އިންޑިއާ ކަނޑުގެ އުތުރުން ސުމަޓްރާ ކަނޑުގެ ސަރަހައްދަށް 6.6 މެގްނިޓިއުޑްގެ ބާރުގަދަ ބިންހެލުމެއް އަތުވެއްޖެއެވެ.

މި ބިންހެލުމާއެކު ސްރީލަންކާގެ ސުނާމީ އަވަސް އިންޒާރުދޭ މަރުކަޒުން ވަނީ މި ބިންހެލުމުގެ އަސަރު ކުރި ނަމަވެސް ބިންހެލުމުގެ ސަބަބުން ލަންކާއަށް ސުނާމީގެ ނުރައްކަލެއް ނެތްކަމަށް ހާމަކޮށްފައެވެ.

މި ބިންހެލުން އެރީ މިއަދު ހެނދުނު އިންޑޮނޭޝިއާގެ ސުމަޓްރާ ކަނޑުގެ 10 ކިލޯމީޓަރުގެ އަޑިއަށް ކަމަށް ކަމާބެހޭ ވުޒާރާތަކުން ހާމަކޮށްފައިވެއެވެ.

މިބިންހެލުމާއި ގުޅިގެން ސްރީލަންކާގެ ނޭޝަނަލް ސުނާމީ އާރލީ ވާނިންގ ސެންޓަރުން ވަނީ 'ވައިޓް އެލަރޓް' އިންޒާރެއް ނެރެ، ލަންކާގެ އައްސޭރިފަށުގެ ސަރަހައްދުތަކާއި އެސަރަހައްދުތަކާއި ކައިރީ ދިރިއުޅޭ މީހުން ސަމާލުވުމަށް އިލްތިމާސްކޮށްފައެވެ.