ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށް ބޭއްވުމަށް މި ސަރުކާރުން ކުރަމުންދާ މަސައްކަތްތަކާ ގުޅިގެން، އެކަމުގައި ހުރި ގާނޫނީ އަދި ދުސްތޫރީ ގޮންޖެހުންތަކާ މެދު ގާނޫނީ މާހިރުން ކަންބޮޑުވުން ފާޅުކޮށްފިއެވެ.
މިކަމާ ގުޅޭގޮތުން ޚިޔާލު ހޯދައި މަޝްވަރާކުރުމަށް ރޭ ސޯލްޓް ކެފޭގައި ބޭއްވި ޚާއްޞަ ބައްދަލުވުމެއްގައި، ރާއްޖޭގެ ޤާނޫނު އަސާސީ އެކުލަވާލިއިރު މަސައްކަތް ކުރެއްވި ބޭފުޅުންނާއި، ޤާނޫނީ މާހިރުންގެ އިތުރުން ދައުލަތުގެ އިސް މަގާމުތައް ފުރުއްވާފައިވާ ފުންނާބު އުސް ބޭފުޅުން ވަނީ ބައިވެރިވެވަޑައިގެންފައެވެ. މި ބައްދަލުވުމުގައި ދެ އިންތިޚާބު އެއްކޮށް ބޭއްވުމުން ކުރިމަތިވެދާނެ ނޭދެވޭ އަސަރުތަކާ ގުޅޭގޮތުން ފުޅާ ދާއިރާއެއްގައި ވަނީ ވާހަކަދެކެވިފައެވެ.
ބައްދަލުވުމުގެ ބައިވެރިން ފާހަގަކުރެއްވި ގޮތުގައި، ދެ އިންތިޚާބު އެއްކޮށްލުމަށްޓަކައި ރައްޔިތުންގެ ފެންނަ ނުފެންނަ ވޯޓެއް ނަގަން ސަރުކާރުން ނިންމާފައިވީ ނަމަވެސް، މީގެ ސަބަބުން ވެރިކަން ހިންގުމުގެ ބާރާއި ޤާނޫނު ހެދުމުގެ ބާރު މަސްހުނިވެ، ބާރުތައް ވަކިވެފައި އޮތް އޮތުމަށް ބުރޫއަރާނެއެވެ. އަދި މިފަދަ މުހިންމު ބަދަލެއް ގެނައުމަށް ވޯޓު ނަގާއިރު، ރައްޔިތުންނަށް އެކަމުގެ މަޢުލޫމާތު ދީ ހޭލުންތެރިކުރުވުމަށް އެކަށީގެންވާ ވަގުތު ނުދީ މިކަން ކުރަން އުޅުމަކީ ސަރުކާރުގެ އިޚްލާޞްތެރިކަމެއް ނެތްކަން ހާމަވާ ކަމެއް ކަމަށްވެސް އެ ބޭފުޅުން ވިދާޅުވިއެވެ.
"ޤާނޫނު އަސާސީއަކީ ކުޅޭކުޅޭ އެއްޗަކަށް ހަދާފައިވާކަން މިކަންކަމުން ހާމަވޭ،" ބައްދަލުވުމުގެ ބައިވެރިއަކު ވިދާޅުވިއެވެ.
މީގެ އިތުރުން، މިފަދަ ބޮޑު ބަދަލެއް ގެންނަން މަސައްކަތް ކުރާއިރު، ސިޔާސީ ޕާޓީތަކާއި ޤާނޫނީ ދާއިރާގެ ފަރާތްތަކާ މަޝްވަރާކޮށްފައި ނުވުމަކީ ބޮޑު ކަންބޮޑުވުމެއްގެ ގޮތުގައި އެބޭފުޅުން ވަނީ ފާހަގަކޮށްފައެވެ. އަދި ޤައުމުގެ ހަމަޖެހުން ޤާއިމްކުރުމަށާއި، ދައުލަތުގެ ނިޒާމުތައް ރައްކާތެރިކޮށް ޤާނޫނު އަސާސީގެ ބާރު ދެމެހެއްޓުމަކީ ކޮންމެ ފަރުދެއްގެވެސް ޒިންމާއެއްކަން މި ބައްދަލުވުމުގައި ބައިވެރިވި މާހިރުން ވަނީ ހަނދާންކޮށްދީފައެވެ.
ރައީސް ޑރ. މުޙައްމަދު މުޢިއްޒުގެ ސަރުކާރުން މައި ދެ އިންތިޚާބު އެއްދުވަހެއްގައި ބޭއްވުމަށް ބާރުއަޅަމުންދާއިރު، އިދިކޮޅު ފަރާތްތަކާއި މަދަނީ ޖަމްޢިއްޔާތަކުންވެސް ދަނީ މިކަމުގައި ހުރި ނުރައްކާތަކާ މެދު އަޑުއުފުލަމުންނެވެ.
ބައްދަލުވުމުގެ ބައިވެރިން ފާހަގަކުރެއްވި ގޮތުގައި، ދެ އިންތިޚާބު އެއްކޮށްލުމަށްޓަކައި ރައްޔިތުންގެ ފެންނަ ނުފެންނަ ވޯޓެއް ނަގަން ސަރުކާރުން ނިންމާފައިވީ ނަމަވެސް، މީގެ ސަބަބުން ވެރިކަން ހިންގުމުގެ ބާރާއި ޤާނޫނު ހެދުމުގެ ބާރު މަސްހުނިވެ، ބާރުތައް ވަކިވެފައި އޮތް އޮތުމަށް ބުރޫއަރާނެއެވެ. އަދި މިފަދަ މުހިންމު ބަދަލެއް ގެނައުމަށް ވޯޓު ނަގާއިރު، ރައްޔިތުންނަށް އެކަމުގެ މަޢުލޫމާތު ދީ ހޭލުންތެރިކުރުވުމަށް އެކަށީގެންވާ ވަގުތު ނުދީ މިކަން ކުރަން އުޅުމަކީ ސަރުކާރުގެ އިޚްލާޞްތެރިކަމެއް ނެތްކަން ހާމަވާ ކަމެއް ކަމަށްވެސް އެ ބޭފުޅުން ވިދާޅުވިއެވެ.
"ޤާނޫނު އަސާސީއަކީ ކުޅޭކުޅޭ އެއްޗަކަށް ހަދާފައިވާކަން މިކަންކަމުން ހާމަވޭ،" ބައްދަލުވުމުގެ ބައިވެރިއަކު ވިދާޅުވިއެވެ.
ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށް ބޭއްވުމަށް މިސަރުކާރުން ކުރަމުންދާ މަސައްކަތްތަކާއި ގުޅިގެން ހުރި ކަންބޮޑުވުންތަކަށް، ހިޔާލު ހޯދާ މަޝްވަރާ ކުރުމަށް ސޯލްޓް ކެފޭގައި ރޭ ބޭއްވި ބައްދަލުވުމުގައި، މި ދެ އިންތިހާބު އެއްކޮށް ބޭއްވުމުން ހުރި… pic.twitter.com/Kyrj4VAUsL
— Faisal Naseem (@FaisalNasym) March 2, 2026
ރައީސް ޑރ. މުޙައްމަދު މުޢިއްޒުގެ ސަރުކާރުން މައި ދެ އިންތިޚާބު އެއްދުވަހެއްގައި ބޭއްވުމަށް ބާރުއަޅަމުންދާއިރު، އިދިކޮޅު ފަރާތްތަކާއި މަދަނީ ޖަމްޢިއްޔާތަކުންވެސް ދަނީ މިކަމުގައި ހުރި ނުރައްކާތަކާ މެދު އަޑުއުފުލަމުންނެވެ.
ކިޔުންތެރިންގެ ހިޔާލު