ރޯދަމަހަކީ ދިގު ވަގުތަކަށް ރޯދައަށް ހުރުމަށްފަހު، ހަށިގަނޑަށް ތާޒާކަމާއި ފިނިކަން ގެނެސްދޭ ބުއިންތަކަށް އޮންނަ ލޯބި އިތުރުވާ މަހެކެވެ. އެގޮތުން ރޯދަ ވީއްލާ ގަޑީގައި ކަރުހިއްކުން ފިލުވާލުމަށާއި، އަނގަޔަށް މީރު ރަހައެއް ލިއްބައިދިނުމަށް "މެންގޯ ލެމަނޭޑް" އަކީ ވަރަށް ފުރިހަމަ ބުއިމެކެވެ. މި ހިމަނާލަނީ މި ބުއިން ތައްޔާރުކުރުމަށް ބޭނުންވާ ތަކެއްޗާއި ތައްޔާރުކުރާނެ ގޮތެވެ.

ބޭނުންވާ ތަކެތި:

- 2 ފައްކާވެފައިވާ އަނބު (ތޮށިމަށައި ކޮށާފައި)

- 3 ނުވަތަ 4 ލުނބޯ (ހުތް ނެގުމަށް)

- ބައި ޖޯޑު ހަކުރު

- 4 ޖޯޑު ފިނިފެން

- ގަނޑުފެން (އައިސް ކިއުބްސް)



ތައްޔާރު ކުރާނެ ގޮތް:

އެންމެ ފުރަތަމަ ކޮށާފައި ހުރި އަނބުކޮޅު މިކްސަރަށް އަޅައި، ކުޑަފެންފޮދަކާއެކު އޮމާންވަންދެން މުގުރާލާށެވެ. އެއަށްފަހު ލުނބޯތައް ފަޅާލުމަށްފަހު އޭގެ ހުތް ފިތާލައިގެން ވަކި ތައްޓަކަށް ނަގާށެވެ. ބޮޑު ޖަގަކަށް އަނބު ޕިއުރީ، ލުނބޯ ހުތް، އަދި ހަކުރު އަޅާށެވެ. އެއަށްފަހު ބާކީ ހުރި ފިނިފެން އަޅައި، ހަކުރުކޮޅު ވިރެންދެން ރަނގަޅަށް ގިރާލާށެވެ. ބޭނުންނަމަ މި މިކްސްޗަރު ފުރާނާލެވިދާނެއެވެ. އޭރުން ބުއިން ބޯލާއިރު އޮމާންވާނެއެވެ. ރޯދަ ވީއްލުމުގެ ކުޑަވަގުތުކޮޅެއް ކުރިން ޖަގަށް ގަނޑުފެން އަޅައި ރަނގަޅަށް ފިނިކޮށްލާށެވެ.

މި މެންގޯ ލެމަނޭޑަކީ ގުދުރަތީ މޭވާގެ ފައިދާއާއެކު، ރޯދައިގެ ވަރުބަލިކަން ފިލުވައިދޭނެ ވަރަށް ހާއްސަ ބުއިމެކެވެ. އާއިލާގެ އެންމެންނަށްވެސް ކަމުދާނެ މި ބުއިން މި ރޯދަމަހު ތައްޔާރުކޮށްލުން ކިހިނެއްވާނެތޯއެވެ؟