ނިއުޒިލޭންޑުގެ އުތުރުން އޮންނަ ޓެ އަރަރޯ ނަމަކަށް ކިޔުނު ރަށަކަށް 7.2 މެގްނިޓިއުޑް ބާރުމިނުގައި ބިންހެލުމެއް އަތުވެއްޖެއެވެ.

މިބިންހެލުމުގެ ބާރުގަދަކަމުން، މުޅި ނިއުޒިލޭންޑަށް މިބިންހެލުމުގެ އިހުސާސް ކުރެވުނު ކަމަށް ގިނަބަޔަކު ވަނީ ފާހަގަކޮށްފައެވެ. މިބިންހެލުން އައިސްފައިވަނީ ނިއުޒިލޭންޑް ގަޑިން މެންދަމު 2:27 (ރާއްޖެ ގަޑިން އިރުއޮއްސި 6:27) ގައެވެ.

ނިއުޒިލޭންޑަށް އެރި ބާރުގަދަ ބިންހެލުމާއިއެކު، ނިއުޒިލޭންޑުގެ ސިވިލް ޑިފެންސުންވަނީ މިބިންހެލުން އައި ސަރަހައްދުގައި ދިރިއުޅޭ މީހުން، އުސް ސަރަހައްދުތަކަށް ދިއުމަށް އިލްތިމާސްކޮށްފައެވެ.

މިބިންހެލުމާއިއެކު ސުނާމީއެއް އަރާފާނެކަމަށާއި، އެއްވެސް ގެއްލުމެއްލިބިފައިވޭތޯ ބަލަމުންދާކަމަށް ނިއުޒިލޭންޑުގެ ނެޝަނަލް އެމަރޖެންސީ މެނޭޖްމަންޓް އޭޖެންސީއިން ވަނީ ހާމަކޮށްފައެވެ.