ލޯ ކައިރި ކަޅުވުމަކީ ތަފާތު އެކި ސަބަބުތަކާ ހުރެ އަޅުގަނޑުމެންގެ ތެރެއިން ވަރަށް ގިނަ މީހުންނަށް ދިމާވާ ހާލަތެކެވެ. ލޯ ކައިރި ކަޅުވުމަށް މެދުވެރިވާ ބައެއް ސަބަބުތަކުގެ ތެރޭގައި މީހާގެ ޖެނެޓިކްސް އާއި، އުމުރުން ދުވަސްވުމާއި، މާބޮޑަށް ކަންކަމާ ހާސްވެ ފިކުރު ބޮޑުވުން ފަދަ ކަންކަން ހިމެނެއެވެ. މިކަމަށް ހައްލު ހޯދުމަށް ގޭގައި ވަރަށް ގިނަ ކަންކަން ކުރެވޭނެއެވެ.

އެގޮތުން ބަލާއިރު ލޯ ކައިރި ކަޅުވާނަމަ ލޯކައިރި ގަނޑު ފެނުން ނުވަތަ "ކޯލްޑް ކޮމްޕްރެސް" އަކުން ބޮނޑިތާން ކުރުމުން އެކަން ހައްލު ވެއެވެ. މިގޮތަށް ގަނޑުފެނުން ލޯ ކައިރި ބޮނޑިތާން ކުރުމުން ލޮލުގެ ލޭނާރުތައް ކޮންސްޓްރިކްޓުވެ، ދުޅަވުން ކުޑަވެއެވެ. އަދި އޭގެ ސަބަބުން ލޯ ކައިރި އަލިވެސް ވެއެވެ.

ކިއުކަންބާ އަކީވެސް ލޯ ކައިރި ކަޅުވުން ރަނގަޅު ކޮށްދޭ އެއްޗެކެވެ. ކިއުކަންބާ އަކީ ތަފާތު އެކިކަހަލަ އެންޓި-އޮކްސިޑެންޓުތައް ހިމެނޭ އެއްޗެއް ކަމުން، ލޯކައިރި ކަޅުވާ ތަންތަނުގައި މި އުނގުޅުމުން ހަންގަނޑު ރަތްވުން ކުޑަ ކޮށްދެއެވެ. އަދި އޭގެ ސަބަބުން ލޯ ކައިރިވެސް އަލިވެއެވެ.

މީގެ އިތުރުން މި މައްސަލަ ދިމާވާނަމަ ދެން ގޭގައި ކުރެވިދާނެ ކަމަކީ ލޯ ސައިފަތުން ބޮނޑިތާން ކުރުމެވެ. ސައިފަތަކީ ކެފެއިން އަދި އެންޓި-އޮކްސިޑެންޓުތައް ހިމެނޭ އެއްޗެއް ކަމުން މި ބޭނުން ކޮށްގެން ލޯ ބޮނޑިތާން ކުރުމުން ލޭދައުރުވުން ރަނގަޅުވެ، ލޯކައިރީގައިވާ ލޭނާރުތައް ދުޅަވުން ކުޑަކޮށްދެއެވެ. އަދި އޭގެ ސަބަބުން ލޯ ކައިރި އަލިވެއެވެ.

ލޯ ކައިރި ކަޅުވާތީ އެކަމާ ހާސްވެ ކަންބޮޑުވާނަމަ، މިއީ އެކަން ހައްލު ކުރުމަށް ގޭގައި ވަރަށް ފަސޭހަކަމާއެކު ކޮންމެ މީހަކަށްވެސް ކުރެވިދާނެ ކަންކަމެެވެ. ވީމާ މިމައްސަލަ ދިމާވާނަމަ މަތީގައިވާ ކަންކަމުގެ ތެރެއިން ކޮންމެވެސް އެއް ކަމެއް ކުރެވޭތޯ ކޮންމެ މީހަކުވެސް ބަލަން ޖެހެއެވެ.

މަސްދަރު: އީޓައިމްސް