ފަލަސްތީންގެ ޣައްޒާގައި އިޒްރޭލުން ހިންގަމުންދާ ހަނގުރާމަ ހުއްޓާލުމަށް އދ. އަށް ހުށަހެޅި ގަރާރު ފާސްކޮށްފިއެވެ.

ގަރާރު ފާސްކުރަން 153 މެމްބަރުންގެ ބޮޑު އަޣުލަބިއްޔަތަކުން ތާއީދުކުރިއިރު 10 މެންބަރުން އެކަމަށް ދެކޮޅު ހަދާފައި ވެއެވެ. އަދި 23 މެންބަރުން ވޯޓުގައި ބައިވެރިވެފައެއް ނުވެއެވެ.

BREAKING: UN General Assembly ADOPTS resolution demanding immediate humanitarian ceasefire in Gaza, as well as immediate and unconditional release of all hostages

FOR: 153
AGAINST: 10
ABSTAIN: 23

LIVE COVERAGEhttps://t.co/ZqtRtIawGx pic.twitter.com/rAdk8BEmDL

— UN News (@UN_News_Centre) December 12, 2023

ހަނގުރާމަ ހުއްޓުވުމުގެ އިތުރަށް ހަމާސްއިން 7 އޮކްޓޫބަރުގައި އިޒްރޭލުގެ ބިމުން ރަހީނުކުރި މީހުން ދޫކޮށްލުމަށްވެސް މި ގަރާރުގައި ގޮވާލާފައި ވެއެވެ.

އިއްޔެ މި ވޯޓަށް އަހާފައި މިވަނީ އދ.ގެ ސަލާމަތީ މަޖިލީހުގައި ނިމިދިޔަ ހުކުރު ދުވަހު ފާސްކުރަން އުޅުނު ގަރާރު އެމެރިކާއިން ވީޓޯކޮށްފައިވަނިކޮށެވެ. މި ގަރާރު އދ. މަޖިލީހަށް ހުށައެޅީ އިޒްރޭލުން 7 އޮކްޓޫބަރަށްފަހު ދެމުންގެންދާ ހަމަލާތަކުގައި 18،000 އަށްވުރެ ގިނަ ފަލަސްތީން ރައްޔިތުން ޝަހީދުވެފައިވަނިކޮށެވެ.