މިރޭގެ އަލިފާނުގެ ޙާދިސާގައި ޙާލުގައި ޖެހުނު ޢާއިލާއަށް 7800 ރުފިޔާ ހަމަޖައްސައިދީފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީން ހާމަކޮށްފިއެވެ.
އެންޑީއެމްއޭއިން ބުނީ، މއ. އެމްޓޭޝަން ގޭގައި ހިނގި އަލިފާނުގެ ޙާދިސާ އާއި ގުޅިގެން ވަގުތީ އެހީތެރިކަން ބޭނުންވި އާއިލާއަށް ރިލީފް އެހީގެ ގޮތުގައި 7800ރ ވަނީ ހަމަޖައްސައި ދީފައި ކަމަށެވެ. އެ ފައިސާއަކީ އެ އާއިލާއަށް ބޭނުންވާ ވަގުތީ ބޯހިޔާވަހިކަމަށާއި، ކެއިން ބުއިމާއި އައްނައުނު ހޯދުމަށް ދިން ފައިސާ ކަމަށް އެންޑީއެމްއޭ އިން ވަނީ ބުނެފައެވެ.
އެމްއެންޑީއެފުން ބުނީ، މައްޗަންގޯޅީ އެމްޓޭޝަންގޭގައި އަލިފާން ރޯވެފައިވާ ކަމުގެ މަޢުލޫމާތު ލިބިފައިވަނީ މިރޭ 19:45 ގައި ކަމަށާއި، އަލިފާން ކޮންޓްރޯލް ކުރެވިފައިވަނީ 20:04 ގައި ކަމަށެވެ.
މި ޙާދިސާ ހިނގާފައިވަނީ އެގޭގެ ކޮޓަރިއެއްގައި ކަމަށާއި، އެ ކޮޓަރީގައި ހުރި އަންނައުނާއި، ސޯފާ އާއި ގޮދަޑި އަނދާފައިވާ ކަމަށް އެމްއެންޑީއެފުން މަޢުލޫމާތު ދެއްވައެވެ.
މި ޙާދިސާ ހިނގާފައިވަނީ އެގޭގެ ކޮޓަރިއެއްގައި ކަމަށާއި، އެ ކޮޓަރީގައި ހުރި އަންނައުނާއި، ސޯފާ އާއި ގޮދަޑި އަނދާފައިވާ ކަމަށް އެމްއެންޑީއެފުން މަޢުލޫމާތު ދެއްވައެވެ.
ކިޔުންތެރިންގެ ހިޔާލު