ޣައްޒާގެ ސްކޫލްތަކާއި 'ސޭފް ޒޯން' ތަކަށް ޒަޔަނިސްޓް އިސްރާއީލުގެ ހަމަލާތައް އަމާޒުވެއްޖެއެވެ. އެގޮތުން އިސްރާއީލުން ދަނީ ގެދޮރު ގެއްލިފައިވާ ފަލަސްތީނުގެ ރައްޔިތުންނަށް ހިޔާވަހިކަން ފޯރުކޮށްދޭ އދ. ޔޫއެންއާރުޑަބްލިއުއޭ އިން ހިންގާ ސްކޫލްތަކުގެ ތެރެއިން ގިނަ ސްކޫލްތަކަށް ބޮން އަޅަމުންނެވެ.
މީގެއިތުރުން، ޣައްޒާ ސިޓީގައި ހުންނަ އދ. އޮފީހަށް ބޮން އަޅައި މިހާރު ވަނީ ބޭނުން ނުކުރެވޭ ވަރަށް ހަލާކު ކޮށްލާފަ އެވެ. ފަލަސްތީނުގެ ރައްޔިތުންނަށް ރައްކާތެރިކަން ލިބޭނީ ކޮންތާކުންތޯ މިހާރު އެއީ އެންމެންގެ ހިތުގައި އުފެދިފައިވާ އެއް ސުވާލެވެ.
އިސްރާއީލުން ދެމުންދާ ވައިގެ ހަމަލާތަކުގައި ޣައްޒާގެ ދެކުނާއި މެދުތެރޭގައި ހުރި ސްކޫލްތަކަށް ބޮންއަޅައި ދެވުނު ހަމަލާތަކުގައި އަންގާރަ ދުވަހު އެކަނިވެސް ފަލަސްތީނުގެ 60 އަށް ވުރެ ގިނަ މީހުން ވަނީ ޝަހީދުކޮށްލާފަ އެވެ. ހަމަލާ ދެވުނު ވަގުތު ސްކޫލްތަކުގައި އެތައް ސަތޭކަ އާއިލާއަކުން ދިޔައީ ބޯހިޔާވަހިކަން ހޯދަމުންނެވެ.
ހައްދުފަހަނައަޅާފައިވާ އިސްރާއީލުގެ ސިފައިން އަންނަނީ ޣައްޒާގެ އެކި ހިސާބުތަކުގައި ތިބި ހޮސްޕިޓަލް ތަކަށާއި ސްކޫލްތަކަށް ބޮން އަޅަމުންނެވެ. އަދި ނަސްލު ނައްތާލުމަށް ކުރަމުންދާ މި ހަނގުރާމައިގައި މީހުން ބޯހިޔާވަހިކަން ހޯދަފާނޭ ހުރިހާ ތަނެއް ދެނެގަނެ އެތަނަކަށް ބޮންއަަޅަމުންދާކަން ފާހަގަ ކުރެވެއެވެ.
ހައްދުފަހަނައަޅާފައިވާ އިސްރާއީލުގެ ސިފައިން އަންނަނީ ޣައްޒާގެ އެކި ހިސާބުތަކުގައި ތިބި ހޮސްޕިޓަލް ތަކަށާއި ސްކޫލްތަކަށް ބޮން އަޅަމުންނެވެ. އަދި ނަސްލު ނައްތާލުމަށް ކުރަމުންދާ މި ހަނގުރާމައިގައި މީހުން ބޯހިޔާވަހިކަން ހޯދަފާނޭ ހުރިހާ ތަނެއް ދެނެގަނެ އެތަނަކަށް ބޮންއަަޅަމުންދާކަން ފާހަގަ ކުރެވެއެވެ.
ކިޔުންތެރިންގެ ހިޔާލު