ސިނަމާލެ ބުރިޖުން ދިވެހިންގެ ދިރިއުޅުމާއި ރާއްޖޭގެ އިގްތިސާދަށް ބޮޑެތި ކުރިއެރުންތައް ގެނެސްދީފައިވާ ކަމަށް ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޒިއަންހުއާ ވިދާޅުވެއްޖެއެެވެ.

ސަފީރު މިފަދައިން ވިދާޅުވީ ސިނަމާލެ ބުރިޖު އިފްތިތާޙުކުރި ދުވަސްކަމުގައިވާ އޮގަސްޓް މަހުގެ 30ވަނަ ދުވަހަކީ ރާއްޖޭގެ އިންޖިނޭރުންގެ ދުވަހުގެ ގޮތުގައި ރައީސް ޑރ. މުހައްމަދު މުއިއްޒު ކަނޑައެޅުއްވުމާ ގުޅިގެން އެކްސްގައި ހިއްސާ ކުރެއްވި ޕޯސްޓެއްގައެވެ.

އެގޮތުން ސަފީރު ވިދާޅުވީ ޗައިނާއާއި ރާއްޖޭގެ އިންޖިނޭރުންގެ ކުޅަދާނަ މަސައްކަތުން ބިނާކުރި ސިނަމާލެ ބުރިޖު، ދިވެހިންގެ ދިރިއުޅުމާއި ރާއްޖޭގެ އިޤުތިޞާދަށް ބޮޑެތި ކުރިއެރުންތަކެއް ގެނެސްދީފައިވާ ކަމަށެވެ.

އެހެންކަމުން އިންޖިނޭރުންނަކީ ދިރިއުޅުމާއި މުޖުތަމަޢުގެ ކުރިއެރުމުގައި މުހިންމު ދައުރެއް އަދާކުރާ ބައެއްކަމަށް ސަފީރު ވިދާޅުވިއެވެ.

އަދި އިންޖިނޭރުންނަށް އިހްތިރާމާއި ޤަދަރު ލިބެން ޖެހޭ ކަމަށްވެސް ސަފީރު ވިދާޅުވިއެވެ.

Every day, I pass by CMFB twice.
This engineering marvel of Chinese and Maldivian engineers transformed Maldivians' life and economy dramatically. So, engineers build not just projects, but also people's lives and society's progress. They deserve our most heartfelt respect. https://t.co/cpZo96Pxny

— Ambassador Kong Xianhua (@China_Amb_Mdv) June 16, 2025

ކޮންމެ އަހަރެއްގެ އޯގަސްޓް މަހުގެ 30ވަނަ ދުވަހަކީ އިންޖިނޭރުންގެ ދުވަހުގެ ގޮތުގައި ރައީސް ހަމަޖެއްސެވީ އާދީއްތަ ދުވަހުއެވެ.