އިންޑިއާ ސަރުކާރުން ނޫސްވެރިންނަށް ޖާސޫސްކުރާ ކަމަށް އަލްޖަޒީރާއިން ރިޕޯޓްކޮށްފިއެވެ.
އަލްޖަޒީރާއިން ރިޕޯޓްކޮށްފައިވާ ގޮތުގައި އިންޑިއާ ސަރުކާރުން ވަނީ ނަން މަޝްހޫރު ނޫސްވެރިންނަށް ޖާސޫސްކުރަން ބޭނުންކުރާ ވަރުގަދަ ސޮފްޓްވެއަރއެއް ކަމުގައިވާ ޕެގަސަސް ސޮފްޓްވެއަރ ބޭނުންކޮށްފައެވެ. މިކަން ހާމަވެފައިވަނީ އެމްނެސްޓީ އިންޓަނޭޝަނަލް އާއި ވޮޝިންގޓަން ޕޯސްޓުން ކުރި ތަހުގީގަކަށްފަހުއެވެ. ނޫސްވެރިންގެ އިތުރަށް އިންޑިއާގެ ބައެއް ސިޔާސީ މީހުންވެސް ވަނީ މި މިކަމުގެ ޝިކާރައަކަށްވެފައެވެ.
"އިންޑިއާގެ ނޫސްވެރިން ވަނީ ޖާސޫސްކުރުމުގެ އިތުރަށް ފުރައްސާރައާއި ބިރުދެއްކުމާއި ޖަލު ހުކުމްތަކަށް ހުށަހެޅިފައި." އެމްނެސްޓީއިން ބުނެފައި ވެއެވެ.
ޕެގަސަސްއަކީ އިޒްރޭލުގެ ކުންފުންޏެއް ކަމުގައިވާ އެންއެސްއޯއިން އުފެއްދި ސޮފްޓްވެއަރއެކެވެ. ޕެގަސަސްގެ ޒަރީޔާއިން މީހުންގެ ފޯނަށް އަންނަ މެސެޖްތަކާއި އީމެއިލް، ފޮޓޯތައް ބެލުމަށް މަގުފަހިކޮށްދެއެވެ. އަދި ވަގަށް ފޯންކޯލްތައް އަޑުއެހުމާއި، ލޮކޭޝަން ޓްރެކްކުރުމުގެ އިތުރަށް ފޯންގެ ވެރިފަރާތަށް ނޭނގި ފޯންގެ ކެމެރާ ހެކްކޮށްގެން ފިލްމު ކުރުމުގެ ކުޅަދާނަކަންވެސް މި ސޮފްޓްވެއަރއަށް ލިބިގެންވެއެވެ. އެންއެސްއޯއިން މި ސޮފްޓްވެއަރ ވިއްކަނީވެސް ގައުމުތަކުގެ ސަރުކާރުތަކަށާއި ސެކިއުރިޓީ އެޖެންސީތަކަށް އެކަންޏެވެ.
މި އަހަރުގެ އޮކްޓޫބަރ މަހުގައިވެސް ކޮރަޕްޝަނާއި ދެކޮޅަށް މަސައްކަތްކުރާ ނޫހެއްގެ އެޑިޓަރެއް ކަމުގައިވާ އާނަންދް މަންގްނާލޭއާއި ދެކޮޅަށް މި ސޮފްޓްވެއަރ ބޭނުންކޮށްފައިވާ ކަމުގެ ހެކިތައް އެމްނެސްޓީއިން ހޯދާފައި ވެއެވެ. އާންމުކޮށް ހެކް ކުރުމަށްޓަކައި ޖާސޫސީ ސޮފްޓްވެއަރތަކުން ފޯނަށް ނުވަތަ ސިސްޓަމަށް ފޮނުވަނީ ލިންކްއެކެވެ. އެއާއި ޚިލާފަށް އާނަންދްގެ އައި ފޯނަށް މި ސޮފްޓްވެއަރއިން ފޮނުވާފައިވަނީ "ޒީރޯ ކްލިކް އެކްސްޕްލޮއިޓް" އެކެވެ. ޒީރޯ ކްލިކް އެކްސްޕްލޮއިޓްއެއް ފޮނުވުމުން ލިންކް ނުހުޅުވިޔަސް، ޖާސޫސްކުރަން ބޭނުންވާ ސްޕައިވެއާ ފަސޭހަކަމާއިއެކު އިންސްޓޯލް ކުރެވޭނެއެވެ.
އެޕަލް ކުންފުނިން ވަނީ އެ ކުންފުނީގެ ސިސްޓަމް ބޭނުންކުރާ އެތައް ކަސްޓަމަރުންނަށް މި އަހަރުގެ އޮކްޓޫބަރ މަހުގައި ތްރެޓް ނޮޓިފިކޭޝަންސްތައް ފޮނުވާފައެވެ. އެޕަލްއިން ބުނީ ހެކް ކުރުމުގެ ސޮފްޓްވެއަރތައް ގިނައިން ބޭނުންކޮށްފައިވަނީ ސަރުކާރުތަކުން ކަމަށެވެ.
އިންޑިއާގެ ބޮޑުވަޒީރު ނަރެންދްރާ މޯދީގެ ޒައާމަތުގައި ވޯލްޑް ޕްރެސް ފްރީޑަމް އިންޑެކްސްގައި އިންޑިއާ މިވަގުތު އޮތީ 161 ވަނައިގައެވެ. މޯދީ ބޮޑުވަޒީރުކަމަށް ވަޑައިގަތުމުގެ ކުުރިން އިންޑިއާ އޮތީ އެ އިންޑެކްސްގެ 151 ވަނައިގައެވެ.
"އިންޑިއާގެ ނޫސްވެރިން ވަނީ ޖާސޫސްކުރުމުގެ އިތުރަށް ފުރައްސާރައާއި ބިރުދެއްކުމާއި ޖަލު ހުކުމްތަކަށް ހުށަހެޅިފައި." އެމްނެސްޓީއިން ބުނެފައި ވެއެވެ.
ޕެގަސަސްއަކީ އިޒްރޭލުގެ ކުންފުންޏެއް ކަމުގައިވާ އެންއެސްއޯއިން އުފެއްދި ސޮފްޓްވެއަރއެކެވެ. ޕެގަސަސްގެ ޒަރީޔާއިން މީހުންގެ ފޯނަށް އަންނަ މެސެޖްތަކާއި އީމެއިލް، ފޮޓޯތައް ބެލުމަށް މަގުފަހިކޮށްދެއެވެ. އަދި ވަގަށް ފޯންކޯލްތައް އަޑުއެހުމާއި، ލޮކޭޝަން ޓްރެކްކުރުމުގެ އިތުރަށް ފޯންގެ ވެރިފަރާތަށް ނޭނގި ފޯންގެ ކެމެރާ ހެކްކޮށްގެން ފިލްމު ކުރުމުގެ ކުޅަދާނަކަންވެސް މި ސޮފްޓްވެއަރއަށް ލިބިގެންވެއެވެ. އެންއެސްއޯއިން މި ސޮފްޓްވެއަރ ވިއްކަނީވެސް ގައުމުތަކުގެ ސަރުކާރުތަކަށާއި ސެކިއުރިޓީ އެޖެންސީތަކަށް އެކަންޏެވެ.
މި އަހަރުގެ އޮކްޓޫބަރ މަހުގައިވެސް ކޮރަޕްޝަނާއި ދެކޮޅަށް މަސައްކަތްކުރާ ނޫހެއްގެ އެޑިޓަރެއް ކަމުގައިވާ އާނަންދް މަންގްނާލޭއާއި ދެކޮޅަށް މި ސޮފްޓްވެއަރ ބޭނުންކޮށްފައިވާ ކަމުގެ ހެކިތައް އެމްނެސްޓީއިން ހޯދާފައި ވެއެވެ. އާންމުކޮށް ހެކް ކުރުމަށްޓަކައި ޖާސޫސީ ސޮފްޓްވެއަރތަކުން ފޯނަށް ނުވަތަ ސިސްޓަމަށް ފޮނުވަނީ ލިންކްއެކެވެ. އެއާއި ޚިލާފަށް އާނަންދްގެ އައި ފޯނަށް މި ސޮފްޓްވެއަރއިން ފޮނުވާފައިވަނީ "ޒީރޯ ކްލިކް އެކްސްޕްލޮއިޓް" އެކެވެ. ޒީރޯ ކްލިކް އެކްސްޕްލޮއިޓްއެއް ފޮނުވުމުން ލިންކް ނުހުޅުވިޔަސް، ޖާސޫސްކުރަން ބޭނުންވާ ސްޕައިވެއާ ފަސޭހަކަމާއިއެކު އިންސްޓޯލް ކުރެވޭނެއެވެ.
އިންޑިއާގެ ބޮޑުވަޒީރު ނަރެންދްރާ މޯދީގެ ޒައާމަތުގައި ވޯލްޑް ޕްރެސް ފްރީޑަމް އިންޑެކްސްގައި އިންޑިއާ މިވަގުތު އޮތީ 161 ވަނައިގައެވެ. މޯދީ ބޮޑުވަޒީރުކަމަށް ވަޑައިގަތުމުގެ ކުުރިން އިންޑިއާ އޮތީ އެ އިންޑެކްސްގެ 151 ވަނައިގައެވެ.
ކިޔުންތެރިންގެ ހިޔާލު