ޔަހޫދީ އިސްރާއީލުގެ ސިފައިން އަލް އަގްސާ މިސްކިތުގެ އިމާމު ޝެއިޚް އިކްރިމާ ސަބްރީ ހައްޔަރުކޮށްފިއެވެ. އިމާމު ހައްޔަރު ކޮށްފައި ވަނީ އިސްރާއީލުން ހިސާރުކޮށްފައިވާ ގުދުސްގެ އަލްސަވާނާ ސަރަހައްދުގައި ހުންނަ ގެކޮޅުގައި ހުންނަވަނިކޮށް މިއަދުގެ ހުކުރު ނަމާދުގެ ފަހުގެ ވަގުތެއްގަ އެވެ.
އިސްރާއީލުގެ ގައުމީ ސަލާމަތާ ބެހޭ ވަޒީރު ބުނީ މުސްލިމުންގެ މުގައްދަސް މިސްކިތް، މަސްޖިދުލް އަގްސާގެ އިމާމް ޝެއިޚް އިކްރިމާ ސަބްރީ ހައްޔަރުކޮށްފައި ވަނީ މިއަދު ދެއްވި ހުކުރު ހުތުބާގައި އަވަހާރަކޮށްލާފައިވާ ހަމާސްގެ ލީޑަރު ހަނިއްޔާއަށް ތައުރީފުކޮށް ހުތުބާއެއް ދެއްވި ކަމަށް ތުހުމަތު ކުރެވޭތީ ކަމަށެވެ.
އަލްއަގްސާ މިސްކިތުގެ އިމާމު އަދި ގުދުސްގެ އިސްލާމީ މަޖިލީހުގެ ވެރިޔާ ޝެއިޚް އެކްރީމާ ސަބްރީ ހައްޔަރުކޮށްފައިވާއިރު އިސްރާއީލު ފުލުހުން ގުދުސްގެ ކުރީގެ ސިޓީގެ އިރުމަތީގައި އޮންނަ އަލް-ސުވާނާ އަވަށުގައި ހުންނަ ޝެއިޚް ސަބްރީ ދިރިއުޅުއްވާ ގެ ބަލައި ފާސްކޮށްފައިވާ ކަމަށް ޝެއިޚް ސަބްރީގެ ވަކީލު ހަމްޒާ ޤާތިނާ ނެރުއްވި ބަޔާނެއްގައި ވަނީ ބުނެފައެވެ.
ބޭރުގެ މީޑިޔާ ތަކުން ރިޕޯޓުކޮށްފައިވާ ގޮތުގައި އިސްރާއީލު ސިފައިން ވަނީ ޝެއިޚް އެކްރީމާ ސަބްރީ ހައްޔަރުކޮށް މޮސްކޯބިއްޔާ ޑިޓެންޝަން ސެންޓަރަށް ގެންގޮސްފައެވެ.
ބޭރުގެ މީޑިޔާ ތަކުން ރިޕޯޓުކޮށްފައިވާ ގޮތުގައި އިސްރާއީލު ސިފައިން ވަނީ ޝެއިޚް އެކްރީމާ ސަބްރީ ހައްޔަރުކޮށް މޮސްކޯބިއްޔާ ޑިޓެންޝަން ސެންޓަރަށް ގެންގޮސްފައެވެ.
ކިޔުންތެރިންގެ ހިޔާލު