ޖަލާލީ އޭނާގެ އޮފީހުގައި އިނެވެ. މެނޭޖަރު އޭނާގެ ކުރިމަތީގައި ފައިލްތަކެއް ބަހައްޓައިފިއެވެ.
މެނޭޖަރުގެ ބެލެހެއްޓުމުގެ ދަށުން މަސައްކަތް ބަރާބަރަށް ހިނގަމުން ގޮސްފައިވެއެވެ. ޝިޕިންގ ކޮމްޕެނީއަށް ލިބިފައިވާ ފައިދާއަކީވެސް އޭނާގެ މިންނެތް މަސައްކަތުން ލިބިފައިވާ ފައިދާއެވެ. މިހާރު އޭނާ ފިހާރައާ ބެހޭގޮތުން ވާހަކަ ދައްކަނީއެވެ. އެތަނަށް ޕާކިސްތާނުން އުފައްދާ ތަކެތި ބޭނުންވެފައިވެއެވެ. އަބަދުވެސް އެފިހާރައިގައި ޕާކިސްތާނުން ގެންނަމުދާ ވިއްކަން ހުރެއެވެ.
[މިސްޓަރ ހެޑްސަންއެވެ. ތިޔަ ކަންތަކުގައި ހެޑްސަނަށް ފެންނަގޮތަކަށް ކުރިއަށް ގެންދާށެވެ. ޕާކިސްތާނުގެ ބައެއް ފާމްތަކާއި ކުންފުނިތަކުގެ އެޑްރެސް ހެޑްސަން އަތުގައި މިހާރުވެސް ހުންނާނެއެވެ. ޖަޢުފަރުވެސް ކުރަނީ ހަމަ ތިޔަކަހަލަ ވިޔަފާރިއެވެ. ވީމާ އޭނާއާއި ގުޅައިގެން މަސައްކަތް ކުރިއަށް ގެންދާށެވެ.]
[ލައްބައެވެ. ޖަލާލީއަށް މިވާހަކަ ނަންގަންނަންވާނެ ނޫންތޯއެވެ. ފަހުން ހުރިހާކަމެއް ޚުދް އަޅުގަނޑު ކުރިއަށް ގެންދާނަމެވެ.]
ކުރަންޖެހޭނެވެސް މެއެވެ. އަހަރެން މިދުވަސްކޮޅު......]
ޖަލާލީ ޖުމްލަ ފުރިހަމަނުކޮށް ދޫކޮށްލައިފިއެވެ. އަދި ގޮނޑީގައި ހަމަޖެހިލިއެވެ.
[ކިހިނެއްވީތޯއެވެ؟]
[އަހަރެން މިދުވަސްކޮޅު މިއުޅެނީ ހަމަނުޖެހުމެއްގެ ތެރޭގައެވެ.]
[އެއީ ކޮންކަމެއް ތޯއެވެ؟]
[ހަމައެކަނި ސިކުނޑީގެ ހާސްކަމެކެވެ. އެހެންވީމާ ހެޑްސަން ހުރިހާކަމެއް އަމިއްލައަށް ހިންގާށެވެ.]
[މަސައްކަތާއިމެދު ފިކުރު ނުކުރައްވާށެވެ.]
[ޝުކުރިއްޔާއެވެ!]
[ލަންޑަނުން ފޯނެއް އައެވެ. އެމީހުނާ ބެހޭގޮތުން ބުނުއްވަނީ ކީކޭތޯއެވެ. އިތުރު މީހުނަށް ވަޒީފާ ދޭންވީތޯއެވެ؟]
[އާނ..... އެތަނަށް މީހުން ބޭނުން ވޭދޯއެވެ.]
[ލައްބައެވެ...... ފުދޭވަރަކަށް މީހުން ބޭނުމެވެ. ވިޔަފާރިއާއި ބެހޭގޮތުން ޖަލާލީ ހާސްވެ ނުލައްވާށެވެ. ވަރަށް ރަނގަޅަށް ކުރިއަށް އެބަދެއެވެ. ލަންޑަނުގެ ވިޔަފާރި ވަރަށް ފުރިހަމައަށް ފެތުރެމުން އެބަދެއެވެ.
[އަހަރެން މިސްޓަރ ފޭލަރަށް ޝުކުރުވެރިވަމެވެ.]
]އޭނާއަކީ މަސައްކަތްތެރި އަދި އަމާނާތްތެރި މީހެކެވެ.]
[އަހަރެން އޭނާއާއިމެދު ހިތްހަމަޖެހިގެން މިހުންނަނީ އެހެން ވެގެންނެވެ. އެހެން ނޫންނަމަ އަހަންނަށް ޖެހޭނީ ލަންޑަނުގެ ވިޔަފާރި ހުއްޓާލާށެވެ.]
[ޖަލާލީ އޭނާއާއި ގުޅުއްވަންވީ ނޫންތޯއެވެ.]
[ކޮންކަމަކާ ބެހޭގޮތުން ހެއްޔެވެ؟]
[އިތުރު މީހުންނަށް ވަޒީފާދިނުމާއި ބެހޭގޮތުންނެވެ. އެންމެ ރަނގަޅު ގޮތަކީ ޚުދް ޖަލާލީ އޭނާއާއި ވާހަކަ ދެއްކެވުމެވެ. ޕާކިސްތާނާއި ހިންދުސްތާނުގެ ކުދިންކޮޅެއް ވަޒީފާއަށް އެދިފައިވާ ވާހަކަ އޭނާ ބުނުއްވާފައިވެއެވެ.]
ޖަލާލީ ގޮނޑީގައި ހަމަޖެހިލަމުން ފުންނޭވާއެއް ލިޔެވެ. އޭނާއަށް ނާޖިޔާގެ ދެބޭބެއިންގެ މަތިން ހަނދާން ވެއްޖެއެވެ. ނާޖިޔާގެ ދޮށްޓަށް ތިބި ދެފިރިހެން ކުދިންނަކީ ތަޢުލީމު ލިބިފައި ތިބި ރަނގަޅު ދެކުދިން ކަމުގައި ކާވެނީގެ ކުރީގައި ފައުޒިއްޔާ ބުނެފާވެއެވެ. އެމީހުން ރަށުން ބޭރުގައި ވަޒީފާ އަދާކުރަން ތައްޔާރަށް ތިބިކަމުގައިވެސް ބުނެފައިވެއެވެ. އެއާގުޅިގެން ޖަލާލީވެސް އެމީހުންނަށް އިންގްލެންޑުން ވަޒީފާ ހޯދައިދޭން އެއްބަސްވެފައިވެއެވެ.
ކޮންމެއަކަސް ލަންޑަނު އޮފީހަށް މީހުން ބޭނުމެވެ. އަދި ނާޖިޔާގެ ދެބޭބެ ގެނެސް ވަޒީފާދޭން ޖަލާލީ ބޭނުމެވެ.
ނާޖިޔާގެ ބައްޕަގެ ސިޓީގައިވެސް އެކުދިންނަށް ވަޒީފާ ހޯދައިދިނުމާއި ބެހޭގޮތުން އިޝާރާތް ކޮށްފާވެއެވެ. އޭނާ ވާހަކައިގެ ތެރޭގައި އެކުދިންގެ ޝައުޤުވެރިކަން ހުރިވަރު ފާޅުކޮށްދީފައި ވެއެވެ. އެކުދިން މަސައްކަތަށް ރަނގަޅުވާނެކަމުގެ ޔަޤީންކަންވެސް ދީފައިވެއެވެ.
ޖަލާލީ ވަރަށްބޮޑު ޢަޒާބެއްގައި ހައްޔަރުވެފައިވެއެވެ.
]މިސްޓަރ ޖަލާލީއެވެ. ކިހިނެއްވީތޯއެވެ.] ޖަލާލީގެ ހާސްކަން މިސްޓަރ ހެޑްސަން ފާހަގަކޮށްފިއެވެ.
[ބޮޑުކަމެއްވެސް މެއެވެ. ކުޑަކަމެއްވެސް މެއެވެ.] ޖަލާލީ ފިނި ނޭވާއެއް ދޫކޮށްލިއެވެ.
[ޖަލާލީ އަޅުގަނޑަށް އިތުބާރު ކުރައްވަމުތޯއެވެ؟]
[މިއީ އެހާ ޚާއްޞަކަމެއް ނޫނެވެ.]
[އެހެންވީއިރު.....؟ އޭނާ ހިނދުކޮޅަކު ހިމޭނުން އިނެވެ. ދެން ކޮންމެވެސް އެއްޗެއް ވިސްނާލަމުން ބުންޏެވެ. [އަހަރެންގެ ރައްޓެހި ޕާކިސްތާނުގެ ދެމީހަކު ލަންޑަނަށް އައިސް އަހަރެންގެ މަސައްކަތަށް އެހީވާން އެދިފައިވެއެވެ.
[ސާހިބާއެވެ! ތިޔައީ ވަރަށް ރަނގަޅު ކަމެކެވެ. އެފާމުގައި ތިބޭނީ ޕާކިސްތާނު މީހުންނެވެ. ފާމަށް ގިނަ މަސައްކަތް ލިބެނީވެސް އިންޑިޔާއާއި ޕާކިސްތާނުންނެވެ.
[ތިޔައީ ރަނގަޅު ވާހަކައެކެވެ.]
[ޖަލާލީ އެމީހުނާމެދު ހިތްހަމަޖެހި ނުލައްވަނީ ތޯއެވެ؟]
[އެހެނެއްވެސް ނޫނެވެ.]
[ދެން ކޮންކަމެއްތޯއެވެ؟]
[އެންމެ ރަނގަޅެވެ. ޚުދް އަހަރެން މިސްޓަރ ރޮކްފޭލަރާ ވާހަކަ ދައްކާނީއެވެ.]
[ތިޔައީ އެންމެ ރަނގަޅު ގޮތެވެ.]
މިސްޓަރ ހެޑްސަން ތެދުވެއްޖެއެވެ. އަދި ޖަލާލީގެ ކުރިމަތީގައި ފޯނު ބަހައްޓާފައި ލަންޑަން އޮފީހުގެ ނަމްބަރުތަކުގެ ޗާޓް ޖަލާލީއާއި ކައިރި ކޮށްލިއެވެ.
[ޖަލާލީ ނަންބަރާ ގުޅާލައިފިއެވެ.]
[ހަލޯ.....!]
[ވާހަކަ ދައްކަނީ މުސްތާޤު ޖަލާލީއެވެ.]
[ލައްބައެވެ. މިކޮޅުން ވާހަކަ ދައްކަނީ ރޮކްފޭލަރއެވެ. ޙާލު ކިހިނެއްތޯއެވެ؟]
[ވަރަށް ރަނގަޅެވެ. ޝުކުރިއްޔާއެވެ!]
[ވިޔަފާރިއާބެހޭ ކަންތައްތައް ވަރަށް ރަނގަޅަށް އެބަހިނގައެވެ.]
[މިސްޓަރ ފޭލަރއެވެ!]
[ލައްބައެވެ!]
[އެހެންވީއިރު....؟]
[ވަޒީފާއަށް ވަރަށްގިނަ މީހުން އެދިފައިވެއެވެ. އެކަމަކު ހިންދުސްތާނާ ޕާކިސްތާނުގެ ކުދިންކޮޅެއް ލިބިފައިވާތީ އެމީހުން މިވަޒީފާއަށް ރަނގަޅުވާނޭ ކަމުގައި އަޅުގަނޑަށް ފެނެއެވެ.]
[އެއްވެސް މީހަކަށް ވަޒީފާދިނުމާއި ބެހޭގޮތުން ވަޢުދުވެފައި ވާނެ ހެއްޔެވެ؟]
[ނޫނެކެވެ.]
[އަހަންނަށް ފެންނަނީ އަދި ހަފްތާއެއްހާ ދުވަހަށް މަޑުކޮށްލުމެވެ. ފަހަރެއްގައި އަހަރެންވެސް ދެމީހަކު ފޮނުވާގޮތަށް ހަމަޖެހިދާނެއެވެ......]
[ކެލިފޯނިޔާ އިންތޯއެވެ؟]
[ނޫނެކެވެ. މިސްޓަރ ފޭލަރއެވެ. އަހަރެން ޕާކިސްތާނުގެ ދެމީހަކަށް ވަޒީފާދޭން ވަޢުދުކޮށްފައި ވާނެއެވެ. އެހެންކަމުން އެމީހުން ގެންނަން އަހަރެން ގަސްތުކުރަމެވެ.]
[އެމީހުންގެ މަސައްކަތް ރަނގަޅު ކަމުގައި ހީވެލައްވާތޯއެވެ؟]
[ތިޔަކަހަލަ ކަންތައްތައް އެނގޭނީ އެމީހުން މަސައްކަތަށް އައިސް މަސައްކަތް ފެށުމަށް ފަހުގައެވެ.]
[ޖަލާލީއަށް ފެނިލައްވާ ގޮތެކެވެ.]
[އެންމެ ރަނގަޅެވެ. އިތުރުކަމެއް ޖެހިއްޖެއްޔާ އަހަންނާ ގުޅާލާށެވެ.]
[ލައްބައެވެ!]
[ޝުކުރިއްޔާ!]
[ޖަލާލީ ފޯނު ބާއްވައިފިއެވެ.
[މިސްޓަރ ޖަލާލީއެވެ. ކޮންމެވެސް އެއްޗެއް ކޭން ބައްލަވަންވީ ނޫންތޯއެވެ.] ހެޑްސަން އަދަބުވެރި ކަމާއެކު ބުންޏެވެ.
[ކޮން އެއްޗެއް ހެއްޔެވެ؟]
]ކޮފީއާއެކު ސޭންޑްވިޗެވެ.]
[ބަނޑުހައި އެބަވެއެވެ. އަހަރެން މެންދުރަކުވެސް ނުކަމެވެ.]
[އަސްތާއެވެ! ތިޔަ ވާހަކަ ކުރިން ބުނުއްވިނަމަ އަޅުގަނޑު ހިމޭނަކުން ނީނީމުހެވެ.]
ޖަލާލީ ގޮނޑިއާއެކު ފުރަގަހަށް އެނބުރިލިއެވެ.
ހެޑްސަން ރަނގަބީލަށް އޮބާލައިފިއެވެ. އެއާއެކު އޭނާގެ ސެކްރެޓަރީ ޖެހިގެންހުރި ކޮޓަރީގެ ދޮރުހުޅުވާލާފައި އެތެރެއަށް ވަދެއްޖެއެވެ.
[ހަލޯ މިސްޓަރ ޖަލާލީއެވެ.] އޭނާ އުފާވެރި މޫނަކާއެކު ބައްދަލުކުރިއެވެ.
[ހަލޯ......!] ޖަލާލީ ބުންޏެވެ.
[ޖަލާލީއަށް މުބާރިކްބާދު ރައްދުކުރާނެ ވަގުތަކަށް އިންތިޒާރު ކުރާތާ ވަރަށް ގިނަދުވަސް ވެއްޖެއެވެ.]
[މިހާރު ދެން އެކަމުގެ ފޯރިވެސް ކެނޑިއްޖެ ނޫން ހެއްޔެވެ؟]
[ފޯރިއެއް ނުކެނޑެއެއް ނޫންތޯއެވެ. އަދި ހަފްތާއެއްވެސް ނުވެއެވެ. ޖަލާލީގެ މިސިޒް ކިހިނެއްތޯއެވެ؟]
ޖަލާލީ ހަމައެކަނި ހިނިތުން ވެލިއެވެ.
[މިސްޓަރ ޖަލާލީ މިވަގުތު އެއިންނެވީ ބަނޑުހައި ވެލައްވާފައެވެ. ލިބުނު އެންމެ ރަނގަޅު އެއްޗެއް އަވަހަށް ފޮނުވާށެވެ.]
[ލައްބައެވެ!] މިހެން ބުނެފައި އޭނާ ނުކުމެގެން ހިނގައްޖެއެވެ. މިސިޒް ކްލެކަކީ ރަތް އިސްތަށިގަނޑެއްގެ ވެރި ފަތިހަށި އަންހެނެކެވެ. އެހާމެ ފަރި އަންހެނެކެވެ.
[މިމީހުންވެސް އަހަންނާ އެކުގައި ވަގުތު ހޭދަކުރެއެވެ. އަހަރެންގެ މަސައްކަތް ކުރެއެވެ. އަހަންނާއެކު ކައިބޮއި އުޅެއެވެ. ވާހަކަ ދައްކައެވެ. އުފާކުރެއެވެ. އުފަލުން ތިބެއެވެ.....]
ޖަލާލީގެ ސިކުނޑީގައި މިކަހަލަ ޚިޔާލުތަކެއް ބާރު ދުވެއްޔެއްގައި ދަތުރުކުރަން ފަށައިފިއެވެ. އޭނާ މިމީހުނާއި ޖަޔާއާ އަޅާކިރަން ފަށައިފިއެވެ.
އެކަމަކު.....
މިގޮތަށް ޚިޔާލުކުރުމަކުން އެއްވެސް ފައިދާއެއް ނެތެވެ. މިއީ ހިތުގެ އުދާހެވެ. ހިތްއެދޭ ގޮތެވެ. މިނިވަން މާޙައުލާއި އަދި މިނިވަން މުޖްތަމަޢުގައި އުޅެ އޭނާއަށްވެސް ތަޖުރިބާ ލިބިފައިވެއެވެ. ހިތާދެކޮޅަށް މީހަކަށް މަޖްބޫރުކުރުމާ އަދި ނުރުހޭ މީހަކު ގަދަކަމުން ރުއްސުމަކީ މިތަނުގެ ގަވައިދެއް ނޫނެވެ. ދިމާވާ ކުދިކުދި މައްސަލަ ތަކުގައި މިތަނުގެ މީހުން ވަރިފަށަށް އަރުވާލައެވެ. އެމެރިކާ އަންހެނުންނަކީ ފިރިންގެ ދަށުގައި ތިބޭ ބައެއްނޫނެވެ. އަދި ފިރިހެނުންނަކީވެސް އަންހެނުންނަށް ތަބާވެގެން އުޅޭ ބައެއް ނޫނެވެ.
އޭނާއަށް ނާޖިޔާ ނުފެނުނުނަމަ މިޚިޔާލުތަކެއް ކުރާކަށް ނުޖެހުނީއެވެ. އޭނާގެ ޙަޔާތަށް ނާޖިޔާ ނައިނަމަ، ހިތުގައި މިވަރަށް ކޫރުމެއް ނޭޅުނީހެވެ. ޙަޔާތުގެ ބައިވެރިއަކަށް ހެދުމަށްފަހު ވަކިކޮށްލުމަކީ ކިހާ ދަތި އުނދަގޫކަމެއް ހެއްޔެވެ. މީރުވަހަކީ ރިހުމެއްކަމުގައި ވެދެއެވެ. އެވަހަކީ ވަގުތީކަމެއް ކަމުގައި ހީވެގެންދެއެވެ. އަދި ފަޟާގައި މީރުވަސް ހިފުމަށްފަހު ކުޑައިރުކޮޅަކުން އެވަސް މުޅިން ކެނޑިގެން ދެއެވެ. އެކަމަކު ސިކުނޑީގައިވަސް ހިފައިފިއްޔާ އަބަދުގެ އަބަދަށް ހަރުލާފައި ހުރެއެވެ.
ޖަލާލީއަށްވެސް ވީ ހަމަ މިގޮތެވެ. ނާޖިޔާއަކީ މީރުވަހެވެ. އެވަސް ފަޟާގައި އިރުކޮޅަކު ހަރުލާ ހުރުމަށްފަހު ކެނޑިގެން ހިނގައިދާނެއެވެ. އެކަމަކު ސިކުނޑީގައި ހަރުލާފައިވާ ވަސް ފަހަރެއްގައިވެސް ކެނޑިގެނެއް ނުދާނެއެވެ. އެއްގޮތަކަށްވެސް ކެނޑިގެނެއް ނުދާނެއެވެ.
ޖަލާލީ އަނެއްކާވެސް ގޮޑީގައި ލެނގިލިއެވެ. ލޯމަރާލިއެވެ. އަދި އޭނާގެ މޭގައި ހިތްދަތިކަމުގެ ނޭވާތައް ތާށިވާން ފަށައިފިއެވެ.
އެކަމަކު މިސިޒް ކްލެކް ކާއެއްޗެހި ތަނބަށް ހިފައިގެން އައުމުން އަމިއްލަ ނަފްސަށް ބާރު ހިންގާލައިފިއެވެ.
އޭނާ މިސްޓަރ ހެޑްސަން އަދި މިސިޒް ކްލެކްއާއެކު ކެއުމުގައި މަޝްޣޫލު ވެއްޖެއެވެ.
**********************
ނާޖިޔާ މާގަސްތަކުގެ ތެރޭގައި ހުރި ހިލަގޮނޑީގައި އިނެވެ. އޭނާގެ ވަށަވަށައިގެން ކުލަކުލައިގެ ފިނިފެންމާ ގަސްތައް އާރޯކަމާއެކު ހެދިފައިވެއެވެ. އެހެނިހެން ވައްތަރުތަކުގެ މާތައްވެސް ފޮޅިފައިވެއެވެ. އޭގެތެރޭގައި މަލުން ފުރިފައިވާ ގޮފިތައް މަލުގެ ބަރާއެކު ތިރިއަށް ލެނބިފައިވެއެވެ.
އުފާވެރި މޫސުމެކެވެ. މާކަ ފިންޏެއްވެސް ނޫނެވެ. ޖަޔާ ހިތްހަމަ ނުޖެހިފައި އިންނަތާ ދެދުވަހެއް ވެއްޖެއެވެ. މަންމައާ ބައްޕަ އަދި ތާނޫދައްތަގެ ސިޓީގެ ރައްދު ޢަމަލެވެ. ވިސްނަމުންގޮސް އޭނާގެ ސިކުނޑި ކަންނެތް ވެއްޖެއެވެ. އެނބުރި ދިއުމުގެ ކަންތައް އޭނާ ފަސްކޮށްލައިފިއެވެ. އެކަމަކު އޭގެ ފަހުގައި.....؟
އެކަމާމެދު އޭނާ ކަންބޮޑުވަނީއެވެ.
ސިޓީގެ ޖަވާބެއް އޭނާ ނުލިޔެއެވެ.
ލިޔާނީ ކީކޭ ކިޔާފައި ހެއްޔެވެ....؟ ސިޓީގެ ޖަވާބުގައި އޭނާ ދޮގުތަކެއް ގުނަންވީ ހެއްޔެވެ؟..... އެކަމަކު މި ޙިޞާރުގައި ހައްޔަރުވެގެންވެސް ކޮންމެވެސް ޓިކާނާއެއް ބޭނުންވެއެވެ.
ޖަލާލީގެ އުޅުން ބަދަލުވެއްޖެއެވެ.
ކުރީގައި އޭނާ ހުރީ ވަރަށް މަޑުމައިތިރި މޫޑެއްގައެވެ. އެކަމަކު މިހާރު އޭގެ ބަދަލުގައި ހަރުކަށި އިންސާނަކަށް އޭނާ ބަދަލުވެއްޖެއެވެ..... އޭނާ ފޯރިއާއެކު މަސައްކަތުގައި އުޅެއެވެ. ނާޖިޔާ ރަށަށް ފޮނުވުމުގެ މަސައްކަތުގައެވެ. ވަރިކުރުމުގެ ކަންތަކުގައެވެ.
ދުވަސްތައް ފާއިތުވަމުން ދިޔަވަރަކަށް ޖަޔާގެ ހާސްކަން އިތުރުވަމުން ދިޔައެވެ. މިހާރު އެއްވެސް ކަމަކާމެދު އޭނާއަކަށް ނުރޮވެއެވެ. ކަރުނަ ހިކިއްޖެއެވެ. ހުސްވެއްޖެއެވެ. ލޮލުން ކަރުނައިގެ ބަދަލުގައި މިހާރު ފެންނަނީ ވީރާނާކަމެވެ.
އޭނާ މިތާގައި އިނދެގެން އަދިވެސް އެކަންތަކާމެދު ވިސްނަނީއެވެ. ދުރުގައިހުރި ގެއަކުން ދެކުއްޖަކު ނުކުމެގެން ކުޅެމުން މިދިމާއަށް އަތުވެއްޖެއެވެ. ޖަޔާ އެކުދިންނާ އިރުކޮޅަކު ވާހަކަ ދައްކާ ހިތްހަމަ ޖެއްސޭތޯ މަސައްކަތް ކުރިއެވެ.
އެކުދިންވެސް ހިނގައްޖެއެވެ. ކުދިންނަކީ އެކަހަލަ ބައެކެވެ...... އަނެއްކާވެސް ޖަޔާ ވިސްނަން ފަށައިފިއެވެ.
ބައެއް ފަހަރު މައިންބަފައިންގެ ޚިޔާލު އާދެއެވެ. އެމީހުންގެ އުފާތަކުގެ އިޙްސާސް ކުރެއެވެ. އެމީހުނަށް ދާއިމީ ގޮތުގައި މިއުފާ ދެވިދާނެއެވެ. ބައެއްފަހަރު ތާނޫ ދައްތަގެ ކުދިންގެ މަތިން ހަނދާންވެއެވެ. އެކުދިންނަށް ދާއިމީ އެހީތެރިކަމެއް އޭނާގެ ފަރާތުން ދެވިދާނެއެވެ. އެކުދިންގެ ޙަޔާތް އާރާސްތު ކޮށްދެއްވި ދާނެއެވެ.
އަދި ބައެއް ފަހަރު އެއްބަނޑު އެއްބަފާ އެހެން ކުދިންގެ ޚިޔާލުތައް ސިކުނޑި ތޮރުފަމުން ދެއެވެ. އަމްޖަދުގެ ސަމާސާ ވާހަކަތައް ހަނދާނަށް އާދެއެވެ.
[ޖަޔާއެވެ. އަހަރެމެންވެސް ބޭރަށް ގެންދަން ވާނެއެވެ. ދުބާއީއަށް ފޮނުވައި ދެނިކޮށް އެންމެ ރަނގަޅެވެ.]
ބައްޕަގެ ސިޓީގައިވާ ޢިބާރާތްތައް އަކުރުން އަކުރަށް އޭނާގެ ހިތަށް ނެގިއެވެ. ހިތް ކުދިކުދިވިއެވެ. އޭނާ ދަރިފުޅަށް ތަޢުރީފުކޮށްފައި އޮތީ ކިހާބޮޑު ޔަޤީންކަމަކާ އެކުގައި ހެއްޔެވެ..... ލަދުވެތިކަމުގެ ޖަޒްބާތުން ފޯވެފައިވާ ޙާލެއްގައި އޭނާ ވިސްނާލިއެވެ...... ޖަލާލީ މިސިޓީ ކިޔާފައި ހިތަށް އަރާނީ ކީކޭ ބާވައެވެ.
މިސިޓީގެ ޖަވާބު އޭނާ ދޭނީ ކޮންގަތަކަށް ހެއްޔެވެ؟
މި ދިރިއުޅުމާމެދު އޭނާ ހިތްހަމަ ނުޖެހޭ ވާހަކަ މަންމަމެންނަށް އަންގަންވީ ހެއްޔެވެ. ތާނޫ ދައްތައަށްފަހު އޭނާވެސް ދާއިމީ ބުރައަކަށް އެމީހުންގެ ކުރިމައްޗަށް ދާންވީ ހެއްޔެވެ؟
ނޫނެކެވެ. ނޫނެކެވެ. އޭނާ ބާރަށް ބޯހޫރާލިއެވެ. ތާނޫ ދައްތަ ގޭގައި މިހާރު އުޅެމުންދާގޮތް އޭނާއަށް ތަޞައްވުރު ކުރެވެން ފަށައިފިއެވެ.... ދާހެދުންތައް ފުންޏަކަށް ޖަހައިގެން ކޮންމެ ދުވަހަކު ހެނދުނުން ފެށިގެން އިރުއޮއްސެންދެން ތާނޫ ދައްތަ ދޮވުމުގެ މަސައްކަތުގައި އުޅެއެވެ..... އޭނާއަށް ފަހަރެއްގައިވެސް އެހިތާމައެއް ނުއުފުލޭނެއެވެ.
ތަށި ތެލި ދޮންނަމުންގޮސް ތާނޫ ދައްތަގެ އަތްތިލަ ކިހާވަރަކަށް ބޯވެފައިވޭ ހެއްޔެވެ. ތަރުކާރީ ކޮށުމުގައި ތާއަބަދު އުޅުމުގެ ސަބަބުން އިނގިލިތައް ކަޅުވެފައިވެއެވެ. ނިޔަފަތިތައް ކުރުގެޅިފައިވެއެވެ. އަތްތިލައިގެ ރޮނގުތައް ކަޅުވެފައި ވެއެވެ.
ޖަޔާ ހާސްކަމާއެކު އަތްތިލައަށް ބަލާލިއެވެ.... އޮމާން ރީތި ދޮންއަތަށް ބަލާލިއެވެ.... [ނޫނެކެވެ.... ނޫނެކެވެ.] އޭނާގެ އަނގައިން ބޭއިޚްތިޔާރުގައި އަޑު ނުކުތެވެ. އަދި ކަންބޮޑުވެފައި މޭގައި އަތް ޖައްސާލިއެވެ.
ޖަޔާ އެނބުރި ރަށަށް ނުދާން ނިންމައިފިއެވެ. ކުރީގައިވެސް އޮތީ މިގޮތަށް ނިންމާފައެވެ. އަދި މިހާރު އެޢަޒުމް ގަދަކޮށްލިއެވެ..... އެކަމަކު.....
ސުވާލު ހަމަ އޭގެ މަޤާމުގައި ފައިތިލަ ސާބިތު ކޮށްފައިވެއެވެ. އެނބުރި ރަށަށް ނުގޮސް މިތާނގައި ކުރާނީ ކޮންކަމެއް ހެއްޔެވެ؟ އޭނާ ނަތީޖާއަކާ ހަމައަށް ދެވޭތޯ މަސައްކަތް ކުރަނީއެވެ. ކިތަންމެ މަގެއް އެބައޮތެވެ. ޖަލާލީއާއި ސުލްޙަ ވެވިދާނެއެވެ. އޭނާ ދޫކޮށްލާފައި ކޮންމެވެސް ވަޒީފާއަކަށް ދެވިދާނެއެވެ. ފައުޒިއްޔާ ރަފީޤު ކައިރިއަށްގޮސް މައްސަލަތައް ސާފު ކުރެވިދާނެއެވެ.
މިހުރިހާ ކަންތައް ތަކެއްގައި ޢަމަލީ ހެދުން އެޅުވުމަކީ ކިހާ އުނދަގޫ ކަމެއްކަން އޭނާއަށް އެނގިފައެއްނެތެވެ. އެކަމަކު ޖަލާލީ ރުއްސުމާ ޞުލްޙަ ހޯދުމަކީ މިހުރިހާ ކަމަކަށްވުރެ ދަތި އުނދަގޫ ކަމެއްކަން އޭނާއަށް އެނގެއެވެ.
އޭނާ އެތައް އިރެއްވަންދެން އެގޮތަށް ވިސްނަން އިނެވެ. ޖަލާލީ ގެއަށް ވަންނަން ދިޔައިރު ޖަޔާ ފެނިފައި ކުޑަ ހިނދުކޮޅަކަށް ހުއްޓުނުވެސް މެއެވެ. ދެން އަނެއްކާވެސް އެތެރެއަށް އަތުވެއްޖެއެވެ. އޭނާ މިސިޒް ހެރަލްޑާ ސުވާލުކުރިއެވެ.
[ނާޖިޔާ ބޭރުގައި އިނީ ކީއްވެގެން ހެއްޔެވެ؟]
މިސިޒް ހެރަލްޑް ހުރީ ބަދިގޭ މަސައްކަތުގައެވެ. ބަދިގޭގެ ކައުންޓަރު މަތީގައި ތަރުކާރީ ޓުކުރިއެއް ހުއްޓެވެ.
[ގޭތެރޭގައި އަބަދު އޮތުމުން ފިކުރުބޮޑުވާތީ ބޭރަށް ނުކުތީ ކަމުގައި ވެދާނެއެވެ.]
ޖަލާލީ ހިމޭން ވެއްޖެއެވެ.
[އެފަކީރަށް ރަޙުމްކުރުން ޙައްޤެވެ.]
[ތެދެކެވެ. އޭނާއާއި ކައިވެނިކޮށް އަނިޔާތަކެއް ދެވުނުކަމުގެ އިޙްސާސް މިހާރު ވަރަށްބޮޑަށް ކުރެވެއެވެ.]
[މިސްޓަރ ޖަލާލީއެވެ. ނުބައި ގޮތަކަށް ހީނުކުރައްވާށެވެ!]
[ޙަޤީޤަތްވާނީ ހަމަ ޙަޤީޤަތަށެވެ.]
[ވިސްނާލުމަކާ ނުލައި ނާޖިޔާ މިހުރިހާކަމެއް ކޮށްފިއެވެ. މިހާރު އޭނާ އެއިންނަނީ އެކަމުގެ ދެރަ ހީވެފައެވެ. އޭނާގެ ގެއިން އައި ސިޓީތަކުގައި ހުރި ވާހަކަތައްވެސް މިހާރު އަޅުގަނޑަށް ކިޔައިދީފިއެވެ.]
[އާނކެވެ. އެމީހުން ތިބީ ވަރަށް އުފަލުންނެވެ.... ޝައްކެއްނެތް ގޮތުގައި ނާޖިޔާ މިހުރިހާ ކަމަކަށް ވިސްނުން ޙައްޤެވެ. އެކަމަކު......]
[އޭނާ އެމީހުނަށް ޖަވާބެއްވެސް ނުފޮނުވައެވެ.]
މިސްޓަރ ޖަލާލީ ފިނި ނޭވާއެއް ދޫކޮށްލިއެވެ..... [އާނއެކެވެ. އެމީހުނަށް ޙަޤީޤަތް އެނގިއްޖެއްޔާ ވަރުގަދަ ޝޮކެއް ލިބޭނެއެވެ. ނާޖިޔާ މިކަމާއިމެދު ވިސްނީ ކަންނޭގެއެވެ.]
[ތިޔަ ބުނުއްވީ ރަނގަޅަށެވެ.]
ޖަލާލީ ހިނދުކޮޅަކު ހިމޭނުން ކޮޅަށް ހުއްޓެވެ. ބަދިގޭގެ ހުޅަނގު ފަރާތު ކުޑަދޮރު ހުޅުވާފައި ހުއްޓެވެ. އަދި ލޮލުކޮޅަށް ފެންނަ ހިސާބަށް މަލުގެ ވާދީ ދެމިފާއޮތެވެ. އެމާތައްވެސް ކުނިތަކުގެ އުނދަގޫ ލިބިގަނެއެވެ. ޖަލާލީ ހަމަ އަވަހަށް އަނެއް ފަރާތަށް މޫނު އަބުރާލިއެވެ.
މިސިޒް ހެރަލްޑް ބަދިގޭން ނެކުމެގެން ހިނގައްޖެއެވެ.
ޖަލާލީ އަމިއްލައަށް ކޮފީ ތައްޓެއް ތައްޔާރު ކޮށްލިއެވެ. އަދި މޭޒު މަތީގައި އިށީނދެފައި ކޮފީބޯން ފަށައިފިއެވެ. މިސިޒް ހެރަލްޑް ޖަޔާ ހޯދަމުން މަލުގެ ވާދީއަށް ނުކުމެއްޖެއެވެ.
[ހަލޯ ނާޖިޔާއެވެ!]
ނާޖިޔާ އެއަޑު އެހިއެވެ. އެކަމަކު އިވުނު ކަމަކަށް ނެހެދިއެވެ.
[ނާޖިޔާއެވެ....!] މިސިޒް ހެރަލްޑް ކައިރިއަށް އައިސް އޭނާގެ ކޮނޑުގައި ހިފާ ތަޅުވައިގަތެވެ.
ނާޖިޔާ އިސްއުފުލާލިއެވެ. އަދި ވިދުވަރު ކެނޑިފައިވާ ލޮލުން މިސިޒް ހެރަލްޑާ ދިމާއަށް ބަލާލިއެވެ. އޭނާގެ ލޯ ރަތްވެފައިވެއެވެ.
[ތެދުވަންނަވާށެވެ!]
[ކީއްކުރަންހެއްޔެވެ؟!]
[ބޭރަށް ގޮސްލަން ކަމަށެވެ.]
[ކޮންތާކަށްހެއްޔެވެ.]
[ކޮންމެވެސް ދިމާއަކަށެވެ.]
ނާޖިޔާ ނޫނެކޭ ބުނުމުގެ ގޮތުން ބޯހޫރާލިއެވެ.
[ކިހިނެއްވީތޯއެވެ......؟]
[އެއްވެސް ތާކަށް ދާކަށް ހިތެއް ހަމައެއް ނުޖެހެއެވެ.]
[ތިޔަކަން ހަމަޖެހި ދާނެއެވެ.] މިސިޒް ހެރަލްޑް ބުންޏެވެ. [އަޅުގަނޑުމެން ފުރަތަމަ ދާނީ ހައިވޭއަށް ބުރެއް އަޅާލާށެވެ. ދެން ރެސްޓޯރަންޓަކަށް ގޮސް ކާނީއެވެ. އޭގެ ފަހުގައި ވިޔަފާރި ކޮށްލަން ދާނީއެވެ. އަދި މިސްޓަރ ޖަލާލީގެ މެނޭޖަރގެ ގެއަށްވެސް ދާންވެފައި އެބައޮތެވެ. އޭނާގެ އަންހެނުން ޖަޔާއާއި ބައްދަލުކުރުމަށް އެދިފައިވެއެވެ.]
[އޭގެ ފަހުގައި.....؟] ޖަޔާ ހެރަލްޑާ ދިމާއަށް ބަލާލިއެވެ.
މިސިޒް ހެރަލްޑް ބާރަށް ހީނގަތެވެ. ޖަޔާވެސް ހިނިތުން ވެލިއެވެ.
[އޭގެ ފަހުގައި.... އޭގެ ފަހުގައި..... މިރޭ އަޅުގަނޑުމެން ފިލްމު ބަލާނީއެވެ. ވަރަށް މޮޅު ފިލްމެކެވެ.]
ޖަޔާ ހިލަގޮނޑިން ތެދުވެއްޖެއެވެ. ގަމީސް ރީތިކޮށްލިއެވެ. އަދި މުޅި ހެދުން ފޮޅާލުމާއެކު އަނބުރައި ގަންނަ ކަހަލަ ގޮތެއްވެސް އޭނާއަށް އިޙްސާސް ކުރެވުނެވެ.
އޭނާ ލޯ މަރާލިއެވެ. އަދި ހަށިގަނޑު ހަމައަކަށް އެޅޭތޯ މަސައްކަތް ކުރިއެވެ. މިސިޒް ހެރަލްޑް ބިންމަތިން މާހޮވަނީއެވެ. އޭނާ ޖަޔާއާ ދިމާއަށް ބަލާލުމަކާ ނުލައި ބުންޏެވެ.
[ނާޖިޔާއެވެ. އަޅުގަނޑު މިތާނގައި ދެން ހުންނާނީ ދެދުވަހެވެ. މިދެދުވަހުގެ ތެރޭގައި ވަރަށްގިނަ ތަންތަން ދައްކާލަން ނާޖިޔާ ގޮވައިގެން ދާނަމެވެ.]
[ނާޖިޔާ ލޯހުޅުވާލިއެވެ. އަދި ޙައިރާން ކަމާއެކު މިސިޒް ހެރަލްޑްގެ މޫނަށް ބަލާލިއެވެ. އޭނާ އަވަހަށް ބުންޏެވެ. [ދެދުވަހޭ؟]
[ލައްބައެވެ!]
[ދެން ދާނީ ކޮންތާކަށް ހެއްޔެވެ؟]
[އަޅުގަނޑުގެ ޗުއްޓީ ދެދުވަހަށް ފަހުގައި ފެށެނީއެވެ.]
[ދެން ހަމަ ދާނީ ހެއްޔެވެެ؟]
[ލައްބައެވެ!]
[ކޮންތާކަށް ހެއްޔެވެ؟]
[މިފަހަރު އަޅުގަނޑު ގަސްތުކުރަނީ ޗުއްޓީ ހޭދަކޮށްލަން އަމިއްލަ ރަށްނޫން އެހެން ރަށަކަށް ދިއުމަށެވެ.]
[އެކަމަކު މިގޭގައި..... އުޅޭނީ ކާކުހެއްޔެެވެ؟]
[ނާޖިޔާއާއި މިސްޓަރ ޖަލާލީއެވެ.]
[ނޫނެކެވެ..... ނޫނެކެވެ......]
މިސިޒް ހެރަލްޑް ހިމޭންހުނުމާއެކު ބުންޏެވެ. [އަޅުގަނޑު ނެތިއްޔާ ނާޖިޔާގެ ވިސްނުމަށް ބަދަލު އައުމަކީވެސް އެކަށީގެންވާ ކަމެކެވެ. މުޅިން އާ ދުނިޔެއަކަށް ލޯހުޅުވި ދާނެއެވެ.]
ޖަޔާ ބުނެލަން ހިތަށް އެރިއެވެ. [އަހަރެން މިހިރީ އާދުނިޔެއަކަށް ލޯހުޅުވިފައެވެ. ވިސްނުމަށްވެސް ބަދަލު އަތުވެއްޖެއެވެ. އެކަމަކު އޭނާ.......... އަހަރެން އޭނާއާ އެކުގައި އުޅޭނީ ކިހިނެއް ހެއްޔެވެ.]
އެހެން ނަމަވެސް ނާޖިޔާ ދުލުން މިޖުމްލަ ބޭރެއް ނުކުރިއެވެ.
މިސިޒް ހެރަލްޑް ރީތި ގުލްދަސްތާއެއް ތައްޔާރު ކޮށްލައިފިއެވެ. ވަރަށް ރީތި ފިނިފެން މަލެއް އޭނާ ނާޖިޔާއާ ދިމާއަށް ދިއްކޮށްލިއެވެ.
[ޝުކުރިއްޔާއެވެ!] ނާޖިޔާ ހިތާދެކޮޅަށް މަލުގައި ހިފައިފިއެވެ. މިސިޒް ހެރަލްޑްގެ ޗުއްޓީއާބެހޭ ވާހަކަ އަޑު އަހާފައި އޭނާހުރީ ކަންބޮޑުވެފައެވެ. މިގޭގައި އެކަނި އުޅުމަކީ ކުޅަދާނަކަމެއް ނޫނެވެ. ބިރުވެރިކަމުގެ ފިނި ތުރުތުރެއް ލޭގައި އަށަގެންފި ކަމުގައި ހީވިއެވެ.
[މިސިޒް ހެރަލްޑެވެ. ޗުއްޓީ ތަންކޮޅެއް ފަސަކޮށްލެވޭނެ ގޮތެއް ނުވާނެހެއްޔެވެ؟] އޭނާ އަވަހަށް ބުންޏެވެ.
[ނުވާނެއެވެ. ނާޖިޔާއެވެ. ގަދަ މަސައްކަތަށްފަހު ކޮންމެ އިންސާނަކަށްވެސް އަރާމު ބޭނުންވާނެއެވެ.] އޭނާ އަނެއްކާވެސް ހެމުން ބުންޏެވެ. [އަޅުގަނޑު އެހާ އަވަހަކަށް މުސްކުޅިވާކަށް ނޭދެމެވެ. މިޗުއްޓީގައި ހުރިހާ ފިކުރަކާ ދުރުގައި މިނިވަންކަންމަތީ އުޅެލާނަމެވެ. އަޅުގަނޑު ފައިސާ ކޮޅެއްވެސް ޖަމާކޮށްފައި ހުންނާނެއެވެ. ހުރިހާ ފައިސާއެއް އުފާކުރުމަށް ޚަރަދު ކޮށްލާނަމެވެ. އަޅުގަނޑުގެ ރަޙްމަތްތެރި ފެރީވެސް ދާނެއެވެ. އަޅުގަނޑުމެން އޮންނާނީ ވަރަށް ގަދައަށް ޕްރޮގްރާމް ތައްޔާރު ކޮށްފައެވެ.]
ޖަޔާ ކަޅިޖަހާނުލައި އޭނާގެ މޫނަށް ބަލަހައްޓައިގެން އިނެވެ.
[މިމީހުނާ އެއްގޮތަށް އަހަންނަކަށް ނުޅެވޭނެ ބާވައެވެ.] ޖަޔާ ވިސްނާލިއެވެ. މިސިޒް ހެރަލްޑަކީ ހުވަފަތް އަންހެނެކެވެ. އޭނާގެ ޒުވާން ފިރިހެން ދަރިފުޅުވެސް މަރުވީއެވެ. އެކަމަކުވެސް ޙަޔާތުގެ ދުވަސްތައް އޭނާ އެނގުނަނީ ކިހާ ފަސޭހަގޮތަކަށް ހެއްޔެވެ. ކިހާ ރީތި ގޮތަކަށް ހެއްޔެވެ. މީނާ ގާތުން ފިލާވަޅު ހޯދަންވީއެވެ.....!
ޖަޔާ މިސިޒް ހެރަލްޑާ ކައިރިވެލިއެވެ.
[މިސިޒް ހެރަލްޑެވެ!]
[ކީކޭތޯއެވެ.]
ތިޔަ ދަތުރުގައި އަހަރެން ނުގެންދެވޭނެ ހެއްޔެވެ؟]
[ސޮރީއެވެ.....!]
[ކީއްވެގެންހެއްޔެވެ؟]
[ނާޖިޔާއެވެ. ހަމަ ކުޑަދުވަސްކޮޅެއްގެ ތެރޭގައި ނާޖިޔާ އެނބުރި ރަށަށް ދުރުވަނީއެވެ.]
ޖަޔާގެ ހިތުގައި މީހަކު ގޮށްމުށުން ޖެހި ކަހަލައެވެ.
[މިސިޒް ހެރަލްޑެވެ!] ޖަޔާ ބޮލުގައި ދެއަތުން މިފަހައްޓާލިއެވެ. އޭނާ އަނބުގައި ގަންނަ ކަހަލަ ގޮތެއްވީއެވެ. އެއާއެކު އަވަސް އަވަހަށް ދުވެފައި ގޭތެރެއަށް ވަދެގެން ހިނގައްޖެއެވެ.
ޖަލާލީ ކަނާތް ފަރާތު ކޮޓަރީގައި ހުއްޓެވެ. ކުޑަދޮރުގެ ފޮތިގަނޑު ކަހާލާފައިވެއެވެ. ޖަޔާ ބޮލުގައި ހިފަހައްޓައިގެން ދުވެފައި ކޮޓަރިއާ ދިމާއަށް ދިޔަތަން އޭނާއަށް ފެނުނެވެ. ދޮރުކައިރިއަށް ދިއުމަށް އޭނާގެ ހިތަށް އެރިއެވެ. އެކަމަކު އެހިސާބަށް ނުދެވި އުޅެނިކޮށް ޖަޔާ ލިވިންގރޫމް ހުރަސްކޮށް އޭނާގެ ކޮޓަރިއަށް ވަދެއްޖެއެވެ.
ކުޑައިރުކޮޅަކަށްފަހު މިސިޒް ހެރަލްޑް އެތެރެއަށް އަތުވެއްޖެއެވެ. އޭނާވެސް ދަނީ ލިވިންގރޫމާ ދިމާއަށެވެ.
ޖަޔާއަށް ވީގޮތެއް ހެރަލްޑް ގާތުން އަހާލުމަށް އޭނާގެ ހިތަށް އެރިއެވެ.
އެކަމަކު......
އޭނާ އެދެމީހުންކުރެ މީހެއްގެ އެއްވެސް ޙަރަކާތެއް ނުފެންނަކަށް ފާޅުކޮށްދޭ ކަހަލަ ގޮތަކަށް އަނެއް ފަރާތަށް އެނބުރިއްޖެއެވެ.
މިސިޒް ހެރަލްޑް ޖަޔާގެ ފަހަތުންގޮސް ނިދާ ކޮޓަރިއަށް ވަދެއްޖެއެވެ. ޖަޔާ އެނދުމަތީގައި އޮތެވެ. އޭނާއަށް މަތިނޭވާ ލެވެމުން ދެއެވެ. ލޯމެރިފައިވެއެވެ.
[ނާޖިޔާއެވެ.......!] މިސިޒް ހެރަލްޑް ގޮވާލިއެވެ.
ޖަޔާ ތެދުވެ އިށީނދެއްޖެއެވެ.
[ކިހިނެއްވީތޯއެވެ؟] ހެރަލްޑް ސުވާލު ކުރިއެވެ.
ސިކުޑި އެނބުރެނީއެވެ. އަހަންނަށް މިވަނީ ކީއްކަމެއްވެސް ނޭނގެއެވެ.] ހެރަލްޑް އޭނާގެ ކައިރީގައި އިށީނދެފައި ކޮނޑުމަތީގައި އަތްބާއްވާލިއެވެ. އަދި ނިކްތުރީގައި އަތް ޖައްސާލިއެވެ. ނާޖިޔާގެ ނިތްކުރި ވަރަށް ހޫނެވެ.
[ހުންފާޑުވީ ނޫން ބާވައެވެ.] ހެރަލްޑް ތެދުވަމުން ބުންޏެވެ.
[އަހަންނަށް އެކައްޗެއްވެސް ނޭނގެއެވެ.] ޖަޔާ ބާލީހުގައި ބޯއަޅާލިއެވެ.
މިސިޒް ހެރަލްޑް އެނދުގައި ޖަޔާ ރަނގަޅަށް ބާއްވާލާފައި މެޔާހަމައަށް ރަޖާގަނޑު އަޅާދިނެވެ. އަދި ބުންޏެވެ.
[ހުންބަލާ ކަށިގަނޑު ހިފައިގެން އަޅުގަނޑު އެބައަންނަމެވެ.]
އަދި ކުޑަ އިރުކޮޅެއްގެ ތެރޭގައި އޭނާ ހުންބަލާ ކަށިގަނޑު ހިފައިގެން އަތުވެއްޖެއެވެ.
މިދުވަސްކޮޅު ހިތްހަމަނުޖެހުމާ ހާސްކަމުގެ ސަބަބުން ނާޖިޔާ ވަރުބަލި ކޮށްލާފައިވެއެވެ. އަރާމެއްނެތި ޚިޔާލުކޮށްކޮށް ސިކުނޑިއާއި ހަށިގަނޑު ކަންނެތް ވެފައިވެއެވެ. އޭނާ މިހާރު ގޮތް ހުސްވުމުގެ އެންމެފަހު މަރުޙަލާ ކަޑައްތު ކުރަނީއެވެ.
(ނުނިމޭ)
މެނޭޖަރުގެ ބެލެހެއްޓުމުގެ ދަށުން މަސައްކަތް ބަރާބަރަށް ހިނގަމުން ގޮސްފައިވެއެވެ. ޝިޕިންގ ކޮމްޕެނީއަށް ލިބިފައިވާ ފައިދާއަކީވެސް އޭނާގެ މިންނެތް މަސައްކަތުން ލިބިފައިވާ ފައިދާއެވެ. މިހާރު އޭނާ ފިހާރައާ ބެހޭގޮތުން ވާހަކަ ދައްކަނީއެވެ. އެތަނަށް ޕާކިސްތާނުން އުފައްދާ ތަކެތި ބޭނުންވެފައިވެއެވެ. އަބަދުވެސް އެފިހާރައިގައި ޕާކިސްތާނުން ގެންނަމުދާ ވިއްކަން ހުރެއެވެ.
[މިސްޓަރ ހެޑްސަންއެވެ. ތިޔަ ކަންތަކުގައި ހެޑްސަނަށް ފެންނަގޮތަކަށް ކުރިއަށް ގެންދާށެވެ. ޕާކިސްތާނުގެ ބައެއް ފާމްތަކާއި ކުންފުނިތަކުގެ އެޑްރެސް ހެޑްސަން އަތުގައި މިހާރުވެސް ހުންނާނެއެވެ. ޖަޢުފަރުވެސް ކުރަނީ ހަމަ ތިޔަކަހަލަ ވިޔަފާރިއެވެ. ވީމާ އޭނާއާއި ގުޅައިގެން މަސައްކަތް ކުރިއަށް ގެންދާށެވެ.]
[ލައްބައެވެ. ޖަލާލީއަށް މިވާހަކަ ނަންގަންނަންވާނެ ނޫންތޯއެވެ. ފަހުން ހުރިހާކަމެއް ޚުދް އަޅުގަނޑު ކުރިއަށް ގެންދާނަމެވެ.]
ކުރަންޖެހޭނެވެސް މެއެވެ. އަހަރެން މިދުވަސްކޮޅު......]
ޖަލާލީ ޖުމްލަ ފުރިހަމަނުކޮށް ދޫކޮށްލައިފިއެވެ. އަދި ގޮނޑީގައި ހަމަޖެހިލިއެވެ.
[ކިހިނެއްވީތޯއެވެ؟]
[އަހަރެން މިދުވަސްކޮޅު މިއުޅެނީ ހަމަނުޖެހުމެއްގެ ތެރޭގައެވެ.]
[އެއީ ކޮންކަމެއް ތޯއެވެ؟]
[ހަމައެކަނި ސިކުނޑީގެ ހާސްކަމެކެވެ. އެހެންވީމާ ހެޑްސަން ހުރިހާކަމެއް އަމިއްލައަށް ހިންގާށެވެ.]
[މަސައްކަތާއިމެދު ފިކުރު ނުކުރައްވާށެވެ.]
[ޝުކުރިއްޔާއެވެ!]
[ލަންޑަނުން ފޯނެއް އައެވެ. އެމީހުނާ ބެހޭގޮތުން ބުނުއްވަނީ ކީކޭތޯއެވެ. އިތުރު މީހުނަށް ވަޒީފާ ދޭންވީތޯއެވެ؟]
[އާނ..... އެތަނަށް މީހުން ބޭނުން ވޭދޯއެވެ.]
[ލައްބައެވެ...... ފުދޭވަރަކަށް މީހުން ބޭނުމެވެ. ވިޔަފާރިއާއި ބެހޭގޮތުން ޖަލާލީ ހާސްވެ ނުލައްވާށެވެ. ވަރަށް ރަނގަޅަށް ކުރިއަށް އެބަދެއެވެ. ލަންޑަނުގެ ވިޔަފާރި ވަރަށް ފުރިހަމައަށް ފެތުރެމުން އެބަދެއެވެ.
[އަހަރެން މިސްޓަރ ފޭލަރަށް ޝުކުރުވެރިވަމެވެ.]
]އޭނާއަކީ މަސައްކަތްތެރި އަދި އަމާނާތްތެރި މީހެކެވެ.]
[އަހަރެން އޭނާއާއިމެދު ހިތްހަމަޖެހިގެން މިހުންނަނީ އެހެން ވެގެންނެވެ. އެހެން ނޫންނަމަ އަހަންނަށް ޖެހޭނީ ލަންޑަނުގެ ވިޔަފާރި ހުއްޓާލާށެވެ.]
[ޖަލާލީ އޭނާއާއި ގުޅުއްވަންވީ ނޫންތޯއެވެ.]
[ކޮންކަމަކާ ބެހޭގޮތުން ހެއްޔެވެ؟]
[އިތުރު މީހުންނަށް ވަޒީފާދިނުމާއި ބެހޭގޮތުންނެވެ. އެންމެ ރަނގަޅު ގޮތަކީ ޚުދް ޖަލާލީ އޭނާއާއި ވާހަކަ ދެއްކެވުމެވެ. ޕާކިސްތާނާއި ހިންދުސްތާނުގެ ކުދިންކޮޅެއް ވަޒީފާއަށް އެދިފައިވާ ވާހަކަ އޭނާ ބުނުއްވާފައިވެއެވެ.]
ޖަލާލީ ގޮނޑީގައި ހަމަޖެހިލަމުން ފުންނޭވާއެއް ލިޔެވެ. އޭނާއަށް ނާޖިޔާގެ ދެބޭބެއިންގެ މަތިން ހަނދާން ވެއްޖެއެވެ. ނާޖިޔާގެ ދޮށްޓަށް ތިބި ދެފިރިހެން ކުދިންނަކީ ތަޢުލީމު ލިބިފައި ތިބި ރަނގަޅު ދެކުދިން ކަމުގައި ކާވެނީގެ ކުރީގައި ފައުޒިއްޔާ ބުނެފާވެއެވެ. އެމީހުން ރަށުން ބޭރުގައި ވަޒީފާ އަދާކުރަން ތައްޔާރަށް ތިބިކަމުގައިވެސް ބުނެފައިވެއެވެ. އެއާގުޅިގެން ޖަލާލީވެސް އެމީހުންނަށް އިންގްލެންޑުން ވަޒީފާ ހޯދައިދޭން އެއްބަސްވެފައިވެއެވެ.
ކޮންމެއަކަސް ލަންޑަނު އޮފީހަށް މީހުން ބޭނުމެވެ. އަދި ނާޖިޔާގެ ދެބޭބެ ގެނެސް ވަޒީފާދޭން ޖަލާލީ ބޭނުމެވެ.
ނާޖިޔާގެ ބައްޕަގެ ސިޓީގައިވެސް އެކުދިންނަށް ވަޒީފާ ހޯދައިދިނުމާއި ބެހޭގޮތުން އިޝާރާތް ކޮށްފާވެއެވެ. އޭނާ ވާހަކައިގެ ތެރޭގައި އެކުދިންގެ ޝައުޤުވެރިކަން ހުރިވަރު ފާޅުކޮށްދީފައި ވެއެވެ. އެކުދިން މަސައްކަތަށް ރަނގަޅުވާނެކަމުގެ ޔަޤީންކަންވެސް ދީފައިވެއެވެ.
ޖަލާލީ ވަރަށްބޮޑު ޢަޒާބެއްގައި ހައްޔަރުވެފައިވެއެވެ.
]މިސްޓަރ ޖަލާލީއެވެ. ކިހިނެއްވީތޯއެވެ.] ޖަލާލީގެ ހާސްކަން މިސްޓަރ ހެޑްސަން ފާހަގަކޮށްފިއެވެ.
[ބޮޑުކަމެއްވެސް މެއެވެ. ކުޑަކަމެއްވެސް މެއެވެ.] ޖަލާލީ ފިނި ނޭވާއެއް ދޫކޮށްލިއެވެ.
[ޖަލާލީ އަޅުގަނޑަށް އިތުބާރު ކުރައްވަމުތޯއެވެ؟]
[މިއީ އެހާ ޚާއްޞަކަމެއް ނޫނެވެ.]
[އެހެންވީއިރު.....؟ އޭނާ ހިނދުކޮޅަކު ހިމޭނުން އިނެވެ. ދެން ކޮންމެވެސް އެއްޗެއް ވިސްނާލަމުން ބުންޏެވެ. [އަހަރެންގެ ރައްޓެހި ޕާކިސްތާނުގެ ދެމީހަކު ލަންޑަނަށް އައިސް އަހަރެންގެ މަސައްކަތަށް އެހީވާން އެދިފައިވެއެވެ.
[ސާހިބާއެވެ! ތިޔައީ ވަރަށް ރަނގަޅު ކަމެކެވެ. އެފާމުގައި ތިބޭނީ ޕާކިސްތާނު މީހުންނެވެ. ފާމަށް ގިނަ މަސައްކަތް ލިބެނީވެސް އިންޑިޔާއާއި ޕާކިސްތާނުންނެވެ.
[ތިޔައީ ރަނގަޅު ވާހަކައެކެވެ.]
[ޖަލާލީ އެމީހުނާމެދު ހިތްހަމަޖެހި ނުލައްވަނީ ތޯއެވެ؟]
[އެހެނެއްވެސް ނޫނެވެ.]
[ދެން ކޮންކަމެއްތޯއެވެ؟]
[އެންމެ ރަނގަޅެވެ. ޚުދް އަހަރެން މިސްޓަރ ރޮކްފޭލަރާ ވާހަކަ ދައްކާނީއެވެ.]
[ތިޔައީ އެންމެ ރަނގަޅު ގޮތެވެ.]
މިސްޓަރ ހެޑްސަން ތެދުވެއްޖެއެވެ. އަދި ޖަލާލީގެ ކުރިމަތީގައި ފޯނު ބަހައްޓާފައި ލަންޑަން އޮފީހުގެ ނަމްބަރުތަކުގެ ޗާޓް ޖަލާލީއާއި ކައިރި ކޮށްލިއެވެ.
[ޖަލާލީ ނަންބަރާ ގުޅާލައިފިއެވެ.]
[ހަލޯ.....!]
[ވާހަކަ ދައްކަނީ މުސްތާޤު ޖަލާލީއެވެ.]
[ލައްބައެވެ. މިކޮޅުން ވާހަކަ ދައްކަނީ ރޮކްފޭލަރއެވެ. ޙާލު ކިހިނެއްތޯއެވެ؟]
[ވަރަށް ރަނގަޅެވެ. ޝުކުރިއްޔާއެވެ!]
[ވިޔަފާރިއާބެހޭ ކަންތައްތައް ވަރަށް ރަނގަޅަށް އެބަހިނގައެވެ.]
[މިސްޓަރ ފޭލަރއެވެ!]
[ލައްބައެވެ!]
[އެހެންވީއިރު....؟]
[ވަޒީފާއަށް ވަރަށްގިނަ މީހުން އެދިފައިވެއެވެ. އެކަމަކު ހިންދުސްތާނާ ޕާކިސްތާނުގެ ކުދިންކޮޅެއް ލިބިފައިވާތީ އެމީހުން މިވަޒީފާއަށް ރަނގަޅުވާނޭ ކަމުގައި އަޅުގަނޑަށް ފެނެއެވެ.]
[އެއްވެސް މީހަކަށް ވަޒީފާދިނުމާއި ބެހޭގޮތުން ވަޢުދުވެފައި ވާނެ ހެއްޔެވެ؟]
[ނޫނެކެވެ.]
[އަހަންނަށް ފެންނަނީ އަދި ހަފްތާއެއްހާ ދުވަހަށް މަޑުކޮށްލުމެވެ. ފަހަރެއްގައި އަހަރެންވެސް ދެމީހަކު ފޮނުވާގޮތަށް ހަމަޖެހިދާނެއެވެ......]
[ކެލިފޯނިޔާ އިންތޯއެވެ؟]
[ނޫނެކެވެ. މިސްޓަރ ފޭލަރއެވެ. އަހަރެން ޕާކިސްތާނުގެ ދެމީހަކަށް ވަޒީފާދޭން ވަޢުދުކޮށްފައި ވާނެއެވެ. އެހެންކަމުން އެމީހުން ގެންނަން އަހަރެން ގަސްތުކުރަމެވެ.]
[އެމީހުންގެ މަސައްކަތް ރަނގަޅު ކަމުގައި ހީވެލައްވާތޯއެވެ؟]
[ތިޔަކަހަލަ ކަންތައްތައް އެނގޭނީ އެމީހުން މަސައްކަތަށް އައިސް މަސައްކަތް ފެށުމަށް ފަހުގައެވެ.]
[ޖަލާލީއަށް ފެނިލައްވާ ގޮތެކެވެ.]
[އެންމެ ރަނގަޅެވެ. އިތުރުކަމެއް ޖެހިއްޖެއްޔާ އަހަންނާ ގުޅާލާށެވެ.]
[ލައްބައެވެ!]
[ޝުކުރިއްޔާ!]
[ޖަލާލީ ފޯނު ބާއްވައިފިއެވެ.
[މިސްޓަރ ޖަލާލީއެވެ. ކޮންމެވެސް އެއްޗެއް ކޭން ބައްލަވަންވީ ނޫންތޯއެވެ.] ހެޑްސަން އަދަބުވެރި ކަމާއެކު ބުންޏެވެ.
[ކޮން އެއްޗެއް ހެއްޔެވެ؟]
]ކޮފީއާއެކު ސޭންޑްވިޗެވެ.]
[ބަނޑުހައި އެބަވެއެވެ. އަހަރެން މެންދުރަކުވެސް ނުކަމެވެ.]
[އަސްތާއެވެ! ތިޔަ ވާހަކަ ކުރިން ބުނުއްވިނަމަ އަޅުގަނޑު ހިމޭނަކުން ނީނީމުހެވެ.]
ޖަލާލީ ގޮނޑިއާއެކު ފުރަގަހަށް އެނބުރިލިއެވެ.
ހެޑްސަން ރަނގަބީލަށް އޮބާލައިފިއެވެ. އެއާއެކު އޭނާގެ ސެކްރެޓަރީ ޖެހިގެންހުރި ކޮޓަރީގެ ދޮރުހުޅުވާލާފައި އެތެރެއަށް ވަދެއްޖެއެވެ.
[ހަލޯ މިސްޓަރ ޖަލާލީއެވެ.] އޭނާ އުފާވެރި މޫނަކާއެކު ބައްދަލުކުރިއެވެ.
[ހަލޯ......!] ޖަލާލީ ބުންޏެވެ.
[ޖަލާލީއަށް މުބާރިކްބާދު ރައްދުކުރާނެ ވަގުތަކަށް އިންތިޒާރު ކުރާތާ ވަރަށް ގިނަދުވަސް ވެއްޖެއެވެ.]
[މިހާރު ދެން އެކަމުގެ ފޯރިވެސް ކެނޑިއްޖެ ނޫން ހެއްޔެވެ؟]
[ފޯރިއެއް ނުކެނޑެއެއް ނޫންތޯއެވެ. އަދި ހަފްތާއެއްވެސް ނުވެއެވެ. ޖަލާލީގެ މިސިޒް ކިހިނެއްތޯއެވެ؟]
ޖަލާލީ ހަމައެކަނި ހިނިތުން ވެލިއެވެ.
[މިސްޓަރ ޖަލާލީ މިވަގުތު އެއިންނެވީ ބަނޑުހައި ވެލައްވާފައެވެ. ލިބުނު އެންމެ ރަނގަޅު އެއްޗެއް އަވަހަށް ފޮނުވާށެވެ.]
[ލައްބައެވެ!] މިހެން ބުނެފައި އޭނާ ނުކުމެގެން ހިނގައްޖެއެވެ. މިސިޒް ކްލެކަކީ ރަތް އިސްތަށިގަނޑެއްގެ ވެރި ފަތިހަށި އަންހެނެކެވެ. އެހާމެ ފަރި އަންހެނެކެވެ.
[މިމީހުންވެސް އަހަންނާ އެކުގައި ވަގުތު ހޭދަކުރެއެވެ. އަހަރެންގެ މަސައްކަތް ކުރެއެވެ. އަހަންނާއެކު ކައިބޮއި އުޅެއެވެ. ވާހަކަ ދައްކައެވެ. އުފާކުރެއެވެ. އުފަލުން ތިބެއެވެ.....]
ޖަލާލީގެ ސިކުނޑީގައި މިކަހަލަ ޚިޔާލުތަކެއް ބާރު ދުވެއްޔެއްގައި ދަތުރުކުރަން ފަށައިފިއެވެ. އޭނާ މިމީހުނާއި ޖަޔާއާ އަޅާކިރަން ފަށައިފިއެވެ.
އެކަމަކު.....
މިގޮތަށް ޚިޔާލުކުރުމަކުން އެއްވެސް ފައިދާއެއް ނެތެވެ. މިއީ ހިތުގެ އުދާހެވެ. ހިތްއެދޭ ގޮތެވެ. މިނިވަން މާޙައުލާއި އަދި މިނިވަން މުޖްތަމަޢުގައި އުޅެ އޭނާއަށްވެސް ތަޖުރިބާ ލިބިފައިވެއެވެ. ހިތާދެކޮޅަށް މީހަކަށް މަޖްބޫރުކުރުމާ އަދި ނުރުހޭ މީހަކު ގަދަކަމުން ރުއްސުމަކީ މިތަނުގެ ގަވައިދެއް ނޫނެވެ. ދިމާވާ ކުދިކުދި މައްސަލަ ތަކުގައި މިތަނުގެ މީހުން ވަރިފަށަށް އަރުވާލައެވެ. އެމެރިކާ އަންހެނުންނަކީ ފިރިންގެ ދަށުގައި ތިބޭ ބައެއްނޫނެވެ. އަދި ފިރިހެނުންނަކީވެސް އަންހެނުންނަށް ތަބާވެގެން އުޅޭ ބައެއް ނޫނެވެ.
އޭނާއަށް ނާޖިޔާ ނުފެނުނުނަމަ މިޚިޔާލުތަކެއް ކުރާކަށް ނުޖެހުނީއެވެ. އޭނާގެ ޙަޔާތަށް ނާޖިޔާ ނައިނަމަ، ހިތުގައި މިވަރަށް ކޫރުމެއް ނޭޅުނީހެވެ. ޙަޔާތުގެ ބައިވެރިއަކަށް ހެދުމަށްފަހު ވަކިކޮށްލުމަކީ ކިހާ ދަތި އުނދަގޫކަމެއް ހެއްޔެވެ. މީރުވަހަކީ ރިހުމެއްކަމުގައި ވެދެއެވެ. އެވަހަކީ ވަގުތީކަމެއް ކަމުގައި ހީވެގެންދެއެވެ. އަދި ފަޟާގައި މީރުވަސް ހިފުމަށްފަހު ކުޑައިރުކޮޅަކުން އެވަސް މުޅިން ކެނޑިގެން ދެއެވެ. އެކަމަކު ސިކުނޑީގައިވަސް ހިފައިފިއްޔާ އަބަދުގެ އަބަދަށް ހަރުލާފައި ހުރެއެވެ.
ޖަލާލީއަށްވެސް ވީ ހަމަ މިގޮތެވެ. ނާޖިޔާއަކީ މީރުވަހެވެ. އެވަސް ފަޟާގައި އިރުކޮޅަކު ހަރުލާ ހުރުމަށްފަހު ކެނޑިގެން ހިނގައިދާނެއެވެ. އެކަމަކު ސިކުނޑީގައި ހަރުލާފައިވާ ވަސް ފަހަރެއްގައިވެސް ކެނޑިގެނެއް ނުދާނެއެވެ. އެއްގޮތަކަށްވެސް ކެނޑިގެނެއް ނުދާނެއެވެ.
ޖަލާލީ އަނެއްކާވެސް ގޮޑީގައި ލެނގިލިއެވެ. ލޯމަރާލިއެވެ. އަދި އޭނާގެ މޭގައި ހިތްދަތިކަމުގެ ނޭވާތައް ތާށިވާން ފަށައިފިއެވެ.
އެކަމަކު މިސިޒް ކްލެކް ކާއެއްޗެހި ތަނބަށް ހިފައިގެން އައުމުން އަމިއްލަ ނަފްސަށް ބާރު ހިންގާލައިފިއެވެ.
އޭނާ މިސްޓަރ ހެޑްސަން އަދި މިސިޒް ކްލެކްއާއެކު ކެއުމުގައި މަޝްޣޫލު ވެއްޖެއެވެ.
**********************
ނާޖިޔާ މާގަސްތަކުގެ ތެރޭގައި ހުރި ހިލަގޮނޑީގައި އިނެވެ. އޭނާގެ ވަށަވަށައިގެން ކުލަކުލައިގެ ފިނިފެންމާ ގަސްތައް އާރޯކަމާއެކު ހެދިފައިވެއެވެ. އެހެނިހެން ވައްތަރުތަކުގެ މާތައްވެސް ފޮޅިފައިވެއެވެ. އޭގެތެރޭގައި މަލުން ފުރިފައިވާ ގޮފިތައް މަލުގެ ބަރާއެކު ތިރިއަށް ލެނބިފައިވެއެވެ.
އުފާވެރި މޫސުމެކެވެ. މާކަ ފިންޏެއްވެސް ނޫނެވެ. ޖަޔާ ހިތްހަމަ ނުޖެހިފައި އިންނަތާ ދެދުވަހެއް ވެއްޖެއެވެ. މަންމައާ ބައްޕަ އަދި ތާނޫދައްތަގެ ސިޓީގެ ރައްދު ޢަމަލެވެ. ވިސްނަމުންގޮސް އޭނާގެ ސިކުނޑި ކަންނެތް ވެއްޖެއެވެ. އެނބުރި ދިއުމުގެ ކަންތައް އޭނާ ފަސްކޮށްލައިފިއެވެ. އެކަމަކު އޭގެ ފަހުގައި.....؟
އެކަމާމެދު އޭނާ ކަންބޮޑުވަނީއެވެ.
ސިޓީގެ ޖަވާބެއް އޭނާ ނުލިޔެއެވެ.
ލިޔާނީ ކީކޭ ކިޔާފައި ހެއްޔެވެ....؟ ސިޓީގެ ޖަވާބުގައި އޭނާ ދޮގުތަކެއް ގުނަންވީ ހެއްޔެވެ؟..... އެކަމަކު މި ޙިޞާރުގައި ހައްޔަރުވެގެންވެސް ކޮންމެވެސް ޓިކާނާއެއް ބޭނުންވެއެވެ.
ޖަލާލީގެ އުޅުން ބަދަލުވެއްޖެއެވެ.
ކުރީގައި އޭނާ ހުރީ ވަރަށް މަޑުމައިތިރި މޫޑެއްގައެވެ. އެކަމަކު މިހާރު އޭގެ ބަދަލުގައި ހަރުކަށި އިންސާނަކަށް އޭނާ ބަދަލުވެއްޖެއެވެ..... އޭނާ ފޯރިއާއެކު މަސައްކަތުގައި އުޅެއެވެ. ނާޖިޔާ ރަށަށް ފޮނުވުމުގެ މަސައްކަތުގައެވެ. ވަރިކުރުމުގެ ކަންތަކުގައެވެ.
ދުވަސްތައް ފާއިތުވަމުން ދިޔަވަރަކަށް ޖަޔާގެ ހާސްކަން އިތުރުވަމުން ދިޔައެވެ. މިހާރު އެއްވެސް ކަމަކާމެދު އޭނާއަކަށް ނުރޮވެއެވެ. ކަރުނަ ހިކިއްޖެއެވެ. ހުސްވެއްޖެއެވެ. ލޮލުން ކަރުނައިގެ ބަދަލުގައި މިހާރު ފެންނަނީ ވީރާނާކަމެވެ.
އޭނާ މިތާގައި އިނދެގެން އަދިވެސް އެކަންތަކާމެދު ވިސްނަނީއެވެ. ދުރުގައިހުރި ގެއަކުން ދެކުއްޖަކު ނުކުމެގެން ކުޅެމުން މިދިމާއަށް އަތުވެއްޖެއެވެ. ޖަޔާ އެކުދިންނާ އިރުކޮޅަކު ވާހަކަ ދައްކާ ހިތްހަމަ ޖެއްސޭތޯ މަސައްކަތް ކުރިއެވެ.
އެކުދިންވެސް ހިނގައްޖެއެވެ. ކުދިންނަކީ އެކަހަލަ ބައެކެވެ...... އަނެއްކާވެސް ޖަޔާ ވިސްނަން ފަށައިފިއެވެ.
ބައެއް ފަހަރު މައިންބަފައިންގެ ޚިޔާލު އާދެއެވެ. އެމީހުންގެ އުފާތަކުގެ އިޙްސާސް ކުރެއެވެ. އެމީހުނަށް ދާއިމީ ގޮތުގައި މިއުފާ ދެވިދާނެއެވެ. ބައެއްފަހަރު ތާނޫ ދައްތަގެ ކުދިންގެ މަތިން ހަނދާންވެއެވެ. އެކުދިންނަށް ދާއިމީ އެހީތެރިކަމެއް އޭނާގެ ފަރާތުން ދެވިދާނެއެވެ. އެކުދިންގެ ޙަޔާތް އާރާސްތު ކޮށްދެއްވި ދާނެއެވެ.
އަދި ބައެއް ފަހަރު އެއްބަނޑު އެއްބަފާ އެހެން ކުދިންގެ ޚިޔާލުތައް ސިކުނޑި ތޮރުފަމުން ދެއެވެ. އަމްޖަދުގެ ސަމާސާ ވާހަކަތައް ހަނދާނަށް އާދެއެވެ.
[ޖަޔާއެވެ. އަހަރެމެންވެސް ބޭރަށް ގެންދަން ވާނެއެވެ. ދުބާއީއަށް ފޮނުވައި ދެނިކޮށް އެންމެ ރަނގަޅެވެ.]
ބައްޕަގެ ސިޓީގައިވާ ޢިބާރާތްތައް އަކުރުން އަކުރަށް އޭނާގެ ހިތަށް ނެގިއެވެ. ހިތް ކުދިކުދިވިއެވެ. އޭނާ ދަރިފުޅަށް ތަޢުރީފުކޮށްފައި އޮތީ ކިހާބޮޑު ޔަޤީންކަމަކާ އެކުގައި ހެއްޔެވެ..... ލަދުވެތިކަމުގެ ޖަޒްބާތުން ފޯވެފައިވާ ޙާލެއްގައި އޭނާ ވިސްނާލިއެވެ...... ޖަލާލީ މިސިޓީ ކިޔާފައި ހިތަށް އަރާނީ ކީކޭ ބާވައެވެ.
މިސިޓީގެ ޖަވާބު އޭނާ ދޭނީ ކޮންގަތަކަށް ހެއްޔެވެ؟
މި ދިރިއުޅުމާމެދު އޭނާ ހިތްހަމަ ނުޖެހޭ ވާހަކަ މަންމަމެންނަށް އަންގަންވީ ހެއްޔެވެ. ތާނޫ ދައްތައަށްފަހު އޭނާވެސް ދާއިމީ ބުރައަކަށް އެމީހުންގެ ކުރިމައްޗަށް ދާންވީ ހެއްޔެވެ؟
ނޫނެކެވެ. ނޫނެކެވެ. އޭނާ ބާރަށް ބޯހޫރާލިއެވެ. ތާނޫ ދައްތަ ގޭގައި މިހާރު އުޅެމުންދާގޮތް އޭނާއަށް ތަޞައްވުރު ކުރެވެން ފަށައިފިއެވެ.... ދާހެދުންތައް ފުންޏަކަށް ޖަހައިގެން ކޮންމެ ދުވަހަކު ހެނދުނުން ފެށިގެން އިރުއޮއްސެންދެން ތާނޫ ދައްތަ ދޮވުމުގެ މަސައްކަތުގައި އުޅެއެވެ..... އޭނާއަށް ފަހަރެއްގައިވެސް އެހިތާމައެއް ނުއުފުލޭނެއެވެ.
ތަށި ތެލި ދޮންނަމުންގޮސް ތާނޫ ދައްތަގެ އަތްތިލަ ކިހާވަރަކަށް ބޯވެފައިވޭ ހެއްޔެވެ. ތަރުކާރީ ކޮށުމުގައި ތާއަބަދު އުޅުމުގެ ސަބަބުން އިނގިލިތައް ކަޅުވެފައިވެއެވެ. ނިޔަފަތިތައް ކުރުގެޅިފައިވެއެވެ. އަތްތިލައިގެ ރޮނގުތައް ކަޅުވެފައި ވެއެވެ.
ޖަޔާ ހާސްކަމާއެކު އަތްތިލައަށް ބަލާލިއެވެ.... އޮމާން ރީތި ދޮންއަތަށް ބަލާލިއެވެ.... [ނޫނެކެވެ.... ނޫނެކެވެ.] އޭނާގެ އަނގައިން ބޭއިޚްތިޔާރުގައި އަޑު ނުކުތެވެ. އަދި ކަންބޮޑުވެފައި މޭގައި އަތް ޖައްސާލިއެވެ.
ޖަޔާ އެނބުރި ރަށަށް ނުދާން ނިންމައިފިއެވެ. ކުރީގައިވެސް އޮތީ މިގޮތަށް ނިންމާފައެވެ. އަދި މިހާރު އެޢަޒުމް ގަދަކޮށްލިއެވެ..... އެކަމަކު.....
ސުވާލު ހަމަ އޭގެ މަޤާމުގައި ފައިތިލަ ސާބިތު ކޮށްފައިވެއެވެ. އެނބުރި ރަށަށް ނުގޮސް މިތާނގައި ކުރާނީ ކޮންކަމެއް ހެއްޔެވެ؟ އޭނާ ނަތީޖާއަކާ ހަމައަށް ދެވޭތޯ މަސައްކަތް ކުރަނީއެވެ. ކިތަންމެ މަގެއް އެބައޮތެވެ. ޖަލާލީއާއި ސުލްޙަ ވެވިދާނެއެވެ. އޭނާ ދޫކޮށްލާފައި ކޮންމެވެސް ވަޒީފާއަކަށް ދެވިދާނެއެވެ. ފައުޒިއްޔާ ރަފީޤު ކައިރިއަށްގޮސް މައްސަލަތައް ސާފު ކުރެވިދާނެއެވެ.
މިހުރިހާ ކަންތައް ތަކެއްގައި ޢަމަލީ ހެދުން އެޅުވުމަކީ ކިހާ އުނދަގޫ ކަމެއްކަން އޭނާއަށް އެނގިފައެއްނެތެވެ. އެކަމަކު ޖަލާލީ ރުއްސުމާ ޞުލްޙަ ހޯދުމަކީ މިހުރިހާ ކަމަކަށްވުރެ ދަތި އުނދަގޫ ކަމެއްކަން އޭނާއަށް އެނގެއެވެ.
އޭނާ އެތައް އިރެއްވަންދެން އެގޮތަށް ވިސްނަން އިނެވެ. ޖަލާލީ ގެއަށް ވަންނަން ދިޔައިރު ޖަޔާ ފެނިފައި ކުޑަ ހިނދުކޮޅަކަށް ހުއްޓުނުވެސް މެއެވެ. ދެން އަނެއްކާވެސް އެތެރެއަށް އަތުވެއްޖެއެވެ. އޭނާ މިސިޒް ހެރަލްޑާ ސުވާލުކުރިއެވެ.
[ނާޖިޔާ ބޭރުގައި އިނީ ކީއްވެގެން ހެއްޔެވެ؟]
މިސިޒް ހެރަލްޑް ހުރީ ބަދިގޭ މަސައްކަތުގައެވެ. ބަދިގޭގެ ކައުންޓަރު މަތީގައި ތަރުކާރީ ޓުކުރިއެއް ހުއްޓެވެ.
[ގޭތެރޭގައި އަބަދު އޮތުމުން ފިކުރުބޮޑުވާތީ ބޭރަށް ނުކުތީ ކަމުގައި ވެދާނެއެވެ.]
ޖަލާލީ ހިމޭން ވެއްޖެއެވެ.
[އެފަކީރަށް ރަޙުމްކުރުން ޙައްޤެވެ.]
[ތެދެކެވެ. އޭނާއާއި ކައިވެނިކޮށް އަނިޔާތަކެއް ދެވުނުކަމުގެ އިޙްސާސް މިހާރު ވަރަށްބޮޑަށް ކުރެވެއެވެ.]
[މިސްޓަރ ޖަލާލީއެވެ. ނުބައި ގޮތަކަށް ހީނުކުރައްވާށެވެ!]
[ޙަޤީޤަތްވާނީ ހަމަ ޙަޤީޤަތަށެވެ.]
[ވިސްނާލުމަކާ ނުލައި ނާޖިޔާ މިހުރިހާކަމެއް ކޮށްފިއެވެ. މިހާރު އޭނާ އެއިންނަނީ އެކަމުގެ ދެރަ ހީވެފައެވެ. އޭނާގެ ގެއިން އައި ސިޓީތަކުގައި ހުރި ވާހަކަތައްވެސް މިހާރު އަޅުގަނޑަށް ކިޔައިދީފިއެވެ.]
[އާނކެވެ. އެމީހުން ތިބީ ވަރަށް އުފަލުންނެވެ.... ޝައްކެއްނެތް ގޮތުގައި ނާޖިޔާ މިހުރިހާ ކަމަކަށް ވިސްނުން ޙައްޤެވެ. އެކަމަކު......]
[އޭނާ އެމީހުނަށް ޖަވާބެއްވެސް ނުފޮނުވައެވެ.]
މިސްޓަރ ޖަލާލީ ފިނި ނޭވާއެއް ދޫކޮށްލިއެވެ..... [އާނއެކެވެ. އެމީހުނަށް ޙަޤީޤަތް އެނގިއްޖެއްޔާ ވަރުގަދަ ޝޮކެއް ލިބޭނެއެވެ. ނާޖިޔާ މިކަމާއިމެދު ވިސްނީ ކަންނޭގެއެވެ.]
[ތިޔަ ބުނުއްވީ ރަނގަޅަށެވެ.]
ޖަލާލީ ހިނދުކޮޅަކު ހިމޭނުން ކޮޅަށް ހުއްޓެވެ. ބަދިގޭގެ ހުޅަނގު ފަރާތު ކުޑަދޮރު ހުޅުވާފައި ހުއްޓެވެ. އަދި ލޮލުކޮޅަށް ފެންނަ ހިސާބަށް މަލުގެ ވާދީ ދެމިފާއޮތެވެ. އެމާތައްވެސް ކުނިތަކުގެ އުނދަގޫ ލިބިގަނެއެވެ. ޖަލާލީ ހަމަ އަވަހަށް އަނެއް ފަރާތަށް މޫނު އަބުރާލިއެވެ.
މިސިޒް ހެރަލްޑް ބަދިގޭން ނެކުމެގެން ހިނގައްޖެއެވެ.
ޖަލާލީ އަމިއްލައަށް ކޮފީ ތައްޓެއް ތައްޔާރު ކޮށްލިއެވެ. އަދި މޭޒު މަތީގައި އިށީނދެފައި ކޮފީބޯން ފަށައިފިއެވެ. މިސިޒް ހެރަލްޑް ޖަޔާ ހޯދަމުން މަލުގެ ވާދީއަށް ނުކުމެއްޖެއެވެ.
[ހަލޯ ނާޖިޔާއެވެ!]
ނާޖިޔާ އެއަޑު އެހިއެވެ. އެކަމަކު އިވުނު ކަމަކަށް ނެހެދިއެވެ.
[ނާޖިޔާއެވެ....!] މިސިޒް ހެރަލްޑް ކައިރިއަށް އައިސް އޭނާގެ ކޮނޑުގައި ހިފާ ތަޅުވައިގަތެވެ.
ނާޖިޔާ އިސްއުފުލާލިއެވެ. އަދި ވިދުވަރު ކެނޑިފައިވާ ލޮލުން މިސިޒް ހެރަލްޑާ ދިމާއަށް ބަލާލިއެވެ. އޭނާގެ ލޯ ރަތްވެފައިވެއެވެ.
[ތެދުވަންނަވާށެވެ!]
[ކީއްކުރަންހެއްޔެވެ؟!]
[ބޭރަށް ގޮސްލަން ކަމަށެވެ.]
[ކޮންތާކަށްހެއްޔެވެ.]
[ކޮންމެވެސް ދިމާއަކަށެވެ.]
ނާޖިޔާ ނޫނެކޭ ބުނުމުގެ ގޮތުން ބޯހޫރާލިއެވެ.
[ކިހިނެއްވީތޯއެވެ......؟]
[އެއްވެސް ތާކަށް ދާކަށް ހިތެއް ހަމައެއް ނުޖެހެއެވެ.]
[ތިޔަކަން ހަމަޖެހި ދާނެއެވެ.] މިސިޒް ހެރަލްޑް ބުންޏެވެ. [އަޅުގަނޑުމެން ފުރަތަމަ ދާނީ ހައިވޭއަށް ބުރެއް އަޅާލާށެވެ. ދެން ރެސްޓޯރަންޓަކަށް ގޮސް ކާނީއެވެ. އޭގެ ފަހުގައި ވިޔަފާރި ކޮށްލަން ދާނީއެވެ. އަދި މިސްޓަރ ޖަލާލީގެ މެނޭޖަރގެ ގެއަށްވެސް ދާންވެފައި އެބައޮތެވެ. އޭނާގެ އަންހެނުން ޖަޔާއާއި ބައްދަލުކުރުމަށް އެދިފައިވެއެވެ.]
[އޭގެ ފަހުގައި.....؟] ޖަޔާ ހެރަލްޑާ ދިމާއަށް ބަލާލިއެވެ.
މިސިޒް ހެރަލްޑް ބާރަށް ހީނގަތެވެ. ޖަޔާވެސް ހިނިތުން ވެލިއެވެ.
[އޭގެ ފަހުގައި.... އޭގެ ފަހުގައި..... މިރޭ އަޅުގަނޑުމެން ފިލްމު ބަލާނީއެވެ. ވަރަށް މޮޅު ފިލްމެކެވެ.]
ޖަޔާ ހިލަގޮނޑިން ތެދުވެއްޖެއެވެ. ގަމީސް ރީތިކޮށްލިއެވެ. އަދި މުޅި ހެދުން ފޮޅާލުމާއެކު އަނބުރައި ގަންނަ ކަހަލަ ގޮތެއްވެސް އޭނާއަށް އިޙްސާސް ކުރެވުނެވެ.
އޭނާ ލޯ މަރާލިއެވެ. އަދި ހަށިގަނޑު ހަމައަކަށް އެޅޭތޯ މަސައްކަތް ކުރިއެވެ. މިސިޒް ހެރަލްޑް ބިންމަތިން މާހޮވަނީއެވެ. އޭނާ ޖަޔާއާ ދިމާއަށް ބަލާލުމަކާ ނުލައި ބުންޏެވެ.
[ނާޖިޔާއެވެ. އަޅުގަނޑު މިތާނގައި ދެން ހުންނާނީ ދެދުވަހެވެ. މިދެދުވަހުގެ ތެރޭގައި ވަރަށްގިނަ ތަންތަން ދައްކާލަން ނާޖިޔާ ގޮވައިގެން ދާނަމެވެ.]
[ނާޖިޔާ ލޯހުޅުވާލިއެވެ. އަދި ޙައިރާން ކަމާއެކު މިސިޒް ހެރަލްޑްގެ މޫނަށް ބަލާލިއެވެ. އޭނާ އަވަހަށް ބުންޏެވެ. [ދެދުވަހޭ؟]
[ލައްބައެވެ!]
[ދެން ދާނީ ކޮންތާކަށް ހެއްޔެވެ؟]
[އަޅުގަނޑުގެ ޗުއްޓީ ދެދުވަހަށް ފަހުގައި ފެށެނީއެވެ.]
[ދެން ހަމަ ދާނީ ހެއްޔެވެެ؟]
[ލައްބައެވެ!]
[ކޮންތާކަށް ހެއްޔެވެ؟]
[މިފަހަރު އަޅުގަނޑު ގަސްތުކުރަނީ ޗުއްޓީ ހޭދަކޮށްލަން އަމިއްލަ ރަށްނޫން އެހެން ރަށަކަށް ދިއުމަށެވެ.]
[އެކަމަކު މިގޭގައި..... އުޅޭނީ ކާކުހެއްޔެެވެ؟]
[ނާޖިޔާއާއި މިސްޓަރ ޖަލާލީއެވެ.]
[ނޫނެކެވެ..... ނޫނެކެވެ......]
މިސިޒް ހެރަލްޑް ހިމޭންހުނުމާއެކު ބުންޏެވެ. [އަޅުގަނޑު ނެތިއްޔާ ނާޖިޔާގެ ވިސްނުމަށް ބަދަލު އައުމަކީވެސް އެކަށީގެންވާ ކަމެކެވެ. މުޅިން އާ ދުނިޔެއަކަށް ލޯހުޅުވި ދާނެއެވެ.]
ޖަޔާ ބުނެލަން ހިތަށް އެރިއެވެ. [އަހަރެން މިހިރީ އާދުނިޔެއަކަށް ލޯހުޅުވިފައެވެ. ވިސްނުމަށްވެސް ބަދަލު އަތުވެއްޖެއެވެ. އެކަމަކު އޭނާ.......... އަހަރެން އޭނާއާ އެކުގައި އުޅޭނީ ކިހިނެއް ހެއްޔެވެ.]
އެހެން ނަމަވެސް ނާޖިޔާ ދުލުން މިޖުމްލަ ބޭރެއް ނުކުރިއެވެ.
މިސިޒް ހެރަލްޑް ރީތި ގުލްދަސްތާއެއް ތައްޔާރު ކޮށްލައިފިއެވެ. ވަރަށް ރީތި ފިނިފެން މަލެއް އޭނާ ނާޖިޔާއާ ދިމާއަށް ދިއްކޮށްލިއެވެ.
[ޝުކުރިއްޔާއެވެ!] ނާޖިޔާ ހިތާދެކޮޅަށް މަލުގައި ހިފައިފިއެވެ. މިސިޒް ހެރަލްޑްގެ ޗުއްޓީއާބެހޭ ވާހަކަ އަޑު އަހާފައި އޭނާހުރީ ކަންބޮޑުވެފައެވެ. މިގޭގައި އެކަނި އުޅުމަކީ ކުޅަދާނަކަމެއް ނޫނެވެ. ބިރުވެރިކަމުގެ ފިނި ތުރުތުރެއް ލޭގައި އަށަގެންފި ކަމުގައި ހީވިއެވެ.
[މިސިޒް ހެރަލްޑެވެ. ޗުއްޓީ ތަންކޮޅެއް ފަސަކޮށްލެވޭނެ ގޮތެއް ނުވާނެހެއްޔެވެ؟] އޭނާ އަވަހަށް ބުންޏެވެ.
[ނުވާނެއެވެ. ނާޖިޔާއެވެ. ގަދަ މަސައްކަތަށްފަހު ކޮންމެ އިންސާނަކަށްވެސް އަރާމު ބޭނުންވާނެއެވެ.] އޭނާ އަނެއްކާވެސް ހެމުން ބުންޏެވެ. [އަޅުގަނޑު އެހާ އަވަހަކަށް މުސްކުޅިވާކަށް ނޭދެމެވެ. މިޗުއްޓީގައި ހުރިހާ ފިކުރަކާ ދުރުގައި މިނިވަންކަންމަތީ އުޅެލާނަމެވެ. އަޅުގަނޑު ފައިސާ ކޮޅެއްވެސް ޖަމާކޮށްފައި ހުންނާނެއެވެ. ހުރިހާ ފައިސާއެއް އުފާކުރުމަށް ޚަރަދު ކޮށްލާނަމެވެ. އަޅުގަނޑުގެ ރަޙްމަތްތެރި ފެރީވެސް ދާނެއެވެ. އަޅުގަނޑުމެން އޮންނާނީ ވަރަށް ގަދައަށް ޕްރޮގްރާމް ތައްޔާރު ކޮށްފައެވެ.]
ޖަޔާ ކަޅިޖަހާނުލައި އޭނާގެ މޫނަށް ބަލަހައްޓައިގެން އިނެވެ.
[މިމީހުނާ އެއްގޮތަށް އަހަންނަކަށް ނުޅެވޭނެ ބާވައެވެ.] ޖަޔާ ވިސްނާލިއެވެ. މިސިޒް ހެރަލްޑަކީ ހުވަފަތް އަންހެނެކެވެ. އޭނާގެ ޒުވާން ފިރިހެން ދަރިފުޅުވެސް މަރުވީއެވެ. އެކަމަކުވެސް ޙަޔާތުގެ ދުވަސްތައް އޭނާ އެނގުނަނީ ކިހާ ފަސޭހަގޮތަކަށް ހެއްޔެވެ. ކިހާ ރީތި ގޮތަކަށް ހެއްޔެވެ. މީނާ ގާތުން ފިލާވަޅު ހޯދަންވީއެވެ.....!
ޖަޔާ މިސިޒް ހެރަލްޑާ ކައިރިވެލިއެވެ.
[މިސިޒް ހެރަލްޑެވެ!]
[ކީކޭތޯއެވެ.]
ތިޔަ ދަތުރުގައި އަހަރެން ނުގެންދެވޭނެ ހެއްޔެވެ؟]
[ސޮރީއެވެ.....!]
[ކީއްވެގެންހެއްޔެވެ؟]
[ނާޖިޔާއެވެ. ހަމަ ކުޑަދުވަސްކޮޅެއްގެ ތެރޭގައި ނާޖިޔާ އެނބުރި ރަށަށް ދުރުވަނީއެވެ.]
ޖަޔާގެ ހިތުގައި މީހަކު ގޮށްމުށުން ޖެހި ކަހަލައެވެ.
[މިސިޒް ހެރަލްޑެވެ!] ޖަޔާ ބޮލުގައި ދެއަތުން މިފަހައްޓާލިއެވެ. އޭނާ އަނބުގައި ގަންނަ ކަހަލަ ގޮތެއްވީއެވެ. އެއާއެކު އަވަސް އަވަހަށް ދުވެފައި ގޭތެރެއަށް ވަދެގެން ހިނގައްޖެއެވެ.
ޖަލާލީ ކަނާތް ފަރާތު ކޮޓަރީގައި ހުއްޓެވެ. ކުޑަދޮރުގެ ފޮތިގަނޑު ކަހާލާފައިވެއެވެ. ޖަޔާ ބޮލުގައި ހިފަހައްޓައިގެން ދުވެފައި ކޮޓަރިއާ ދިމާއަށް ދިޔަތަން އޭނާއަށް ފެނުނެވެ. ދޮރުކައިރިއަށް ދިއުމަށް އޭނާގެ ހިތަށް އެރިއެވެ. އެކަމަކު އެހިސާބަށް ނުދެވި އުޅެނިކޮށް ޖަޔާ ލިވިންގރޫމް ހުރަސްކޮށް އޭނާގެ ކޮޓަރިއަށް ވަދެއްޖެއެވެ.
ކުޑައިރުކޮޅަކަށްފަހު މިސިޒް ހެރަލްޑް އެތެރެއަށް އަތުވެއްޖެއެވެ. އޭނާވެސް ދަނީ ލިވިންގރޫމާ ދިމާއަށެވެ.
ޖަޔާއަށް ވީގޮތެއް ހެރަލްޑް ގާތުން އަހާލުމަށް އޭނާގެ ހިތަށް އެރިއެވެ.
އެކަމަކު......
އޭނާ އެދެމީހުންކުރެ މީހެއްގެ އެއްވެސް ޙަރަކާތެއް ނުފެންނަކަށް ފާޅުކޮށްދޭ ކަހަލަ ގޮތަކަށް އަނެއް ފަރާތަށް އެނބުރިއްޖެއެވެ.
މިސިޒް ހެރަލްޑް ޖަޔާގެ ފަހަތުންގޮސް ނިދާ ކޮޓަރިއަށް ވަދެއްޖެއެވެ. ޖަޔާ އެނދުމަތީގައި އޮތެވެ. އޭނާއަށް މަތިނޭވާ ލެވެމުން ދެއެވެ. ލޯމެރިފައިވެއެވެ.
[ނާޖިޔާއެވެ.......!] މިސިޒް ހެރަލްޑް ގޮވާލިއެވެ.
ޖަޔާ ތެދުވެ އިށީނދެއްޖެއެވެ.
[ކިހިނެއްވީތޯއެވެ؟] ހެރަލްޑް ސުވާލު ކުރިއެވެ.
ސިކުޑި އެނބުރެނީއެވެ. އަހަންނަށް މިވަނީ ކީއްކަމެއްވެސް ނޭނގެއެވެ.] ހެރަލްޑް އޭނާގެ ކައިރީގައި އިށީނދެފައި ކޮނޑުމަތީގައި އަތްބާއްވާލިއެވެ. އަދި ނިކްތުރީގައި އަތް ޖައްސާލިއެވެ. ނާޖިޔާގެ ނިތްކުރި ވަރަށް ހޫނެވެ.
[ހުންފާޑުވީ ނޫން ބާވައެވެ.] ހެރަލްޑް ތެދުވަމުން ބުންޏެވެ.
[އަހަންނަށް އެކައްޗެއްވެސް ނޭނގެއެވެ.] ޖަޔާ ބާލީހުގައި ބޯއަޅާލިއެވެ.
މިސިޒް ހެރަލްޑް އެނދުގައި ޖަޔާ ރަނގަޅަށް ބާއްވާލާފައި މެޔާހަމައަށް ރަޖާގަނޑު އަޅާދިނެވެ. އަދި ބުންޏެވެ.
[ހުންބަލާ ކަށިގަނޑު ހިފައިގެން އަޅުގަނޑު އެބައަންނަމެވެ.]
އަދި ކުޑަ އިރުކޮޅެއްގެ ތެރޭގައި އޭނާ ހުންބަލާ ކަށިގަނޑު ހިފައިގެން އަތުވެއްޖެއެވެ.
މިދުވަސްކޮޅު ހިތްހަމަނުޖެހުމާ ހާސްކަމުގެ ސަބަބުން ނާޖިޔާ ވަރުބަލި ކޮށްލާފައިވެއެވެ. އަރާމެއްނެތި ޚިޔާލުކޮށްކޮށް ސިކުނޑިއާއި ހަށިގަނޑު ކަންނެތް ވެފައިވެއެވެ. އޭނާ މިހާރު ގޮތް ހުސްވުމުގެ އެންމެފަހު މަރުޙަލާ ކަޑައްތު ކުރަނީއެވެ.
(ނުނިމޭ)
ކިޔުންތެރިންގެ ހިޔާލު