ކުރީގެ ރައީސް، ރައީސް އަބްދުﷲ ޔާމީން ގެއަށް ބަދަލުކޮށްދިނުމަށް އެދި، އިދިކޮޅު ކޯލިޝަނުން ރައީސް އިބްރާހިމް މުހައްމަދު ޞާލިޙަށް ސިޓީއެއް ފޮނުވައިފިއެވެ.
އިދިކޮޅު ކޯލިޝަނުން ރައީސް ޞާލިޙަށް ފޮނުވި ސިޓީގައި ބުނެފައިވަނީ ރައީސް ޔާމީންގެ ހަށިކޮޅަށް ލިބިދާނެ ގެއްލުމަކުން ސަލާމަތް ކުރުމަށްޓަކައި ގެއަށް ބަދަލުކޮށްދެއްވުމަށް އެދޭ ކަމަށެވެ. އަދި އަނިޔާވެރިކަމަށް ފުރުސަތު ނުދެއްވާ އިހުސާންތެރިކަން އިސްކުރެއްވުމަށް ވެސް އެ ސިޓީގައި އެދިފައި ވެއެވެ.
އިދިކޮޅު ކޯލިޝަނުން ވަނީ ޖަލުގައި ރައީސް ޔާމީން ހުންނަވަނިކޮށް، އެތަނުގައި ހަމަނުޖެހުން ހިނގުމާއި، ފުލުހުންގެ އޮޕަރޭޝަންތައް ހިންގުމަކީ ކަންބޮޑުވުން އޮތް ކަމެއް ކަމަށް ފާހަގަ ކޮށްފައެވެ. މީގެއިތުރުން ކޯވިޑް-19ގެ ބަލިމަޑުކަން ފެތުރެމުންދާ މި ދަނޑިވަޅުގައި މާފުށީ ޖަލުގައި ވެސް މި ބަލި ފެތުރުމުގެ ބިރު އޮތްކަމާއި އަދި ރަމަޟާން މަހުގެ ރޭތަކާއި ދުވަސްތައް ޔާމީން ޖަލުގައި ހޭދަކުރައްވަން ޖެހިވަޑައިގަތުމަކީ ކަންބޮޑުވުން އިތުރުވާ ކަމެއް ކަމަށްވެސް އެ ސިޓީގައި ބުނެފައިވެއެވެ.
ހައިކޯޓަށް ހުށަހަޅާފައިވާ އިސްތިއުނާފްގެ މައްސަލަ ކުރިއަށް ނުދާކަން ފާހަގަ ކޮށް، ރައީސް ޔާމީނަށް ގާނޫނީ ގޮތުން ހައްގުވާ ކަފާލާތުގެ ފުރުސަތު ވެސް ނުލިބޭ ކަމަށާއި، ކަން ހިނގާ ގޮތަށް ބަލާއިރު ރައީސް ޔާމީން އާއި އާއިލާ އަށް ސަރުކާރުގެ ފަރާތުން އަނިޔާވެރިވަމުން ދާ ކަމަށް ގަބޫލުކުރުމުގެ ފުރުސަތު އެބައޮތް ކަމަށްވެސް ސިޓީގައި ބުނެފައިވެއެވެ. އަދި ޖަލުގެ ސަލާމަތާއި ރައްކާތެރިކަމަށް އެޅިފައިވާ ފިޔަވަޅުތައް އިތުރަށް ވަރުގަދަ ކުރުމަށް ވެސް އިދިކޮޅު ކޯލިޝަންގެ ސިޓީގައި ގޮވާލާފައިވެއެވެ.
މީގެއިތުރުން އިދިކޮޅު ކޯލިޝަނުން ވަނީ އެފަދަ ސިޓީއެއް ހޯމް މިނިސްޓަރ އިމްރާން އަބްދުﷲ އަށްވެސް ފޮނުވާފައެވެ. އެ ސިޓީގައި ފުލުހުން މާފުށީ ޖަލުގެ ގޮޅިތަކުން ގައިދީން ނެރެ ގޮޅިތަކާއި ގައިދީން ބަލާ ފާސްކޮށްފައިވާ ކަމަށް މީޑިއާތަކުން ހާމަކޮށްފައި ވީނަމަވެސް އެކަމުގެ އިތުރު އެއްވެސް ތަފްސީލު ލިބިފައިނުވާ ކަމަށް ބުނެފައި ވެއެވެ.
މީގެ އިތުރުން އިދިކޮޅު ކޯލިޝަނުން ވަނީ ރާއްޖޭގެ ހިއުމަން ރައިޓްސް ކޮމިޝަންގެ ރައީސް އައިޝަތު އީނާޝަށް ވެސް ސިޓީއެއް ފޮނުވާފައެވެ. އެ ސިޓީގައި، ޖަލުގެ ސަލާމަތާއި ރައްކާތެރިކަމަށް އެޅިފައިވާ ފިޔަވަޅުތައް ރަނގަޅަށް ބައްލަވައި ދެއްވުމަށް އެދިފައިވެއެވެ.
އިދިކޮޅު ކޯލިޝަނުން ވަނީ ޖަލުގައި ރައީސް ޔާމީން ހުންނަވަނިކޮށް، އެތަނުގައި ހަމަނުޖެހުން ހިނގުމާއި، ފުލުހުންގެ އޮޕަރޭޝަންތައް ހިންގުމަކީ ކަންބޮޑުވުން އޮތް ކަމެއް ކަމަށް ފާހަގަ ކޮށްފައެވެ. މީގެއިތުރުން ކޯވިޑް-19ގެ ބަލިމަޑުކަން ފެތުރެމުންދާ މި ދަނޑިވަޅުގައި މާފުށީ ޖަލުގައި ވެސް މި ބަލި ފެތުރުމުގެ ބިރު އޮތްކަމާއި އަދި ރަމަޟާން މަހުގެ ރޭތަކާއި ދުވަސްތައް ޔާމީން ޖަލުގައި ހޭދަކުރައްވަން ޖެހިވަޑައިގަތުމަކީ ކަންބޮޑުވުން އިތުރުވާ ކަމެއް ކަމަށްވެސް އެ ސިޓީގައި ބުނެފައިވެއެވެ.
ހައިކޯޓަށް ހުށަހަޅާފައިވާ އިސްތިއުނާފްގެ މައްސަލަ ކުރިއަށް ނުދާކަން ފާހަގަ ކޮށް، ރައީސް ޔާމީނަށް ގާނޫނީ ގޮތުން ހައްގުވާ ކަފާލާތުގެ ފުރުސަތު ވެސް ނުލިބޭ ކަމަށާއި، ކަން ހިނގާ ގޮތަށް ބަލާއިރު ރައީސް ޔާމީން އާއި އާއިލާ އަށް ސަރުކާރުގެ ފަރާތުން އަނިޔާވެރިވަމުން ދާ ކަމަށް ގަބޫލުކުރުމުގެ ފުރުސަތު އެބައޮތް ކަމަށްވެސް ސިޓީގައި ބުނެފައިވެއެވެ. އަދި ޖަލުގެ ސަލާމަތާއި ރައްކާތެރިކަމަށް އެޅިފައިވާ ފިޔަވަޅުތައް އިތުރަށް ވަރުގަދަ ކުރުމަށް ވެސް އިދިކޮޅު ކޯލިޝަންގެ ސިޓީގައި ގޮވާލާފައިވެއެވެ.
މީގެ އިތުރުން އިދިކޮޅު ކޯލިޝަނުން ވަނީ ރާއްޖޭގެ ހިއުމަން ރައިޓްސް ކޮމިޝަންގެ ރައީސް އައިޝަތު އީނާޝަށް ވެސް ސިޓީއެއް ފޮނުވާފައެވެ. އެ ސިޓީގައި، ޖަލުގެ ސަލާމަތާއި ރައްކާތެރިކަމަށް އެޅިފައިވާ ފިޔަވަޅުތައް ރަނގަޅަށް ބައްލަވައި ދެއްވުމަށް އެދިފައިވެއެވެ.
ކިޔުންތެރިންގެ ހިޔާލު