ރަށެއްގައި ފެންނަން އޮތް ތަރައްޤީގެ އެއްވެސް މަސައްކަތެއް ކުރެވިފައި ނުވާއިރު، ވޭތުވެދިޔަ ދެ އަހަރު ދުވަހުގެ ތެރޭގައި މި ސަރުކާރުން ނަގާފައިވާ ވަރުގެ ބޮޑު ދަރަންޏެއް އެހެން އެއްވެސް ސަރުކާރަކުން ނަގާފައި ނުވާކަމަށް އެމްޑީޕީގެ ވަގުތީ ޗެއާޕާސަން އަބްދުލްޣަފޫރު މޫސާ ރޭ ވިދާޅުވެއްޖެއެވެ.
ކައުންސިލް އިންތިޚާބުގެ ކެމްޕޭނަށް އައްޑޫ ސިޓީ މަރަދޫ ދާއިރާގެ ކެންޑިޑޭޓުންނާ ބައްދަލުކުރުމަށް ބޭއްވި އިވެންޓެއްގައި ވާހަކަދައްކަވަމުން އެމްޑީޕީގެ ވަގުތީ ޗެއާޕާސަން އަބުދުލް ޣަފޫރު މޫސާ ވިދާޅުވީ، މި ސަރުކާރުން މިހާތަނަށް 38 ބިލިއަން ރުފިޔާގެ ދަރަނި ނަގާފައިވާ ކަމަށެވެ. މިއީ ހިސާބުތަކުން ފެންނަން ހުރި ހަގީގަތް ކަމަށާއި، ނަމަވެސް އެ ފައިސާއިން ރަށެއްގައި ކުރެވުނު ކަމެއް ފެންނަން ނެތް ކަމަށް ޣަފޫރު ވިދާޅުވިއެވެ.
އެއާ ޚިލާފަށް ނިމިދިޔަ އެމްޑީޕީގެ ސަރުކާރުގެ ތަޖުރިބާ ހިއްސާކުރައްވަމުން ޣަފޫރު ވިދާޅުވީ، ކޮވިޑްގެ ދަތި ހާލަތުގައި ދައުލަތަށް ލިބެންޖެހޭ އާމްދަނީ އުނިވެފައި ވަނިކޮށް، ރައްޔިތުންގެ ބޭސްފަރުވާއަށާއި އެހެނިހެން ޚިދުމަތްތަކަށް 40 ބިލިއަން ރުފިޔާ ޚަރަދުކުރަން ޖެހުނު ކަމަށެވެ. އެފަދަ ނާޒުކު ދަނޑިވަޅެއްގައިވެސް ރިސޯޓްތަކާއި ލިބެންހުރި އެންމެ ރަނގަޅު ވަސީލަތްތައް ބޭނުންކޮށްގެން ރައްޔިތުންނަށް ޚިދުމަތް ދީފައިވާނެ ކަމަށް އޭނާ ވިދާޅުވިއެވެ.
"އަޅުގަނޑުމެންނަށް ވެރިކަން ކުރަން ލިބުނު ފަސް އަހަރުގެ ތެރެއިން ދެއަހަރުބައި ހޭދަކުރަންޖެހުނީ އިޤްތިޞާދު ކޮޅަށް ޖެހުމަށް. ކުދި އަދި މެދުފަންތީގެ ވިޔަފާރިތަކަށް ލޯނު ދޫކޮށް، ރާއްޖޭގެ ހުރިހާ ހިސާބެއްގައި މަޝްރޫއުތައް ހިންގިން،" ޣަފޫރު ވިދާޅުވިއެވެ.
މިހާރުގެ ސަރުކާރަށް ފާޑުވިދާޅުވަމުން ޣަފޫރު ވިދާޅުވީ، ދައުލަތުގެ ޕޭރޯލް 11 ބިލިއަނުން 17.5 ބިލިއަނަށް އިތުރުވެފައިވާ ކަމަށާއި، ހަމައެކަނި ވަޒީފާ ދީގެން ސަރުކާރެއް ނުހިންގޭނެ ކަމަށެވެ. އަދި އިންތިޚާބާ ދިމާކޮށް ގިނަ ވަޒީފާތަކެއް ދިން ނަމަވެސް، އިންތިޚާބު ނިމުމާއެކު "20 އަހަރުގެ ތަސައްވުރު" ގެ ނަމުގައި މަޖިލީހަށް ކަރުދާހެއް ފޮނުވައި، އެ ވަޒީފާތަކުން މީހުން ވަކިކުރާނެ ކަމުގެ އިންޒާރުވެސް ޣަފޫރު ދެއްވިއެވެ.
އިޤްތިޞާދީ ހާލަތާ ގުޅޭގޮތުން ވާހަކަދައްކަވަމުން ޣަފޫރު ވިދާޅުވީ ޑޮލަރުގެ ރޭޓު 20 ނުވަތަ 25 ރުފިޔާއަށް އަރައިފިނަމަ، ރައްޔިތުންގެ ޖީބަށް އޭގެ ނޭދެވޭ އަސަރު ވަރަށް ބޮޑަށް ކުރާނެ ކަމަށެވެ. އަދި މި ސަރުކާރަށް 174 ބިލިއަން ރުފިޔާގެ ބަޖެޓެއް ފާސްކޮށްދީފައިވާއިރު، އޭގެއިން ރައްޔިތުންނަށް ފައިދާހުރި ބޮޑު މަޝްރޫއެއް ހިންގާފައި ނުވާކަން ޣަފޫރު ތުހުމަތުކުރެއްވިއެވެ.
"މި ސަރުކާރުން ކުރާ ކަމަކީ ދެ ކޮޓަރީގެ ޕޮލިސް ސްޓޭޝަނަކާއި، ވޮލީ ކޯޓެއް ނުވަތަ އުނދޯލިގެއެއް އެޅުން. މިއީ ދައުލަތެއްގެ ފެންވަރުގައި ހިންގަންޖެހޭ ވަރުގެ މަޝްރޫއުތަކެއް ނޫން،" ޣަފޫރު ވިދާޅުވިއެވެ.
ޣަފޫރު ވިދާޅުވީ، މި ސަރުކާރުން މިހާތަނަށް ރައްޔިތުންގެ ފައިދާ އާއި ލާބަޔަށް ކުރި އެއްވެސް ކަމެއް ފެންނަން ނެތް ކަމަށެވެ. އަދި ސަރުކާރު ސިޔާސަތުތަކުގެ ސަބަބުން ރައްޔިތުންނަށް ލިބޭނީ އިތުރު ދަތިތަކާއި އުނދަގޫތައް ކަމަށާއި، މިކަންކަމާމެދު ރައްޔިތުން ފުންކޮށް ވިސްނަންޖެހޭ ކަމަށް ޣަފޫރު ވިދާޅުވިއެވެ.
އެއާ ޚިލާފަށް ނިމިދިޔަ އެމްޑީޕީގެ ސަރުކާރުގެ ތަޖުރިބާ ހިއްސާކުރައްވަމުން ޣަފޫރު ވިދާޅުވީ، ކޮވިޑްގެ ދަތި ހާލަތުގައި ދައުލަތަށް ލިބެންޖެހޭ އާމްދަނީ އުނިވެފައި ވަނިކޮށް، ރައްޔިތުންގެ ބޭސްފަރުވާއަށާއި އެހެނިހެން ޚިދުމަތްތަކަށް 40 ބިލިއަން ރުފިޔާ ޚަރަދުކުރަން ޖެހުނު ކަމަށެވެ. އެފަދަ ނާޒުކު ދަނޑިވަޅެއްގައިވެސް ރިސޯޓްތަކާއި ލިބެންހުރި އެންމެ ރަނގަޅު ވަސީލަތްތައް ބޭނުންކޮށްގެން ރައްޔިތުންނަށް ޚިދުމަތް ދީފައިވާނެ ކަމަށް އޭނާ ވިދާޅުވިއެވެ.
"އަޅުގަނޑުމެންނަށް ވެރިކަން ކުރަން ލިބުނު ފަސް އަހަރުގެ ތެރެއިން ދެއަހަރުބައި ހޭދަކުރަންޖެހުނީ އިޤްތިޞާދު ކޮޅަށް ޖެހުމަށް. ކުދި އަދި މެދުފަންތީގެ ވިޔަފާރިތަކަށް ލޯނު ދޫކޮށް، ރާއްޖޭގެ ހުރިހާ ހިސާބެއްގައި މަޝްރޫއުތައް ހިންގިން،" ޣަފޫރު ވިދާޅުވިއެވެ.
މިހާރުގެ ސަރުކާރަށް ފާޑުވިދާޅުވަމުން ޣަފޫރު ވިދާޅުވީ، ދައުލަތުގެ ޕޭރޯލް 11 ބިލިއަނުން 17.5 ބިލިއަނަށް އިތުރުވެފައިވާ ކަމަށާއި، ހަމައެކަނި ވަޒީފާ ދީގެން ސަރުކާރެއް ނުހިންގޭނެ ކަމަށެވެ. އަދި އިންތިޚާބާ ދިމާކޮށް ގިނަ ވަޒީފާތަކެއް ދިން ނަމަވެސް، އިންތިޚާބު ނިމުމާއެކު "20 އަހަރުގެ ތަސައްވުރު" ގެ ނަމުގައި މަޖިލީހަށް ކަރުދާހެއް ފޮނުވައި، އެ ވަޒީފާތަކުން މީހުން ވަކިކުރާނެ ކަމުގެ އިންޒާރުވެސް ޣަފޫރު ދެއްވިއެވެ.
އިޤްތިޞާދީ ހާލަތާ ގުޅޭގޮތުން ވާހަކަދައްކަވަމުން ޣަފޫރު ވިދާޅުވީ ޑޮލަރުގެ ރޭޓު 20 ނުވަތަ 25 ރުފިޔާއަށް އަރައިފިނަމަ، ރައްޔިތުންގެ ޖީބަށް އޭގެ ނޭދެވޭ އަސަރު ވަރަށް ބޮޑަށް ކުރާނެ ކަމަށެވެ. އަދި މި ސަރުކާރަށް 174 ބިލިއަން ރުފިޔާގެ ބަޖެޓެއް ފާސްކޮށްދީފައިވާއިރު، އޭގެއިން ރައްޔިތުންނަށް ފައިދާހުރި ބޮޑު މަޝްރޫއެއް ހިންގާފައި ނުވާކަން ޣަފޫރު ތުހުމަތުކުރެއްވިއެވެ.
ޣަފޫރު ވިދާޅުވީ، މި ސަރުކާރުން މިހާތަނަށް ރައްޔިތުންގެ ފައިދާ އާއި ލާބަޔަށް ކުރި އެއްވެސް ކަމެއް ފެންނަން ނެތް ކަމަށެވެ. އަދި ސަރުކާރު ސިޔާސަތުތަކުގެ ސަބަބުން ރައްޔިތުންނަށް ލިބޭނީ އިތުރު ދަތިތަކާއި އުނދަގޫތައް ކަމަށާއި، މިކަންކަމާމެދު ރައްޔިތުން ފުންކޮށް ވިސްނަންޖެހޭ ކަމަށް ޣަފޫރު ވިދާޅުވިއެވެ.
ކިޔުންތެރިންގެ ހިޔާލު