ރާއްޖޭގެ ދެވަނައަށް އެންމެ މެންބަރުން ގިނަ ޕާޓީގެ ގޮތުގައި އޮތް ޕްރޮގްރެސިވް ޕާޓީ އޮފް މޯލްޑިވްސް ޕީޕީއެމް އުވާލުމަށް އެ ޕާޓީގެ ސެނެޓުން މިއަދު ނިންމައިފި އެވެ.
ޕީޕީއެމް އުވާލަން ނިންމީ މިއަދު ބޭއްވި ސެެނެޓް ބައްދަލުވުމުގައި ބައިވެރިވި 42 ސެނެޓަރުންގެ އިއްތިފާގުންނެވެ. މިގޮތަށް ފާސްކުރި ސެނެޓް ބައްދަލުވުމުގެ ރިޔާސަތުގައި ތިއްބެވީ އެޕާޓީގެ ދެ ނައިބު ރައީސުން ކަމަށްވާ ފިޝަރީޒް މިނިސްޓަރު އަހުމަދު ޝިޔާމް އާއި ޑިފެންސް މިނިސްްޓަރ ޣައްސާން މައުމޫންއެވެ.
ޕީޕީއެމަކީ ދިވެހިރައްޔިތުންގެ ޕާޓީ ޑީއާރުޕީގެ ތެރޭގައި އުފެދުނު ޚިޔާލުތަފާތުވުންތަކުގެ ތެރެއިން، ކުރީގެ ރައީސް މައުމޫން އަބްދުއްޤައްޔޫމާއި އެމަނިކުފާނުގެ ސަޕޯޓަރުން ޑީއާރުޕީން ވަކިވެގެން އުފެއްދި ޕާޓީ އެވެ. އެގޮތުން ޕީޕީއެމް ރަޖިސްޓްރީކުރީ 27 އޮކްޓޯބަރު 2011 ގައެވެ.
ޕީޕީއެމް އުވާލުމަށް އެޕާޓީގެ ސެނެޓުން މިއަދު ނިންމާފައިވާއިރު އިލެކްޝަންސް ކޮމިޝަންގެ ދަފްތަރުގައިވާގޮތުން ޕީޕީއެމްގައި މިވަގުތު 34698 މެންބަރުން އެބަތިއްބެވެ.
ޕީޕީއެމުން ވަނީ 2013 ގެ ރިޔާސީ އިންތިޚާބުގައި ވާދަކޮށް އެ އިންތިޚާބު ކާމިޔާބު ކޮށްފައެވެ. 2013ގެ ރިޔާސީ އިންތިޚާބުގައި ޕީޕީއެމްގެ ޓިކެޓްގައި ރިޔާސީ އިންތިޚާބު ކާމިޔާބު ކުރެއްވީ ކުރީގެ ރައީސް ޔާމީން އަބްދުލްޤައްޔޫމެވެ.
ނަމަވެސް ރައީސް ޔާމީނުގެ ވެރިކަމުގައި ރައީސް މައުމޫނާ ދެމެދު އުފެދުނު ޚިޔާލު ތަފާތުވުންތަކުގެ ތެރެއިން ރައީސް މައުމޫން ޕީޕީއެމުން ބޭރުކުރެއްވިއެވެ. އަދި ޕީޕީއެމް ރައީސް މައުމޫންގެ އަތްޕުޅުން އަތުލެއްވުމަށް ކޯޓަށް މައްސަލަ ހުށައެޅުއްވުމަށްފަހު ބެކަޕް ޕާޓީއެއްގެ ގޮތުގައި 31 ޖެނުއަރީ 2019 ގައި ޕީއެންސީ އުފެއްދެވިއެވެ.
ޕީއެންސީ އާއި ޕީޕީއެމަކީ ދެ ޕާޓީއެއް ނަމަވެސް ދެޕާޓީ ހިންގަމުން ދިޔައީ ޖޮއިންޓް ކައުންސިލަކުންނެވެ. އަދި މިދިޔަ ރިޔާސީ އިންތިހާބުގައި ޕީޕީއެމް/ޕީއެންސީގެ ރިޔާސީ ޓިކެޓު ފުރަތަމަ ހަވާލުކޮށްފައިވަނީ ރައީސް ޔާމީނަށެވެ.
ނަމަވެސް ރައީސް ޔާމީނަށް ރިޔާސީ އިންތިޚާބުގައި ވާދަކުރުމުގެ ފުރުސަތު ބަންދުވުމުން ޕީއެންސީގެ ޓިކެޓްގައި ރިޔާސީ އިންތިޚާބުގައި ވާދަކުރެއްވީ މިހާރުގެ ރައީސް ޑރ. މުޙައްމަދު މުޢިއްޒެވެ. އޭގެ ފަހުން މިސަރުކާރާ ދެމެދު އުފެދުނު ޚިޔާލު ތަފާތުވުންތަކަށްފަހު ރައީސް ޔާމީން މިހާރުވަނީ ޕީޕީއެމުން ވަކިވެވަޑައިގެން ޕީއެންއެފްގެ ނަމުގައި ސިޔާސީ ޕާޓީއެއް އުފައްދަވާފައެވެ.
ރައީސް ޔާމީން ޕީޕީއެމުން ވަކިވެވަޑައިގެންނެވި ފަހުން ޕީޕީއެމް/ޕީއެންސީ ކޯލިޝަންގެ ލީޑަރަކަށް ހަމަޖެއްސެވީ މިހާރުގެ ރައީސް ޑރ. މުހައްމަދު މުއިއްޒެވެ.
ނަމަވެސް ރައީސް ޑރ. މުޙައްމަދު މުޢިއްޒު ނިންމެވީ އެމަނިކުފާނު ރިޔާސީ އިންތިޚާބުގައި ވާދަކުރެއްވި ޕީއެންސީ ބޮޑުކޮށް ސަރުކާރު ހިންގުމުގެ މައި ޕާޓީއަކަށް އެޕާޓީ ހެއްދެވުމަށެވެ.
އެގޮތުން އިލެކްޝަންސް ކޮމިޝަންގެ ދަފްތަރު ދައްކާގޮތުން ޕީއެންސީގައި މިވަގުތު ތިބީ 28983 މެންބަރުންނެވެ.
ޕީޕީއެމަކީ ދިވެހިރައްޔިތުންގެ ޕާޓީ ޑީއާރުޕީގެ ތެރޭގައި އުފެދުނު ޚިޔާލުތަފާތުވުންތަކުގެ ތެރެއިން، ކުރީގެ ރައީސް މައުމޫން އަބްދުއްޤައްޔޫމާއި އެމަނިކުފާނުގެ ސަޕޯޓަރުން ޑީއާރުޕީން ވަކިވެގެން އުފެއްދި ޕާޓީ އެވެ. އެގޮތުން ޕީޕީއެމް ރަޖިސްޓްރީކުރީ 27 އޮކްޓޯބަރު 2011 ގައެވެ.
ޕީޕީއެމް އުވާލުމަށް އެޕާޓީގެ ސެނެޓުން މިއަދު ނިންމާފައިވާއިރު އިލެކްޝަންސް ކޮމިޝަންގެ ދަފްތަރުގައިވާގޮތުން ޕީޕީއެމްގައި މިވަގުތު 34698 މެންބަރުން އެބަތިއްބެވެ.
ނަމަވެސް ރައީސް ޔާމީނުގެ ވެރިކަމުގައި ރައީސް މައުމޫނާ ދެމެދު އުފެދުނު ޚިޔާލު ތަފާތުވުންތަކުގެ ތެރެއިން ރައީސް މައުމޫން ޕީޕީއެމުން ބޭރުކުރެއްވިއެވެ. އަދި ޕީޕީއެމް ރައީސް މައުމޫންގެ އަތްޕުޅުން އަތުލެއްވުމަށް ކޯޓަށް މައްސަލަ ހުށައެޅުއްވުމަށްފަހު ބެކަޕް ޕާޓީއެއްގެ ގޮތުގައި 31 ޖެނުއަރީ 2019 ގައި ޕީއެންސީ އުފެއްދެވިއެވެ.
ޕީއެންސީ އާއި ޕީޕީއެމަކީ ދެ ޕާޓީއެއް ނަމަވެސް ދެޕާޓީ ހިންގަމުން ދިޔައީ ޖޮއިންޓް ކައުންސިލަކުންނެވެ. އަދި މިދިޔަ ރިޔާސީ އިންތިހާބުގައި ޕީޕީއެމް/ޕީއެންސީގެ ރިޔާސީ ޓިކެޓު ފުރަތަމަ ހަވާލުކޮށްފައިވަނީ ރައީސް ޔާމީނަށެވެ.
ރައީސް ޔާމީން ޕީޕީއެމުން ވަކިވެވަޑައިގެންނެވި ފަހުން ޕީޕީއެމް/ޕީއެންސީ ކޯލިޝަންގެ ލީޑަރަކަށް ހަމަޖެއްސެވީ މިހާރުގެ ރައީސް ޑރ. މުހައްމަދު މުއިއްޒެވެ.
ނަމަވެސް ރައީސް ޑރ. މުޙައްމަދު މުޢިއްޒު ނިންމެވީ އެމަނިކުފާނު ރިޔާސީ އިންތިޚާބުގައި ވާދަކުރެއްވި ޕީއެންސީ ބޮޑުކޮށް ސަރުކާރު ހިންގުމުގެ މައި ޕާޓީއަކަށް އެޕާޓީ ހެއްދެވުމަށެވެ.
އެގޮތުން އިލެކްޝަންސް ކޮމިޝަންގެ ދަފްތަރު ދައްކާގޮތުން ޕީއެންސީގައި މިވަގުތު ތިބީ 28983 މެންބަރުންނެވެ.
ކިޔުންތެރިންގެ ހިޔާލު