަހުން ފެށިގެން އިސްރާއީލުގެ ސިފައިން ހިފާފައިވާ ފަލަސްތީނުގެ ހުޅަނގު އައްސޭރިން 3،000 އަށް ވުރެ ގިނަ މީހުން ހައްޔަރުކޮށްފައިވާ ކަމަށް ރިޕޯޓްތައް ބުނެއެވެ.
އިޒްރޭލުން މި ހަތަރު ދުވަހު ޣައްޒާގެ ދެކުނަށް ހަމަލާ ނުދިނަސް، އެޤައުމުގެ އަސްކަރިއްޔާއިން ފަލަސްތީނުގެ ހުޅަނގު އައްސޭރިން މީހުން ޝަހީދުކުރުން ހުއްޓާލާފައެއް ނުވެއެވެ. އަދި ގެދޮރު ދޫކޮށް ގޮސްފައިވާ މީހުންގެ ތެރެއިން ޣައްޒާގެ އުތުރުގެ ގެދޮރަށް ވަންނަން ދިޔަ މީހުންނަށް ހަމަލާ ދީ ބައެއް މީހުން ޝަހީދުކޮށްފައިވާ ކަމަށް މީޑިއާތަކުން ރިޕޯޓްކޮށްފައި ވެއެވެ.
މި ހަތަރު ދުވަހު، އިޒްރޭލު ޖަލުތަކުން ވަކިވަރަކަށް މީހުން މިނިވަންކުރަމުންދާ ވަރަކަށް ހަމާސްއިން އިޒްރޭލުގެ ބިމުން ރަހީނުކުރި މީހުން މިނިވަންކުރުމަށް ވަނީ އެއްބަސްވެފައެވެ.
މިއެއްބަސްވުމުގެ ދަށުން ބައެއް މީހުން މިނިވަން ކުރުމަށްފަހު ފަލަސްތީނުގެ ހުޅަނގު އައްސޭރިން ރޭގެ ވަގުތެއްގައި މީހުން ހައްޔަރުކޮށްފައިވާ ކަމަށް ރިޕޯޓްތައް ބުނެއެވެ. އޭގެ ތެރޭގައި ގިނައީ މީގެ ކުރީގައި ޖަލަށް ލާފައިވާ މީހުންނެވެ. އަދި މީގެތެރޭގައި ގިނަ އަދަދެއްގެ ކުޑަކުދިންވެސް ހައްޔަރުކޮށްފައި ވެއެވެ.
ރޭ އެކަނިވެސް ފަލަސްތީނުގެ ހުޅަނގު އައްސޭރިން 60 އަށް ވުރެ ގިނަ މީހުން އިސްރާއީލުގެ ސިފައިން ވަނީ ހައްޔަރުކޮށްފައެވެ.
އިޒްރޭލުން މި ހަތަރު ދުވަހު ޣައްޒާގެ ދެކުނަށް ހަމަލާ ނުދިނަސް، އެޤައުމުގެ އަސްކަރިއްޔާއިން ފަލަސްތީނުގެ ހުޅަނގު އައްސޭރިން މީހުން ޝަހީދުކުރުން ހުއްޓާލާފައެއް ނުވެއެވެ. އަދި ގެދޮރު ދޫކޮށް ގޮސްފައިވާ މީހުންގެ ތެރެއިން ޣައްޒާގެ އުތުރުގެ ގެދޮރަށް ވަންނަން ދިޔަ މީހުންނަށް ހަމަލާ ދީ ބައެއް މީހުން ޝަހީދުކޮށްފައިވާ ކަމަށް މީޑިއާތަކުން ރިޕޯޓްކޮށްފައި ވެއެވެ.
ކިޔުންތެރިންގެ ހިޔާލު