ހުޅުމާލޭގައި ހަދާ ކޯވިޑް-19 ކަރަންޓީން ފެސިލިޓީގެ ކޮންސްޓްރަކްޝަން މަސައްކަތަށް 12 މިލިއަން ރުފިޔާ ހަރަދުވެފައިވާ ކަމަށާއި އެތަނަށް ބޭނުންވާ މެޑިކަލް ސާމާނު ހޯދުމަށް 28 މިލިއަން ރުފިޔާ ޚަރަދު ވާނެކަމަށް އެޗްޕީއޭ އިން ބުނެފިއެވެ.
މިރޭ ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މަބްރޫކް ވިދާޅުވީ ހުޅުމާލޭގެ ކަރަންޓީން ފެސިލިޓީއަށް ދީފައިވާ ނަމަކީ "ހުޅުމާލޭ މެޑިކަލް ފެސިލިޓީ" އެވެ.
އެ ފެސިލިޓީއަކީ 300 މީހުންނަށް އެއް ފަހަރާ ފަރުވާދެވޭ ގޮތަށް ތަރައްގީ ކުރާ ތަނެއް ކަމަށްވެސް މަބްރޫކް ވަނީ ފާހަގަ ކުރައްވާފައެވެ. އެ ތަން ޢިމާރާތްކުރަނީ ޓްރީޓޮޕް ހޮސްޕިޓަލް ކުރިމަތީ އޮތް ހުސްބިމުގައެވެ.
ރާއްޖޭގައި ކޯވިޑް-19 އަށް ޕޮޒިޓިވްވާ ސީރިއަސް ބަލި މީހުންނަށް މިހާރު ފަރުވާ ދެނީ 25 ބުރީގެ ދަރުމަވަންތަ ހޮސްޕިޓަލުގައެވެ.
ރާއްޖޭގައި ކޯވިޑް-19 އަށް ޕޮޒިޓިވްވާ ސީރިއަސް ބަލި މީހުންނަށް މިހާރު ފަރުވާ ދެނީ 25 ބުރީގެ ދަރުމަވަންތަ ހޮސްޕިޓަލުގައެވެ.
ކިޔުންތެރިންގެ ހިޔާލު