ބައިނަލްއަޤްވާމީ ޑިޖިޓަލް މިންގަނޑުތަކުގައި ދިވެހި ފައިސާ ތަމްސީލުކުރުމަށް އެޅުނު މުހިންމު ފިޔަވަޅެއްގެ ގޮތުން، ދަ ޔުނިކޯޑް ކޮންސޯޓިއަމްއިން އަލަށް ނެރުނު ވާޝަން 18.0 ގައި ދިވެހި ރުފިޔާގެ ރަސްމީ ނިޝާން ރަސްމީކޮށް ހިމަނައިފިއެވެ.
ދިވެހި ރުފިޔާ ތަމްސީލުކުރުމަށް ކަނޑައަޅާފައިވާ ރަސްމީ ނިޝާނަކީ ތާނަ އަކުރު 'ރ' ގެ މެދަށް އިތުރު ރޮނގެއް އިތުރުކޮށްގެން ފަރުމާކޮށްފައިވާ ނިޝާނެކެވެ. ޔުނިކޯޑްގެ އައު މިންގަނޑުގައި މި ނިޝާނަށް ޚާއްޞަކޮށްފައިވާ ކޯޑަކީ "U+20C2" އެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހާމަކުރި ގޮތުގައި، 2022 ވަނަ އަހަރު ތަޢާރަފުކުރި މި ނިޝާން ޔުނިކޯޑް ސްޓޭންޑަޑްގައި ހިމެނުމަކީ ޑިޖިޓަލް ވަސީލަތްތަކުގައި ރުފިޔާގެ ނިޝާން ބޭނުންކުރުމަށް ލިބުނު ބޮޑު ކުރިއެރުމެކެވެ. މީގެ ސަބަބުން ވެބްސައިޓްތަކާއި، މޯބައިލް އެޕްލިކޭޝަންތަކުގެ އިތުރުން ތަފާތު ޑިޖިޓަލް ޕްލެޓްފޯމްތަކުގައި އެއް މިންގަނޑަކުން މި ނިޝާން ފަސޭހަކަމާއެކު ބޭނުންކުރެވޭނެ އިންތިޒާމު ހަމަޖެހިގެންދާނެއެވެ. އަދި މި ކާމިޔާބީ ހާސިލުކުރުމަށް އެހީތެރިވެދެއްވި ހުރިހާ ފަރާތްތަކަށް މަރުކަޒީ ބޭންކުން ވަނީ ޝުކުރު އަދާކޮށްފައެވެ.
މި މުހިންމު ފިޔަވަޅުގެ ސަބަބުން، ދުނިޔޭގެ އެކި ކަންކޮޅުތަކުގައި ބޭނުންކުރާ އޮޕަރޭޓިންގ ސިސްޓަމްތަކާއި، ސޮފްޓްވެއަރތަކުގެ އިތުރުން ޑިޖިޓަލް ވިޔަފާރީގެ މުޢާމަލާތްތަކުގައި ދިވެހި ފައިސާގެ ނިޝާން ބޭނުންކުރުމަށް އިތުރު ފަސޭހަކަމެއް ލިބިގެންދާނެއެވެ. ޚާއްޞަކޮށް، މާލީ އިދާރާތަކާއި ވިޔަފާރިވެރިންނަށް ޑިޖިޓަލް އިންވޮއިސްތަކާއި ހިސާބުތައް ތައްޔާރުކުރުމުގައި ބައިނަލްއަޤްވާމީ ފެންވަރުގެ ސްޓޭންޑަޑްތަކަށް ފެތޭގޮތަށް ރުފިޔާގެ ނިޝާން ހިމެނުމުގެ މަގު މިހާރު ވަނީ ތަނަވަސްވެފައެވެ.
މީގެ އިތުރުން، ޓެކްނޮލޮޖީގެ ދާއިރާގައި ދިވެހި ބަހާއި ލިޔުމުގެ ސިޔާދަތު ކުރިއެރުވުމަށް އެމްއެމްއޭއިން ކުރަމުންދާ މަސައްކަތްތަކަށް ވެސް މިކަމުގެ ސަބަބުން ބޮޑު ކުރިއެރުމެއް ލިބިގެންދާނެއެވެ. އަދި ބައިނަލްއަޤްވާމީ ޑިޖިޓަލް ވިއުގަތަކުގައި ދިވެހި ފައިސާގެ އަމިއްލަވަންތަކަން ރަމްޒުކޮށްދިނުމަކީ ޤައުމީ ތަރިކައާއި އިޤްތިޞާދީ ހައިބަތު ދައްކުވައިދޭނެ ކަމެއް ކަމަށް ވެސް އެ އިދާރާއިން ފާހަގަކުރެއެވެ.
ޔުނިކޯޑް ކޮންސޯޓިއަމްއަކީ ދުނިޔޭގެ އެކި ޤައުމުތަކުގެ ފައިސާގެ ނިޝާންތައް ޑިޖިޓަލް ޕްލެޓްފޯމްތަކުގައި ބައިނަލްއަޤްވާމީ މިންގަނޑަކުން ދެނެގަނެވޭނެ ގޮތް ހަމަޖައްސައިދޭ މައި އިދާރާއެވެ. ނަމަވެސް އެ ނިޝާންތައް ފަރުމާކުރުމަކީ ކޮންމެ ޤައުމެއްގެ ވެސް ކަމާބެހޭ ރަސްމީ އިދާރާތަކުގެ މަސްއޫލިއްޔަތެކެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހާމަކުރި ގޮތުގައި، 2022 ވަނަ އަހަރު ތަޢާރަފުކުރި މި ނިޝާން ޔުނިކޯޑް ސްޓޭންޑަޑްގައި ހިމެނުމަކީ ޑިޖިޓަލް ވަސީލަތްތަކުގައި ރުފިޔާގެ ނިޝާން ބޭނުންކުރުމަށް ލިބުނު ބޮޑު ކުރިއެރުމެކެވެ. މީގެ ސަބަބުން ވެބްސައިޓްތަކާއި، މޯބައިލް އެޕްލިކޭޝަންތަކުގެ އިތުރުން ތަފާތު ޑިޖިޓަލް ޕްލެޓްފޯމްތަކުގައި އެއް މިންގަނޑަކުން މި ނިޝާން ފަސޭހަކަމާއެކު ބޭނުންކުރެވޭނެ އިންތިޒާމު ހަމަޖެހިގެންދާނެއެވެ. އަދި މި ކާމިޔާބީ ހާސިލުކުރުމަށް އެހީތެރިވެދެއްވި ހުރިހާ ފަރާތްތަކަށް މަރުކަޒީ ބޭންކުން ވަނީ ޝުކުރު އަދާކޮށްފައެވެ.
މި މުހިންމު ފިޔަވަޅުގެ ސަބަބުން، ދުނިޔޭގެ އެކި ކަންކޮޅުތަކުގައި ބޭނުންކުރާ އޮޕަރޭޓިންގ ސިސްޓަމްތަކާއި، ސޮފްޓްވެއަރތަކުގެ އިތުރުން ޑިޖިޓަލް ވިޔަފާރީގެ މުޢާމަލާތްތަކުގައި ދިވެހި ފައިސާގެ ނިޝާން ބޭނުންކުރުމަށް އިތުރު ފަސޭހަކަމެއް ލިބިގެންދާނެއެވެ. ޚާއްޞަކޮށް، މާލީ އިދާރާތަކާއި ވިޔަފާރިވެރިންނަށް ޑިޖިޓަލް އިންވޮއިސްތަކާއި ހިސާބުތައް ތައްޔާރުކުރުމުގައި ބައިނަލްއަޤްވާމީ ފެންވަރުގެ ސްޓޭންޑަޑްތަކަށް ފެތޭގޮތަށް ރުފިޔާގެ ނިޝާން ހިމެނުމުގެ މަގު މިހާރު ވަނީ ތަނަވަސްވެފައެވެ.
ޔުނިކޯޑް ކޮންސޯޓިއަމްއަކީ ދުނިޔޭގެ އެކި ޤައުމުތަކުގެ ފައިސާގެ ނިޝާންތައް ޑިޖިޓަލް ޕްލެޓްފޯމްތަކުގައި ބައިނަލްއަޤްވާމީ މިންގަނޑަކުން ދެނެގަނެވޭނެ ގޮތް ހަމަޖައްސައިދޭ މައި އިދާރާއެވެ. ނަމަވެސް އެ ނިޝާންތައް ފަރުމާކުރުމަކީ ކޮންމެ ޤައުމެއްގެ ވެސް ކަމާބެހޭ ރަސްމީ އިދާރާތަކުގެ މަސްއޫލިއްޔަތެކެވެ.
ކިޔުންތެރިންގެ ހިޔާލު