ދަނޑުވެރިންގެ ދުވަހުގެ ރަސްމިއްޔާތަށް ރައީސް އިބްރާހިމް މުހަންމަދު ސާލިޙު ތ. އަތޮޅަށް ވަޑައިގަންނަވަން ނިންމަވައިފިއެވެ.

ރައީސް އޮފީހުގެ ތަރުޖަމާނު މަބުރޫކް އަޒީޒު ވިދާޅުވީ، ދަނޑުވެރިންގެ ދުވަހާއި ދުނިޔޭގެ ކާބޯތަކެތީގެ ދުވަސް ފާހަގަކުރުމުގެ ގޮތުން މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރގެ ފަރާތުން ހިންގުމަށް ރާވާފައިވާ ހަރަކާތްތަކުގައި ރައީސް ސާލިޙު ބައިވެރިވެވަޑައިގަންނަވާނެ ކަމަށެވެ.

ދަނޑުވެރިންގެ ދުވަހާއި ދުނިޔޭގެ ކާބޯތަކެތީގެ ދުވަސް ފާހަގަ ކުރުމުގެ ގޮތުން ތ.ކަނޑޫދޫ ގައި މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ ގެފަރާތުން ހިންގުމަށް ރޭވިފައިވާ ހަރަކާތް ތަކުގައި ރައީސުލްޖުމްހޫރިއްޔާ ބައިވެރިވެ ވަޑައިގަންނަވާނެ. pic.twitter.com/lt2jOxVxkp

— Mabrook Azeez (@MvSpokesperson) October 14, 2021

މިއަހަރުގެ ދަނޑުވެރިންގެ ދުވަހާއި ކާބޯތަކެތީގެ ދުވަސް ފާހަގަކުރުމަށް ހަމަޖެހިފައިވަނީ ތ. ކަނޑޫދޫގައެވެ. މި އަހަރުގެ ބައިނަލައަގްވާމީ ކާބޯތަކެތީގެ ދުވަސް ތ. ކަނޑޫދޫގައި ފާހަގަކުރަން ނިއްމެވިކަން ރައީސް ސާލިޙު އިއުލާންކުރެއްވީ އެމަނިކުފާނު ތ. އަތޮޅަށް ކުރެއްވި ދަތުރުފުޅުގައި ކަނޑޫދޫއަށް ވަޑައިގެން އެރަށު ކައުންސިލާއި ބައްދަލުކުރެެއްވުމަށްފަހުއެވެ. ބައިނަލްއަގްވާމީ ކާބޯތަކެތީގެ ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެ އޮކްޓޯބަރު 16 ވަނަ ދުވަހެވެ.