އަރިދަފުސް ރޯގާ ޖެހޭ މީހުންގެ އަދަދު އިތުރުވެ، އިންފްލުއެންޒާވެސް ފެތުރެމުންދާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭއިން) ބުނެފިއެވެ.
އެޗްޕީއޭއިން ބުނީ މި މަހުގެ ތެރޭގައި މިހާތަނަށް އަރިދަފުސް ރޯގާ ޖެހިގެން 3720 ކޭސް ރިޕޯޓުކޮށްފައިވާ ކަމަށާއި، މިއީ މިދިޔަ މަހާ އަޅާބަލާއިރު 60 އިންސައްތަ އިތުރު އަދަދެއް ކަމަށެވެ.
އަދި އަރިދަފުސް ރޯގާގެ އިތުރުން، އިންފްލުއެންޒާއަށް ޕޮޒިޓިވް ވާ މީހުންގެ އަދަދުވެސް ގިނަވެފައިވާ ކަމަށް އެޗްޕީއޭގެ ތަފާސްހިސާބުތަކުން ދައްކައެވެ. އެގޮތުން ހަމައެކަނި މި މަހު އިންފްލުއެންޒާއަށް ޓެސްޓު ކުރި 209 މީހުންގެ ސާޕްމަލްގެ ތެރެއިން 68 މީހުންގެ ސާމްޕަލް އިންފްލުއެންޒާ އޭ އަށް ޕޮޒިޓިވް ވެފައިވާ ކަމަށް އެޗްޕީއޭއިން ބުނެއެވެ.
އަރިދަފުސް ރޯގާއާއި އިންފްލުއެންޒާ އިތުރުވަމުން ދާތީ އެފަދަ ބަލިތަކުން ރައްކާތެރިވުމަށް ހާއްސަ ސަމާލުކަމެއް ދޭން އެޗްޕީއޭއިން ވަނީ އިލްތިމާސްކޮށްފައެވެ. އެގޮތުން މިފަދަ ބަލިތަކުން ރައްކާތެރިވުމުގެ ގޮތުން އެޅިދާނެ ބައެއް ފިޔަވަޅުތަކުގެ ތެރޭގައި އަރިދަފުސް ރޯގާ، ހުން އަދި ކެއްސުން ފަދަ އަލާމާތެއް ހުރިނަމަ ހޮސްޕިޓަލުގެ އާންމު އޯޕީޑީއަށް ނުގޮސް ފްލޫ ކްލިނިކަށް ދިއުމަށާއި ރޯގާގެ އަލާމާތެއް ހުރިނަމަ އަވަހަށް ކޮވިޑަށް ޓެސްޓު ކުރުމަށް އެޗްޕީއޭއިން އިލްތިމާސް ކުރެއެވެ.
މީގެއިތުރުން މާސްކު އެޅުމުގެ ގައިޑްލައިނާ އެއްގޮތަށް މާސްކު އެޅުމާއި ރޯގާގެ އަލާމާތެއް ހުރިނަމަ ސްކޫލް އަދި އޮފީސް ފަދަ ތަންތަނަށާއި މީހުން އެއްވާ ތަންތަނަށް ނުދިއުމަށާއި ބަލީގެ ނުރައްކަލުން ސަލާމަތްވުމަށް އިންފްލުއެންޒާ ވެކްސިން އަދި ކޮވިޑް ވެކްސިން ޖެހުމަށާއި ބަލިވެގެން ޑޮކްޓަރަށް ދާނަމަ، އެކުގައި ގިނަ މީހުން ނުގެންދިއުމަށް ވެސް އެޗްޕީއޭއިން އިލްތިމާސް ކުރެއެވެ. އަދި ކޮންމެހެން ދާނެ ޖެހިގެން މެނުވީ ހޮސްޕިޓަލަށް ނުދިއުމަށް ވެސް އެޗްޕީއޭއިން އެދިފައި ވެއެވެ.
ކޮވިޑް-19 އެކޭ އެއްފަދައިން އަރިދަފުސް ރޯގާއާއި އިންފްލުއެންޒާއަކީ ވެސް ނޭވާލާ ނިޒާމުގެ ތެރެއިން ފެތުރޭ ބަލިތައް ކަމަށް ވާތީ އެޗްޕީއޭއިން އިލްތިމާސް ކުރަނީ ކޮވިޑް-19 އިން ރައްކާތެރިވުމަށް އަޅަމުންދާ ފިޔަވަޅުތައް މެދުކެނޑުމެއް ނެތި ކުރިއަށް ގެންދިއުމަށެވެ.
މިދުވަސްވަރު މާލެ ސަރަހައްދުން އާއްމު އަރިދަފުސް ރޯގާ އަދި އިންފުލުއެންޒާ ޖެހިގެން ރިޕޯރޓްކުރާ އަދަދު ދަނީ އިތުރުވަމުން. ރައްކާތެރިވެލައްވާ. pic.twitter.com/N70N9vJGuV
— Health Protection Agency (@HPA_MV) September 28, 2021
އަދި އަރިދަފުސް ރޯގާގެ އިތުރުން، އިންފްލުއެންޒާއަށް ޕޮޒިޓިވް ވާ މީހުންގެ އަދަދުވެސް ގިނަވެފައިވާ ކަމަށް އެޗްޕީއޭގެ ތަފާސްހިސާބުތަކުން ދައްކައެވެ. އެގޮތުން ހަމައެކަނި މި މަހު އިންފްލުއެންޒާއަށް ޓެސްޓު ކުރި 209 މީހުންގެ ސާޕްމަލްގެ ތެރެއިން 68 މީހުންގެ ސާމްޕަލް އިންފްލުއެންޒާ އޭ އަށް ޕޮޒިޓިވް ވެފައިވާ ކަމަށް އެޗްޕީއޭއިން ބުނެއެވެ.
އަރިދަފުސް ރޯގާއާއި އިންފްލުއެންޒާ އިތުރުވަމުން ދާތީ އެފަދަ ބަލިތަކުން ރައްކާތެރިވުމަށް ހާއްސަ ސަމާލުކަމެއް ދޭން އެޗްޕީއޭއިން ވަނީ އިލްތިމާސްކޮށްފައެވެ. އެގޮތުން މިފަދަ ބަލިތަކުން ރައްކާތެރިވުމުގެ ގޮތުން އެޅިދާނެ ބައެއް ފިޔަވަޅުތަކުގެ ތެރޭގައި އަރިދަފުސް ރޯގާ، ހުން އަދި ކެއްސުން ފަދަ އަލާމާތެއް ހުރިނަމަ ހޮސްޕިޓަލުގެ އާންމު އޯޕީޑީއަށް ނުގޮސް ފްލޫ ކްލިނިކަށް ދިއުމަށާއި ރޯގާގެ އަލާމާތެއް ހުރިނަމަ އަވަހަށް ކޮވިޑަށް ޓެސްޓު ކުރުމަށް އެޗްޕީއޭއިން އިލްތިމާސް ކުރެއެވެ.
ކޮވިޑް-19 އެކޭ އެއްފަދައިން އަރިދަފުސް ރޯގާއާއި އިންފްލުއެންޒާއަކީ ވެސް ނޭވާލާ ނިޒާމުގެ ތެރެއިން ފެތުރޭ ބަލިތައް ކަމަށް ވާތީ އެޗްޕީއޭއިން އިލްތިމާސް ކުރަނީ ކޮވިޑް-19 އިން ރައްކާތެރިވުމަށް އަޅަމުންދާ ފިޔަވަޅުތައް މެދުކެނޑުމެއް ނެތި ކުރިއަށް ގެންދިއުމަށެވެ.
ކިޔުންތެރިންގެ ހިޔާލު