ކުރިއަށް އޮތް ރޯދަ މަހަށް ސަރުކާރުން ހަދިޔާގެ ގޮތުގައި ދޭ މަސްދަޅު ކޭސް މާލޭ ސަރަހައްދުގައި ދޫކުރާ ގަޑިތަކަށް ބަދަލުގެެނެސްފި އެވެ.

މި މަހުގެ 20އިން ފެށިގެން މާލޭގައި މަސްދަޅު ދޫކުރަމުން ދިޔައިރު އޮންލައިން ނިޒާމެއްގެ ތެރެއިން ނަންބަރު ދޫކޮށްގެން މަސްދަޅު ދޫކުރަން ފަށާފައިވަނީ ރޭގަނޑު އަށަކުން 12 އަށެވެެ.

ނަމަވެސް ރޯދައާ ދިމާކޮށް މަސްދަޅު ކޭސް ދޫކުރާ ގަޑިތައް މިހާރު ވަނީ ބަދަލުކޮށްފަ އެވެ.

އެސްޓީއޯއިން ބުނީ މިރޭ މަސްދަޅު ދޫކުރަން ނިންމާފައިވަނީ ރޭގަނޑު 09:30 އިން 11:30 އަށް ކަމަށެވެ. އަދި މާދަމާ މަސް ދަޅު ދުލެއް ނުކުރާނެކަމަށް ވެސް ބުންޏެވެ.

އަދި މި މަހުގެ ދޭކުން 10އަށް މަސްދަޅު ދޫކުރާނީ ރޭގަނޑު 09:30 އިން 11:30 އަށެވެ.

ކުރިން ކަނޑައަޅާފައި އޮތީ މި މަހުގެ 20 އިން މިއަދުގެ ނިޔަލަށް މާލޭގައި މަސް ދަޅު ދޫކުރުމަށެވެ. ނަމަވެސް ހުރިހާ ގޭބިސީއަކަށް މަސް ދަޅު ދޫކުރެވެންދެން އެ މަސައްކަތް ކުރިއަށް ގެންދަންވަނީ ނިންމައިފަ އެވެ.

މާލޭގައި މަސްދަޅު ދޫކުރަނީ 13 ތަނަކުން ނެވެ. އަދި އެކި ތަންތަނުން ޓޯކެން ދޫކުރަން ނިންމާފައި ވަނީ އެކި ވަރަށެވެ.

މާލޭގައި މަސްދަޅު ކޭސް ދޫކުރާ ތަންތަން؛

1- މިފްކޯ ކޮމްޕްލެކްސް (މާފަންނު) - 200 ޓޯކަން

2- އެމްޓީސީސީ ސޯމިލް- 200 ޓޯކަން

3- ހެންވޭރު ދަނޑު- 100 ޓޯކަން

4- ގަލޮޅު ދަނޑު (ސެޓަޕް 1) 50 ޓޯކަން

5- ގަލޮޅު ދަނޑު (ސެޓަޕް 2) 50 ޓޯކަން

6- ގަލޮޅު ދަނޑު (ސެޓަޕް 3) 50 ޓޯކަން

7- ގަލޮޅު ދަނޑު (ސެޓަޕް 4) 50 ޓޯކަން

8- ސޯޝަލް ސެންޓަރު- 100 ޓޯކަން

9- ވިލިމާލެ، ވެމްކޯ ސައިޓް- 100 ޓޯކަން

10- ހުޅުމާލެ، އުމަރު ޒާހިރު ބިލްޑިންގް- 100 ޓޯކަން

11- ހުޅުމާލެ، ޕޮލްކޯ ޓަވަރު (ސީ ބްލޮކް) 100 ޓޯކަން

12- ހުޅުމާލެ ހިޔާ ޓަވަރު 10 - 100 ޓޯކަން

13- ހުޅުމާލެ، ކާމިލް ދީދީ ޕްރީ ސްކޫލް- 100 ޓޯކަން