އަތޮޅުތެރެއިން ކޯވިޑް-19 ގެ ބަލިމީހުން ދެނެގަތުމާއި ބަލިއުޅޭތޯ ބެލުމުގެ ނިޒާމް ޤާއިމުކުރުމުގައި ޢަމަލު ކުރާނެ ގޮތުގެ އުސޫލު ހެލްތް ޕްރޮޓެކްޝަން އޭޖެންސީން އާއްމުކޮށްފިއެވެ.
އެޗްޕީއޭގެ އުސޫލުގައި ސަރވެއިލަންސް ހެދުމާއި ޓެސްޓް ކުރުމުގެ އިންތިޒާމް އަތޮޅުތެރޭގައި ކުރިއަށްގެންދާނެ ގޮތާއި، ޓްރެވެލް ހިސްޓްރީ ހުރި ފަރާތްތަކާ މެދު ޢަމަލު ކުރާނެގޮތުގެ އިތުރުން ކަރަންޓީން ކުރުމާއި، ޕޮޒިޓިވް މީހަކު ފެނިއްޖެ ނަމަ ޢަމަލު ކުރާނެ ގޮތް ކަނޑައަޅާފައިވެއެވެ.
މިގޮތުން އެއްވެސް މީހަކު ކޯވިޑް-19 އަށް ޕޮޒިޓިވް ވެއްޖެނަމަ އައިސޮލޭޝަން ފެސިލިޓީއަކަށް ގެންދެވެންދެން ރަށުގައި ކަނޑައެޅިފައިވާ ތަނެއްގައި އައިސޮލޭޓް ކޮށްފައި ބަހައްޓަންވާނެ ކަމަށް އެ އުސޫލުގައި ވެއެވެ.
އަދި ކޮންޓެކްޓް ޓްރޭސިންގ ހަދާ ނިމެންދެން ޕޮޒިޓިވްވި ފަރާތް ދިރިއުޅޭ ގެ، މޮނިޓަރިންގައި ބަހައްޓަންވާނެ ކަމަށާއި، މޮނިޓަރިންގ ކަނޑައަޅާ ލިޔުން ދޫކުރާނީ އެން.އީ.އޯ.ސީ.ގެ ލީގަލް ކްލަސްޓަރއިން ކަމަށް ވެސް މި އުސޫލުގައި ބަޔާންކޮށްފައި ވެއެވެ.
މީގެ އިތުރުން ޕޮޒިޓިވްވާ ފަރާތްތަކުގެ ޑައިރެކްޓް ކޮންޓެކްޓްތައް (ހައިރިސްކް އަދި މޮޑަރެޓް ރިސްކް) ކަރަންޓީން ފެސިލިޓީއަކަށް ގެންދެވެންދެން ގޭގައި ނުވަތަ އެކަމަށް ރަށުގައި ކަނޑައަޅާފައިވާ ތަނެއްގައި ކަރަންޓީން ކުރަންވާނެ ކަމަށާއި، ރަށުތެރޭގައި ގައިދުރުކަން ބެހެއްޓުމަށް ބާރުއެޅުމާއެކު އާންމު ތަންތަން ސާފުކުރުމާއި ޑިސްއިންފެކްޓް ކުރުމުގައި ކަނޑައެޅިފައިވާ ގޮތަށް ޢަމަލު ކުރުމަށް އިރުޝާދުދޭން ވާނެ ކަމަށް ވެސް ބަޔާންކޮށްފައިވެއެވެ.
އަދި ބިދޭސީން އުޅޭ ރަށެއްގައިނަމަ، ރަށުގައި އުޅޭ ބިދޭސީންގެ ލިސްޓެއް ނެގުމާއި ކޯވިޑް-19 ގެ މަސައްކަތުގެ ތެރޭގައި މިނިސްޓްރީ އޮފް ހެލްތުން ކަނޑައަޅާފައިވާ ކޮންމެހެން ފޯރުކޮށްދޭންޖެހޭ ޚިދުމަތްތައް ކުރިއަށް ގެންދަންވާނެ ކަމަށް ވެސް އެޗްޕީއޭގެ އުސޫލްގައި ބަޔާންކޮށްފައި ވެއެވެ.
ކޯވިޑް-19 އާ ގުޅިގެން ރާއްޖޭގެ 26 ރަށެއް މިވަގުތުވެސް މޮނިޓަރިންގެ ހާލަތުގައި އެބައޮތެވެ. މީގެ އިތުރުން "ކާވިޔާ" ބޯޓާއި "އަމާޒު" ބޯޓުވެސް މިވަގުތު އޮތީ މޮނިޓަރިންގެ ހާލަތުގައެވެ. އަދި ކްލިނިކްތަކާއި ފިހާރަތައް އަދި ގުދަންތައްވެސް ހިމެނޭހެން 34 ތަނެއް މިވަގުތު މޮނިޓަރިންގެ ހާލަތުގައި އޮތްއިރު، 260 އިމާރާތެއްވެސް މޮނިޓަރިންގެ ހާލަތުގައި މިވަގުތު އެބަހުއްޓެވެ.
މިއަދުގެ މިހާތަނަށް ރާއްޖެއިން 2 މީހަކު ކޯވިޑް-19 އަށް ޕޮޒިޓިވް ވެފައިވާއިރު، ރާއްޖެއިން މި ބަލި ޖެހުނު މީހުންގެ އަދަދު ވަނީ 228 އަށް އަރާފައެވެ. މީގެ ތެރެއިން 3 މީހަކަށް ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި އަންނަނީ ފަރުވާދެމުންނެވެ.
މިގޮތުން އެއްވެސް މީހަކު ކޯވިޑް-19 އަށް ޕޮޒިޓިވް ވެއްޖެނަމަ އައިސޮލޭޝަން ފެސިލިޓީއަކަށް ގެންދެވެންދެން ރަށުގައި ކަނޑައެޅިފައިވާ ތަނެއްގައި އައިސޮލޭޓް ކޮށްފައި ބަހައްޓަންވާނެ ކަމަށް އެ އުސޫލުގައި ވެއެވެ.
އަދި ކޮންޓެކްޓް ޓްރޭސިންގ ހަދާ ނިމެންދެން ޕޮޒިޓިވްވި ފަރާތް ދިރިއުޅޭ ގެ، މޮނިޓަރިންގައި ބަހައްޓަންވާނެ ކަމަށާއި، މޮނިޓަރިންގ ކަނޑައަޅާ ލިޔުން ދޫކުރާނީ އެން.އީ.އޯ.ސީ.ގެ ލީގަލް ކްލަސްޓަރއިން ކަމަށް ވެސް މި އުސޫލުގައި ބަޔާންކޮށްފައި ވެއެވެ.
މީގެ އިތުރުން ޕޮޒިޓިވްވާ ފަރާތްތަކުގެ ޑައިރެކްޓް ކޮންޓެކްޓްތައް (ހައިރިސްކް އަދި މޮޑަރެޓް ރިސްކް) ކަރަންޓީން ފެސިލިޓީއަކަށް ގެންދެވެންދެން ގޭގައި ނުވަތަ އެކަމަށް ރަށުގައި ކަނޑައަޅާފައިވާ ތަނެއްގައި ކަރަންޓީން ކުރަންވާނެ ކަމަށާއި، ރަށުތެރޭގައި ގައިދުރުކަން ބެހެއްޓުމަށް ބާރުއެޅުމާއެކު އާންމު ތަންތަން ސާފުކުރުމާއި ޑިސްއިންފެކްޓް ކުރުމުގައި ކަނޑައެޅިފައިވާ ގޮތަށް ޢަމަލު ކުރުމަށް އިރުޝާދުދޭން ވާނެ ކަމަށް ވެސް ބަޔާންކޮށްފައިވެއެވެ.
އަދި ބިދޭސީން އުޅޭ ރަށެއްގައިނަމަ، ރަށުގައި އުޅޭ ބިދޭސީންގެ ލިސްޓެއް ނެގުމާއި ކޯވިޑް-19 ގެ މަސައްކަތުގެ ތެރޭގައި މިނިސްޓްރީ އޮފް ހެލްތުން ކަނޑައަޅާފައިވާ ކޮންމެހެން ފޯރުކޮށްދޭންޖެހޭ ޚިދުމަތްތައް ކުރިއަށް ގެންދަންވާނެ ކަމަށް ވެސް އެޗްޕީއޭގެ އުސޫލްގައި ބަޔާންކޮށްފައި ވެއެވެ.
މިއަދުގެ މިހާތަނަށް ރާއްޖެއިން 2 މީހަކު ކޯވިޑް-19 އަށް ޕޮޒިޓިވް ވެފައިވާއިރު، ރާއްޖެއިން މި ބަލި ޖެހުނު މީހުންގެ އަދަދު ވަނީ 228 އަށް އަރާފައެވެ. މީގެ ތެރެއިން 3 މީހަކަށް ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި އަންނަނީ ފަރުވާދެމުންނެވެ.
ކިޔުންތެރިންގެ ހިޔާލު