މަރްޔަމް ނަހްދާ ވަޙީދު   5 އޭޕްރީލު 2025 - 7:36
އަލަނާސިއަކީ ހަންގަނޑު ރީތި ކުރުމުގައި އެހީވެދޭ މޭވާއެއް، ފޮޓޯ: ގޫގުލް
އަލަނާސިއަކީ ހަންގަނޑު ރީތި ކުރުމުގައި އެހީވެދޭ މޭވާއެއް، ފޮޓޯ: ގޫގުލް
އާންމުކޮށް މަޝްހޫރު ބޮޑެތި ބްރޭންޑުތަކުން ވިއްކާ "ސްކިން ކެއާ" ޕްރޮޑަކްޓުތަކަކީ ތަފާތު އެކިކަހަލަ ކެމިކަލްތަކާއި ޕްރިޒަވޭޓިވްތައް ބޭނުން ކޮށްގެން އުފައްދާ އެއްޗެއްސެވެ. އަދި މިފަދަ ޕްރޮޑަކްޓުތަކަކީ ވަރަށް އަގުވެސް ބޮޑު ޕްރޮޑަކްޓުތަކެކެވެ. މިފަދަ އެއްޗެއްސަކީ އެންމެންނަށް ގަނެވޭނެ އެއްޗެއްސެއް ނޫނެވެ. އަދި މިފަދަ ޕްރޮޑަކްޓުތައް އެންމެންނަކާ ނުވެސް ގުޅޭނެއެވެ.

ވީމާ މީގެ ބަދަލުގައި ގުދުރުތަކީ ގޮތުން ލިބެން ހުންނަ "ނެޗުރަލް ސްކިން ކެއާ" ބޭނުން ކުރުމަށް ސަމާލުކަން ދިނުމަކީ ހަމަ ކޮންމެ މީހަކުވެސް ކުރަން ޖެހޭ ކަމެކެވެ. މިގޮތަށް ލިބެން ހުންނަ އެއްޗެހި ބޭނުން ކޮށްގެން ހަންގަނޑަށް ފަރުވާ ކުރުމުން ލާރިވެސް ފަހަށް ރައްކާ ކުރެވޭނެ އެވެ. ޖީބަަށްވެސް ލުއިވާނެއެވެ. މިފަހަރު މި ހިމަނާލަނީ ސްކިން ކެއާގެ ގޮތުގައި ބޭނުން ކުރަންވީ ބައެއް މޭވާގެ ބާވަތްތަކެވެ.

އަލަނާސި

އަލަނާސިއަކީ އޭގައި ގިނަ އަދަދަކަށް ބްރޮމެލައިން އެކުލެވޭ އެއްޗެކެވެ. އެހެންވެ މި ބޭނުން ކުރުމުން ހަންގަނޑު ރަތްވުން ހުއްޓުވައިދީ، ހަމުގައި ހުންނަ ލަތްތައް ފިލުވައިދީ، ފާރުތައްވެސް ރަނގަޅު ކުރުމަށް އެހީވެދެއެވެ. މި ބޭނުން ކުރުމަށްޓަކައި އަލަނާސިއަށް މާމުއި ކޮޅެއް އެޅުމަށްފަހު ރަނގަޅަށް އެއްކޮށްލައި ޕޭސްޓެއް ހަދާލާނީއެވެ. އެއަށްފަހު މާސްކެއް ހެން ހަންގަނޑުގައި މި އުނގުޅާލާނީއެވެ.

ކަރާ

ކަރާއަކީ މޭވާ އާއި ތަރުކާރީގެ ތެރެއިން އެންމެ ފެން ގިނަ މޭވާއެވެ. މީގެ އިތުރުން މީގައި ގިނަ އަދަދަކަށް ލައިކޮޕީން ވެސް ހިމެނެއެވެ. އެހެންވެ މި ބޭނުން ކުރުމުން ހަންގަނޑު އިރުގެ ނުރައްކާތެރި ދޯދިތަކުން ރައްކާތެރިކޮށް، ހަންގަނޑު ރަނގަޅަށް ހައިޑްރޭޓު ކޮށްދެއެވެ. މި ބޭނުން ކުރުމަށްޓަކައި ރޯ ކަރަލުން ޕޭސްޓެއް ހަދާލުމަށްފަހު މާސްކެއްހެން މޫނުގައި އުނގުޅާލެވިދާނެއެވެ. ނުވަތަ ޓޯނާއެއް ހެންވެސް މި ބޭނުން ކުރެވިދާނެއެވެ.

ފަޅޯ

ފަޅޮލަކީ އޭގައި ގިނަ އަދަދަކަށް ޕަޕައިން ހިމެނޭ އެއްޗެކެޗެ. މި ބޭނުން ކުރުމުން ހަންގަނޑު ރަނގަޅަށް އެކްސްފޮލިއޭޓުވެ، ހަމުގައި ހުންނަ މަރުވެފައިވާ ސެލްތައް ނައްތާލަދެއެވެ. މި ބޭނުން ކުރުމަށްޓަކައި ފަޅޯ އަދި މާމުއި އެއްކޮށްލުމަށްފަހު ޕޭސްޓެއް ހަދާފައި މާސްކެއް ހެން އުނގުޅާލެވިދާނެއެވެ. މި ބޭނުން ކުރުމުން މޫނުގެ ހަންގަނޑުވެސް އަލިވާނެ ކަމަށް ވެއެވެ.



ކިޔުންތެރިންގެ ހިޔާލު



ޓްރެންޑިން