ގައްދޫ ރަޝީދު
6 ސެޕްޓެމްބަރު 2020 - 3:55
23 ވަނަ އެޕިސޯޑް
[މެހްމާނުން އުފާ އުފަލުން ޚުދާ ޙާފިޒް ކިއުމަށްފަހު ވަކިވެއްޖެއެވެ. ޖަލާލީއާ ޖަޔާ ދޮރުކައިރީގައި ތިއްބެވެ. އެންމެފަހު ކާރު ލޯމަތިން ގެއްލެންދެން އެމީހުން އަތްހޫރަމުން ދިޔައެވެ.
ކާރުތައް ދިއުމަށްފަހު ޖަލާލީއާ ޖަޔާ އެތެރެއަށް އަތުވެއްޖެއެވެ.
ހިމޭނުން ތިބެގެންނެވެ.
ދުރުހިލޭ މީހުންގެ ގޮތުގައެވެ.
ބީރަށްޓެހިންގެ ގޮތުގައެވެ.
ޖަޔާ އެތެރެއަށް ވަދެއްޖެއެވެ. ޖަލާލީވެސް ކޮޓަރިއަށް އަތުވެއްޖެއެވެ.
އޭނާހުރީ އިންތިހާއަށް ފިކުރު ބޮޑުވެފައެވެ. ޚިޔާލުގެ ތެރެއަށް ގެއްލިފައެވެ. ޖަޔާގެ ޢަމަލުތައް މިހާރުވެސް އޭނާއަށް ތަޞައްވުރު ކުރެވެމުން ދިޔައެވެ. އެއީ އޭނާ ފަހަރެއްގައިވެސް ޚިޔާރުކުރި ގޮތެއް ނޫނެވެ.
ޖަޔާގެ ޢަމަލުތަކުން އޭނާ މިވެއްޓުނީ މުޅިން އާ ހާސްކަމެއްގެ ތެރެއަށެވެ. އެގޮތަށް ކަންތައްކުރުމުގެ ބޭނުމެއް ނެތެވެ. ވާންވީގޮތްވެ ބޭޒާރުވިނަމަ މާރަނގަޅުވީހެވެ.
މެހްމާނުން ދިއުމަށްފަހު ކުއްލިއަކަށް ގެ ފަޅުވެގެން ދިޔަ ކަހަލައެވެ.... އެއީ ކިހާ ހިތްހެޔޮ ބައެއް ހެއްޔެވެ. އެމީހުނާއެކު ވަގުތުކޮޅެއް ހޭދެކޮށްލެވުމުން ޖަޔާއަށް ހިތްހަމަ ޖެހުމެއް އިޙްސާސް ކުރެވުނެވެ. ޢާއިލާއާ ދުރުގައި ހުރެވޭކަން ހަނދާން ނެތުނު ކަހަލައެވެ.
އެކަމަކު އެމީހުން ދިއުމުން ވަގުތުން ހިތާމަވެރި ވެއްޖެއެވެ. ހިތްދަތިކަމުގެ އަސަރުތައް މޫނުމަތިން ފެންނަން ފަށައިފިއެވެ.
އޭނާގެ ސަބަބުން ޖަލާލީ މާޔޫސްވިއެވެ. އޭނާ ދެރަވަނީ މިކަންމިގޮތަށް ކުރެވުނީތީއެވެ. އަދި އޭނާ ޚިޔާލުކޮށްފައިވާ ގޮތަކީ މެހްމާނުންނާ އުފަލުން އިސްތިޤްބާލުކޮށް އެމީހުންގެ ކުރިމަތީގައި އެއްވެސް ކަހަލަ އުނިސިފައެއް ނުދެއްކުމަށެވެ. މިގޮތުން ޖަލާލީގެ ހިތް މައިތިރިވާނެ ކަމުގައި އޭނާ ހީކުރިއެވެ. އަދި މެހްމާނުން ދިއުމާއެކު އުފާވެރިކަމުގެ ޖަޒުބާތުގައި ފޯވެގެން ހުރެ އޭނާގެ ކައިރިއަށް އަންނާނެ ކަމުގައިވެސް ހީކުރިއެވެ.
އަދި.....
އޭނާ އެއުފާވެރި ވަގުތުކޮޅުގެ ހުރިހާ ހުރަހެއް ތަޅާ ފުނޑުފުނޑު ކޮށްލާނެއެވެ. ޖަލާލީގެ ކަރުގައި އެލުވިގެން އޮވެ ބޭއިޚްތިޔާރުގައި ރޯނެއެވެ. ލޮލުން ކަރުނަ އޮހޮރުވައިގެން ޖަލާލީގެ މޭމަތި ތެންމާލާނެއެވެ.
އެކަމަކު.....
އޭނާ ހީކުރިގޮތަށް އެއްވެސް ކަމެއް ނުވިއެވެ.
ޖަލާލީ ދިޔައީ ސީދާ އޭނާގެ ކޮޓަރިއަށެވެ.
ޖަޔާ ކާގޭގައިހުރި ތަށިތައް ބަދިގެއަށް ގެންގޮސް ކާގެ ރީތިކުރިއެވެ. ހުރިހާތަނެއް ބޭސް ޖަހައިގެން ދޮވެ ސާފުކުރިއެވެ. ބަރު ސޯފާތަކާ މޭޒުތައް އެއްތަނުން އަނެއްތަނަށް ގެންގޮސް ކުނިކަހާ ހެދިއެވެ. ދޮރުތައް ބާރުބާރަށް ލައްޕާފައި ހުޅުވިއެވެ.
އެކަމަކު ޖަލާލީ ބޭރަށް ނުކުންނަ ގޮތެއް ނުވިއެވެ.
ބަދިގެ ތެރެ ސާފުކުރުމުގައި ފުރިހަމަ އެއްގަޑިއިރު ވޭތުވެގެން ހިނގައްޖެއެވެ.
ބޭރަށް އަނދިރިވިތާ ކިތަންމެއިރެކެވެ. ހޮޅިބުރިތަކާ ފާޑުފާޑުގެ ބޮކިތަކުގެ އަލިން ހުރިހާ އެއްޗެއް ފެންވަރަމުން ދިޔައެވެ. ނޫރުގެ ސައިލާބު ދެމިފައި އޮތެވެ. އެކަމަކު ހިތުގެ އަނދިރިކަމަށް އެއްވެސް ކަހަލަ އަލިކަމެއް ނުލިބުނެވެ. ވަގުތުތައް ހޭދަވަމުން ދިޔަވަރަކަށް ޖަޔާގެ އުންމީދުގެ ހުޅުކޮޅުވެސް ކުޑަވަމުން ދިޔައެވެ. ފުން މާޔޫސްކަމެއް ހިތަށް ވެރިވަމުން ދިޔައެވެ. އޭނާގެ ފަރާތުން ޕާޓީގެ ތެރޭގައި ވަރަށްބޮޑު ހަނގުރާމައެއް ކުރިއެވެ. ހިތްވަރާއެކު ސިއްރު ފާޅުވިޔަ ނުދިނުމަށްޓަކައި އިންތިހާއަށް މަސައްކަތް ކުރިއެވެ.
އެކަމަކު...... ލިބުނީ ކޮންއެއްޗެއް ހެއްޔެވެ؟
އަހަރެމެން އެއްބަސްވިޔަސް ނުވިޔަސް މިއީ ހަމަ ޙަޤީޤަތެވެ. އަހަރެމެން ކޮންމެ މީހަކަށް ކަމެއްކޮށްދިން ކަމުގައިވިޔަސް އިނާމުގެ އުންމީދު ކުރެވެއެވެ. ކޮންމެފަދަ ސިފައެއްގައި ނަމަވެސް އިނާމުލިބުމަށް ހިތް އެދެއެވެ. މިހަދިޔާއަކީ ލޯބީގެ ދެތިން ލަފްޒު ކަމުގައިވެސް ވެދާނެއެވެ. ކޮންމެ އެއްޗެއް މާއްދިއްޔަތުގެ ތިލަފަތުން ކިރުމަކީ ކޮންމެހެން ބޭނުންކަމެއް ނޫނެވެ. ބައެއް ނާޒުކް ޖަޒްބާތަކީ ހަމައެކަނި ލޯބީގެ އިޝާރާތަކުން ހަމަޖެހުން ލިއްބައިދޭ އެއްޗެކެވެ.
ޖަޔާ ހުރިހާކަމަކުން ނިމިގެން ކޮޓަރިއަށް އަތުވެއްޖެއެވެ. ސާޅީ ބާލާފައި އެނދުމަތީގައި އޮތެވެ. އޭނާ އެސާޅި ރީތިކޮށް ފަށްޖެހިއެވެ. ބްލައުޒާއި ޕެޓީ ކޯޓް ނަގާ ރީތި ތަރުތީބަކުން ކޮނޑުތަކުގައި އެޅުވިއެވެ.
ޖަލާލީ އަދިވެސް ބޭރަކަށް ނުނިކުމެއެވެ.
[އަނެއްކާ ބޭރަށް ދިޔައީ ނޫން ބާވައެވެ.] ނާޖިޔާ ވިސްނާލިއެވެ. ދެން ހަލުއިކޮށް ހިނގާފައިގޮސް ގަރާޖާ ދިމާއަށް ބަލާލިއެވެ.
ޖަލާލީގެ ކާރު އެބައޮތެވެ. ކޮޓަރީގެ ބޮކިވެސް ހުރީ ދިއްލާފައެވެ. އެތެރޭގައި އެބައުޅޭކަން ހަމަގައިމެވެ.
ނާޖިޔާހުރީ ރުޅިއައިސް ރަތްވެފައެވެ. އެކަމަކު ކުއްލިއަކަށް ޖަލާލީގެ ޠަބީޢަތް ރަނގަޅު ނޫންކަމުގެ ޚިޔާލު އޭނާއަށް ކުރެވިއްޖެއެވެ. އޭނާއަށް ބޭސް ދޭވާހަކަވެސް މަންސޫރު ބުނެފައިވެއެވެ.
ރަޙުމްގެ ޖަޒުބާތު އޭނާގެ ހިތު ތެރޭގައި މޯޅިއަކަށް ދެމިލައިފިއެވެ. ރުޅިވެރިކަން ދުރަށް ހިނގައްޖެއެވެ. މިހާރު ޖަލާލީގެ ބޮލުގައި ގަދައަށް ރިއްސާނެކަން ހަމަ ޔަޤީނެވެ.
އެކަމަކު..... އޭނާ ހަދަންވީ ކިހިނެއް ހެއްޔެވެ.
ކުޑަކޮށް ވިސްނާލާފައި އޭނާ ބަދިގެއާ ދިމާއަށް ހިނގައިގަތެވެ. އަވަސް އަވަހަށް ސައިތަށްޓެއް ހެދިއެވެ.
ރީތި ތަށްޓަކަށް ސައި އެޅުމަށްފަހު ވަތްގަނޑުން ބޮލުތަދުގެ ބޭސްގުޅައެއް ނެގިއެވެ. މިއީ މީގެ ދުވަސްކޮޅެއް ކުރީގައި އޭނާއަށް މިސިޒް ހެރަލްޑް ދިން ބޮލުތަދު ބޭހެވެ.
މިއެއްޗެހި ހިފައިގެން ޖަޔާ ބަދިގޭން ނުކުމެއްޖެއެވެ.
އޭނާގެ ހިތްތެޅެމުން ދިޔައެވެ. ލަދުވެތިކަމާ ޖެހިލުންވުން އޭނާގެ ފައިގައި ހިލިހިލާ އަޅަމުން ދިޔައެވެ. އެކަމަކު ކޮންކަހަލަ ޖަޒްބާތެއްކަމެއް ނޭގެއެވެ. ކޮންކަހަލަ ބާރެއްކަމެއް ނޭގެއެވެ. އޭނާ ދަމާފައި ޖަލާލީގެ ކޮޓަރިއާ ދިމާއަށް ގެންދިޔައެވެ.
ދޮރުކައިރިއަށް ހުއްޓިއްޖެއެވެ.
އޭނާއަށް ހީވީ ދެފައިތިލަ ބިމަށް ވަދެގެންދަނީ ކަމުގައެވެ. އޭނާއަށް ފައި ހަލުވާވެސް ނުލެވުނެވެ. ދާހިއްލާ ފޯވެއްޖެއެވެ. ހިތް މޭގެތެރޭގައި އޮވެގެން ތެޅިފޮޅެމުން ދިޔައެވެ. ޒަޚަމްވެފައިވާ ދޫންޏެއް ފަދައިންނެވެ. ޖަލާލީ އެތެރޭގައި އުޅެނިކޮށް މިކޮޓަރިއާ ދިމާއަށް އޭނާ އައި މިއީ ފުރަތަމަ ފަހަރެވެ.
ކޮންމެއަކަސް މިގޮތަށް އިރުކޮޅަކު ހުރުމަށްފަހު ހިތްވަރުކޮށްލާފައި ދޮރުފަތުގައި އިނގިލި ޖައްސާ އެތެރެއަށް ކޮށްޕާލިއެވެ.
ދޮރުހުރީ ހުޅުވާފައެވެ.
ދެފަހަރަކު މަޑުމަޑުން ޓަކިޖަހާލުމުން ޖަލާލީގެ ފިޔަވަޅުގެ އަޑު އިވިއްޖެއެވެ.
އަދި ދޮރުފަތް ހުޅުވާލިއެވެ.
އޭނާ އެއްޗެކޭ ނުބުނެއެވެ. ޖަޔާ އެތެރެއަށް އަތުވެއްޖެއެވެ. އަދި މޭޒުމަތީގައި ސައިތަށި ބެހެއްޓިއެވެ.
ޖަލާލީ އޭނާއާ ދިމާއަށް ބަލާލިއެވެ. ބޮލުން ފެށިގެން ފައިގެ ނިވައި ބޮނޑިއާއި ހަމައަށް ބަލާލިއެވެ. ދެން ސައިތަށްޓަށް ބަލާލިއެވެ.
[އަހަރެން ސައިހަދާކަށް ނުބުނަމެވެ.] އޭނާ މަޑުމަޑުން ބުންޏެވެ.
[އަޅުގަނޑު އަމިއްލައަށް ގެނައީއެވެ.]
[ކީއްކުރަން ހެއްޔެވެ؟]
[ޖަލާލީގެ ބޮލުގައި ރިއްސާ ވާހަކަ ބުނުއްވާފައި އޮތީމައެވެ.]
[އެހެންދޯއެވެ.]
ޖަލާލީ ދޮރުކަރިގައި ހުރެފައި އައިސް ނާޖިޔާގެ ކުރިމައްޗަށް ހުއްޓިއްޖެއެވެ. ޖަޔާ އެއްފަހަރު ބަލާލިއެވެ.
އޭނާ ސީރިއަސްވެފައިވާ ކަހަލައެވެ.
[ކޮންކަހަލަ ޚިޔާލެއް އައީ ހެއްޔެވެ؟] އޭނާ ވަރަށް ނުރުހުންވެފައި ބުންޏެވެ.
ޖަޔާ މައްސަލަ ގޯސްވިޔަނުދިނުމަށް މަސައްކަތް ކުރަމުން ބުންޏެވެ. [މިސިޒް ހެރަލްޑް ހުރީ ޗުއްޓީގައެވެ. އޭނާގެ ހުރިހާ ޒިންމާއެއް އޮތީ އަޅުގަނޑުގެ ބޮލުގައެވެ.]
[ނާޖިޔާ އެއްވެސް ޒިންމާ ދާރީއެއް ބޮލުގައި އަޅާކަށް ނުޖެހެއެވެ.] ޖަލާލީ ހަރުކަށި ގޮތަކަށް ބުންޏެވެ.
ހިނދުކޮޅަކަށް ޖަޔާގެ ހިތްހުއްޓުނު ކަހަލައެވެ. އޭނާއަށް ހީވީ ޖަލާލީ އޭނާގެ ކަންކަށި މަތީގައި ޖެހީހެންނެވެ.
އެކަމަކުވެސް......
އޭނާ ޖެހިބުދެއްހެން ކޮޅަށް ހުއްޓެވެ.
ޖަލާލީގެ ހިތް އަތުލައިގަތުމަކީ އެހާ ފަސޭހަކަމެއް ނޫނެވެ. އެންމެ ފުރަތަމަ ދުވަހު ކުށްހީގެ ޙަމަލާއިން އޭނާގެ ހިތުގައި ހޮއި ހައްދާލާފައިވެއެވެ. އެޒަޚަމް ފަސޭހަކޮށްލުމަކީ އެހާ ފަސޭހަކަމެއް ނޫނެވެ.
އޭނާ މަތިހަށި ނަގާފައި އެހުންނަނީ އެހެންވެގެންނެވެ.
ހިނދުކޮޅެއް ވޭތުވެގެން ހިނގައްޖެއެވެ.
ޖަލާލީ އަނެއްކާވެސް އެނބުރި ބަލާލިއެވެ. ޖަޔާ އިސްޖަހައިގެން ހިމޭނުން ހުންނައިރު ވަރަށް ލޯތްބެވެ. ވަރަށް މަޢުޞޫމެވެ.
އެކަމަކު.....
އެއީ މަޢުޞޫމު ކުއްޖެއް ނޫނެވެ. މިއަދު ޖަލާލީއަށް އެކަން އިޙްސާސް ކުރެވިއްޖެއެވެ.
[ނާޖިޔާއަކީ ގޮތްދެއްކުމަށް ވަރަށް ކުޅަދާނަ އަންހެނެކެވެ.] ޖަލާލީ އޭނާއާ ދިމާއަށް ބަލަހައްޓައިގެން ހުރެ ބުންޏެވެ.
ޖަޔާ ހާސްވެފައި ބަލާލިއެވެ.
[މިއަދު ތިޔަ ދައްކާލީ ވަރަށް ފުރިހަމަ ގޮތްދެއްކުމެކެވެ.] ޖަލާލީ ހަމައެއަޑުން ބުންޏެވެ. ޖަޔާ އަނެއް ފަރާތަށް މޫނު އަނބުރާލިއެވެ. އަދި އޭނާގެ ހިމޭން ހިނިތުންވުން މަތަކުރެވޭތޯ މަސައްކަތް ކުރިއެވެ. މިމަންޒަރެއް ޖަލާލީއަކަށް ނުފެނެއެވެ.
[އެގޮތަށް ކަންތައްކުރުމުގެ އެއްވެސް ބޭނުމެއް ނެތެވެ.] އެކި ލަފްޒަށް ބާރުލަމުން ނުރުހުންވެފައި އޭނާ ހަޅޭލަވައި ގަތް ކަހަލައެވެ.
ޖަޔާ ރޫރޫ އަޅައިގަތެވެ. އަދި ކުއްލިއަކަށް އެނބުރިލާފައި ޙައިރާން ކަމާއެކު ބަލާލިއެވެ.
[ނާޖިޔާ އަހަރެންގެ ހާސްކަމުގައި އިތުރު ކުލައެއް ޖައްސައިފީމުއެވެ. އެމީހުންނަށް އެނގެން ބޭނުންވާ ސިއްރު މިއަދު ފާޅުވިޔަނުދިނީ ކީއްވެގެން ހެއްޔެވެ. ޖަޔާގެ ނުރުހުންވުމާ ނަފްރަތު އެމީހުންގެ ކުރިމަތީގައި ހާމަކުރުން ބޭނުމެވެ. ތިޔަގޮތަށް މަތިއޮމާން ކުރުމުގެ ބޭނުމަކީ ކޮބައި ހެއްޔެވެ. އެވަގުތު ޖަޔާގެ ހިތުގައިވާ ހުރިހާ އެއްޗެއް އެމީހުންގެ ކުރިމައްޗަށް އޮއްސާލިނަމަ އިތުރު ހާސްކަމެއް ނުއުފެދުނީހެވެ. ނާޖިޔާ ތިޔަ މަސައްކަތް ކުރަނީ އެމީހުންގެ ކުރިމަތީގައި އަހަރެންގެ އަގު ވައްޓާލުމަށެވެ..... މާދަމާ އަހަރެން އެމީހުންނަށް ދައްކާނީ ކޮންމޫނެއް ހެއްޔެވެ. މިއަދު ތިޔަދެއްކި ދަޅައާމެދު އެމީހުން ގާތުގައި އަހަރެން ބުނާނީ ކީކޭ ހެއްޔެވެ. ދިފާޢުގައި އަހަރެން ދައްކާނީ ކޮންވާހަކައެއް ހެއްޔެވެ.]
ޖަޔާ ޙައިރާންވެފައި އޭނާގެ މޫނަށް ބަލަމުން ގެންދިޔައެވެ. އޭނާގެ ރުޅި އަދިވެސް ގަދަވަނީއެވެ. ޖަޔާއަށް އެކައްޗެކޭވެސް ނުބުނެވުނެވެ.
[ކުޑަދުވަސްކޮޅެއްގެ ތެރޭގައި ނާޖިޔާ އެނބުރި ރަށަށް ދަނީކަން ހަމަރަނގަޅަށް އެނގޭނެއެވެ. ވީއިރު އެގޮތަށް ޑްރާމާކުޅުމުގެ ބޭނުމަކީ ކޮބައި ހެއްޔެވެ؟] ޖަލާލީ ފުރަގަހަށް އެނބުރި ފައި ހަރުއަޑުން ސުވާލުކުރިއެވެ.
ޖަލާލީ ހުރީ ވަރަށް ދެރަވެފައެވެ.
އެކަމަކު......
ޖަލާލީގެ މިސުވާލާމެދު އޭނާގެ ތުންފަތުގައި ހިނިތުންވުމެއް ދުވެލިއެވެ.
[ބުނެބަލާށެވެ. އެގޮތަށް ކަންތައްކުރީ ކީއްކުރަން ހެއްޔެވެ....؟] ޖަލާލީ ތުރުތުރު އަޅަމުން ޖަޔާއާ ދިމާއަށް އެނބުރުނެވެ.
ޖަޔާވެސް ރުޅި އަތުވެއްޖެއެވެ. އެސުވާލު ތަންކޮޅެއް މަޑުމައިތިރި ގޮތަކަށްވެސް ކުރެވިދާނެ ނޫން ހެއްޔެވެ. އެހާ އަޑުގަދަކުރުމުގެ ބޭނުމަކީ ކޮބައި ހެއްޔެވެ. ޖަޔާގެ ނިތްކުރިއަށް ރޫއަރައިފިއެވެ. ދެލޯ ރަތްވެއްޖެއެވެ. އަދި ހަރުއަޑުން ބުންޏެވެ.
[އަޅުގަނޑު ރަށަށް ދާން ގަސްތުނުކުރާތީ އެގޮތަށް ކަންތައް ކުރީއެވެ.]
އޭނާގެ ޖުމްލަ ޖަލާލީއަށް ނުވިސްނުނު ކަހަލައެވެ. ކުޑަޙަރަކާތެއް ބޮލަށް ގެނައެވެ. އަދި ލޯބޮޑުކޮށްލަމުން ޔަޤީންކަން ކުޑަގޮތަކަށް ބަލާލަމުން ބުންޏެވެ. [ކީކޭ ހެއްޔެވެ...... ކީކޭ ހެއްޔެވެ.....؟
[އަޅުގަނޑު ރަށަކަށް ނުދާނަމެވެ.] ޖަޔާ އެކި އަކުރަށް ބާރުލާފައި ބުންޏެވެ.
ޖަލާލީގެ ރުޅި މައިތިރި ވެއްޖެއެވެ. އަދި ޙަރިއާން ކަމާއެކު ޖަޔާގެ މޫނަށް ބަލަން ފަށައިފިއެވެ.
ނާޖިޔާ އެނބުރިލާފައި ކޮޓަރިން ނުކުންނަން ފިޔަވަޅު ނެގިއެވެ.
[ތިޔަބުނީ ރަށަށް ނުދާނަމޭ ނޫން ހެއްޔެވެ.] ޖަލާލީ ނާޖިޔާގެ ފުރަގަހުން ކޮނޑުގައި ހިފެހެއްޓުމުގެ ނިޔަތުގައި އަތް ދިއްކޮށްލިއެވެ. އެކަމަކު ދެތިން އިންޗީގެ ދުރުމިނުގައި އަތް ހުއްޓިއްޖެއެވެ.
[އެހެންވީއިރު ނާޖިޔާ ރަށަށް ނުދާގޮތަށް މިހާރު ނިންމީދޯއެވެ.] ޖަލާލީ އޭނާގެ ކުރިމައްޗަށް އަރާފައި ބުންޏެވެ. އޭނާ އަދިވެސް ބޮޑަށް ޔަޤީންކުރަން މަސައްކަތް ކުރަނީއެވެ.
[ލައްބައެވެ. ނުދާނަމެވެ.] ޖަޔާ ވަރަށްބޮޑަށް ރުޅި އަތުވެއްޖެއެވެ.
[ރަށަށް ނުގޮސް ހުންނާނީ ކޮންތާކު ހެއްޔެވެ.] ޖަލާލީ ބުންޏެވެ.
[ޖާގަ ލިބުނު ތަނެއްގައެވެ.] އޭނާ ބާރަށް ހިނގާފައި ގޮސް ކޮޓަރިން ނުކުމެއްޖެއެވެ.
ޖަލާލީގެ ހަށިގަނޑަށް ކުއްލި ލޮޅުމެއް އެރި ކަހަލައެވެ. އޭނާ ކައިރީގައި ހުރި ގޮނޑިއަށް ވެއްޓިއްގަތެވެ.
ޖަޔާ ނުދާގޮތަށް ނިންމުނުން އުންމީދުގެ ދޯދިތައް ވިދާ ބަބުޅައިގަތެވެ. އަލިފާން ހުޅުކޮޅެއް ފަދައިންނެވެ.
އެކަމަކު އޭނާގެ ފަހުގެ ޖުމްލައިން މިހުޅުކޮޅު ނިވިގެން ހިނގައްޖެއެވެ.
**********************
މިހާ އަވަހަށް މިކަންތައް ވެދާނެ ކަމަކަށް އެއްވެސް މީހަކު އުއްމީދެއް ނުކުރެއެވެ.
މިކަންތައް މިވީ އެސްފިޔަ ޖަހާލާހާ އަވަހަށެވެ.
ސޯފިޔާ، ރައިޙާންއާއި އަމްޖަދު ގެއަށް ގެނުވައިގެން ޖަލާލީގެ ފޯނާބެހޭގޮތުން ވާހަކަދެއްކިއެވެ.
[އޭނާ ލަންޑަނުގައި ހުންނަ ފާމުން ތިޔަ ދެކުދިންނަށް ވަޒީފާދޭން ގަސްތުކުރައްވައެވެ. މިކަމާ ގުޅޭގޮތުން ފޯނުކޮށް ވާހަކަ ދެއްކެވިއެވެ.
އޭނާ ބުނުއްވި ގޮތުގައި ލަންޑަނު އޮފީހުގެ މެނޭޖަރ މިސްޓަރ ފޭލަރއަށް އޭނާ ހުރިހާ ވާހަކައެއް ކިޔާ ދެއްވައިފިއެވެ. އަވަހަށް ކަލޭމެން ޕާސްޕޯޓް ހައްދާށެވެ. އަދި ޕާސްޕޯޓް ނަމްބަރު އޭނާއަށް ފޮނުވާށެވެ. ވިސާ އަވަހަށް ލިބޭނީ އޭރުންނެވެ.]
[އަޅުގަނޑުމެން ޕާސްޕޯޓް ހައްދައިފީމެވެ.]
[ވަރަށް ރަނގަޅެވެ. މާދަމާ ހަތަރެއްޖެހުމާ ކައިރި ވަގުތެއްގައި މެނޭޖަރު ފޯނުކުރާނެއެވެ. އެގަޑިއަށް ކަލޭމެން އަންނާށެވެ. އޭރުން އަމިއްލަ އަޑުން އޭނާއާ ވާހަކަ ދެކެވިދާނެއެވެ. ބައްޕަވެސް ގޮވައިގެން އަންނާށެވެ. އެންމެ ރަނގަޅެވެ. ގޮތަކީ އަމިއްލައަށް ވާހަކަ ދައްކައިގެން ކަންތައް ނިންމުމެވެ.]
[އެންމެ ރަނގަޅެވެ. އަޅުގަނޑުމެން މާދަމާ ހަތަރެއް ޖަހާއިރު އަންނާނަމެވެ.]
[ވަރަށް ރަނގަޅެވެ.]
[އަޅުގަނޑުމެން ޖަލާލީއަށް ޝުކުރުވެރިވަމެވެ. އޭނާ އަޅުގަނޑުމެނާމެދު ކަންތައް ކުރެއްވީ ވަރަށް ރަނގަޅަށެވެ.]
[ޖަލާލީއަކީވަރަށް މާތް އިންސާނެކެވެ. ހަމައެކަނި ޖަޔާއަކަށް ނޫނެވެ. އެފަދަ އިންސާނަކު ލިބުމުން ކަލޭމެންގެ މުޅި ޢާއިލާއަށްވެސް އުފާވެރިކަން ލިބިއްޖެއެވެ.]
[މޫސުމް ރަނގަޅަށް ބަދަލުވާނީ ކަލޭމެން ދެކުދިން ލަންޑަނަށް ދިއުމުންނެވެ. އަދި އަމިއްލަ ކަމެއްގެ ގޮތުގައި ޖަލާލީގެ މަސައްކަތާ ޙަވާލުވި ދުވަހަކުންނެވެ.]
[އިރާދަކުރެއްވިއްޔާ ތިޔަކަންތައް ވަރަށް އަވަހަށް ކުރެވިދާނެއެވެ.]
ދެވަނައަށްވީ ދުވަހު ހަވީރު ހަތެއްޖެހިއިރު ރައިޙާނާއި އަމްޖަދު ބައްޕަ ގޮވައިގެން އައިސް ސޯފިޔާގެ ސިޓިންގ ރޫމްގައި ތިއްބެވެ. އެމީހުން އިންތިޒާރު ކުރަމުން އެގެންދަނީ ލަންޑަނުން އަންނަ ފޯނަށެވެ.
ފަޔާޒް އަޙްމަދު ފައުޒިއްޔާއަށް ވަރަށްބޮޑަށް ޝުކުރުވެރިވެއެވެ. މިކަން އޭނާ ސޯފިޔާގެ ކުރިމަތީގައި ހާމަކުރަމުން ގެންދިޔައެވެ. އަސަރު ކުރުވަނިވި ޢިބާރާތުންނެވެ.
[ފަޔާޒް އަންކަލްއެވެ. ފައުޒިއްޔާއަކީ ހަމައެކަނި ވަސީލަތެކެވެ. އެއީ ހަމަ ނާޖިޔާގެ ނަސީބެވެ. އިއްތިފާޤުން މިގޭ ކުދިންނަށް ކިޔަވައިދޭން ނާޖިޔާއަށް އާދެވުނީއެވެ. އަދި ހަމަ އެދުވަސްކޮޅާ ދިމާކޮށް ފައުޒިއްޔާ ދައްތައަށްވެސް އާދެވުނީއެވެ.]
[އެއީ މާތްރަސްކަލާނގެ ދެއްވި ޢިނާޔަތެކެވެ. މިކަންތައް މިކުރެވުނީ ފައުޒިއްޔާ މެދުވެރިއަކަށް ވެގެންނެވެ. އޭނާއަށް ހެޔޮހިތުން ޝުކުރުވެރިވަމެވެ.]
[ޝުކުރިއްޔާއެވެ.]
[ފޯނު އަންނާނީ ލަންޑަނުން ހެއްޔެވެ. ނޫނީ އެމެރިކާއިން ޖަލާލީ ހެއްޔެވެ.]
[ލަންޑަނު އޮފީހުން ޖަލާލީގެ މެނޭޖަރު މިސްޓަރ ފޭލަރ ފޯނު ކުރާނެއެވެ. އޭނާއަށް ޖަލާލީގެ ފަރާތުން ހުރިހާ އިޚްތިޔާރެއް ލިބިފައިވެއެވެ.]
[ޖަލާލީގެ ވިޔަފާރި ވަރަށްބޮޑު ހެއްޔެވެ.]
[ލައްބައެވެ. ފައުޒިއްޔާ ދައްތަ ދެއްކި ވާހަކަތަކުން އަޅުގަނޑަށް މާބޮޑު ޔަޤީންކަމެއް ނުލިބެއެވެ. އެކަމަކު ޙަޤީޤަތުގައިވެސް އޭނާގެ ވިޔަފާރީގެ ދާއިރާ ވަރަށް ފުޅަލެވެ. ލަންޑަނު އޮފީހުގެ މުވައްޒަފުންވެސް އެހާގިނައެވެ. ހަމައެކަނި މުސާރަތަކުގެ ހިސާބު ބަލާލުމުންވެސް މަސައްކަތުގެ ތަނަވަސްކަން ހާމަވެގެން ދެއެވެ. ސްޓޭޓްގައިވެސް އޭނާގެ މަސައްކަތް ހިނގާ އެތައް ތަނެއް ހުރެއެވެ. އަދި މިހާރު ޚަބަރު ލިބޭގޮތުން ކޮންމެވެސް އެއަރލައިނެއްގެ ހިއްސާވެސް ގަންނަނީއެވެ.]
[ތިޔައީ އަހަރެން ހީވެސް ނުކުރާފަދަ ފެންވަރެކެވެ.]
[މިއީ ހަމަ ޖަޔާގެ ނަސީބޭ އަޅުގަނޑު މިބުނަނީ އެހެން ވެގެންނެވެ.] ސޯފިޔާ ބުންޏެވެ.
[ޖަޔާގެ ސަބަބުން އަޅުގަނޑުމެންނަށްވެސް ރަނގަޅު ގޮތްތަކެއް މެދުވެރިވާނެއެވެ.] ރައިޙާން ހިނިތުންވެލާފައި ބުންޏެވެ.
[ކަންތައްވާނީ ހަމަ ތިޔަގޮތަށެވެ.] ސޯފިޔާ ބުންޏެވެ. [މިހާރު ތިޔަކުދިންނަކީ ޖަލާލީގެ އެންމެގާތް ތިމާގެ މީހުންނެވެ. އޭނާއަކީ ވާލެއް އިޔާރެއްހުރި މީހެއް ނޫނެވެ.]
[އިރާދަ ކުރެއްވިއްޔާ އަޅުގަނޑުމެން ތިމާގެ މީހުނަށްވުރެވެސް ބޮޑަށް އޭނާއަށް މާތްކޮށް ހިތާނަމެވެ.] އަމްޖަދު ބުންޏެވެ. [ޖަލާލީއަށް އެއްވެސް އުނިކަމެއް އަޅުގަނޑުމެންގެ ފަރާތަކުން ނުފެންނާނެއެވެ.]
[މާތްރަސްކަލާނގެ ތިޔަގޮތަށް މެދުވެރި ކުރައްވާށިއެވެ......]
[ކަލާނގެ މިންވަރު ފުޅާއެކު މިގޮތަށް އަޅުގަނޑުމެން ޢަމަލުތައް ބަހައްޓާނަމެވެ.]
އެންމެން ޖަލާލީގެ ވާހަކަ ދައްކަމުން ދިޔައެވެ. ނާޖިޔާއާ ކާވެނިކުރުމަށްފަހު ރައިޙާނާއި އަމްޖަދަށް ވަޒީފާ ދިނުމަކީ ޖަލާލީގެ ދެވަނަ އިޙްސާންތެރިކަމެވެ.
[ޖަޔާގެ ސިޓީއެއް ލިބުނުތޯއެވެ؟] އެކިއެކި ވާހަކަ ދެއްކުމުގެ ތެރޭގައި ސޯފިޔާ ސުވާލުކުރިއެވެ.
[އަދި ނާދެއެވެ. އެކަމަކު ސިޓީ ލިބޭނެ ވާހަކަ ފައުޒިއްޔާ އެންގިއެވެ.]
]ލައްބައެވެ. ފޯނުން އެންގިއެވެ. އަދި ސިޓީވެސް ލިބޭނެއެވެ......]
[އަހަރެން ސިޓީ ލިޔުނީމެވެ. އޭގެ ޖަވާބުވެސް ލިބޭނެކަމުގައި އަހަރެމެން ހީކުރަމެވެ.]
[ފަޔާޒް އަންކަލްއެވެ.]
[ކީކޭ ހެއްޔެވެ؟]
[މިހާރު ދެން އަންކަލް ފޯނު ކުރައްވާށެވެ. އިދާރަކުރެއްވީތީ މިހާރު ނާޖިޔާއަކީ ދުވާލަކު އެއްފަހަރު ފޯނުކުރި ކަމުގައިވިޔަސް ޚަރަދު ދެވޭފަދަ ކުއްޖެކެވެ.
[ތެދެކެވެ. ބައްޕާއެވެ! އަޅުގަނޑުމެން ހިނގައްޖެއްޔާ ކޮންމެހެންވެސް ބައްޕަ ފޯނުކުރައްވަން ޖެހޭނެއެވެ.]
ފަޔާޒު އަޙްމަދު ހިނިތުންވެލާފައި ބޯޖަހާލިއެވެ. އޭނާ މާތްރަސްކަލާނގެ އޯގާވަންތަކަމާމެދު ޝުކުރުކުރަމުން ވިސްނަމުން ދިޔައެވެ.
ހަތަރުގަޑި ބައިވާން އުޅެނިކޮށް ފޯނު ރަނގަބީލުވާން ފަށައިފިއެވެ. ސޯފިޔާ ގެނައި ސައިތަށިތައްވެސް ހުރިގޮތަށް ހުރީއެވެ.
މިސްޓަރ ރޮކް ޖަލާލީގެ ވާހަކައިގެ އަލީގައި ހުރިހާކަމެއް އޮޅުންފިލުވާ ދިނެވެ. މުސާރައާއި އަދި މަސައްކަތާ ބެހޭގޮތުންނެވެ. އެމީހުން ތިބޭނެތަނަކާ ބެހޭގޮތުންވެސް ވާހަކަ ދެއްކިއެވެ.
ހުރިހާކަމެއް މިހާ ކުއްލިގޮތަކަށް ނިމިދާނެ ކަމަކަށް ރައިޙާނާއި އަމްޖަދު ޔަޤީނެއް ނުކުރެއެވެ. ހީވަނީ ފެންނަމުންދާ ހުވަފެނެއް ހެންނެވެ. ފަޔާޒު އަޙްމަދުވެސް ޖަލާލީގެ މިފިޔަވަޅާމެދު އިންތިހާއަށް އުފާވެފައި އިންކަން މޫނުމަތިން ސާބިތުވެއެވެ.
[އުފާވެރިކަން ހުއްޓެވެ.] ސޯފިޔާ އަހާލިއެވެ. ނިމުނީ ކޮންގޮތަކަށް ހެއްޔެވެ.]
ރައިޙާން ތަފްޞީލުކޮށް ކިޔައިދެމުން ބުންޏެވެ. [ސޯފިޔާ ދައްތާއެވެ. އަޅުގަނޑުމެންނަށް ހަތަރުވަނަ ދަރަޖައިގައި މަސައްކަތް ލިބުނު ކަމުގައިވިޔަސް ޣަނީމާއެއްކަމުގައި ދެކޭނަމެވެ. އެކަމަކު މިއީ ޖަލާލީގެ ލޯތްބާއި އިޚްލާޞްތެރި ކަމެވެ.]
[ކަލޭމެންވެސް މަސައްކަތްކުރާނީ އަމިއްލަ މަސައްކަތެއްގެ ގޮތުގައެވެ.]
[ލައްބައެވެ!]
ކުޑައިރުކޮޅަކު ތިންބަފައިން އެތާނގައި ތިއްބެވެ. ރައިޙާނާއި އަމްޖަދު ތިބީ ގެއަށް ދިއުން ލަސްވެފައެވެ. މިއުފާވެރި ޚަބަރު އެންމެނަށް އެންގުމަށްޓަކައި ކެތްމަދުވެފައެވެ.
[ފޯނު އައުމާ ވިދިގެން ސައިވެސް ހިހޫ ވެއްޖެއެވެ. އަދި ސައިހަދަން ތޯއެވެ.] ފަޔާޒް އަޙްމަދުގެ މޫނަށް ބަލާލާފައި ސޯފިޔާ ބުންޏެވެ.
ރައިޙާން ތެދުވަމުން ބުންޏެވެ. [ނޫނެކެވެ. ސޯފިޔާ ދައްތާއެވެ. ދެން ސައި ހައްދަވާނެ ކަމެއްނެތެވެ.]
[ސޯފިޔާއަށް ވަރަށް އުނދަގޫ ކުރެވިއްޖެއެވެ.] ފަޔާޟް އަޙްމަދުވެސް ތެދުވަމުން ބުންޏެވެ.
[އެއީ އެއްވެސް ކަމެއްނޫނެވެ.] ސޯފިޔާ ބުންޏެވެ. ތިޔަގެއަށް ފޯނު ނަރު ނުވެއްދޭހާ ހިނދަކު އަޅުގަނޑަށް މިގޮތަށް އުނދަގޫ ކުރައްވަން ޖެހޭނެއެވެ.]
އެންމެން ހިނިތުން ވެލިއެވެ. ދެން ތިންބަފައިން ސޯފިޔާއަށް ޝުކުރިވެރިވަމުން ގެއަށް އަތުވެއްޖެއެވެ.
ގެއަށް ވަދެވުމާއެކު ރައިޙާން މުބާރިކްބާދުގެ އަޑު އުފުލާލިއެވެ. ހުރިހާ މީހުން ބޭރަށް ނުކުމެއްޖެއެވެ.
އަމްޖަދު މަންމަ ގައިގައި އޮޅުލައިގަތެވެ. ރައިޙާން ތާނޫ ދައްތަގެ ގުއްޑޫ ނަގާ ވައިގެ ތެރެއަށް އެއްލާފައި ހިފިއެވެ.
[ކޮންމެވެސް އެއްޗެކޭ ބުނެބަލާށެވެ.] ތާނޫ ކޮޅުފިލާ ގޮނޑީގައި އިށީނދެފައި ބުންޏެވެ.
[މަތީ ދަރަޖަ ލިބިއްޖެއެވެ. ތާނޫ ދައްތާއެވެ.] ރައިޙާން ބުންޏެވެ.
ބައްޕަ އިށީންނަށް ޢަތީޤާ އެތެރޭން ގޮނޑިއެއް ގެނެސްދީފިއެވެ. މަންމަ ތާނޫ ކައިރީ ކޮޅުފިލާ ގޮނޑީގައި އިށީދެއްޖެއެވެ.
[ވަޒީފާ ލިބުނީ ހެއްޔެވެ.] ރައިޙާނުގެ އަތުގައި ހިފާފައި ތާނޫ ސުވާލުކުރިއެވެ.
[އަމިއްލަ މަސައްކަތެވެ. ކޮން ވަޒީފާއެއް ހެއްޔެވެ؟] ރައިޙާން ފަޚުރުވެރި ކަމާއެކު މޭ ފުއްޕާލަމުން ބުންޏެވެ.
[ދާނީ ކޮންއިރަކު ހެއްޔެވެ؟]
[މާދަމާވެސް ދާންވީއެވެ.] އަމްޖަދު ބުންޏެވެ.
[މާދަމާ.......؟!] މަންމަ ޙައިރާންވެފައި އަހާލިއެވެ.
[ނޫނެކެވެ. މަންމާއެވެ. މިހެން ބުނިކަމުގައި ވިޔަސް ދޮޅުމަހެއްހާ ދުވަސްވާނެއެވެ. ޕާސްޕޯޓް ނަމްބަރާ ބޭނުންވާނެ އެހެނިހެން މަޢުލޫމާތު މާދަމާ ފޮނުވާގޮތަށް ހަމަޖެހުނީއެވެ. މަންމާއެވެ! ދެން މަންމަގެ ދެ ފިރިހެން ދަރިން ލަންޑަނަށް ހިނގައި ދާނެއެވެ.]
[ދަރިފުޅުމެން ހެޔޮ ޙާލުގައި ލަހައްޓަވާށިއެވެ.] މަންމަ ދުޢާކުރިއެވެ.
[އެކަމަކު މައްމާއެވެ!] ރައިޙާން ހުރީ ސަމާސާކުރުމުގެ މޫޑުގައެވެ.
[ކީކޭ ހެއްޔެވެ؟]
[މަންމަގެ ދަރިންތައް މަންމަގެ ލޯމަތިން ގެއްލެނީއެވެ. ޖަޔާ އެހެރީ އެތައްސަތޭކަ މޭލެއްގެ ދުރަށް ގޮހެވެ. މިހާރު ދާން މިއުޅެނީ ދެފިރިހެން ކުދިންނެވެ.]
ރައިޙާންގެ ސަމާސާ ބަސްކޮޅު ތީރެއް ފަދައިންގޮސް މަންމަގެ ހިތަށް ހެރިއްޖެއެވެ. އޭނާއަށް ހީވީ ޖަޔާ އެތައް ޒަމާނެއް ވަންދެން ލޯމަތިން ގެއްލިފައިވާ ކަމުގައެވެ. އޭނާގެ ލޯތެމިއްޖެއެވެ.
އަމްޖަދު ހެމުން މަންމަގެ ކަރުގައި އެލިގަތެވެ. އަދި ބުންޏެވެ. [މަންމާއެވެ. މާތްރަސްކަލާނގެ ކިބަފުޅަށް ޝުކުރުކުރާށެވެ. އަހަރެމެންނަކީ ކޮންބައެއް ހެއްޔެވެ. އަދި މިހާރު ލިބެމުން މިދަނީ ކޮންފަދަ އުފާތަކެއް ހެއްޔެވެ. އެއްޗެއް ހޯދުމަށްޓަކައި އަނެކައްޗެއް ނަގާލަންވެސް ޖެހޭނެއެވެ.]
[މިކަހަލަ ކަންތައްތަކެއް ދިމާވެދާނެ ކަމަކަށް އަހަރެން ހުފެނެއްގައިވެސް ނުދެކެމެވެ.] ފަޔާޒު އަޙްމަދު ބުންޏެވެ.
[ޖަޔާގެ ކާވެނި ކުރެވުނީ ވަރަށް ބަރަކާތްތެރި ކަމާއެކުގައެވެ.] ތާނޫ ބުންޏެވެ. [އަނެއްކޮޅުން މިސިޒް ޖަޢުފަރުގެ އަންހެނުން ޢަތީޤާއަށް އެދެމުން ދަނީއެވެ. އެއީ މަތީފެންވަރުގެ މުއްސަނދި ބައެކެވެ.]
ފަޔާޟް އަޙްމަދުގެ މޫނުމަތިން ވިދުވަރެއް ފެނިގެން ދިޔައެވެ. މިސިޒް ޖަޢުފަރުގެ ނަން އިވުމާއެކު ޢަތީޤާ ދުވެފައި ގޭތެރެއަށް ހިނގައްޖެއެވެ..... މިސިޒް ޖަޢުފަރު ދެފަހަރު މަތިން ޢަތީޤާގެ ކާވެންޏަށް އެދިފައިވެއެވެ. އޭނާ ޢަތީޤާ ވަރަށް ބޭނުމެވެ. އޭނާ މިހާރުހުރީ މިކާވެނި ކުރުވުމަށް ޢަޒުމް ކަނޑައަޅައި ގެންނެވެ.
ރައިޙާނާއި އަމްޖަދު ލަންޑަނަށްދިއުމުގެ ޚަބަރު މުޅިހިސާބުގަނޑަށް ފެތުރިއްޖެއެވެ. ބޮޑުބޭބެއަށް، ފަހަރިއަށްވެސް އިވިއްޖެއެވެ. ނަވީދުގެ ކަންފަތުގައިވެސް މިޚަބަރު ޖެހިއްޖެއެވެ. މިހާރު އޭނާ ދެރަވެއެވެ. މަންމަމެންނާ އެއްބަނޑު މީހުންގެ ބަހަށް ހެއްލިގެން ނާޖިޔާ ދޫކޮށް ނާދިރާއާ ގުޅުވުނީތީއެވެ.
މިއީ ކޮންކަހަލަ ޖަޒުބާތެއް ހެއްޔެވެ. އޭނާ ހިތުތެރޭގައި ޖަޔާގެ ލޯބި އުފެދިފައިވިކަން ދެނެވޮޑިގެންވާނީ ﷲއެވެ. އެކަމަކު އެދުވަސްވެސް ހިނގައްޖެއެވެ.
ޖަޔާގެ ގޭގައި އުފާވެރިކަމުގެ ދައުރެއް ފެށިއްޖެއެވެ.
ދެވަނައަށް ވީދުވަހު ރައިޙާނާއި އަމްޖަދު ހެނދުނު ހެނދުނާ ޕާސްޕޯޓް ހިފައިގެން ނުކުމެއްޖެއެވެ. މިސްޓަރ ރޮކް ދީފައިވާ ތަފްޞީލާ އެއްގޮތަށް ޢަމަލުކުރުމަށެވެ.
ޖެހިގެން އައިދުވަހު ޖަޔާގެ ސިޓީއެއް ލިބިއްޖެއެވެ.
މަންމައާ ބައްޕައަށް އަދި ތާނޫއަށް ވަކިވަކިން ސިޓީ ލިޔެފައިވެއެވެ. އެކަމަކު މިދުވަސްކޮޅު އޭނާ ދުވަސްތައް ކަޑައްތު ކުރަމުންގެންދާ ގޮތުގެ އެއްވެސް ވާހަކައެއް ސިޓީއަކު ނެތެވެ. އޭނާ ފުރިދުވަހުން ފެށިގެން މިއަދާ ހަމައަށް ކަންތައްތައް ހިނގިގޮތުގެ ވާހަކަ ލިޔެފައިވާއިރު ހީވަނީ ކުލަގަދަ އަފްސާނާއެއް ހެންނެވެ.
މަންމަ ދެފަހަރު ސިޓީކިޔެވެ. އެއްފަހަރު ތާނޫ ލައްވާ ކިއުއްވިއެވެ. އަދި ފަޔާޟް އަޙްމަދަށް އަޑުއިވޭ ވަރަށް އެއްފަހަރު ކިޔެވެ.
އޭނާ ހެޔޮހިތުން ކަލާނގެ ރަސްކަންފުޅަށް ޝުކުރުކުރަމުން ބުންޏެވެ. [މިއަދު އަހަރެންގެ ހިތްހަމަ ޖެހިއްޖެއެވެ.]
ޖަޔާ ސިޓީ ލިޔެފައިއޮތީ ވަރަށް މަޖާ ޢިބާރާތް ތަކަކުންނެވެ. އެއީ އޭނާގެ ބުއްދިވެރިކަމެވެ. ސިޓީގައި އެއްވެސް ކަހަލަ ހިތާމަވެރި ވާހަކައެއް ލިޔެފިއްޔާ ގޭގެ ހުރިހާ މީހުންގެ އުފާތަކަށް ކިލަނބުކަން އަންނާނެކަން އޭނާއަށް ރަނގަޅަށް އެނގެއެވެ.
(ނުނިމޭ)
ކާރުތައް ދިއުމަށްފަހު ޖަލާލީއާ ޖަޔާ އެތެރެއަށް އަތުވެއްޖެއެވެ.
ހިމޭނުން ތިބެގެންނެވެ.
ބީރަށްޓެހިންގެ ގޮތުގައެވެ.
ޖަޔާ އެތެރެއަށް ވަދެއްޖެއެވެ. ޖަލާލީވެސް ކޮޓަރިއަށް އަތުވެއްޖެއެވެ.
ޖަޔާގެ ޢަމަލުތަކުން އޭނާ މިވެއްޓުނީ މުޅިން އާ ހާސްކަމެއްގެ ތެރެއަށެވެ. އެގޮތަށް ކަންތައްކުރުމުގެ ބޭނުމެއް ނެތެވެ. ވާންވީގޮތްވެ ބޭޒާރުވިނަމަ މާރަނގަޅުވީހެވެ.
މެހްމާނުން ދިއުމަށްފަހު ކުއްލިއަކަށް ގެ ފަޅުވެގެން ދިޔަ ކަހަލައެވެ.... އެއީ ކިހާ ހިތްހެޔޮ ބައެއް ހެއްޔެވެ. އެމީހުނާއެކު ވަގުތުކޮޅެއް ހޭދެކޮށްލެވުމުން ޖަޔާއަށް ހިތްހަމަ ޖެހުމެއް އިޙްސާސް ކުރެވުނެވެ. ޢާއިލާއާ ދުރުގައި ހުރެވޭކަން ހަނދާން ނެތުނު ކަހަލައެވެ.
އޭނާގެ ސަބަބުން ޖަލާލީ މާޔޫސްވިއެވެ. އޭނާ ދެރަވަނީ މިކަންމިގޮތަށް ކުރެވުނީތީއެވެ. އަދި އޭނާ ޚިޔާލުކޮށްފައިވާ ގޮތަކީ މެހްމާނުންނާ އުފަލުން އިސްތިޤްބާލުކޮށް އެމީހުންގެ ކުރިމަތީގައި އެއްވެސް ކަހަލަ އުނިސިފައެއް ނުދެއްކުމަށެވެ. މިގޮތުން ޖަލާލީގެ ހިތް މައިތިރިވާނެ ކަމުގައި އޭނާ ހީކުރިއެވެ. އަދި މެހްމާނުން ދިއުމާއެކު އުފާވެރިކަމުގެ ޖަޒުބާތުގައި ފޯވެގެން ހުރެ އޭނާގެ ކައިރިއަށް އަންނާނެ ކަމުގައިވެސް ހީކުރިއެވެ.
އަދި.....
އެކަމަކު.....
އޭނާ ހީކުރިގޮތަށް އެއްވެސް ކަމެއް ނުވިއެވެ.
ޖަޔާ ކާގޭގައިހުރި ތަށިތައް ބަދިގެއަށް ގެންގޮސް ކާގެ ރީތިކުރިއެވެ. ހުރިހާތަނެއް ބޭސް ޖަހައިގެން ދޮވެ ސާފުކުރިއެވެ. ބަރު ސޯފާތަކާ މޭޒުތައް އެއްތަނުން އަނެއްތަނަށް ގެންގޮސް ކުނިކަހާ ހެދިއެވެ. ދޮރުތައް ބާރުބާރަށް ލައްޕާފައި ހުޅުވިއެވެ.
އެކަމަކު ޖަލާލީ ބޭރަށް ނުކުންނަ ގޮތެއް ނުވިއެވެ.
ބޭރަށް އަނދިރިވިތާ ކިތަންމެއިރެކެވެ. ހޮޅިބުރިތަކާ ފާޑުފާޑުގެ ބޮކިތަކުގެ އަލިން ހުރިހާ އެއްޗެއް ފެންވަރަމުން ދިޔައެވެ. ނޫރުގެ ސައިލާބު ދެމިފައި އޮތެވެ. އެކަމަކު ހިތުގެ އަނދިރިކަމަށް އެއްވެސް ކަހަލަ އަލިކަމެއް ނުލިބުނެވެ. ވަގުތުތައް ހޭދަވަމުން ދިޔަވަރަކަށް ޖަޔާގެ އުންމީދުގެ ހުޅުކޮޅުވެސް ކުޑަވަމުން ދިޔައެވެ. ފުން މާޔޫސްކަމެއް ހިތަށް ވެރިވަމުން ދިޔައެވެ. އޭނާގެ ފަރާތުން ޕާޓީގެ ތެރޭގައި ވަރަށްބޮޑު ހަނގުރާމައެއް ކުރިއެވެ. ހިތްވަރާއެކު ސިއްރު ފާޅުވިޔަ ނުދިނުމަށްޓަކައި އިންތިހާއަށް މަސައްކަތް ކުރިއެވެ.
އެކަމަކު...... ލިބުނީ ކޮންއެއްޗެއް ހެއްޔެވެ؟
ޖަޔާ ހުރިހާކަމަކުން ނިމިގެން ކޮޓަރިއަށް އަތުވެއްޖެއެވެ. ސާޅީ ބާލާފައި އެނދުމަތީގައި އޮތެވެ. އޭނާ އެސާޅި ރީތިކޮށް ފަށްޖެހިއެވެ. ބްލައުޒާއި ޕެޓީ ކޯޓް ނަގާ ރީތި ތަރުތީބަކުން ކޮނޑުތަކުގައި އެޅުވިއެވެ.
ޖަލާލީ އަދިވެސް ބޭރަކަށް ނުނިކުމެއެވެ.
ޖަލާލީގެ ކާރު އެބައޮތެވެ. ކޮޓަރީގެ ބޮކިވެސް ހުރީ ދިއްލާފައެވެ. އެތެރޭގައި އެބައުޅޭކަން ހަމަގައިމެވެ.
ނާޖިޔާހުރީ ރުޅިއައިސް ރަތްވެފައެވެ. އެކަމަކު ކުއްލިއަކަށް ޖަލާލީގެ ޠަބީޢަތް ރަނގަޅު ނޫންކަމުގެ ޚިޔާލު އޭނާއަށް ކުރެވިއްޖެއެވެ. އޭނާއަށް ބޭސް ދޭވާހަކަވެސް މަންސޫރު ބުނެފައިވެއެވެ.
އެކަމަކު..... އޭނާ ހަދަންވީ ކިހިނެއް ހެއްޔެވެ.
ކުޑަކޮށް ވިސްނާލާފައި އޭނާ ބަދިގެއާ ދިމާއަށް ހިނގައިގަތެވެ. އަވަސް އަވަހަށް ސައިތަށްޓެއް ހެދިއެވެ.
މިއެއްޗެހި ހިފައިގެން ޖަޔާ ބަދިގޭން ނުކުމެއްޖެއެވެ.
އޭނާގެ ހިތްތެޅެމުން ދިޔައެވެ. ލަދުވެތިކަމާ ޖެހިލުންވުން އޭނާގެ ފައިގައި ހިލިހިލާ އަޅަމުން ދިޔައެވެ. އެކަމަކު ކޮންކަހަލަ ޖަޒްބާތެއްކަމެއް ނޭގެއެވެ. ކޮންކަހަލަ ބާރެއްކަމެއް ނޭގެއެވެ. އޭނާ ދަމާފައި ޖަލާލީގެ ކޮޓަރިއާ ދިމާއަށް ގެންދިޔައެވެ.
އޭނާއަށް ހީވީ ދެފައިތިލަ ބިމަށް ވަދެގެންދަނީ ކަމުގައެވެ. އޭނާއަށް ފައި ހަލުވާވެސް ނުލެވުނެވެ. ދާހިއްލާ ފޯވެއްޖެއެވެ. ހިތް މޭގެތެރޭގައި އޮވެގެން ތެޅިފޮޅެމުން ދިޔައެވެ. ޒަޚަމްވެފައިވާ ދޫންޏެއް ފަދައިންނެވެ. ޖަލާލީ އެތެރޭގައި އުޅެނިކޮށް މިކޮޓަރިއާ ދިމާއަށް އޭނާ އައި މިއީ ފުރަތަމަ ފަހަރެވެ.
ކޮންމެއަކަސް މިގޮތަށް އިރުކޮޅަކު ހުރުމަށްފަހު ހިތްވަރުކޮށްލާފައި ދޮރުފަތުގައި އިނގިލި ޖައްސާ އެތެރެއަށް ކޮށްޕާލިއެވެ.
ދެފަހަރަކު މަޑުމަޑުން ޓަކިޖަހާލުމުން ޖަލާލީގެ ފިޔަވަޅުގެ އަޑު އިވިއްޖެއެވެ.
އަދި ދޮރުފަތް ހުޅުވާލިއެވެ.
ޖަލާލީ އޭނާއާ ދިމާއަށް ބަލާލިއެވެ. ބޮލުން ފެށިގެން ފައިގެ ނިވައި ބޮނޑިއާއި ހަމައަށް ބަލާލިއެވެ. ދެން ސައިތަށްޓަށް ބަލާލިއެވެ.
[އަހަރެން ސައިހަދާކަށް ނުބުނަމެވެ.] އޭނާ މަޑުމަޑުން ބުންޏެވެ.
[ކީއްކުރަން ހެއްޔެވެ؟]
[ޖަލާލީގެ ބޮލުގައި ރިއްސާ ވާހަކަ ބުނުއްވާފައި އޮތީމައެވެ.]
ޖަލާލީ ދޮރުކަރިގައި ހުރެފައި އައިސް ނާޖިޔާގެ ކުރިމައްޗަށް ހުއްޓިއްޖެއެވެ. ޖަޔާ އެއްފަހަރު ބަލާލިއެވެ.
އޭނާ ސީރިއަސްވެފައިވާ ކަހަލައެވެ.
ޖަޔާ މައްސަލަ ގޯސްވިޔަނުދިނުމަށް މަސައްކަތް ކުރަމުން ބުންޏެވެ. [މިސިޒް ހެރަލްޑް ހުރީ ޗުއްޓީގައެވެ. އޭނާގެ ހުރިހާ ޒިންމާއެއް އޮތީ އަޅުގަނޑުގެ ބޮލުގައެވެ.]
[ނާޖިޔާ އެއްވެސް ޒިންމާ ދާރީއެއް ބޮލުގައި އަޅާކަށް ނުޖެހެއެވެ.] ޖަލާލީ ހަރުކަށި ގޮތަކަށް ބުންޏެވެ.
އެކަމަކުވެސް......
އޭނާ ޖެހިބުދެއްހެން ކޮޅަށް ހުއްޓެވެ.
އޭނާ މަތިހަށި ނަގާފައި އެހުންނަނީ އެހެންވެގެންނެވެ.
ހިނދުކޮޅެއް ވޭތުވެގެން ހިނގައްޖެއެވެ.
އެކަމަކު.....
އެއީ މަޢުޞޫމު ކުއްޖެއް ނޫނެވެ. މިއަދު ޖަލާލީއަށް އެކަން އިޙްސާސް ކުރެވިއްޖެއެވެ.
ޖަޔާ ހާސްވެފައި ބަލާލިއެވެ.
[މިއަދު ތިޔަ ދައްކާލީ ވަރަށް ފުރިހަމަ ގޮތްދެއްކުމެކެވެ.] ޖަލާލީ ހަމައެއަޑުން ބުންޏެވެ. ޖަޔާ އަނެއް ފަރާތަށް މޫނު އަނބުރާލިއެވެ. އަދި އޭނާގެ ހިމޭން ހިނިތުންވުން މަތަކުރެވޭތޯ މަސައްކަތް ކުރިއެވެ. މިމަންޒަރެއް ޖަލާލީއަކަށް ނުފެނެއެވެ.
ޖަޔާ ރޫރޫ އަޅައިގަތެވެ. އަދި ކުއްލިއަކަށް އެނބުރިލާފައި ޙައިރާން ކަމާއެކު ބަލާލިއެވެ.
[ނާޖިޔާ އަހަރެންގެ ހާސްކަމުގައި އިތުރު ކުލައެއް ޖައްސައިފީމުއެވެ. އެމީހުންނަށް އެނގެން ބޭނުންވާ ސިއްރު މިއަދު ފާޅުވިޔަނުދިނީ ކީއްވެގެން ހެއްޔެވެ. ޖަޔާގެ ނުރުހުންވުމާ ނަފްރަތު އެމީހުންގެ ކުރިމަތީގައި ހާމަކުރުން ބޭނުމެވެ. ތިޔަގޮތަށް މަތިއޮމާން ކުރުމުގެ ބޭނުމަކީ ކޮބައި ހެއްޔެވެ. އެވަގުތު ޖަޔާގެ ހިތުގައިވާ ހުރިހާ އެއްޗެއް އެމީހުންގެ ކުރިމައްޗަށް އޮއްސާލިނަމަ އިތުރު ހާސްކަމެއް ނުއުފެދުނީހެވެ. ނާޖިޔާ ތިޔަ މަސައްކަތް ކުރަނީ އެމީހުންގެ ކުރިމަތީގައި އަހަރެންގެ އަގު ވައްޓާލުމަށެވެ..... މާދަމާ އަހަރެން އެމީހުންނަށް ދައްކާނީ ކޮންމޫނެއް ހެއްޔެވެ. މިއަދު ތިޔަދެއްކި ދަޅައާމެދު އެމީހުން ގާތުގައި އަހަރެން ބުނާނީ ކީކޭ ހެއްޔެވެ. ދިފާޢުގައި އަހަރެން ދައްކާނީ ކޮންވާހަކައެއް ހެއްޔެވެ.]
[ކުޑަދުވަސްކޮޅެއްގެ ތެރޭގައި ނާޖިޔާ އެނބުރި ރަށަށް ދަނީކަން ހަމަރަނގަޅަށް އެނގޭނެއެވެ. ވީއިރު އެގޮތަށް ޑްރާމާކުޅުމުގެ ބޭނުމަކީ ކޮބައި ހެއްޔެވެ؟] ޖަލާލީ ފުރަގަހަށް އެނބުރި ފައި ހަރުއަޑުން ސުވާލުކުރިއެވެ.
ޖަލާލީ ހުރީ ވަރަށް ދެރަވެފައެވެ.
ޖަލާލީގެ މިސުވާލާމެދު އޭނާގެ ތުންފަތުގައި ހިނިތުންވުމެއް ދުވެލިއެވެ.
[ބުނެބަލާށެވެ. އެގޮތަށް ކަންތައްކުރީ ކީއްކުރަން ހެއްޔެވެ....؟] ޖަލާލީ ތުރުތުރު އަޅަމުން ޖަޔާއާ ދިމާއަށް އެނބުރުނެވެ.
[އަޅުގަނޑު ރަށަށް ދާން ގަސްތުނުކުރާތީ އެގޮތަށް ކަންތައް ކުރީއެވެ.]
އޭނާގެ ޖުމްލަ ޖަލާލީއަށް ނުވިސްނުނު ކަހަލައެވެ. ކުޑަޙަރަކާތެއް ބޮލަށް ގެނައެވެ. އަދި ލޯބޮޑުކޮށްލަމުން ޔަޤީންކަން ކުޑަގޮތަކަށް ބަލާލަމުން ބުންޏެވެ. [ކީކޭ ހެއްޔެވެ...... ކީކޭ ހެއްޔެވެ.....؟
ޖަލާލީގެ ރުޅި މައިތިރި ވެއްޖެއެވެ. އަދި ޙަރިއާން ކަމާއެކު ޖަޔާގެ މޫނަށް ބަލަން ފަށައިފިއެވެ.
ނާޖިޔާ އެނބުރިލާފައި ކޮޓަރިން ނުކުންނަން ފިޔަވަޅު ނެގިއެވެ.
[އެހެންވީއިރު ނާޖިޔާ ރަށަށް ނުދާގޮތަށް މިހާރު ނިންމީދޯއެވެ.] ޖަލާލީ އޭނާގެ ކުރިމައްޗަށް އަރާފައި ބުންޏެވެ. އޭނާ އަދިވެސް ބޮޑަށް ޔަޤީންކުރަން މަސައްކަތް ކުރަނީއެވެ.
[ލައްބައެވެ. ނުދާނަމެވެ.] ޖަޔާ ވަރަށްބޮޑަށް ރުޅި އަތުވެއްޖެއެވެ.
[ޖާގަ ލިބުނު ތަނެއްގައެވެ.] އޭނާ ބާރަށް ހިނގާފައި ގޮސް ކޮޓަރިން ނުކުމެއްޖެއެވެ.
ޖަލާލީގެ ހަށިގަނޑަށް ކުއްލި ލޮޅުމެއް އެރި ކަހަލައެވެ. އޭނާ ކައިރީގައި ހުރި ގޮނޑިއަށް ވެއްޓިއްގަތެވެ.
އެކަމަކު އޭނާގެ ފަހުގެ ޖުމްލައިން މިހުޅުކޮޅު ނިވިގެން ހިނގައްޖެއެވެ.
**********************
މިކަންތައް މިވީ އެސްފިޔަ ޖަހާލާހާ އަވަހަށެވެ.
ސޯފިޔާ، ރައިޙާންއާއި އަމްޖަދު ގެއަށް ގެނުވައިގެން ޖަލާލީގެ ފޯނާބެހޭގޮތުން ވާހަކަދެއްކިއެވެ.
އޭނާ ބުނުއްވި ގޮތުގައި ލަންޑަނު އޮފީހުގެ މެނޭޖަރ މިސްޓަރ ފޭލަރއަށް އޭނާ ހުރިހާ ވާހަކައެއް ކިޔާ ދެއްވައިފިއެވެ. އަވަހަށް ކަލޭމެން ޕާސްޕޯޓް ހައްދާށެވެ. އަދި ޕާސްޕޯޓް ނަމްބަރު އޭނާއަށް ފޮނުވާށެވެ. ވިސާ އަވަހަށް ލިބޭނީ އޭރުންނެވެ.]
[އަޅުގަނޑުމެން ޕާސްޕޯޓް ހައްދައިފީމެވެ.]
[އެންމެ ރަނގަޅެވެ. އަޅުގަނޑުމެން މާދަމާ ހަތަރެއް ޖަހާއިރު އަންނާނަމެވެ.]
[ވަރަށް ރަނގަޅެވެ.]
[ޖަލާލީއަކީވަރަށް މާތް އިންސާނެކެވެ. ހަމައެކަނި ޖަޔާއަކަށް ނޫނެވެ. އެފަދަ އިންސާނަކު ލިބުމުން ކަލޭމެންގެ މުޅި ޢާއިލާއަށްވެސް އުފާވެރިކަން ލިބިއްޖެއެވެ.]
[މޫސުމް ރަނގަޅަށް ބަދަލުވާނީ ކަލޭމެން ދެކުދިން ލަންޑަނަށް ދިއުމުންނެވެ. އަދި އަމިއްލަ ކަމެއްގެ ގޮތުގައި ޖަލާލީގެ މަސައްކަތާ ޙަވާލުވި ދުވަހަކުންނެވެ.]
ދެވަނައަށްވީ ދުވަހު ހަވީރު ހަތެއްޖެހިއިރު ރައިޙާނާއި އަމްޖަދު ބައްޕަ ގޮވައިގެން އައިސް ސޯފިޔާގެ ސިޓިންގ ރޫމްގައި ތިއްބެވެ. އެމީހުން އިންތިޒާރު ކުރަމުން އެގެންދަނީ ލަންޑަނުން އަންނަ ފޯނަށެވެ.
ފަޔާޒް އަޙްމަދު ފައުޒިއްޔާއަށް ވަރަށްބޮޑަށް ޝުކުރުވެރިވެއެވެ. މިކަން އޭނާ ސޯފިޔާގެ ކުރިމަތީގައި ހާމަކުރަމުން ގެންދިޔައެވެ. އަސަރު ކުރުވަނިވި ޢިބާރާތުންނެވެ.
[އެއީ މާތްރަސްކަލާނގެ ދެއްވި ޢިނާޔަތެކެވެ. މިކަންތައް މިކުރެވުނީ ފައުޒިއްޔާ މެދުވެރިއަކަށް ވެގެންނެވެ. އޭނާއަށް ހެޔޮހިތުން ޝުކުރުވެރިވަމެވެ.]
[ޝުކުރިއްޔާއެވެ.]
[ލަންޑަނު އޮފީހުން ޖަލާލީގެ މެނޭޖަރު މިސްޓަރ ފޭލަރ ފޯނު ކުރާނެއެވެ. އޭނާއަށް ޖަލާލީގެ ފަރާތުން ހުރިހާ އިޚްތިޔާރެއް ލިބިފައިވެއެވެ.]
[ޖަލާލީގެ ވިޔަފާރި ވަރަށްބޮޑު ހެއްޔެވެ.]
[ތިޔައީ އަހަރެން ހީވެސް ނުކުރާފަދަ ފެންވަރެކެވެ.]
[މިއީ ހަމަ ޖަޔާގެ ނަސީބޭ އަޅުގަނޑު މިބުނަނީ އެހެން ވެގެންނެވެ.] ސޯފިޔާ ބުންޏެވެ.
[ކަންތައްވާނީ ހަމަ ތިޔަގޮތަށެވެ.] ސޯފިޔާ ބުންޏެވެ. [މިހާރު ތިޔަކުދިންނަކީ ޖަލާލީގެ އެންމެގާތް ތިމާގެ މީހުންނެވެ. އޭނާއަކީ ވާލެއް އިޔާރެއްހުރި މީހެއް ނޫނެވެ.]
[އިރާދަ ކުރެއްވިއްޔާ އަޅުގަނޑުމެން ތިމާގެ މީހުނަށްވުރެވެސް ބޮޑަށް އޭނާއަށް މާތްކޮށް ހިތާނަމެވެ.] އަމްޖަދު ބުންޏެވެ. [ޖަލާލީއަށް އެއްވެސް އުނިކަމެއް އަޅުގަނޑުމެންގެ ފަރާތަކުން ނުފެންނާނެއެވެ.]
[ކަލާނގެ މިންވަރު ފުޅާއެކު މިގޮތަށް އަޅުގަނޑުމެން ޢަމަލުތައް ބަހައްޓާނަމެވެ.]
އެންމެން ޖަލާލީގެ ވާހަކަ ދައްކަމުން ދިޔައެވެ. ނާޖިޔާއާ ކާވެނިކުރުމަށްފަހު ރައިޙާނާއި އަމްޖަދަށް ވަޒީފާ ދިނުމަކީ ޖަލާލީގެ ދެވަނަ އިޙްސާންތެރިކަމެވެ.
[އަދި ނާދެއެވެ. އެކަމަކު ސިޓީ ލިބޭނެ ވާހަކަ ފައުޒިއްޔާ އެންގިއެވެ.]
]ލައްބައެވެ. ފޯނުން އެންގިއެވެ. އަދި ސިޓީވެސް ލިބޭނެއެވެ......]
[ފަޔާޒް އަންކަލްއެވެ.]
[ކީކޭ ހެއްޔެވެ؟]
[ތެދެކެވެ. ބައްޕާއެވެ! އަޅުގަނޑުމެން ހިނގައްޖެއްޔާ ކޮންމެހެންވެސް ބައްޕަ ފޯނުކުރައްވަން ޖެހޭނެއެވެ.]
ފަޔާޒު އަޙްމަދު ހިނިތުންވެލާފައި ބޯޖަހާލިއެވެ. އޭނާ މާތްރަސްކަލާނގެ އޯގާވަންތަކަމާމެދު ޝުކުރުކުރަމުން ވިސްނަމުން ދިޔައެވެ.
މިސްޓަރ ރޮކް ޖަލާލީގެ ވާހަކައިގެ އަލީގައި ހުރިހާކަމެއް އޮޅުންފިލުވާ ދިނެވެ. މުސާރައާއި އަދި މަސައްކަތާ ބެހޭގޮތުންނެވެ. އެމީހުން ތިބޭނެތަނަކާ ބެހޭގޮތުންވެސް ވާހަކަ ދެއްކިއެވެ.
ހުރިހާކަމެއް މިހާ ކުއްލިގޮތަކަށް ނިމިދާނެ ކަމަކަށް ރައިޙާނާއި އަމްޖަދު ޔަޤީނެއް ނުކުރެއެވެ. ހީވަނީ ފެންނަމުންދާ ހުވަފެނެއް ހެންނެވެ. ފަޔާޒު އަޙްމަދުވެސް ޖަލާލީގެ މިފިޔަވަޅާމެދު އިންތިހާއަށް އުފާވެފައި އިންކަން މޫނުމަތިން ސާބިތުވެއެވެ.
ރައިޙާން ތަފްޞީލުކޮށް ކިޔައިދެމުން ބުންޏެވެ. [ސޯފިޔާ ދައްތާއެވެ. އަޅުގަނޑުމެންނަށް ހަތަރުވަނަ ދަރަޖައިގައި މަސައްކަތް ލިބުނު ކަމުގައިވިޔަސް ޣަނީމާއެއްކަމުގައި ދެކޭނަމެވެ. އެކަމަކު މިއީ ޖަލާލީގެ ލޯތްބާއި އިޚްލާޞްތެރި ކަމެވެ.]
[ކަލޭމެންވެސް މަސައްކަތްކުރާނީ އަމިއްލަ މަސައްކަތެއްގެ ގޮތުގައެވެ.]
ކުޑައިރުކޮޅަކު ތިންބަފައިން އެތާނގައި ތިއްބެވެ. ރައިޙާނާއި އަމްޖަދު ތިބީ ގެއަށް ދިއުން ލަސްވެފައެވެ. މިއުފާވެރި ޚަބަރު އެންމެނަށް އެންގުމަށްޓަކައި ކެތްމަދުވެފައެވެ.
[ފޯނު އައުމާ ވިދިގެން ސައިވެސް ހިހޫ ވެއްޖެއެވެ. އަދި ސައިހަދަން ތޯއެވެ.] ފަޔާޒް އަޙްމަދުގެ މޫނަށް ބަލާލާފައި ސޯފިޔާ ބުންޏެވެ.
[ސޯފިޔާއަށް ވަރަށް އުނދަގޫ ކުރެވިއްޖެއެވެ.] ފަޔާޟް އަޙްމަދުވެސް ތެދުވަމުން ބުންޏެވެ.
[އެއީ އެއްވެސް ކަމެއްނޫނެވެ.] ސޯފިޔާ ބުންޏެވެ. ތިޔަގެއަށް ފޯނު ނަރު ނުވެއްދޭހާ ހިނދަކު އަޅުގަނޑަށް މިގޮތަށް އުނދަގޫ ކުރައްވަން ޖެހޭނެއެވެ.]
ގެއަށް ވަދެވުމާއެކު ރައިޙާން މުބާރިކްބާދުގެ އަޑު އުފުލާލިއެވެ. ހުރިހާ މީހުން ބޭރަށް ނުކުމެއްޖެއެވެ.
އަމްޖަދު މަންމަ ގައިގައި އޮޅުލައިގަތެވެ. ރައިޙާން ތާނޫ ދައްތަގެ ގުއްޑޫ ނަގާ ވައިގެ ތެރެއަށް އެއްލާފައި ހިފިއެވެ.
[މަތީ ދަރަޖަ ލިބިއްޖެއެވެ. ތާނޫ ދައްތާއެވެ.] ރައިޙާން ބުންޏެވެ.
ބައްޕަ އިށީންނަށް ޢަތީޤާ އެތެރޭން ގޮނޑިއެއް ގެނެސްދީފިއެވެ. މަންމަ ތާނޫ ކައިރީ ކޮޅުފިލާ ގޮނޑީގައި އިށީދެއްޖެއެވެ.
[އަމިއްލަ މަސައްކަތެވެ. ކޮން ވަޒީފާއެއް ހެއްޔެވެ؟] ރައިޙާން ފަޚުރުވެރި ކަމާއެކު މޭ ފުއްޕާލަމުން ބުންޏެވެ.
[ދާނީ ކޮންއިރަކު ހެއްޔެވެ؟]
[މާދަމާ.......؟!] މަންމަ ޙައިރާންވެފައި އަހާލިއެވެ.
[ނޫނެކެވެ. މަންމާއެވެ. މިހެން ބުނިކަމުގައި ވިޔަސް ދޮޅުމަހެއްހާ ދުވަސްވާނެއެވެ. ޕާސްޕޯޓް ނަމްބަރާ ބޭނުންވާނެ އެހެނިހެން މަޢުލޫމާތު މާދަމާ ފޮނުވާގޮތަށް ހަމަޖެހުނީއެވެ. މަންމާއެވެ! ދެން މަންމަގެ ދެ ފިރިހެން ދަރިން ލަންޑަނަށް ހިނގައި ދާނެއެވެ.]
[އެކަމަކު މައްމާއެވެ!] ރައިޙާން ހުރީ ސަމާސާކުރުމުގެ މޫޑުގައެވެ.
[ކީކޭ ހެއްޔެވެ؟]
ރައިޙާންގެ ސަމާސާ ބަސްކޮޅު ތީރެއް ފަދައިންގޮސް މަންމަގެ ހިތަށް ހެރިއްޖެއެވެ. އޭނާއަށް ހީވީ ޖަޔާ އެތައް ޒަމާނެއް ވަންދެން ލޯމަތިން ގެއްލިފައިވާ ކަމުގައެވެ. އޭނާގެ ލޯތެމިއްޖެއެވެ.
އަމްޖަދު ހެމުން މަންމަގެ ކަރުގައި އެލިގަތެވެ. އަދި ބުންޏެވެ. [މަންމާއެވެ. މާތްރަސްކަލާނގެ ކިބަފުޅަށް ޝުކުރުކުރާށެވެ. އަހަރެމެންނަކީ ކޮންބައެއް ހެއްޔެވެ. އަދި މިހާރު ލިބެމުން މިދަނީ ކޮންފަދަ އުފާތަކެއް ހެއްޔެވެ. އެއްޗެއް ހޯދުމަށްޓަކައި އަނެކައްޗެއް ނަގާލަންވެސް ޖެހޭނެއެވެ.]
[ޖަޔާގެ ކާވެނި ކުރެވުނީ ވަރަށް ބަރަކާތްތެރި ކަމާއެކުގައެވެ.] ތާނޫ ބުންޏެވެ. [އަނެއްކޮޅުން މިސިޒް ޖަޢުފަރުގެ އަންހެނުން ޢަތީޤާއަށް އެދެމުން ދަނީއެވެ. އެއީ މަތީފެންވަރުގެ މުއްސަނދި ބައެކެވެ.]
ފަޔާޟް އަޙްމަދުގެ މޫނުމަތިން ވިދުވަރެއް ފެނިގެން ދިޔައެވެ. މިސިޒް ޖަޢުފަރުގެ ނަން އިވުމާއެކު ޢަތީޤާ ދުވެފައި ގޭތެރެއަށް ހިނގައްޖެއެވެ..... މިސިޒް ޖަޢުފަރު ދެފަހަރު މަތިން ޢަތީޤާގެ ކާވެންޏަށް އެދިފައިވެއެވެ. އޭނާ ޢަތީޤާ ވަރަށް ބޭނުމެވެ. އޭނާ މިހާރުހުރީ މިކާވެނި ކުރުވުމަށް ޢަޒުމް ކަނޑައަޅައި ގެންނެވެ.
މިއީ ކޮންކަހަލަ ޖަޒުބާތެއް ހެއްޔެވެ. އޭނާ ހިތުތެރޭގައި ޖަޔާގެ ލޯބި އުފެދިފައިވިކަން ދެނެވޮޑިގެންވާނީ ﷲއެވެ. އެކަމަކު އެދުވަސްވެސް ހިނގައްޖެއެވެ.
ޖަޔާގެ ގޭގައި އުފާވެރިކަމުގެ ދައުރެއް ފެށިއްޖެއެވެ.
ޖެހިގެން އައިދުވަހު ޖަޔާގެ ސިޓީއެއް ލިބިއްޖެއެވެ.
މަންމައާ ބައްޕައަށް އަދި ތާނޫއަށް ވަކިވަކިން ސިޓީ ލިޔެފައިވެއެވެ. އެކަމަކު މިދުވަސްކޮޅު އޭނާ ދުވަސްތައް ކަޑައްތު ކުރަމުންގެންދާ ގޮތުގެ އެއްވެސް ވާހަކައެއް ސިޓީއަކު ނެތެވެ. އޭނާ ފުރިދުވަހުން ފެށިގެން މިއަދާ ހަމައަށް ކަންތައްތައް ހިނގިގޮތުގެ ވާހަކަ ލިޔެފައިވާއިރު ހީވަނީ ކުލަގަދަ އަފްސާނާއެއް ހެންނެވެ.
އޭނާ ހެޔޮހިތުން ކަލާނގެ ރަސްކަންފުޅަށް ޝުކުރުކުރަމުން ބުންޏެވެ. [މިއަދު އަހަރެންގެ ހިތްހަމަ ޖެހިއްޖެއެވެ.]
ޖަޔާ ސިޓީ ލިޔެފައިއޮތީ ވަރަށް މަޖާ ޢިބާރާތް ތަކަކުންނެވެ. އެއީ އޭނާގެ ބުއްދިވެރިކަމެވެ. ސިޓީގައި އެއްވެސް ކަހަލަ ހިތާމަވެރި ވާހަކައެއް ލިޔެފިއްޔާ ގޭގެ ހުރިހާ މީހުންގެ އުފާތަކަށް ކިލަނބުކަން އަންނާނެކަން އޭނާއަށް ރަނގަޅަށް އެނގެއެވެ.
(ނުނިމޭ)
ކިޔުންތެރިންގެ ހިޔާލު