ކޮވިޑް-19 ބަލީގައި މިއަދު އިތުރު މީހަކު ނިޔާވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ހުޅުމާލެ މެޑިކަލް ފެސިލިޓީގައި އެޑްމިޓުކޮށްގެން ފަރުވާދެމުންދިޔަ އުމުރުން 72 އަހަރުގެ ދިވެހި އަންހެނަކު ނިޔާވެފައިވާ ކަމަށެވެ.

އޭނާ ނިޔާވީ ހޮނިހިރު ދުވަހުގެ ހެނދުނު 10:57 ގައި ކަމަށް އެޗްޕީއޭއިން ވަނީ ހާމަކޮށްފައެވެ. އެހެންކަމުން މިއީ ކޮވިޑް ބަލީގައި ރާއްޖެއިން ނިޔާވި 234 ވަނަ މީހާއެވެ.

މި ބަލީގައި އެންމެ ފަހުން މީހަކު ނިޔާވީ އިއްޔެ ހެނދުނުއެވެ. އެއީ އައްޑޫ ކޮވިޑް މެނޭޖްމެންޓް ފެސިލިޓީގައި އެޑްމިޓުކޮށްގެން ފަރުވާ ދެމުންދިޔަ އުމުރުން 97 އަހަރުގެ ދިވެހި ފިރިހެނެކެވެ.