ހަނގުރާމައިގެ ނާމާންކަން ފެތުރިފައިވާ ޣައްޒާގެ ކުޑަކުދިންތަކެއް ދުނިޔޭގެ އެހީއަށް އެދި އާދޭސްކުރަމުންދާ ވީޑިއޯއެއް ގިނަ ބައެއްގެ ސަމާލުކަން ހޯދަައިފިއެވެ.

އަލްޖަޒީރާއިން ދައުރުކުރި މި ވީޑިއޯގައި އެކުދިން ވަނީ "އަހަރެމެން މިއީ އަމިއްލަ ދަރިން ކަމަށް ވިސްނާ" އެހީތެރިވެދިނުމަށް ދުނިޔޭގެ ކިބައިން އެދިފައެވެ. އެވީޑިއޯގައި ވާހަަކަދެއްކި ކުޑަކުދިން ވަނީ އެކުދިންގެ ގެތަކަށް އަނބުރާ ދާން ބޭނުންވާ ކަމަށާއި މިހާރު ދިރިއުޅެނީ ވަރަށް ހިތްދަތި ދިރިއުޅުމެއް ކަމަށް ބުނެފައެވެ. އަދި ދުނިޔޭގެ އެހެން ކުދިން ގޮތަށް އަމާން ހަޔާތަކަށް ފަލަސްތީން ކުދިންވެސް އެދޭ ކަމަށް އެކުދިން ބުނެފައި ވެއެވެ.

“Consider us your children and support us."

A group of Palestinian children in Gaza have sent sincere messages to the world pleading for an end to Israel's war on the besieged enclave so they can return to the homes they were forcibly displaced from ⤵️ pic.twitter.com/IXw8Z4bOTt

— Al Jazeera English (@AJEnglish) December 10, 2023

"ފަލަސްތީނަށް އަރަބިން ތާއީދުކޮށްދީ. ވީހާވެސް އަވަހަށް ހަނގުރާމަ ހުއްޓުމަށް އަހަރެމެން އެދެން. ފުދިއްޖެ މި ވަރުން، އުތުރުން ފެށިގެން ދެކުނަށް ޣައްޒާގައި ނެތް ބޮމުގެ ހަމަލާތައް ނާންނަ އަމާން އެއްވެސް ސަރަހައްދެއް." ވީޑިއޯގައި ވާހަކަދެއްކި ކުޑަކުދިން ބުނެފައި ވެއެވެ.

އެކުދިން ވަނީ އަންނައުނާއި ކެއުން ބުއިމުން މަހުރޫމްވެފައިވާކަން ފާހަގަކޮށްފައެވެ.

އިޒްރޭލުގެ އުދުވާނީ ހަމަލާތަކުގައި އެންމެ ބޮޑު ޝިކާރައަކަށްވެފައިވަނީ ޣައްޒާގެ އާބާދީގެ ދެބައިކުޅަ އެއްބައި ތަމްސީލުކުރާ ކުޑަކުދިންނެވެ. އެގޮތުން، 7 އޮކްޓޫބަރަށްފަހު އިޒްރޭލުން ދެމުންގެންދާ ހަމަލާތަކުގައި މިހާތަނަށް ޝަހީދުވީ ފަލަސްތީންގެ ކުޑަކުދިންގެ އަދަދު ވަނީ 10،000 އަށް އަރާފައެވެ.