ސްރީލަންކާގެ ކުރީގެ ފޮރިން މިނިސްޓަރު މަންގަލާ ސަމަރަވީރާއަކީ ރާއްޖެއާ ލަންކާގެ އެކުވެރިކަމުގެ މުހިއްމު ހިއްސާދާރެއްކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.

ކޯވިޑް-19ގެ އާލާސްކަންފުޅުގައި މަންގަލާ އަވަހާރަވުމާ ގުޅިގެން ފޮނުއްވި ތަޢުޒިޔާގެ މެސެޖްގައި ރައީސް ޞާލިޙް ވިދާޅުވީ، މަންގަލާ އަވަހާރަވި ޚަބަރު އެއްސެވީ ފުން ހިތާމައާއެކު ކަމަށެވެ. ރައީސް ވިދާޅުވީ، މަންގަލާއަކީ އިޚްލާސްތެރި ޚިދުމަތްތެރިއެއް ކަމަށާއި، އޭނާއަކީ ރާއްޖެއާ ލަންކާގެ އެކުވެރިކަމުގެ މުހިއްމު ހިއްސާދާރެއްކަމަށެވެ.

ރައީސް ޞާލިޙު ވަނީ މަންގަލާގެ ގާތް ބޭފުޅުންނާއި، ލަންކާގެ ރައްޔިތުންނަށްވެސް ތަޢުޒިޔާ ވިދާޅުވެފައެވެ.

Saddened to hear of the passing of former Sri Lankan Foreign Minister Mangala Samaraweera. He was a dedicated public servant who contributed greatly to Sri Lanka and a strong advocate of Maldives-Sri Lanka friendship. Condolences to his loved ones and the Sri Lankan people.

— Ibrahim Mohamed Solih (@ibusolih) August 24, 2021

މަންގަލާ އަވަހާރަވީ ކޮވިޑަށް ފަރުވާ ހޯއްދަވަމުން ގެންދަވަނިކޮށެވެ. މަންގަލާ އަވަހާރަވިއިރު އުމުރުފުޅަކީ 65 އަހަރެވެ. މަންގަލާ ވަނީ ސްރީލަންކާގެ ފިނޭންސް މިނިސްޓަރުކަމުގެ އިތުރުން ފޮރިން މިނިސްޓަރުކަން ވެސް ކުރައްވާފައެވެ.