ދިވެހިރާއްޖޭގެ ހިއުމަން ރައިޓްސް ކޮމިޝަން (އެޗްއާރްސީއެމް) އަދި ފިލިޕީންސްގެ ކޮމިޝަން އޮން ހިއުމަން ރައިޓްސްއާ ދެމެދު ގުޅުން ބަދަހިކޮށް، ދެ މުއައްސަސާގެ ޤާބިލުކަން އިތުރުކުރުމަށްޓަކައި މުހިންމު ފަހުމުނާމާ އެއްގައި ސޮއިކޮށްފިއެވެ.
މި އެއްބަސްވުމުގައި ސޮއިކޮށްފައިވަނީ 14 އޮކްޓޫބަރު 2026 ގައި ފިލިޕީންސްގެ ކުއެޒޯން ސިޓީގައި ބޭއްވުނު ޚާއްޞަ ރަސްމިއްޔާތެއްގައެވެ.
މި އެއްބަސްވުމުގެ މައިގަނޑު މަޤްޞަދަކީ ދެ ޤައުމުގެ އިންސާނީ ޙައްޤުތަކާ ބެހޭ ޤައުމީ މުއައްސަސާގެ ދެމެދުގައި އޮތް ގުޅުން ހަރުދަނާކުރުމާއި، މަޢުލޫމާތާއި ތަޖުރިބާ ޙިއްޞާކުރުމުގެ އިތުރުން މުވައްޒަފުންގެ ޤާބިލުކަން އިތުރުކުރުމެވެ. މި ރަސްމިއްޔާތު ފެށިގެން ދިޔައީ ފިލިޕީންސްގެ ކޮމިޝަން އޮން ހިއުމަން ރައިޓްސްގެ ޗެއަރޕާސަން ރިޗަރޑް ޕީ. ޕަލްޕަލް-ލަޓޮކް ދެއްކެވި ވާހަކަފުޅުންނެވެ.
މި ބައްދަލުވުމުގައި އެޗްއާރްސީއެމްގެ ރައީސް ޑރ. ޢާއިޝަތު ރަމީލާ ވަނީ ޙަފްލާގެ ބައިވެރިންނާ މުޚާޠަބުކުރައްވައި ވާހަކަފުޅު ދައްކަވާފައެވެ. ޑރ. ރަމީލާގެ ވާހަކަފުޅުގައި، މި އެއްބަސްވުމަކީ ދެ މުއައްސަސާގެ ދެމެދުގައި އުނގެނުމުގެ ފަހި ފުރުޞަތުތަކެއް ތަނަވަސްކޮށްދީ، ދެ ޤައުމުގައިވެސް އިންސާނީ ޙައްޤުތައް ޙިމާޔަތްކުރުމަށް ކުރެވޭ މަސައްކަތްތައް އިތުރަށް ހަރުދަނާކުރުމަށް ލިބުނު ވަރަށް މުހިންމު ބާރެއްކަން ފާހަގަކުރެއްވިއެވެ. އަދި މި އެއްބަސްވުމުގެ ޒަރީޢާއިން އެދެވޭ ރަނގަޅު ނަތީޖާއެއް ޙާޞިލުކުރެވޭނީ ދެމެހެއްޓެނިވި ގޮތެއްގައި ގުޅުން ބަދަހިކޮށް، ޢަމަލީ ގޮތުން ގިނަ މަސައްކަތްތަކެއް ކޮށްގެން ކަމަށްވެސް އެކަމަނާ ވިދާޅުވިއެވެ.
މި ރަސްމިއްޔާތުގެ ތެރެއިން، އެޗްއާރްސީއެމްގެ ނައިބު ރައީސް މުޙައްމަދު ޝަފީޤު މަޙްމޫދު ވަނީ ދިވެހިރާއްޖޭގެ ކޮމިޝަނުގެ މެންޑޭޓާއި، މިހާރު ކުރިއަށްގެންދާ މުހިންމު ޕްރޮގްރާމްތަކާއި އިސްނެގުންތަކާ ގުޅޭގޮތުން ތަފްޞީލީ ޕްރެޒެންޓޭޝަނެއް ހުށަހަޅުއްވާފައެވެ. ހަމައެއާއެކު، ފިލިޕީންސްގެ ކޮމިޝަނުގެ ފަރާތުންވެސް އިންސާނީ ޙައްޤުތައް ޙިމާޔަތްކުރުމަށާއި، ސިޔާސަތުތައް އެކަށައެޅުމުގެ އިތުރުން މުޖުތަމަޢު ހޭލުންތެރިކުރުމުގެ ދާއިރާއިން ކުރަމުންދާ މަސައްކަތްތައް ހިމެނޭ ޕްރެޒެންޓޭޝަންތަކެއް ވަނީ ދައްކާލާފައެވެ.
މި ސޮއިކުރެވުނު އެމްއޯޔޫގެ ދަށުން ދެ މުއައްސަސާ ގުޅިގެން ތަފާތު ތަމްރީނު ޕްރޮގްރާމްތައް ހިންގުމާއި، ދިރާސާ ދަތުރުތައް ކުރުމުގެ އިތުރުން ފަންނީ މަޢުލޫމާތާއި ހުނަރު ބަދަލުކުރުމަށް ޚާއްޞަ އޮނިގަނޑެއް އެކުލަވާލެވިގެންދާނެއެވެ. މިއީ ދެ ޤައުމުގެ އިންސާނީ ޙައްޤުތަކުގެ ޙާލަތު ރަނގަޅުކުރުމަށް އެޅުނު މުހިންމު ފިޔަވަޅެއްގެ ގޮތުގައި ދެ ފަރާތުންވެސް ވަނީ ފާހަގަކޮށްފައެވެ.
މި އެއްބަސްވުމުގެ މައިގަނޑު މަޤްޞަދަކީ ދެ ޤައުމުގެ އިންސާނީ ޙައްޤުތަކާ ބެހޭ ޤައުމީ މުއައްސަސާގެ ދެމެދުގައި އޮތް ގުޅުން ހަރުދަނާކުރުމާއި، މަޢުލޫމާތާއި ތަޖުރިބާ ޙިއްޞާކުރުމުގެ އިތުރުން މުވައްޒަފުންގެ ޤާބިލުކަން އިތުރުކުރުމެވެ. މި ރަސްމިއްޔާތު ފެށިގެން ދިޔައީ ފިލިޕީންސްގެ ކޮމިޝަން އޮން ހިއުމަން ރައިޓްސްގެ ޗެއަރޕާސަން ރިޗަރޑް ޕީ. ޕަލްޕަލް-ލަޓޮކް ދެއްކެވި ވާހަކަފުޅުންނެވެ.
މި ބައްދަލުވުމުގައި އެޗްއާރްސީއެމްގެ ރައީސް ޑރ. ޢާއިޝަތު ރަމީލާ ވަނީ ޙަފްލާގެ ބައިވެރިންނާ މުޚާޠަބުކުރައްވައި ވާހަކަފުޅު ދައްކަވާފައެވެ. ޑރ. ރަމީލާގެ ވާހަކަފުޅުގައި، މި އެއްބަސްވުމަކީ ދެ މުއައްސަސާގެ ދެމެދުގައި އުނގެނުމުގެ ފަހި ފުރުޞަތުތަކެއް ތަނަވަސްކޮށްދީ، ދެ ޤައުމުގައިވެސް އިންސާނީ ޙައްޤުތައް ޙިމާޔަތްކުރުމަށް ކުރެވޭ މަސައްކަތްތައް އިތުރަށް ހަރުދަނާކުރުމަށް ލިބުނު ވަރަށް މުހިންމު ބާރެއްކަން ފާހަގަކުރެއްވިއެވެ. އަދި މި އެއްބަސްވުމުގެ ޒަރީޢާއިން އެދެވޭ ރަނގަޅު ނަތީޖާއެއް ޙާޞިލުކުރެވޭނީ ދެމެހެއްޓެނިވި ގޮތެއްގައި ގުޅުން ބަދަހިކޮށް، ޢަމަލީ ގޮތުން ގިނަ މަސައްކަތްތަކެއް ކޮށްގެން ކަމަށްވެސް އެކަމަނާ ވިދާޅުވިއެވެ.
މި ސޮއިކުރެވުނު އެމްއޯޔޫގެ ދަށުން ދެ މުއައްސަސާ ގުޅިގެން ތަފާތު ތަމްރީނު ޕްރޮގްރާމްތައް ހިންގުމާއި، ދިރާސާ ދަތުރުތައް ކުރުމުގެ އިތުރުން ފަންނީ މަޢުލޫމާތާއި ހުނަރު ބަދަލުކުރުމަށް ޚާއްޞަ އޮނިގަނޑެއް އެކުލަވާލެވިގެންދާނެއެވެ. މިއީ ދެ ޤައުމުގެ އިންސާނީ ޙައްޤުތަކުގެ ޙާލަތު ރަނގަޅުކުރުމަށް އެޅުނު މުހިންމު ފިޔަވަޅެއްގެ ގޮތުގައި ދެ ފަރާތުންވެސް ވަނީ ފާހަގަކޮށްފައެވެ.
ކިޔުންތެރިންގެ ހިޔާލު