އަނިޔާވެރި ގޮތަކަށް ޤަތުލުކޮށް މަރާލި އދ. ދަނގެތީ މަޝްހޫރު ވިޔަފާރިވެރިޔާ މަހުމޫދު އަބޫބަކުރުގެ ފޯނު ފުލުހުން ހޯދައިފިއެވެ.
މަޙްމޫދުގެ މަރުގެ މައްސަލާގައި ފުލުހުން ބޮޑެތި ކުރިއެރުންތަކެއް ހޯދާފައިވާއިރު ފުލުހުން މިހާރުވަނީ މަޙްމޫދު މަރާލިވަގުތު ޤާތިލުން ލައިގެންތިބި އަންނައުނާއި މަޙްމޫދުގެ ފޯނުވެސް ހޯދާފައިކަމަށް މަޢޫލޫމާތު ލިބެއެވެ. ނަމަވެސް އެ ފޯނު ފެނުނީ ކޮން ތަނަކުން ކަމެއް އެނގިފައެއް ނުވެއެވެ.
އެމައްސަލާގައި އދ. ދަނގެތީގައި އުމުރުން ދުވަސްވީ މީހެއް ބަލަހައްޓަން ހަވާލުކޮށްފައި ހުންނަ ސާލިމްގެ ފަރާތުން، މަހުމޫދު ގެއްލުނު ރޭ ޝައްކު ކުރެވޭ މަންޒަރެއް ފެނުނު ކަމަށް ލިބުނު ރިޕޯޓަކާއި ގުޅިގެން ކޯޓު އަމުރެއްގެ ދަށުން ފުލުހުން އޭނާ ވަނީ ހައްޔަރުކޮށްފައެވެ. އަދި ދަނގެތީ މެޖިސްޓްރޭޓް ކޯޓުން ވަނީ އޭނާ 15 ދުވަހަށް ބަންދުގައި ބެހެއްޓުމަށް އަމުރުކޮށްފައެވެ.
މަހުމޫދުގެ މަރުގެ މައްސަލައިގައި ހައްޔަރުކޮށްފައިވާ ސާލިމް ގޮވައިގެން ފުލުހުން ވަނީ އޭނާ ދިރިއުޅޭ ނެދުންގެއާއި ޝައްކު ކުރެވޭ ބައެއް ތަންތަނަށް ގެންގޮސް އޭނާ އަމަލު ކުރި ގޮތް ފުލުހުންނަށް ކިޔައިދީފައެވެ.
އެގޮތުން މަހުމޫދު މަރާލައި ގޯންޏަކަށް ލައި ވައްޓާލާފައިވާ ފެން ވަޅު ހުންނަ ގެ ސަރަހައްދަށް ވެސް ފުލުހުން ސާލިމް ގޮވައިގެން ދިޔައެވެ. އެ ވަޅު ކައިރިއަށް ވެސް ސާލިމް ގެންގޮސް ފުލުހުން ވަނީ އޭނާ އަމަލުކުރި ގޮތް ދައްކައި ތަމްސީލް ކުޅުވާފައެވެ. ދަނގެތީގައި މިވަގުތު ހަރަކާތްތެރިވާ ނޫސްވެރިއަކު ބުނީ ނެދުންގޭގެ ފާރުމަތިން އެރި ގޮތް ވެސް ސާލިމް ފުލުހުންނަށް ކިޔައިދީފައިވާ ކަމަށެވެ.
މަހުމޫދު މަރާލައި ވައްޓާލާފައި އޮއްވާ ފެނުނީ ސާލިމް ދިރިއުޅުނު ނެދުންގެއާ އެއް މަގެއްގައި މާދުރު ނޫން ހިސާބެއްގައި ހުންނަ ފަޅު ގެއެއްގެ ފެން ވަޅެއްގެ ތެރޭގައި ހަނޑޫ ހުސްކުރި ގޯންޏަކަށް ލާފައި އޮއްވައެވެ. މަހުމޫދު ގެއްލުނު ރޭ ނެދުންގޭގެ ތެރެއިން އާދަޔާ ހިލާފު އަޑުތަކެއް އިވުމާއި އެ ގޭގައި މީހަކު ހަޅޭއްލެވި އަޑާއި އެއްޗެއް އެއްލައިލި ކަހަލަ އަޑެއް އެގޭގެ ފާރުމަތިން ބޯ ދިއްކޮށްގެން ބެލި މީހަކަށް ވަނީ އިވިފައެެވެ. އެމީހާ ފާރުމަތިން ބޯ ދިއްކޮށް ގޯތިތެރެ ބަލައިލި އިރު ބިދޭސީމީހާ އެއްޗެއް ހިފައިގެން ބިންމަތީގައި ދަމަމުން ދިޔަ ތަން ފެނުނު ކަމަށް ބުނެ އެމީހާ ވަނީ ފުލުހުންނަށް މައުލޫމާތުދީފައެވެ. ކޯޓުއަމުރެއްގެ ދަށުން ސާލިމް ހައްޔަރުކުރީ އެމައުލޫމާތުގެ މައްޗަށް ބިނާކޮށެވެ.
މަހުމޫދުގެ މަރުގެ މައްސަލަގައި ސާލިމް ހައްޔަރުކުރި ނަމަވެސް އެމަރާއި ސާލިމާއި ގުޅުން ހުރި ވަރެއް އަދި ސާފެެއް ނުވެއެވެ. އަދި ތަހުގީގުގައި އޭނާ މަހުމޫދު މަރާލި ކަމަށް އެއްބަސްވި ކަން ނުވަތަ ނޫންކަންވެސް ފުލުހުން އަދި ހާމައެެއް ނުކުރެއެވެ. ފުލުހުން މިއަދު ވަނީ މަހުމޫދުގެ މަރުގެ މައްސަލައާ ގުޅިގެން އެ ރަށުގެ އިތުރު ތަންތަން ބަލައި ފާސްކޮށްފައެވެ.
އެ ރަށު ޕްރީސް ސްކޫލްގެ ގޯތިތެރޭގައި ދެ ނިކަގަސް ހުރި ސަރަހައްދު ފުލުހުން ވަނީ ބަލާފައެވެ. އެ ސްކޫލް ހުންނަނީ، މަހުމޫދުގެ މަރާ ގުޅިގެން ހައްޔަރު ކުރި ސާލިމް ދިރިއުޅެމުންދިޔަ ގޭގެ ފުރަގަހަށްވާ ގޮތަށެވެ. މަހުމޫދު ގެއްލުނުއިރު އޭނާގެ އަތުގައި ހުރި ބައެއް ތަކެތި އަދިވެސް ނުފެނެއެވެ. އޭގެ ތެރޭގައި އޭނާގެ ވޮލެޓާއި، އަތުގައި އަޅައިފައި އޮތް ރަން ޕްލޭޓު ގަޑިއާއި، އޭނާ އަރައިގެން ހުރި ފައިވާނުގެ އިތުރުން އޭނާ ގެންގުޅުނު ގުދަނުގެ ތަޅުދަނޑި ވެސް ހިމެނެެއެެވެ.
އެމައްސަލާގައި އދ. ދަނގެތީގައި އުމުރުން ދުވަސްވީ މީހެއް ބަލަހައްޓަން ހަވާލުކޮށްފައި ހުންނަ ސާލިމްގެ ފަރާތުން، މަހުމޫދު ގެއްލުނު ރޭ ޝައްކު ކުރެވޭ މަންޒަރެއް ފެނުނު ކަމަށް ލިބުނު ރިޕޯޓަކާއި ގުޅިގެން ކޯޓު އަމުރެއްގެ ދަށުން ފުލުހުން އޭނާ ވަނީ ހައްޔަރުކޮށްފައެވެ. އަދި ދަނގެތީ މެޖިސްޓްރޭޓް ކޯޓުން ވަނީ އޭނާ 15 ދުވަހަށް ބަންދުގައި ބެހެއްޓުމަށް އަމުރުކޮށްފައެވެ.
މަހުމޫދުގެ މަރުގެ މައްސަލައިގައި ހައްޔަރުކޮށްފައިވާ ސާލިމް ގޮވައިގެން ފުލުހުން ވަނީ އޭނާ ދިރިއުޅޭ ނެދުންގެއާއި ޝައްކު ކުރެވޭ ބައެއް ތަންތަނަށް ގެންގޮސް އޭނާ އަމަލު ކުރި ގޮތް ފުލުހުންނަށް ކިޔައިދީފައެވެ.
އެގޮތުން މަހުމޫދު މަރާލައި ގޯންޏަކަށް ލައި ވައްޓާލާފައިވާ ފެން ވަޅު ހުންނަ ގެ ސަރަހައްދަށް ވެސް ފުލުހުން ސާލިމް ގޮވައިގެން ދިޔައެވެ. އެ ވަޅު ކައިރިއަށް ވެސް ސާލިމް ގެންގޮސް ފުލުހުން ވަނީ އޭނާ އަމަލުކުރި ގޮތް ދައްކައި ތަމްސީލް ކުޅުވާފައެވެ. ދަނގެތީގައި މިވަގުތު ހަރަކާތްތެރިވާ ނޫސްވެރިއަކު ބުނީ ނެދުންގޭގެ ފާރުމަތިން އެރި ގޮތް ވެސް ސާލިމް ފުލުހުންނަށް ކިޔައިދީފައިވާ ކަމަށެވެ.
މަހުމޫދު މަރާލައި ވައްޓާލާފައި އޮއްވާ ފެނުނީ ސާލިމް ދިރިއުޅުނު ނެދުންގެއާ އެއް މަގެއްގައި މާދުރު ނޫން ހިސާބެއްގައި ހުންނަ ފަޅު ގެއެއްގެ ފެން ވަޅެއްގެ ތެރޭގައި ހަނޑޫ ހުސްކުރި ގޯންޏަކަށް ލާފައި އޮއްވައެވެ. މަހުމޫދު ގެއްލުނު ރޭ ނެދުންގޭގެ ތެރެއިން އާދަޔާ ހިލާފު އަޑުތަކެއް އިވުމާއި އެ ގޭގައި މީހަކު ހަޅޭއްލެވި އަޑާއި އެއްޗެއް އެއްލައިލި ކަހަލަ އަޑެއް އެގޭގެ ފާރުމަތިން ބޯ ދިއްކޮށްގެން ބެލި މީހަކަށް ވަނީ އިވިފައެެވެ. އެމީހާ ފާރުމަތިން ބޯ ދިއްކޮށް ގޯތިތެރެ ބަލައިލި އިރު ބިދޭސީމީހާ އެއްޗެއް ހިފައިގެން ބިންމަތީގައި ދަމަމުން ދިޔަ ތަން ފެނުނު ކަމަށް ބުނެ އެމީހާ ވަނީ ފުލުހުންނަށް މައުލޫމާތުދީފައެވެ. ކޯޓުއަމުރެއްގެ ދަށުން ސާލިމް ހައްޔަރުކުރީ އެމައުލޫމާތުގެ މައްޗަށް ބިނާކޮށެވެ.
އެ ރަށު ޕްރީސް ސްކޫލްގެ ގޯތިތެރޭގައި ދެ ނިކަގަސް ހުރި ސަރަހައްދު ފުލުހުން ވަނީ ބަލާފައެވެ. އެ ސްކޫލް ހުންނަނީ، މަހުމޫދުގެ މަރާ ގުޅިގެން ހައްޔަރު ކުރި ސާލިމް ދިރިއުޅެމުންދިޔަ ގޭގެ ފުރަގަހަށްވާ ގޮތަށެވެ. މަހުމޫދު ގެއްލުނުއިރު އޭނާގެ އަތުގައި ހުރި ބައެއް ތަކެތި އަދިވެސް ނުފެނެއެވެ. އޭގެ ތެރޭގައި އޭނާގެ ވޮލެޓާއި، އަތުގައި އަޅައިފައި އޮތް ރަން ޕްލޭޓު ގަޑިއާއި، އޭނާ އަރައިގެން ހުރި ފައިވާނުގެ އިތުރުން އޭނާ ގެންގުޅުނު ގުދަނުގެ ތަޅުދަނޑި ވެސް ހިމެނެެއެެވެ.
ކިޔުންތެރިންގެ ހިޔާލު