އައްޑޫ ސިޓީގައި ސަރުކާރުގެ މަސައްކަތްތައް ބެލެހެއްޓުމަށް އެންމެ އެކަށީގެންވާ އެއް ބޭފުޅަކީ އެ ސިޓީގެ ކުރީގެ މޭޔަރު އަބްދުﷲ ސޯދިޤު، ސޯބެ ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު މިއަދު ވިދާޅުވެއްޖެއެވެ.



ރައީސް ސޯލިހް މިއަދު ވަނީ އަބުދު ﷲ ސާދިގު މިނިސްޓަރ އޮފް ސްޓޭޓް ފޮރ ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ މަޤާމަށް އައްޔަން ކުރައްވާފައެވެ. އައްޑޫ ސިޓީގެ ކުރީގެ މޭޔަރު އަބުދު ﷲ ސާދިގަށް އެމްޑީޕީގެ ޓިކެޓް ލިބިވަޑައިނުގަތުމުން ލޯކަލް ކައުންސިލް އިންތިޚާބުގައި ވާދަކުރުމުގެ ފުރުސަތު ލިބިވަޑައިގެންފައެއް ނުވެއެެވެ. ރައްޔިތުންގެ މަޖިލީހުގެ ރައީސް، ރައީސް މުހަންމަދު ނަޝީދު ވިދާޅުވީ، އައްޑޫ ސިޓީގައި ސަރުކާރުގެ މަސައްކަތްތައް ބެލެހެއްޓުމަށް އެންމެ އެކަށީގެންވާ އެއް ބޭފުޅަކީ އެ ސިޓީގެ ކުރީގެ މޭޔަރު އަބްދުﷲ ސޯދިޤު، ސޯބެ ކަމަށެވެ. ސޯބެއަކީ ހިންގުންތެރި ޤާބިލު ބޭފުޅެއް ކަމަށް ވިދާޅުވެ ރައީސް ނަޝީދު ވަނީ އޭނާއަށް ތައުރީފް ކުރައްވާފައެވެ.

Abdulla Sodiq akee hinguntheri adhi qaabil beyfulheh. Addu City gai sarukaaruge masakkaiythah belehettumah enme ekasheegenva eh beyfulheh. Marhaba @SobeAbdulla

— Mohamed Nasheed (@MohamedNasheed) October 3, 2021

ސޯބެއަކީ 2008 ވަނަ އަހަރު އެމްޑީޕީގެ ފުރަތަމަ ވެރިކަމުގައި އެޕާޓީގެ ރައީސް މުހައްމަދު ނަޝީދު އައްޑު އަތޮޅު ކައުންސިލްގެ ރައީސަަކަމަށް އައްޔަން ކުރެއްވި ބޭފުޅެކެވެ. އަދި އޭގެ ފަހުން 2010 ވަނަ އަހަރު އޮތް، ލޯކަލް ކައުންސިލް އިންތިޚާބު ކާމިޔާބު ކުރައްވައި އޭނާ ވަނީ އައްޑޫގެ މޭޔަރު ކަމަށް އިންތިޚާބުވެވަޑައިގެންފައެވެ.