ސަރުކާރުން ތެލުގެ އަގު ބޮޑުކުރުމާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ވެލިދޫ ދާއިރާގެ މެންބަރު މުޙައްމަދު އައްބާސް ފާޑުވިދާޅުވެއްޖެއެވެ.

މީސްމީޑިއާގައި އައްބާސް މިއަދު ވަނީ، ސަރުކާރުން ތެލުގެ އަގު ބޮޑުކުރީ އަގުބޮޑުކޮށް ތެޔޮ ގަނެގެން ގެނައުމަށްފަހުގައިތޯ ސުވާލު އުފައްދަވާފައެވެ. އޭނާ ވިދާޅުވީ، ރާއްޖޭގައި ހުރި ހުރިހާ ތެޔޮ ޓޭންކުތަކެއް ފުރެންދެން ތެޔޮ އެބަހުރި ކަމަށާއި، އަދި އިތުރު ތެޔޮ ޓޭންކަރެއް ބަރުކޮށްގެން ރާއްޖެއަށް އައުމަށް ފުރައިފި ކަމަށް މީގެ ކުރިން ރައީސް މުޢިއްޒު ވިދާޅުވެފައިވާ ކަމަށެވެ. އެހެންކަމުން، މިހާރު ކުއްލިއަކަށް ތެލުގެ އަގު ބޮޑުވެގެންދިޔަ ގޮތާމެދު އޭނާ ވަނީ ސުވާލު އުފައްދަވާފައެވެ.

ސިޔާސީ އެދުން އިސްކޮށް، އަބަދު ރައްޔިތުންނަށް ދޮގުބުނެ އޮޅުވާލުމަކީ އިންސާފެއްތޯ ސުވާލުކުރައްވަމުން އައްބާސް ވަނީ "ދޮގުބުނުމަކީ މަނިކުފާނުގެ ކަށީގައި ހިފާފައި ހުރި ކަމެއްތޯ" ރައީސްއާ ސުވާލު ކުރަށްވާފައެވެ. އޭނާ ވިދާޅުވީ ސަރުކާރުން އަގުބޮޑުކޮށް ތެޔޮ ވިއްކަންވާނީ އަގުބޮޑުކޮށް ތެޔޮ ގަނެގެން ގެނައުމުން ކަމަށް ގަބޫލުކުރައްވާ ކަމަށެވެ.

މީގެ އިތުރުން، ރައްޔިތުންނާމެދު ކުޑަކޮށްވެސް ވިސްނަވާ ނުލައްވައި ސަރުކާރުން މިފަދަ ނިންމުންތައް ނިންމުމުން، އާންމު ވިޔަފާރިތަކުން ހުރިހާ މުދަލެއްގެ އަގު ބޮޑުކުރާނެކަމީ ޔަގީންކަމެއް ކަމަށް އޭނާ ފާހަގަކުރެއްވިއެވެ. މީގެ ސަބަބުން ރައްޔިތުންގެ ދިރިއުޅުމުގެ ފެންވަރަށް ނޭދެވޭ އަސަރު ކުރާނެ ކަމަށްވެސް އައްބާސް ވިދާޅުވިއެވެ.

ދިވެހި ސަރުކާރުން ތެލުގެ އަގު ބޮޑުކުރީ އަގުބޮޑުކޮށް ތެޔޮ ގަނެގެން ގެނެސްސަތޯ؟ރާއްޖޭގައި ހުރި ހުރިހާ ޓޭންކުތަކެއް ފުރެންދެން ތެޔޮ ހުރިކަމަށް ވިދާޅުވެފައި އަދި އިތުރު ތެޔޮ ޓޭނަކަރެއް ބަރުކޮށްގެން ފުރައިފިކަމަށް ރައީސް ޑރ.މުއިއްޒު ވިދާޅުވެފައި މިހާރު މިވީ ކިހިނެއްތޯ؟ސިޔާސީ އެދުން…

— Mohamed Abbas (@Abbasvelidhoo) March 5, 2026

އެސްޓީއޯއިން ރޭ ވަނީ ޕެޓްރޯލް ލީޓަރަކުން 2.51 ރުފިޔާ އަދި ޑީސަލް ލީޓަރަކުން 3.62 ރުފިޔާ ބޮޑުކޮށްފައެވެ. ނަމަވެސް މި މަހުގެ 2 ވަނަ ދުވަހު ރައީސް ވިދާޅުވެފައިވަނީ ތެލުގެ ސްޓޮކް ރަނގަޅު ކަމަށާއި އެކަމުގައި ކަންބޮޑުވުމެއް ނެތް ކަމަށެވެ.

"28 ފެބްރުވަރީގައި އޮމާނުން ފުރައިފި އަޅުގަނޑުމެންގެ އިތުރު ޝިޕްމެންޓެއް އިނގޭތޯ. މި ވަގުތުވެސް އެބަހުރި ނިއަލީ މަންތަކަށް ވާވަރަށް ފިއުލް. ދެން ހަމަ ރާއްޖޭގަ ސްޓޮކް ކުރެވޭނެ އެންމެ މެކްސިމަމް އެބަހުރި ސްޓޮކް ކޮށްފަ މިހާރުވެސް ރާއްޖޭގަ. އެހެންވީމަ، ތެޔޮ މި ދަނީ ވަރަށް ގާތުން ބަލަމުން." ރައީސް ވިދާޅުވިއެވެ.

“ 28 ފެބްރުވަރީގައި އޮމާނުން ފުރައިފި އަޅުގަނޑުމެންގެ އިތުރު ޝިޕްމެންޓެއް އިނގޭތޯ. މި ވަގުތުވެސް އެބަހުރި ނިއަލީ މަންތަކަށް ވާވަރަށް ފިއުލް. ދެން ހަމަ ރާއްޖޭގަ ސްޓޮކް ކުރެވޭނެ އެންމެ މެކްސިމަމް އެބަހުރި ސްޓޮކް ކޮށްފަ މިހާރުވެސް ރާއްޖޭގަ. އެހެންވީމަ، ތެޔޮ މި ދަނީ ވަރަށް ގާތުން… https://t.co/7gkmREY2MF pic.twitter.com/6BY0zL4dfA

— Ahmed Reehan (@reekhan999) March 5, 2026

ތެލުގެ އަގަށް ގެނައި މި ބަދަލާއެކު އާންމުންގެ މެދުގައިވެސް ނުތަނަވަސްކަން އުފެދިފައިވާއިރު، އިދިކޮޅު ފަރާތްތަކުން ދަނީ ސަރުކާރުގެ އިގްތިސާދީ ސިޔާސަތުތަކަށް ފާޑުކިޔަމުންނެވެ.

އައްބާސްގެ ވާހަކަ ނިންމާލަމުން ވަނީ، ގައުމު ހިންގަވަން އެނގިވަޑައިނުގަންނަވާނަމަ ރައީސް މުޢިއްޒު މަގާމުން އިސްތިއުފާ ދެއްވުން މާ ރަނގަޅުވާނެ ކަމަށް ވިދާޅުވެ ވަރަށް ބޮޑަށް ފާޑުވިދާޅުވެފައެވެ.