ޣައްޒާގެ ހުޅަނގު އައްސޭރީގެ ގުދުސްގައި ނިރުބަވެރި އިސްރާއީލުން ދެމުންދާ ހަމަލާތަކާމެދު ފްރާންސުން ވަރަށް ބޮޑަށް ކަންބޮޑުވުން ފާޅުކޮށްފި އެވެ.
ފްރާންސްގެ ފޮރިން މިނިސްޓްރީން ނެރުނު ބަޔާނެއްގައި ވަނީ ޣައްޒާ އާއި ހިފާފައިވާ ހުޅަނގު އައްސޭރި އަދި ހިފާފައިވާ އިރުމަތީ ގުދުސް ހިމެނޭ ގޮތަށް ފަލަސްތީނުގެ ސަރަހައްދުގެ "ހާލަތު ގޯސްވަމުން އަންނަ" ކަމަށާއި އެކަމާމެދު ވަރަށް ބޮޑަށް ކަންބޮޑުވާ ކަމަށެވެ.
ފްރާންސުން ނެރުނު ބަޔާނުގައި ޣައްޒާގައި ވޯލްޑް ފުޑް ޕްރޮގްރާމްގެ ވެހިކަލަކަށް އިސްރާއީލުން ބަޑިޖަހާފައިވާއިރު އެއާގުޅިގެން ޣައްޒާގައި ޑަބްލިއުއެފްޕީގެ ހަރަކާތްތައް ހުއްޓާލި ހާދިސާ ވަރަށް ބޮޑަށް ކުށްވެރިކުރާ ކަމަށް ވެސް ބުނެފައި ވެއެވެ.
މި ބަޔާނުގައި ފްރާންސުން ބުނީ ހިފާފައިވާ ހުޅަނގު އައްސޭރީގެ ބައެއް ހިސާބުތަކުގައި އިސްރާއީލުގެ ބޮޑެތި އަސްކަރީ އޮޕަރޭޝަންތައް ހިންގަމުންދާ ކަމަށާއި އޭގެ ސަބަބުން އެ ސަރަހައްދުގައި އުޅޭ ރައްޔިތުންނަށް ނުތަނަވަސްކަމާ ކުރިމަތިލާން ޖެހިފައިވާ ކަމަށެވެ.
ނިރުބަވެރި އިސްރާއީރުން ޣައްޒާގައި ކުރަމުންދާ ހަނގުރާމަ ވަގުތުކޮޅަކަށް މަޑުޖައްސާލަން ނިންމައި އދ.ގެ އެހީދޭ ޖަމާއަތްތާއެކު އެއްބަސްވީ އިއްޔެއެވެ.
ރިޕޯޓްތައް ބުނާ ގޮތުން އިސްރާއީލުން މިގޮތަށް ނިންމާފައި ވަނީ ޣައްޒާގައި ހަލުވިކަމާއެކު ޕޯލިއޯ ފެތުރެމުންދާތީ އެ ބަލި ފެތުރުން ހުއްޓުވުމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ހިންގާ އޮޕަރޭޝަން ކުރިޔަށް ގެންދިއުމަށް ހަނގުރާމަ މަޑުޖައްސާލަން އެދުމުންނެވެ.
ޑަބްލިއުއެޗްއޯގެ އިސް އޮފިޝަލް ރިކް ޕީޕަރކޯން އިއްޔެ ވިދާޅުވީ މި ކެމްޕެއިންގެ އަމާޒަކީ ޣައްޒާގެ އެކި ސަރަހައްދުތަކުގައި ތިބި 640،000 އެއްހާ ކުދިންނަށް ވެކްސިން ދިނުން ކަމަށެވެ. އޭނާ ބުނީ އަންނަ އާދީއްތަ ދުވަހު ފެށިގެން ވެކްސިން ޖަހަން ފަށާނެ ކަމަށެވެ.
ފްރާންސުން ނެރުނު ބަޔާނުގައި ޣައްޒާގައި ވޯލްޑް ފުޑް ޕްރޮގްރާމްގެ ވެހިކަލަކަށް އިސްރާއީލުން ބަޑިޖަހާފައިވާއިރު އެއާގުޅިގެން ޣައްޒާގައި ޑަބްލިއުއެފްޕީގެ ހަރަކާތްތައް ހުއްޓާލި ހާދިސާ ވަރަށް ބޮޑަށް ކުށްވެރިކުރާ ކަމަށް ވެސް ބުނެފައި ވެއެވެ.
މި ބަޔާނުގައި ފްރާންސުން ބުނީ ހިފާފައިވާ ހުޅަނގު އައްސޭރީގެ ބައެއް ހިސާބުތަކުގައި އިސްރާއީލުގެ ބޮޑެތި އަސްކަރީ އޮޕަރޭޝަންތައް ހިންގަމުންދާ ކަމަށާއި އޭގެ ސަބަބުން އެ ސަރަހައްދުގައި އުޅޭ ރައްޔިތުންނަށް ނުތަނަވަސްކަމާ ކުރިމަތިލާން ޖެހިފައިވާ ކަމަށެވެ.
ނިރުބަވެރި އިސްރާއީރުން ޣައްޒާގައި ކުރަމުންދާ ހަނގުރާމަ ވަގުތުކޮޅަކަށް މަޑުޖައްސާލަން ނިންމައި އދ.ގެ އެހީދޭ ޖަމާއަތްތާއެކު އެއްބަސްވީ އިއްޔެއެވެ.
ޑަބްލިއުއެޗްއޯގެ އިސް އޮފިޝަލް ރިކް ޕީޕަރކޯން އިއްޔެ ވިދާޅުވީ މި ކެމްޕެއިންގެ އަމާޒަކީ ޣައްޒާގެ އެކި ސަރަހައްދުތަކުގައި ތިބި 640،000 އެއްހާ ކުދިންނަށް ވެކްސިން ދިނުން ކަމަށެވެ. އޭނާ ބުނީ އަންނަ އާދީއްތަ ދުވަހު ފެށިގެން ވެކްސިން ޖަހަން ފަށާނެ ކަމަށެވެ.
ކިޔުންތެރިންގެ ހިޔާލު