މޫސުން ގޯސްވާނެކަމަށް ލަފާކޮށް ރާއްޖޭގެ ބޮޑު ބަޔަކަށް އޮރެންޖް އެލާޓް ނެރެފިއެވެ.

މޫސުމާއި ބެހޭ ގައުމީ އިދާރާއިން ބުނީ ނ. އަތޮޅުން ފެށިގެން ދ.އަތޮޅާއި ދެމެދުގެ ރަށްތަކަށް އޮރެންޖް އެލާޓް ނެރެފައިވާކަމަށެވެ.

Alert Orange (Warning) for strong winds of 34 – 40 mph with gust winds of 55 mph and rough seas. pic.twitter.com/cylI5Xg5Nf

— Maldives Meteorology (@MetMaldives) September 26, 2021

މޫސުމާއި ބެހޭ ގައުމީ އިދާރާއިން ބުނީ ގަޑިއަކު 34 މޭލާއި 40 މޭލާއި ދެމެދުގެ ބާރު މިނެއްގައި ވައިޖެހޭނެ ކަމަށެވެ. އަދި ކަނޑުތައް ގަދަވާނެކަމަށް ލަފާކުރެވޭ ކަމަށްވެސް މެޓް އޮފީހުން ބުނެއެވެ.

ރާއްޖެއަށް މިހާރު ކުރަމުންދާ ވިއްސާރައިގައި ބައެއް ސަރަހައްދުތަކަށް ވަނީ ގެއްލުންވެފައެވެ. އެގޮތުން އައްޑޫ ސިޓީގައި ފެންބޮޑުވެ، ބައެއް ގެތަކަށް ވަނީ ގެއްލުން ލިބިފައެވެ.