ސިއްހީ ކުއްލި ނުރައްކަލުގެ ހާލަތު ސަރުާރުން ނާޖާއިޒު ގޮތުގައި ބޭނުން ނުކުރުމަށް އޭދަފުށީ ދާއިރާގެ މެންބަރު އަހުމަދު ސަލީމު، ރެޑްވޭވް ސަލީމް މިރޭ ގޮވާލައްވައިފިއެވެ.

އިދިކޮޅު ކޯލިޝަންގެ ޕާލިމެޓްރީ ގްރޫޕްގެ ލީޑަރ ރެޑްވޭވް ސަލީމް މި ގޮތަށް ގޮވާލައްވާފައި މިވަނީ ކޯވިޑް-19 އާއި ގުޅިގެން ހެލްތު މިނިސްޓަރ އިޢުލާން ކުރައްވާފައިވާ އާންމު ޞިއްޙަތުގެ ކުއްލި ނުރައްކަލުގެ ހާލަތު މިހިނގާ މެއި މަހުގެ ނިޔަލަށް ދަންމާ ލުމަށް މިރޭ އިޢުލާން ކުރައްވާފައި ވަނިކޮށެވެ.

ރެޑްވޭވް ސަލީމް މިރޭ ކުރެއްވި ޓްވީޓެއްގައި ވަނީ ސިއްހީ ކުއްލި ނުރައްކަލުގެ ހާލަތު ނާޖާއިޒު ގޮތުގައި ބޭނުން ކޮށްގެން ގައުމު އަރައި ނުގަނެވޭ ވަރުގެ އަޑިގަނޑަކަށް ވައްޓާނުލުމަށް ސަރުކާރަށް ގޮވާލާފައެވެ. ފިނޭންސް މިނިސްޓްރީއާއި ރާއްޖޭގެ މަރުކަޒީ ބޭންކް. އެމްއެމްއޭއަށް ޓެގް ކުރައްވައި ސަލީމް ކުރައްވާފައިވާ މި ޓްވީޓްގައި ސީދާ ވަކި ކަމެއް ފާހަގަ ކުރައްވާފައި ނުވި ނަމަވެސް ކޯވިޑް-19 އާއި ގުޅިގެން އަޅާފައިވާ ފިޔަވަޅު ތަކުގެ ސަބަބުންނާއި ވިޔަފާރިތައް މުޅިން ހުއްޓިފައިވާތީ އެންމެ ބޮޑު ގެއްލުމެއް ވަމުންދަނީ ޤައުމުގެ އިޤްތިޞާދަށެވެ.

Sikhee kulli nurakkaluge haalathu sarukaarun naajaizu gothuga beynun kohgen gaumu arainuganevey varuge adigandakah vattaanulumah sarukaarah govaalan @MoFmv @MMA_Maldives @Thimarafushi

— Ahmed Saleem (@redwave_saleem) April 30, 2020

ސިއްހީ ކުއްލި ނުރައްކަލުގެ ހާލަތު އިތުރު އެއް މަސްދުވަހަށް ދަމާލައި، މިހާރު އިޢުލާން ކޮށްފައިވާ ލޮކްޑައުންގެ ހާލަތުގައި ގިނަ ދުވަސްތަކެއް ހޭދަވާން ވެއްޖެ ނަމަ ގައުމުގެ އިޤްތިޞާދީ ހާލަތާއި ރައްޔިތުންގެ ދިރިއުޅުމުގެ ހާލަތު ވަރަށް ބޮޑަށް ދަށްވެ ވަރަށް ނުބައި ހާލަތަކަށް ގައުމު ހިގައިދާނެ ކަމަށް ގިނަ ބަޔަލު ގަބޫލުކުރެއެވެ. އަދި ކޯވިޑް-19 އިން ސަލާމަތް ވުމަށް ކުރަމުންދާ މަސައްކަތްތަކާ އެއްހަމައެއްގަައި ގައުމުގެ އިޤްތިޞާދަށް ފަރުވާ ދިނުމަށްވެސް މަސައްކަތް ކުރަން ޖެހޭނެ ކަމުގައި އިދިކޮޅު ފަރާތްތަކުން ދަނީ ބުނަމުންނެވެ.