އާބާދީގެ ގޮތުން ރާއްޖޭގެ އެންމެ ކުޑަ އެއް ރަށް ކަމަށްވާ ވ. ރަކީދޫ ކައުންސިލްގެ އިދާރީ މުވައްޒަފުންނާއި ކައުންސިލްގެ ބައެއް މެންބަރުން އިސްތިއުފާ ދިނުމާ ގުޅިގެން، ރައްޔިތުންނަށް ދޭންޖެހޭ ޚިދުމަތްތައް މެދުކެނޑުމުން އެ ރަށު ރައްޔިތުން ނިކުމެ މިއަދު ކައުންސިލް އިދާރާ ބަންދުކޮށްފިއެވެ.
ވ. އަތޮޅު ކައުންސިލުގެ ރައީސް ޝުޖާޢު ޢަލީ މީސްމީޑިއާގައި ހިއްސާކުރެއްވި މަޢުލޫމާތާއި ފޮޓޯތަކުން ފެންނަ ގޮތުގައި، ރައްޔިތުން ވަނީ ކައުންސިލް އިދާރާގެ ދޮރުމަތީގައި މޭޒުތައް ޖަހައި، އެތަނަށް ނުވަދެވޭ ގޮތަށް ބަންދުކޮށްފައެވެ.
ޝުޖާޢު ވިދާޅުވީ، ކައުންސިލް އިދާރާގެ ހުރިހާ އިދާރީ މުވައްޒަފުން އިސްތިއުފާ ދިނުމުގެ އިތުރުން، ތިން ކައުންސިލަރަކު ވެސް ވަނީ މަޤާމުން ވަކިވެފައެވެ. މި ސަބަބާ ހުރެ ރައްޔިތުންނަށް ލިބެންޖެހޭ އެއްވެސް ޚިދުމަތެއް ނުލިބޭތީ، ރައްޔިތުން ވަނީ މިއަދު ހެނދުނު 11:30 ހާއިރު ނިކުމެ އިދާރާ ބަންދުކޮށްފައެވެ.
މިކަމާ ގުޅޭގޮތުން ރަކީދޫ ކައުންސިލުގެ ރައީސް ޢަބްދުﷲ ރަޝީދު ރާއްޖޭގެ ބައެއް މީޑިއާތަކަށް މަޢުލޫމާތު ދެއްވަމުން ވިދާޅުވީ، ކައުންސިލްގެ އިދާރީ ތިން މުވައްޒަފުން އިސްތިއުފާ ދިންތާ މިހާރު ހަފުތާއެއް ވެފައިވާ ކަމަށެވެ. އަދި ކައުންސިލްގެ ނައިބު ރައީސާއި އިތުރު މެންބަރަކު ވެސް ވަނީ އިސްތިއުފާ ދެއްވާފައި ކަމަށާއި، މިވަގުތު އިދާރީގޮތުން ކައުންސިލް ހިންގާނެ އެއްވެސް މުވައްޒަފަކު ނެތް ކަމަށް އޭނާ ފާހަގަކުރެއްވިއެވެ.
"ކައުންސިލުގެ ބޭފުޅުން، އޭގެ ތެރޭގައި ނައިބު ރައީސް ވެސް އިސްތިއުފާ ދެއްވައިފަ ވަޑައިގެންފި. އަދި އިތުރު ކައުންސިލު މެންބަރަކު އިސްތިއުފާ ދެއްވައިފަ ވަޑައިގެންފި. ދެން އިދާރީ މުވައްޒަފުންވެސް އިސްތިއުފާދީފަ ކައުންސިލުން ވަކިވެގެން ހިނގައްޖެ. މިވަގުތު ރަކީދޫ ކައުންސިލުގަ ނެތް އިދާރީގޮތުން ހިންގާނެ އެއްވެސް ފަރާތެއް،" ޢަބްދުﷲ ރަޝީދު ވިދާޅުވިއެވެ.
އޭގެ އިތުރުން ކައުންސިލްގެ ރައީސް ވިދާޅުވީ، މުވައްޒަފުން ހޯދުމަށް ސިވިލް ސާވިސް ކޮމިޝަން (ސީއެސްސީ) އަދި ލޯކަލް ގަވަމަންޓް އޮތޯރިޓީ (އެލްޖީއޭ) ގައި އެދިފައިވާ ކަމަށެވެ. ނަމަވެސް، ލާމަރުކަޒީ ޤާނޫނަށް ގެނެވުނު ބަދަލެއްގެ ސަބަބުން، ކައުންސިލްތަކުގެ ދައުރު ނިމެން އަހަރެއް ވުމުން އެލްޖީއޭ އާއި ފިނޭންސް މިނިސްޓްރީގެ ހުއްދަ ނެތި މުވައްޒަފުން ނެގުން އޮތީ ހުއްޓިފައެވެ. އަދި މިހާތަނަށް އެފަދަ ހުއްދައެއް ލިބިފައިނުވާ ކަމަށް ވެސް އޭނާ ވިދާޅުވިއެވެ.
ގާތްގަނޑަކަށް 360 މީހުންގެ އާބާދީއެއް އޮންނަ ރަކީދޫގައި މިހާރު ދިރިއުޅެމުންދަނީ 61 މީހުންނެވެ. ކައުންސިލް އިދާރާ ހުއްޓުމަކަށް އައުމަކީ އެ ރަށުގެ ރައްޔިތުންނަށް ދިމާވެފައިވާ ބޮޑު ގޮންޖެހުމެކެވެ.
ޝުޖާޢު ވިދާޅުވީ، ކައުންސިލް އިދާރާގެ ހުރިހާ އިދާރީ މުވައްޒަފުން އިސްތިއުފާ ދިނުމުގެ އިތުރުން، ތިން ކައުންސިލަރަކު ވެސް ވަނީ މަޤާމުން ވަކިވެފައެވެ. މި ސަބަބާ ހުރެ ރައްޔިތުންނަށް ލިބެންޖެހޭ އެއްވެސް ޚިދުމަތެއް ނުލިބޭތީ، ރައްޔިތުން ވަނީ މިއަދު ހެނދުނު 11:30 ހާއިރު ނިކުމެ އިދާރާ ބަންދުކޮށްފައެވެ.
މިކަމާ ގުޅޭގޮތުން ރަކީދޫ ކައުންސިލުގެ ރައީސް ޢަބްދުﷲ ރަޝީދު ރާއްޖޭގެ ބައެއް މީޑިއާތަކަށް މަޢުލޫމާތު ދެއްވަމުން ވިދާޅުވީ، ކައުންސިލްގެ އިދާރީ ތިން މުވައްޒަފުން އިސްތިއުފާ ދިންތާ މިހާރު ހަފުތާއެއް ވެފައިވާ ކަމަށެވެ. އަދި ކައުންސިލްގެ ނައިބު ރައީސާއި އިތުރު މެންބަރަކު ވެސް ވަނީ އިސްތިއުފާ ދެއްވާފައި ކަމަށާއި، މިވަގުތު އިދާރީގޮތުން ކައުންސިލް ހިންގާނެ އެއްވެސް މުވައްޒަފަކު ނެތް ކަމަށް އޭނާ ފާހަގަކުރެއްވިއެވެ.
"ކައުންސިލުގެ ބޭފުޅުން، އޭގެ ތެރޭގައި ނައިބު ރައީސް ވެސް އިސްތިއުފާ ދެއްވައިފަ ވަޑައިގެންފި. އަދި އިތުރު ކައުންސިލު މެންބަރަކު އިސްތިއުފާ ދެއްވައިފަ ވަޑައިގެންފި. ދެން އިދާރީ މުވައްޒަފުންވެސް އިސްތިއުފާދީފަ ކައުންސިލުން ވަކިވެގެން ހިނގައްޖެ. މިވަގުތު ރަކީދޫ ކައުންސިލުގަ ނެތް އިދާރީގޮތުން ހިންގާނެ އެއްވެސް ފަރާތެއް،" ޢަބްދުﷲ ރަޝީދު ވިދާޅުވިއެވެ.
ވ.ރަކީދޫ ކައުންސިލު އިދާރާގަ އިދާރީ ހުރިހާ މުވައްޒަފުން އިސްތިއުފާދެއްވުމާ، ކައުންސިލަރުންގެ ތެރެއިން 3 މެންބަރަކު ކައުންސިލުން ވަކިވެފައިވާ މި ދަނޑިވަޅުގާ، ކައުންސިލު އިދާރާއިން ރައްޔިތުންނަށް ދޭންޖެހޭ އެއްވެސް ޚިދުމަތެއް މިވަގުތު ލިބެމުން ނުދާތީ، ވ.ރަކީދޫ ރައްޔިތުންގެ ތެރެއިން… pic.twitter.com/1u3NT3hisb
— Shuja VAAVU RAEES (@Shuj4uAli) March 2, 2026
ގާތްގަނޑަކަށް 360 މީހުންގެ އާބާދީއެއް އޮންނަ ރަކީދޫގައި މިހާރު ދިރިއުޅެމުންދަނީ 61 މީހުންނެވެ. ކައުންސިލް އިދާރާ ހުއްޓުމަކަށް އައުމަކީ އެ ރަށުގެ ރައްޔިތުންނަށް ދިމާވެފައިވާ ބޮޑު ގޮންޖެހުމެކެވެ.
ކިޔުންތެރިންގެ ހިޔާލު