ނޯ ޕްލާސްޓިކް މޯލްޑިވްސްއާއި ބޭންކް އޮފް މޯލްޑިވްސްއާ ގުޅިގެން ރަށްރަށުގައި ޕްލާސްޓިކް ބޭނުންކުރުން މަދުކުރުމަށް ޚާއްސަ ޕްރޮގްރާމެއް ފަށައިފިއެވެ.
ނޯ-ޕްލާސްޓިކް މޯލްޑިވްސްގެ ފަރާތުން ކުރިއަށްގެންދާ "އުޅުމަށް ބަދަލު" ކެމްޕެއިންގެ ދަށުން 10 ރަށަކަށް ފޮތިކޮތަޅު ތަޢާރަފްކުރުމަށް ހަމަޖެހިފައިވާކަމަށާއި އެގޮތުން މި ރަށްރަށުގެ ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ އެހީގައި ފޮތި ކޮތަޅު ފެހުމަށްފަހު ވިއްކޭނެ ނުވަތަ ހިލޭ ބެހޭނެ އިންތިޒާމް ހަމަޖައްސައިދޭނެއެވެ.
އެގޮތުން މި ހަރަކާތުގައި އެއިން ކޮންމެ ރަށަކަށްވެސް ބޭންކް އޮފް މޯލްޑިވްސްގެ އެހީތެރިކަމާއެކު ދެ ފަހާފޮށި ހަދިޔާކުރާނެއެވެ. ފަހާފޮށި ހަދިޔާކުރާ ރަށްރަށުގެ ތެރޭގައި ހިމެނެނީ ކ. ދިއްފުށި، ނ. މާފަރު، ނ. ވެލިދޫ، އައްޑޫ ސިޓީގެ ހިތަދޫ، ކ. މާފުށި، ކ.ގުރައިދޫ، ދ. ކުޑަހުވަދޫ، އއ. ރަސްދޫ، އއ. އުކުޅަސް އަދި ލ. ގަމެވެ.
ބީއެމްއެލުން ބުނީ މީގެ މައިގަނޑު ބޭނުމަކީ ތިމާވެއްޓާއި ރައްޓެހި ގޮތްތަކާއި ބެހޭގޮތުން މީހުންނަށް މައުލޫމާތުދީ، ހޭލުންތެރިކުރުވުންކަމަށެވެ. އަދި މިއީ މުސްތަޤުބަލުގައި އަންހެނުންނަށް ރަށުގައި ތިބެގެން އާމްދަނީ ހޯދުމަށް މަގުފަހިވެގެންދާނެ ކަމެއްކަމަށްވެސް އެ ބޭންކުން ވަނީ ބުނެފައެވެ.
ނޯ ޕްލާސްޓިކް މޯލްޑިވްސްގެ މައިގަނޑު އަމާޒަކީ އެއްފަހަރު ބޭނުންކޮށްފައި އުކާލާ ޕްލާސްޓިކްގެ ބާވަތްތައް މަދުކުރުމެވެ. މިކަމަށްޓަކައި އެ ޖަމިއްޔާއިން ހިންގާ "އުޅުމަށް ބަދަލެއް" ކެންޕެއިންގެ ދަށުން ގިނަ ކަންތައްތަކެއް ކުރުމަށް ރާވާފައިވާކަމަށް އެ ޖަމިއްޔާއިން ބުނެއެވެ.
We are happy to support @NoPlasticMDV in their island-wide campaign to reduce single-use plastic. As such, we will be donating sewing machines to Women Development Committees on 10 different islands who will be making cloth tote bags. 🌿 pic.twitter.com/iXgJr5ih6I
— Bank of Maldives 🎀 (@bankofmaldives) October 17, 2021
އެގޮތުން މި ހަރަކާތުގައި އެއިން ކޮންމެ ރަށަކަށްވެސް ބޭންކް އޮފް މޯލްޑިވްސްގެ އެހީތެރިކަމާއެކު ދެ ފަހާފޮށި ހަދިޔާކުރާނެއެވެ. ފަހާފޮށި ހަދިޔާކުރާ ރަށްރަށުގެ ތެރޭގައި ހިމެނެނީ ކ. ދިއްފުށި، ނ. މާފަރު، ނ. ވެލިދޫ، އައްޑޫ ސިޓީގެ ހިތަދޫ، ކ. މާފުށި، ކ.ގުރައިދޫ، ދ. ކުޑަހުވަދޫ، އއ. ރަސްދޫ، އއ. އުކުޅަސް އަދި ލ. ގަމެވެ.
ނޯ ޕްލާސްޓިކް މޯލްޑިވްސްގެ މައިގަނޑު އަމާޒަކީ އެއްފަހަރު ބޭނުންކޮށްފައި އުކާލާ ޕްލާސްޓިކްގެ ބާވަތްތައް މަދުކުރުމެވެ. މިކަމަށްޓަކައި އެ ޖަމިއްޔާއިން ހިންގާ "އުޅުމަށް ބަދަލެއް" ކެންޕެއިންގެ ދަށުން ގިނަ ކަންތައްތަކެއް ކުރުމަށް ރާވާފައިވާކަމަށް އެ ޖަމިއްޔާއިން ބުނެއެވެ.
ކިޔުންތެރިންގެ ހިޔާލު