2026 ވަނަ އަހަރުގެ ސްޓޫޑެންޓް ލޯނު ސްކީމަށް އެދި ހުށަހެޅުމުގެ ފުރުޞަތު، ވަކި ޑެޑްލައިނެއް ނެތި މުޅި އަހަރަށް ހުޅުވާލުމަށް ސަރުކާރުން ނިންމަވައިފިއެވެ.
މިކަން ހާމަކުރެއްވީ މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. ޢަލީ ޙައިދަރު އަޙްމަދު، ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައެވެ.
ވަޒީރު ވިދާޅުވި ގޮތުގައި، މި ބަދަލު ގެނައުމުގެ މައިގަނޑު މަޤްޞަދަކީ ލޯނަށް އެދޭ ދަރިވަރުންނަށް ލުއިފަސޭހަކޮށްދިނުމެވެ.
މީގެ ކުރިން ވަކި މުއްދަތެއް ކަނޑައެޅިފައި އޮތުމުގެ ސަބަބުން، ބައެއް ދަރިވަރުންނަށް އެ މުއްދަތުގެ ތެރޭގައި އެޕްލިކޭޝަން ހުށަހެޅުމަށް ދަތިތަކާ ކުރިމަތިވެ، ލޯނުގެ ފުރުޞަތު ގެއްލޭކަން ފާހަގަކުރެވިފައިވާ ކަމަށް ވަޒީރު ވިދާޅުވިއެވެ. މި އާ އުސޫލާއެކު ދަރިވަރުންނަށް އެކަށީގެންވާ ވަގުތު ލިބި، ލޯނަށް އެދި ހުށަހެޅުން ވަރަށް ބޮޑަށް ފަސޭހަވެގެންދާނެ ކަމަށް އުންމީދުކުރައްވާ ކަމަށްވެސް އެމަނިކުފާނު ވިދާޅުވިއެވެ.
މި ބަދަލާއެކު ލޯނަށް އެދޭއިރު ހުށަހަޅަންޖެހޭ ލިޔެކިޔުންތަކަށް ވެސް ބައެއް ބަދަލުތައް ވަނީ ގެނެސްފައެވެ. އެގޮތުން، ކިޔަވައިދޭ މަރުކަޒުން ދޫކޮށްފައިވާ އޮފަރ ލެޓަރ ނުވަތަ ޕްލޭސްމަންޓް ލެޓަރާއި، ޕްރޮގްރާމްގެ ފީ ސްޓްރަކްޗަރ ހުށަހަޅަންޖެހެއެވެ.
މީގެ އިތުރުން، އެމް.ކިޔު.އޭ އިން ދޫކުރާ "އިންޓެންޑެޑް ޕްރޮގްރާމް ރެކޮގްނިޝަން ލެޓަރ" އާއި، ރެގިއުލޭޓަރީ އޮތޯރިޓީއަކުން ހުއްދަ ހޯދަންޖެހޭ ދާއިރާއެއް ނަމަ އެކަމުގެ ލިޔުން ވެސް ހުށަހަޅަންޖެހޭނެއެވެ. ވަޒީރު ވަނީ ލޯނަށް އެދެން ބޭނުންވާ ދަރިވަރުން ދުރާލާ މި ލިޔުންތައް ތައްޔާރުކުރުމަށް އިލްތިމާސްކުރައްވާފައެވެ.
"އެހެންވީމަ މިއަންނަ މަހުގެ ފަހު ފެށޭ ހަފްތާގައި މިފުރުސަތު ހުޅުވާލެވޭނެ. އެހެންކަމުން ލޯނަށް އެދެން ބޭނުންވާ ދަރިވަރުންނަށް އަޅުގަނޑު އިލްތިމާސްކުރަނީ އިސްވެ ދެންނެވި ލިޔުންތައް ފުރިހަމަކޮށް ތައްޔާރުވެގެން ތިއްބެވުމަށް، ފުރިހަމަ އެޕްލިކޭޝަނެއް ހުށަހަޅާ ދަރިވަރަކަށް ލޯނު ފައިސާ ހަމަޖެހިގެން ދިއުން އިރާދަކުރެއްވިއްޔާ އެހެން އަހަރުތަކާ އަޅާބަލާއިރު ވަރަށް ބޮޑުތަން އަވަސްވާނެ މިފަހަރު،" ޑރ.ހައިދަރު ވިދާޅުވިއެވެ.
ކުރިއަށް އޮތް ބަންދު ދުވަސްތަކަށްފަހު ލޯނަށް އެދުމުގެ ފުރުޞަތު ހުޅުވާލާނެ ކަމަށާއި، ފުރިހަމަ އެޕްލިކޭޝަނެއް ހުށަހަޅާ ދަރިވަރުންނަށް ކުރީ އަހަރުތަކަށްވުރެ އަވަހަށް ފައިސާ ހަމަޖެހިގެންދާނެ ކަމުގެ ޔަގީންކަން ވަޒީރު ދެއްވިއެވެ. ފާހަގަކޮށްލެވޭ ގޮތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ސްޓޫޑެންޓް ލޯނަކީ ޝަރީޢާ ކޮމްޕްލަޔަންޓް ލޯނަކަށް ހެއްދެވުމުގެ ގޮތުން، ލޯނު އަނބުރާ ދައްކާއިރު އެއްވެސް ސަރވިސް ޗާޖެއް ނުނަގާ ގޮތަށް މިދިޔަ އަހަރު ނިންމަވާފައެވެ.
ވަޒީރު ވިދާޅުވި ގޮތުގައި، މި ބަދަލު ގެނައުމުގެ މައިގަނޑު މަޤްޞަދަކީ ލޯނަށް އެދޭ ދަރިވަރުންނަށް ލުއިފަސޭހަކޮށްދިނުމެވެ.
މީގެ ކުރިން ވަކި މުއްދަތެއް ކަނޑައެޅިފައި އޮތުމުގެ ސަބަބުން، ބައެއް ދަރިވަރުންނަށް އެ މުއްދަތުގެ ތެރޭގައި އެޕްލިކޭޝަން ހުށަހެޅުމަށް ދަތިތަކާ ކުރިމަތިވެ، ލޯނުގެ ފުރުޞަތު ގެއްލޭކަން ފާހަގަކުރެވިފައިވާ ކަމަށް ވަޒީރު ވިދާޅުވިއެވެ. މި އާ އުސޫލާއެކު ދަރިވަރުންނަށް އެކަށީގެންވާ ވަގުތު ލިބި، ލޯނަށް އެދި ހުށަހެޅުން ވަރަށް ބޮޑަށް ފަސޭހަވެގެންދާނެ ކަމަށް އުންމީދުކުރައްވާ ކަމަށްވެސް އެމަނިކުފާނު ވިދާޅުވިއެވެ.
މި ބަދަލާއެކު ލޯނަށް އެދޭއިރު ހުށަހަޅަންޖެހޭ ލިޔެކިޔުންތަކަށް ވެސް ބައެއް ބަދަލުތައް ވަނީ ގެނެސްފައެވެ. އެގޮތުން، ކިޔަވައިދޭ މަރުކަޒުން ދޫކޮށްފައިވާ އޮފަރ ލެޓަރ ނުވަތަ ޕްލޭސްމަންޓް ލެޓަރާއި، ޕްރޮގްރާމްގެ ފީ ސްޓްރަކްޗަރ ހުށަހަޅަންޖެހެއެވެ.
މީގެ އިތުރުން، އެމް.ކިޔު.އޭ އިން ދޫކުރާ "އިންޓެންޑެޑް ޕްރޮގްރާމް ރެކޮގްނިޝަން ލެޓަރ" އާއި، ރެގިއުލޭޓަރީ އޮތޯރިޓީއަކުން ހުއްދަ ހޯދަންޖެހޭ ދާއިރާއެއް ނަމަ އެކަމުގެ ލިޔުން ވެސް ހުށަހަޅަންޖެހޭނެއެވެ. ވަޒީރު ވަނީ ލޯނަށް އެދެން ބޭނުންވާ ދަރިވަރުން ދުރާލާ މި ލިޔުންތައް ތައްޔާރުކުރުމަށް އިލްތިމާސްކުރައްވާފައެވެ.
ކުރިއަށް އޮތް ބަންދު ދުވަސްތަކަށްފަހު ލޯނަށް އެދުމުގެ ފުރުޞަތު ހުޅުވާލާނެ ކަމަށާއި، ފުރިހަމަ އެޕްލިކޭޝަނެއް ހުށަހަޅާ ދަރިވަރުންނަށް ކުރީ އަހަރުތަކަށްވުރެ އަވަހަށް ފައިސާ ހަމަޖެހިގެންދާނެ ކަމުގެ ޔަގީންކަން ވަޒީރު ދެއްވިއެވެ. ފާހަގަކޮށްލެވޭ ގޮތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ސްޓޫޑެންޓް ލޯނަކީ ޝަރީޢާ ކޮމްޕްލަޔަންޓް ލޯނަކަށް ހެއްދެވުމުގެ ގޮތުން، ލޯނު އަނބުރާ ދައްކާއިރު އެއްވެސް ސަރވިސް ޗާޖެއް ނުނަގާ ގޮތަށް މިދިޔަ އަހަރު ނިންމަވާފައެވެ.
ކިޔުންތެރިންގެ ހިޔާލު