ހަންގަނޑުގެ މައްސަލަތައް ހައްލު ކުރުމަށްޓަކައި ގުދުރަތީ ސާމާނު ބޭނުން ކުރުމަކީ ޒަމާނުއްސުރެ މީހުން ކުރަމުން އައިސްފައިވާ ކަމެކެވެ. ގޭގެ ބަދިގޭގައި ލިބެން ހުންނަ ގިނަ އެއްޗިއްސަކީ ހަންގަނޑަށް ގިނަގުނަ ފައިދާތަކެއް ލިއްބައިދޭ އެއްޗިއްސަށް ވުމުން. ހަންގަނޑު ރީތި ކުރުމަށްޓަކައި އެކި ގޮތްގޮތަށް މި ސާމާނު ބޭނުން ކޮށް އުޅެއެވެ. އެގޮތުން ހަންގަނޑަށް ދިމާވާ އެކިއެކި މައްސަލަތައް ހައްލު ކުރުމަށް އެންމެ ގިނައިން މީހުން ބޭނުން ކުރަމުން އަންނަ އެއް ބާވަތަކީ އަލުވިއެވެ.
އަލުވި އަކީ މީހާގެ ހަންގަނޑަށް ގިނަގުނަ ފައިދާތަކެއް ލިއްބައިދޭ އެއްޗެކެވެ. އަލުވިން ލިބޭ ތަފާތު ފައިދާތަކުގެ ތެރޭގައި މޫނުގައި ހުންނަ ލަކުނު ފިލުވައިދިނުމާއި، ކުލަ އަނދިރިކޮށް ހުންނަ ބައެއް ތަންތަނުގެ ކުލަ އެއްވަރުކޮށްދިނުމާއި އަދި ދުވަސްވުމުގެ ސަބަބުން މީހާގެ މޫނުގައި ޖެހޭ ރޫތައް ފޮރުވާލަދިނުންމަށް އެހީވުން ހިމެނެއެވެ. އެހެންކަމުން މިފަހަރު މި ގެނެސްދެނީ އަލުވި ބޭނުންކޮށްގެން، ހަންގަނޑުގެ އެކި މައްސަލަތަކަށް ހައްލު ހޯދުމަށް ގޭގައި ތައްޔާރު ކުރެވިދާނެ 3 ފޭސް މާސްކެކެވެ.
ތެޔޮކަން ކަނޑުވާލަދީ ހަންގަނޑު އޮމާންކޮށްދޭ މާސްކް
މި މާސްކު ތައްޔާރު ކުރުމަށް ބޭނުންވާނީ ދެ ސަމުސާ އަލުވި ދިޔައާއި، ދެ ސަމުސާ ކިއުކަމްބާ ދިޔައާއި، 1 ސަމުސާ ލުނބޯ ހުތާއި އަދި ކުޑަ ރީނދޫ ކޮޅެކެވެ. މި މާސްކު ތައްޔާރު ކުރުމަށްޓަކައި މި ބާވަތްތައް ކުޑަ ބޯތައްޓަކަށް އެޅުމަށްފަހު ރަނގަޅަށް އެއްކޮށްލާނީއެވެ. އަދި ރަނގަޅަށް އެއްވުމުން މި މާސްކު މޫނުގައި އުނގުޅާލުމަށްފަހު 20 މިނެޓު ވަންދެން ބަހައްޓާނީއެވެ. މި މާސްކުގެ ނަތީޖާ އެންމެ އަވަހަށް ފެންނާނީ ހަފްތާއަކު ދެ ފަހަރު ބޭނުން ކުރުމުންނެވެ.
މޫނުގައި ހުންނަ ލައްތަށް ފިލުވައިދޭ މާސްކް
މި މާސްކު ތައްޔާރު ކުރުމަށް ބޭނުންވާނީ ޗިސް ކޮށްފައި ހުރި ޓޮމާޓޯ ސަމުސަލަކާއި، އެއް ސަމުސާ އަލުވި ދިޔަ އާއި އަދި މާމުއި ސަމުސަލެކެވެ. މި މާއްދާތައް ކުޑަ ތަށްޓެއްގައި އެއްކޮށްލުމަށްފަހު މޫނުގައި ލައް ހުންނަ ތަންތަނަށް އިސްކަންދީގެން އުނގުޅާލާނީއެެވެ. އަދި 20 މިނެޓަށް ބެހެއްޓުމަށްފަހު ދޮވެލާނީއެވެ. މި މާސްކަކީ ކޮންމެ ދުވަހަކު ބޭނުން ކުރެވޭނެ މާސްކެއް ކަމުން ރަނގަޅު ނަތީޖާއެއް ބޭނުންވާނަމަ ލައް ފިލަންދެން ކޮންމެ ދުވަހަކު މި ބޭނުން ކުރެވިދާނެއެވެ.
ހަމުގެ ކުލަ އަލިކޮށްދޭ މާސްކް
މި މާސްކު ތައްޔާރު ކުރުމަށްޓަކައި ބޭނުންވާނީ 3 ސަމުސާ އަލުވި ދިޔައާއި، ދެ ސަމުސާ މާމުއި އެވެ. މާސްކު ތައްޔާރު ކުރުމަށްޓަކައި މި ބާވަތްތައް ކުޑަ ތައްޓަކަށް އަޅާފައި އެއް ކޮށްލާނީއެވެ. ރަނގަޅަށް އެއް ވުމުން މި މާސްކު ކަރާއި މޫނުގައި އުނގުޅާލުމަށްފަހު 15 މިނެޓުވަންދެން ބަހައްޓާފައި ދޮވެލާނީއެވެ. މި މާސްކުން އެންމެ ރަނގަޅު ނަތީޖާއެއްް ލިބޭނީ ކޮންމެ ދުވަހަކު ތަކުރާރުކޮށް މި ބޭނުން ކުރުމުންނެވެ.
ތެޔޮކަން ކަނޑުވާލަދީ ހަންގަނޑު އޮމާންކޮށްދޭ މާސްކް
މި މާސްކު ތައްޔާރު ކުރުމަށް ބޭނުންވާނީ ދެ ސަމުސާ އަލުވި ދިޔައާއި، ދެ ސަމުސާ ކިއުކަމްބާ ދިޔައާއި، 1 ސަމުސާ ލުނބޯ ހުތާއި އަދި ކުޑަ ރީނދޫ ކޮޅެކެވެ. މި މާސްކު ތައްޔާރު ކުރުމަށްޓަކައި މި ބާވަތްތައް ކުޑަ ބޯތައްޓަކަށް އެޅުމަށްފަހު ރަނގަޅަށް އެއްކޮށްލާނީއެވެ. އަދި ރަނގަޅަށް އެއްވުމުން މި މާސްކު މޫނުގައި އުނގުޅާލުމަށްފަހު 20 މިނެޓު ވަންދެން ބަހައްޓާނީއެވެ. މި މާސްކުގެ ނަތީޖާ އެންމެ އަވަހަށް ފެންނާނީ ހަފްތާއަކު ދެ ފަހަރު ބޭނުން ކުރުމުންނެވެ.
މި މާސްކު ތައްޔާރު ކުރުމަށް ބޭނުންވާނީ ޗިސް ކޮށްފައި ހުރި ޓޮމާޓޯ ސަމުސަލަކާއި، އެއް ސަމުސާ އަލުވި ދިޔަ އާއި އަދި މާމުއި ސަމުސަލެކެވެ. މި މާއްދާތައް ކުޑަ ތަށްޓެއްގައި އެއްކޮށްލުމަށްފަހު މޫނުގައި ލައް ހުންނަ ތަންތަނަށް އިސްކަންދީގެން އުނގުޅާލާނީއެެވެ. އަދި 20 މިނެޓަށް ބެހެއްޓުމަށްފަހު ދޮވެލާނީއެވެ. މި މާސްކަކީ ކޮންމެ ދުވަހަކު ބޭނުން ކުރެވޭނެ މާސްކެއް ކަމުން ރަނގަޅު ނަތީޖާއެއް ބޭނުންވާނަމަ ލައް ފިލަންދެން ކޮންމެ ދުވަހަކު މި ބޭނުން ކުރެވިދާނެއެވެ.
ހަމުގެ ކުލަ އަލިކޮށްދޭ މާސްކް
މި މާސްކު ތައްޔާރު ކުރުމަށްޓަކައި ބޭނުންވާނީ 3 ސަމުސާ އަލުވި ދިޔައާއި، ދެ ސަމުސާ މާމުއި އެވެ. މާސްކު ތައްޔާރު ކުރުމަށްޓަކައި މި ބާވަތްތައް ކުޑަ ތައްޓަކަށް އަޅާފައި އެއް ކޮށްލާނީއެވެ. ރަނގަޅަށް އެއް ވުމުން މި މާސްކު ކަރާއި މޫނުގައި އުނގުޅާލުމަށްފަހު 15 މިނެޓުވަންދެން ބަހައްޓާފައި ދޮވެލާނީއެވެ. މި މާސްކުން އެންމެ ރަނގަޅު ނަތީޖާއެއްް ލިބޭނީ ކޮންމެ ދުވަހަކު ތަކުރާރުކޮށް މި ބޭނުން ކުރުމުންނެވެ.
ކިޔުންތެރިންގެ ހިޔާލު