މި އަހަރުގެ މިނިވަން ދުވަހާ ގުޅިގެން، 2025 ޖުލައި 28 ވާ ހޯމަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހަމަޖައްސަވައިފިއެވެ.
ރައީސް އޮފީހުން ނެރުުނު އެންގުމެއްގައި ބުނެފައިވަނީ މި އަހަރަކީ، ރާއްޖޭގެ މިނިވަންކަމަށް 60 އަހަރު ފުރޭ އަހަރު ކަމަށް ވުމާއެކު، މި އަހަރުގެ މިނިވަން ދުވަހާ ގުޅިގެން، ގިނަ ހަރަކާތްތަކެއް ބޭއްވުމަށް ހަމަޖެހިފައިވާތީއާއި، މިނިވަން ދުވަހުގެ މުނާސަބަތުގައި ބަންދުވާ 2025 ޖުލައި 27 ވާ އާދީއްތަ ދުވަހު ބާއްވާ ހަރަކާތްތަކުގެ އިތުރުން، ޖުލައި 28 ވާ ހޯމަ ދުވަހުގެ ޕުރޮގުރާމުގައިވެސް މުހިންމު ބައެއް ކަންކަން ހިމެނޭތީ، 2025 ޖުލައި 28 ވާ ހޯމަ ދުވަސް، ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ މިއަދު ހަމަޖައްސަވާފައިވާކަމަށެވެ.
މިއަހަރުގެ މިނިވަން ދުވަހަކީ ހޮނިހިރު ދުވަހެކެވެ. މީގެ ކުރިން މިނިވަން ދުވަހާއި ގުޅިގެން މިއަހަރު ސަރުކާރު ބަންދު ކުރަން ހަމަޖެހިފައިވީ 2025 ޖުލައި 27 ވާ އާދީއްތަ ދުވަސް އެކަންޏެވެ.
މިއަހަރުގެ މިނިވަން ދުވަހަކީ ހޮނިހިރު ދުވަހެކެވެ. މީގެ ކުރިން މިނިވަން ދުވަހާއި ގުޅިގެން މިއަހަރު ސަރުކާރު ބަންދު ކުރަން ހަމަޖެހިފައިވީ 2025 ޖުލައި 27 ވާ އާދީއްތަ ދުވަސް އެކަންޏެވެ.
ކިޔުންތެރިންގެ ހިޔާލު