ފިއުލް ސަޕްލައި މޯލްޑިވްސް (އެފްއެސްއެމް) އިން ވިއްކާ ޕެޓްރޯލާއި ޑީޒަލްގެ އަގު މިއަދުން ފެށިގެން ބޮޑުކޮށްފި އެވެ.

އެފް.އެސް.އެމްގެ ފިއުލް ސްޓޭޝަންތަކުން ވިއްކާ ޕެޓްރޯލާއި ޑީޒަލްގެ އަގުތަކަށް، މާޗް މަހުގެ 5 ވަނަ ދުވަހުން ފެށިގެން ބަދަލުތަކެއް ގެނެސް އަގުތައް ވަނީ ބޮޑުކޮށްފައެވެ.

އައު އަގުތަކަށް ބަލާއިރު، ޕެޓްރޯލް ލީޓަރެއްގެ އަގު މިހާރު ވަނީ 16.01 ރުފިޔާއަށް އުފުލިފައެވެ. މީގެ ކުރިން ޕެޓްރޯލް ލީޓަރެއް 13.50 ރުފިޔާއަށް ލިބެން ހުރި ނަމަވެސް، މި ބަދަލާއެކު ލީޓަރަކުން 2.51 ރުފިޔާ ވަނީ އިތުރުވެފައެވެ.

މީގެ އިތުރުން، ޑީސަލް ލީޓަރެއްގެ އަގަށް ވެސް ވަނީ ބަދަލުތަކެއް އައިސްފައެވެ. ކުރިން 13.92 ރުފިޔާއަށް ލިބުނު ޑީސަލް ލީޓަރެއްގެ އަގު، 3.62 ރުފިޔާގެ އިތުރުވުމަކާއެކު މިހާރު ހުރީ 17.54 ރުފިޔާގައެވެ.

ރާއްޖޭގައި ތެޔޮ ވިއްކާ އަގު ބޮޑުކޮށްފައިވަނީ މެދުއިރުމަތީގެ މަސްރަހު އިތުރަށް ގޯސްވެ، އީރާނާއި އިސްރާއީލާ ދެމެދު ވަރުގަދަ ހަމަލާތަކެއް ބަދަލުކުރަން ފެށުމާ ގުޅިގެން، ދުނިޔޭގެ ހަކަތައިގެ މައި މަގު ކަމުގައިވާ ހޮރްމޫޒް ކަނޑުއޮޅި ހުރަސްކޮށް ކުރާ ދަތުރުތައް ބޮޑެތި ޝިޕިން ކުންފުނިތަކުން މެދުކަނޑާލާފައިވަނިކޮށެވެ.