ރާއްޖޭގެ ޚާރިޖީ ވަޒީރު އަބްދުﷲ ޝާހިދު، ކުވައިތުގެ ޚާރިޖީ ވަޒީރު ޝައިޚް ޑރ. އަޙްމަދު ނާސިރު އަލްމުޙައްމަދު އަލްއަޙްމަދު އަލްޖާބިރު އަލްސަބާޙް އާއި ފޯނުން ގުޅުއްވައި މަޝްވަރާކުރައްވައިފިއެވެ.
މި ފޯން ކޯލުގައި ދެބޭފުޅުން ވަނީ ކޯވިޑް-19 އާ ގުޅިގެން ދެޤައުމަށް ދިމާވެފައިވާ ގޮންޖެހުންތަކާ ބެހޭ ގޮތުން މަޝްވަރާކުރައްވާފައެވެ.
އެގޮތުން މިނިސްޓަރ ޝާހިދު ވަނީ ކޯވިޑް-19 އާ ދެކޮޅަށް ކުވައިތުގެ ސަރުކާރުންނާއި ސިއްހީ ދާއިރާއިން އަޅާފައިވާ ފިޔަވަޅުތަކަށް ތައުރީފް ކުރައްވާފައެވެ.
އަދި ކޯވިޑް-19 ގެ ސަބަބުން ރާއްޖޭގެ އިޤްތިޞާދަށް ކުރާނެ އަސަރުތަކުން ސަލާމަތްވުމަށް ދެޤައުމު ގުޅިގެން މަސައްކަތްކުރެވިދާނެ ދާއިރާތަކާ ބެހޭ ގޮތުން މިނިސްޓަރ ޝާހިދު ވަނީ ކުވައިތުގެ ޚާރިޖީ ވަޒީރާ މަޝްވަރާކުރައްވާފައެވެ. އަދި ތަރައްޤީގެ ބައިވެރިއެއްގެ ގޮތުން ކުވައިތުން ރާއްޖޭގެ ތަރައްޤީއަށް ވެދީފައިވާ އެހީތެރިކަމަށްޓަކައި އެޤައުމުގެ ސަރުކާރަށް މިނިސްޓަރ ވަނީ ޝުކުރު އަދާކުރައްވާފައެވެ.
ކުވައިތަކީ ރާއްޖޭގެ ތަރައްޤީގެ ވަރަށް މުހިއްމު ބައިވެރިއެކެވެ. 1970 ގެ އަހަރުތަކުން ފެށިގެން ކުވެއިތުން ވަނީ ރާއްޖޭގައި ހިންގުނު އުމްރާނީ ތަރައްޤީގެ ވަރަށް ބޮޑެތި މަޝްރޫޢުތަކަށް މާލީ އެހީތެރިކަން ފޯރުކޮށްދީފައެވެ. އެގޮތުން އެންމެ ފާހަގަކޮށްލެވޭ އެއް މަޝްރޫޢަކީ މާލޭ ބައިނަލްއަޤްވަމީ ވައިގެ ބަނދަރު ތަރައްޤީ ކުރުމުގެ މަޝްރޫޢެވެ.
އެގޮތުން މިނިސްޓަރ ޝާހިދު ވަނީ ކޯވިޑް-19 އާ ދެކޮޅަށް ކުވައިތުގެ ސަރުކާރުންނާއި ސިއްހީ ދާއިރާއިން އަޅާފައިވާ ފިޔަވަޅުތަކަށް ތައުރީފް ކުރައްވާފައެވެ.
ކުވައިތަކީ ރާއްޖޭގެ ތަރައްޤީގެ ވަރަށް މުހިއްމު ބައިވެރިއެކެވެ. 1970 ގެ އަހަރުތަކުން ފެށިގެން ކުވެއިތުން ވަނީ ރާއްޖޭގައި ހިންގުނު އުމްރާނީ ތަރައްޤީގެ ވަރަށް ބޮޑެތި މަޝްރޫޢުތަކަށް މާލީ އެހީތެރިކަން ފޯރުކޮށްދީފައެވެ. އެގޮތުން އެންމެ ފާހަގަކޮށްލެވޭ އެއް މަޝްރޫޢަކީ މާލޭ ބައިނަލްއަޤްވަމީ ވައިގެ ބަނދަރު ތަރައްޤީ ކުރުމުގެ މަޝްރޫޢެވެ.
ކިޔުންތެރިންގެ ހިޔާލު