ސަރުކާރުގެ ޗީފް ސްޕޯކްސްޕާސަންގެ މަގާމަށް، ތަޖުރިބާކާރު ސިޔާސީ ބޭފުޅެއްގެ އިތުރުން ޚާރިޖީ ދާއިރާގެ ވެސް ތަޖުރިބާލިބިވަޑައިގެން ހުންނެވި މުޙައްމަދު ޙުސައިން ޝަރީފް (މުންދު) އައްޔަންކުރެއްވުމާ ގުޅިގެން، ރާއްޖޭގެ ގިނަ ނޫސްވެރިން އެ ނިންމެވުމަށް މަރުހަބާ ކިޔައިފިއެވެ.

Congratulations @mundhu_maldives hope you will keep a friendly relationship with all media's without discrimination. https://t.co/FptPRjKNmr

— Ashvaq Fauzee (@Ashvarg) April 15, 2026

މުންދުގެ އައްޔަންކުރެއްވުމަކީ ސަރުކާރާއި މީޑިއާއާ ދެމެދު އޮންނަ ގުޅުން އިތުރަށް ހަރުދަނާވެގެންދާނެ ކަމެއްގެ ގޮތުގައި ގިނަ ނޫސްވެރިން ސިފަކުރެއެވެ.

މިކަމާ ގުޅޭގޮތުން ޚިޔާލުފާޅުކުރި ބައެއް ނޫސްވެރިން ފާހަގަކުރި ގޮތުގައި، މުންދަކީ މީޑިއާގެ ދާއިރާއާ ގާތް ގުޅުމެއް ބާއްވަވާ އަދި މަޢުލޫމާތު ފޯރުކޮށްދިނުމުގައި ހަރަކާތްތެރި ބޭފުޅެކެވެ. އެހެންކަމުން، އޭނާގެ ދައުރުގައި ނޫސްވެރިންނަށް ބޭނުންވާ މަޢުލޫމާތުތައް އެއްވެސް ތަފާތުކުރުމެއް ނެތި، ހަމަހަމަކަމާއެކު ލިބިގެންދާނެ ކަމުގެ އުންމީދު ވަރަށް ބޮޑު ކަމަށް ނޫސްވެރިން ވަނީ ބުނެފައެވެ.

މަރުހާބާ @mundhu_maldives!

އުންމީދަކީ، މައުލޫމާތު ނުހަފަހައްޓާނެ، މީޑިއާއާ ރައްޓެހި ތަރުޖަމާނަކަށް ވާނެ ކަމަށް.

މުންދުއަށް ކާމިޔާބަށް އެދެން. https://t.co/G2bOeyE8P9

— Muzayyin Nazim (@tedmaldives) April 15, 2026

ޚާއްޞަކޮށް ސަރުކާރުގެ ސިޔާސަތުތަކާއި ނިންމުންތައް ރައްޔިތުންނަށް ސާފުކޮށްދިނުމުގައި މުންދުގެ ތަޖުރިބާގެ ބޭނުން އަލީގައި، ނޫސްވެރިންނަށް ދިމާވާ ދަތިތަކަށް ހައްލެއް ލިބޭނެ ކަމަށް ނޫސްވެރިކަމުގެ ދާއިރާގައި މަސައްކަތްކުރާ ފަރާތްތަކުން ގަބޫލުކުރެއެވެ.

މުންދު މި މަގާމަށް އައްޔަންކުރެއްވީ ސަރުކާރުގެ މުހިންމު މަޢުލޫމާތުތައް ހާމަކުރުން އަވަސްކޮށް، ދެފުށް ފެންނަ ނިޒާމެއްގެ ތެރެއިން މީޑިއާއަށް މަގުފަހިކޮށްދިނުމުގެ މަގުސަދުގައި ކަމަށް ރައީސް އޮފީހުން ބުނެއެވެ.