ބައިބައިވެފައިވާ ދުނިޔެއެއްގައި ސުލްހަ ގާއިމް ކުރެވޭނީ އެންމެން އެކުގައި އެކަމަށްޓަކައި މަސައްކަތް ކޮށްގެން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިހެން ވިދާޅުވީ ބައިނަލްއަގްވާމީ ގޮތުން ފާހަގަކުރާ "މަލްޓިލޭޓަރަލިޒަމް އެންޑް ޑިޕްލޮމެސީ ފޯ ޕީސް" ދުވަހުގެ މުނާސަބާގައި އެކްސްގައި ހިއްސާ ކުރެއްވި ޕޯސްޓެއްގައެވެ.

އެގޮތުން ރައީސް ވިދާޅުވީ ދުނިޔޭގެ ހަނގުރާމަތަކާއި، ހަމަހަމަކަން ނެތުމާއި، މޫސުމީ ބަދަލުތަކުގެ ހާލަތުގެ ތެރޭގައި މިދުވަސް ފާހަގަ ކުރަމުންދާއިރު ހަނދާން ކޮށްދޭ ކަމަކީ ސުލްހައަކީ ހަމައެކަނި ހަނގުރާމަ ނެތުން ނޫން ކަމަށެވެ.

ރައީސް ވިދާޅުވީ މިކަމުން ހަނދާން ކޮށްދެނީ ސުލްހަ މަސަލަސްކަން ގާއިމް ކުރުމަށްޓަކައި ރަނގަޅަށް މުއާމަލާތުކޮށް، އިންސާފާއެކު، އެންމެން އެކުގައި ގުޅިގެން މަސައްކަތްކުރަން ޖެހޭކަން ކަމަށެވެ.

އަދި ބައިބައިވެފައިވާ ދުނިޔެއެއްގައި ގިނަ ފަރާތްތަކެއް ގުޅިގެން މަސައްކަތް ކުރުމުން އުންމީދު ލިބޭ ކަމަށްވެސް ރައީސް ވަނީ ވިދާޅުވެފައެވެ.

މީގެ އިތުރުން ރައީސް ވިދާޅުވީ ގައުމުތަކުގެ މެދުގައި އޮންނަ އެއްބާރުލުމާއި އިތުބާރުގެ ސަބަބުން ބޮޑެތި ގޮންޖެހުންތަކާ ކުރިމަތިލެވި، އިތުރަށް ހަމަހަމަ މުސްތަޤުބަލެއް ބިނާކުރެވިގެން ދާނެކަން ދައްކުވައިދޭ ކަށެވެ.

As we mark the International Day of Multilateralism and Diplomacy for Peace, amid global conflict, inequality, and climate crisis, we are reminded that peace requires more than the absence of war; it demands dialogue, justice, and collective action. In a divided world,… pic.twitter.com/AWp6A43uRg

— Dr Mohamed Muizzu (@MMuizzu) April 24, 2025

"މަލްޓިލޭޓަރަލިޒަމް އެންޑް ޑިޕްލޮމެސީ ފޯ ޕީސް" ދުވަސް ފާހަގަ ކުރަނީ ކޮންމެ އަހަރަކު އެޕްރިލް މަހު 24 ވަނަ ދުވަހުއެވެ. މި ދުވަސް ފާހަގަ ކުރަނީ ގައުމުތަކުގެ މެދުގައި އުފެދޭ ހިލާފުތައް ސުލްޙަވެރި ގޮތްތަކުން ހައްލުކުރުމުގެ އުސޫލުތައް އަލުން ހަނދާންކޮށްދީ ކަށަވަރުކުރުމުގެ ގޮތުންނެވެ.