އޯޒެން ލައިފް މާދޫ ރިސޯޓްގައި އަލިފާނުގެ ޙާދިސާއެއް ހިނގައި ބައެއް މީހުން ފިހިއްޖެއެވެ.
މިޙާދިސާގައި ފިހިފައިވާ ބައެއް މީހުންނަށް ފަރުވާ ދިނުމަށް މިހާރު ވަނީ މާލެ ގެނެސްފައެވެ. އެމްއެންޑީއެފްގެ މީޑިއާ އޮފިސަރ މޭޖަރ އިބްރާހިމް އާޒިމް ވިދާޅުވީ، އަލިފާނުގެ ޙާދިސާ ހިނގާފައިވަނީ އެ ރިސޯޓުގައި ހުރި ޕެޓްރޯލް ފީފާއެއްގައި ކަމަށެވެ.
އަދި ރިސޯޓްގެ މުވައްޒަފުންގެ މަސައްކަތުން އަލިފާން ނިއްވާލާފައިވާ ކަމަށާއި، މިޙާދިސާގައި 4 މީހަކަށް އަނިޔާވެގެން މާލެ ގެނެސްފައިވާކަމަށް އާޒިމް ވިދާޅުވިއެވެ. އެއީ ދިވެއްސަކާ ތިން ބިދޭސީންނެވެ. ނަމަވެސް އެމީހުންނަށް ލިބިފައިވާ އަނިޔާގެ ތަފްސީލް މޭޖަރ އާޒިމް ޙިއްސާކުރަށްވާފައެއް ނުވެއެވެ.
އާޒިމް ވިދާޅުވީ، މި ހާދިސާ ހިނގަން މެދުވެރިވީ ފެޓްރޯލް ޓޭންކާއި ކައިރީގައި ހުރި ފީފާއެއްގައި ރޯވެގެން ކަމަށް ރިސޯޓުން މަޢުލޫމާތު ދީފައިވާ ކަމަށާއި، އެކަމާ ގުޅިގެން ބަލަންޖެހޭ ކަންތައްތައް ބެލުމަށް އެމްއެންޑީއެފްގެ ފަޔަރ ޓީމް މިހާރު އެރިސޯޓުގައި ޙަރަކާތްތެރިވަމުންދާ ކަމަށެވެ.
އާޒިމް ވިދާޅުވީ، މި ހާދިސާ ހިނގަން މެދުވެރިވީ ފެޓްރޯލް ޓޭންކާއި ކައިރީގައި ހުރި ފީފާއެއްގައި ރޯވެގެން ކަމަށް ރިސޯޓުން މަޢުލޫމާތު ދީފައިވާ ކަމަށާއި، އެކަމާ ގުޅިގެން ބަލަންޖެހޭ ކަންތައްތައް ބެލުމަށް އެމްއެންޑީއެފްގެ ފަޔަރ ޓީމް މިހާރު އެރިސޯޓުގައި ޙަރަކާތްތެރިވަމުންދާ ކަމަށެވެ.
ކިޔުންތެރިންގެ ހިޔާލު